靚靚 不一樣的車仔麵

營業中

休息中

今日黎食個靓靓既車仔麵。見到出邊好多人排隊買野。但重來都無入過去食，於是今日決定入去試試。鋪頭入邊原來都大，可以坐低食，好舒服。坐低就即刻叫左個混醬腸粉暖一暖個胃先。傳統香港野食。甜醬豉油麻醬加埋一齊，加芝麻。簡簡單單，但係就係好過癮，永遠都唔會食厭。加埋腸粉彈牙又熱辣辣。所以越食越開胃。之後再叫個車仔麵。沙爹湯底。沙爹醬好濃郁。仲有好香既蒜味。最鐘意食車仔麵叫河粉。因為河粉本身彈牙。比起其他麵，河粉會再熱啲。係呢個落雨天食好暖笠笠。唐生菜又夠健康。照燒肥牛又肥又香。鐘意佢個孜然粉令肥牛更加提升到另一個層次。加埋係車仔麵度食。好熱味。之後再叫多個鹿兒島豬軟骨。半客既豬軟骨。食到好大塊同埋好多豬軟骨。份量多，夠豪。豬軟骨煮得好軟。入曬味。豬軟骨又係自己加埋落去車仔麵度。好豐富同埋味道真係好好。呢間車仔麵真係好多唔同野食。小菜同材料都好好味，又抵食。下次再黎。

今日去科學館看鐘錶展覽， 看完後，感到有點肚餓， 經過一間靚靚不一樣的車仔麵， 門外有很多一串串的特色小食， 如：黑毛豬叉燒、 墨魚煎餅 、土匪雞球 、 煎釀四寶， 紅燒花膠、燒賣、粉果、魚蛋、連雞蛋仔都有 ，裏面還有一些我想吃的套餐, 就坐下試試吧！ 我首先叫了一個海南雞套餐， 包 一碟海南雞 ，一碗雞油飯， 一碟 蠔油白菜 和一杯 雪耳紅棗杏仁茶 （不用另加錢）， 我另外叫了這裏最受歡迎的黑毛豬叉燒 ，還有 一串墨魚鬚， 這碟海南雞全都是髀和翼都是最靚的部分 ,配上海南雞醬， 味道不錯， 而 那串 黑毛豬叉燒 的確很入味，肉質很爽脆， 難怪是這裏最受歡迎的食物， 而那串橙色的 墨魚鬚 ，加上 芥辣和甜醬 ，真有點 童年時食街邊檔 ，懷舊的感覺， 這裏還有很多特色的小食， 可惜點了三樣，肚子已滿了， 不能再裝得下了， 等下次有機會再來幫襯吧！

尖沙咀的食店，應該係九龍區中最多的區份，屹立於區內一段時間，必定有返咁上下。靚靚車仔麵肯定是其中一員。 原因無他，車仔麵從來都是貴價的東西，但這裡把這個特點發揮得淋漓盡致。把車仔麵變成分子料理，我想沒有幾多間可以做得到。最重要係呢度好方便，特別係去紅館睇演唱會的時候，這裡絕對成為很多歌迷開飯的天堂。就好似今晚喺理工大學睇完戲，這裡就是成為我們一家人的開飯地點。我們三個人都吃了車仔麵，最普通的餸，魚蛋、豬皮、蘿蔔、雞翼，還有黑松露菇類，不錯的麵質，無論油面、烏冬，都幾好。爸爸叫的土匪雞翼煎蛋飯，都幾美味，不過略嫌土匪味道不夠，譚仔的土匪兇猛得多。價錢還是不太便宜，看看後面的男人一個人吃都要$100，絕對是高消費。但地點一流，服務尚可，而且方便，怪不得依然這樣多客人，能夠在尖東屹立不倒。

今晚買左飛睇艾粒,趁早早就去火車站橋底搵野食先!老公話想食車仔麵於是就入左呢間靚靚~平時只試過係鋪出面買串燒外賣,都係頭一次堂食!原來入面都唔少位喎!拎起餐紙就即刻揀野食,呢度既收費係逐樣計既,湯,麵,餸都各有價錢,按自己喜好自由選擇。今日我做健康派,一眼就見到"無味精"三個字,因為好怕食完車仔麵喉嚨好乾好咸既感覺所以見到瑤柱濃湯底仲要無味精即刻剔😂麵就選幼麵,餸就清清地揀左冬菇金菇同百分百牛丸。我碗麵黎先~好大碗!麵底我諗最少有2個!個湯底好清甜,我未試過食車仔麵會筆湯飲!但呢個真係飲多兩啖都唔涸喉!D菇菇索哂d湯既味~牛丸夠彈牙成碗麵感覺好清甜好健康!仲好飽肚!老公係邪惡派,要左個重慶麻酸辣湯底,麵揀油麵,餸揀左滷水豬大腸,另外叫左三個小食,黑毛豬串燒,九轉豬大腸(係!有人真係好鍾情於豬大腸)同埋煎墨魚餅。我地兩碗麵簡直係天使同魔鬼咁😂佢呢碗滿佈豬大腸仲紅卜卜咁!我食唔到咁辣就冇試,但身為譚仔頭號粉絲既老公既comment竟然係話好食過譚仔!佢話個湯底辣得黎又有酸菜又有花生,所以香得黎又有唔同味道兼夾有口感,豬大腸又滷得入味,所以成碗麵3分鐘內已ko哂!之後到小食~呢個黑毛豬串燒我

個日同朋友行街去開尖沙咀，行到去尖東個頭見到一排都好多野食選擇，見到呢間靚靚車仔麵咁多人排除，於是就決定入去試下，因為都幾多人係門口等，所以我地都係要門口排隊等大約10分鐘，佢有2個門口，一邊主要係賣小食，一邊就係等入去當食，叫車仔麵就一定架啦，湯底味好濃，即使係清湯都唔會覺得淡口，另外我地叫左佢好出名既九轉豬大腸，係用佢地既特色秘製醬汁去整，非常入味，仲有配個茄子都好入味，唔會好硬，而且佢有好多唔同種類既飲品，係平時出面冇得飲，例如薏米豆漿，加左薏米既味道，又特別甜啲，值得一試

是日係紅日於是就同屋企人去尖沙咀個邊行下街，之前成日去科學館個啲都經過，但冇真係入去坐低食因為見到經常都好多人排隊，今日又經過就決定試下啦，呢間鋪頭細細間，入面好多遊客食，一開始都排左一陣隊先有位坐，佢係一張紙你自己tick想食咩，枱有櫃桶有曬餐具個啲幾方便，我地太肚餓叫左好多野食，首先啲餸好多都寫明分開上，食野個陣唔會就咁溝曬落碗車仔麵到，好似腐乳通菜咁，平時車仔麵檔冇呢啲餸叫，而且通菜好味，我叫左個豬皮河粉，河粉夠淋，而且豬皮清得好乾淨冇毛，配個咖啡湯底非常入味，另外仲叫左咖哩魷魚魚皮餃幼麵，不得不讚個幼麵非常爽口，手打果然唔同啲，魷魚都係！叫左三餸以上會送杯熱意米水，甜甜地，啱晒個車仔麵，另外我地都叫左杯凍意米豆漿，幾特別，但豆漿味可以再重啲，總括而言非常值得一試！

食車仔麵最緊要係配料選擇多，湯底天然冇味精。尼間餐廳除左售賣香港地道街頭小食外，仲可以堂食車仔麵及小食。而且餐廳強調冇味精，要食食物既原味。晚市6點左右到，已經好多人食緊大大碗車仔麵。叫左黑松露羽一拉麵($26)，酒槽豆腐($13)，墨魚前餅($18)。另一碗叫左韓國純紅薯粉($20)，配瑤柱清湯，黑毛豬叉燒($26)，奇異果龍珠甜酸齋($12)。熱雪耳紅棗茶($11)，熱腐竹薏米豆漿($11)。入到餐廳侍應即刻俾紙落order，配料選擇花多眼亂，仲有唔少招牌小食。拉麵爽口冇煮過軟，而且一上枱就聞到好香既黑松露味。仲有一塊紅紅地既炸片，幾得意。薯粉份量超多，湯底揀左瑤柱，味道濃郁，一d都唔油膩，清甜好飲。如果食得辣既話，薯粉吸哂辣湯會更好味。小食另上，可以同朋友share食。黑毛豬叉燒肉質結實，而且仲帶有少少軟軟地既骨(?)，口感豐富。加上燒得入味，蜜汁夠，一流。墨魚煎餅外皮脆，而且食到粒粒墨魚肉，淋上豉油，就咁食到已經好好味。尼款奇異果龍珠甜酸齋比較少見，除左有酸齋，仲有幾粒爆爆珠。甜酸齋有大約7件，入味，唔會過酸，而且就算食齋人士都可以叫。爆爆珠係奇異果味，爆開之後，同酸齋一齊食，

放工去尖沙咀買野，行到新文華中心，心裡還想著一個人食乜，就見到不一樣的車仔麵，自小就喜愛車仔麵的我立刻入座食晚餐。麵底：幼麵皇餸：茶香豬紅、沙茶豬皮、咖哩魷魚、百分百牛丸、九轉大腸湯底要了沙嗲味咖哩魷魚：濃濃的咖哩醬汁包住爽口的魷魚，咖哩香濃不太辣。九轉大腸炆煮得好入味，乾淨沒有異味。豬皮和豬紅吸收左湯汁的味道，十分惹味，豬皮爽口，豬紅嫩滑。百分百牛丸彈牙，有牛肉香味。幼麵皇彈牙，掛湯後食十分美味！可樂

舊陣(10年前)返學貪佢夠方便趕assignment趕到個腦實哂咪同d同學去靚靚車仔麵食下野而家間唔時都會再嚟食下但每次食都係同1個感覺 : 又加左價我明白而個地方 係旅客區(喼神佔9成9)所以我支持你地加價由左至右左1:酒糟豆腐 炸豆腐配南乳醬 唔錯左後:麻青蓮藕 配 芝麻醬 少少辣 蓮藕爽酸齋 配d青色珠 (坦白講我次次唔食)酸齋都係脆口 味道岩岩好鹿兒島豬軟骨(無論香港點變 價錢會變 但豬軟骨無變都係甘好食)右1:花膠時菜 (超級好味 真心入味)閒時叫3餸加麵有特飲送岩就揀埋啦非常受旅客😂歡迎

<尖東多元化車仔麵>🍜呢間喺尖東既靚靚車仔麵 今次第二次食 第一次係兩三年前新開嗰時 依俙記得佢味道唔錯 好多款既車仔麵料選💪🏻事隔兩年 仲多左野食 好似海南雞飯 炒麵雞扒飯都會有 😂既然之前食左車仔麵 今次就點下佢 d飯餐😍 🍴土匪雞煎蛋飯餐 53 蚊🍚以53 蚊黎講都算好足料 有雞 煎蛋飯 白菜 or生菜 加22 蚊仲有紅燒花膠扒😍雞既土匪汁比較濕同甜 帶 d洋葱香 雞肉應該係接近雞柳位 煙靭度適中 🐥 要黎撈飯唔錯 飯大大碗 煎蛋整爛表面 半溶既蛋汁 撈飯 正🥚🍚 加22 蚊既花膠扒都落足料算幾大件 煮得幾軟淋 醬汁香甜入味 抵食大件 正！ 😍🍴碗仔翅 24 蚊🍲大碗碗仔翅 佢既豬肉絲好多 🐷醃得偏香咸味 粉絲係比較粗身 再加上冬菇同木耳碎 食落好有口感 🍄加入適類胡椒粉同醋就好滿足#車仔麵 #碗仔翅 #雞扒 #土匪雞 #花膠 #煎蛋Score 平均分 <7.2/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服

不一樣的車仔麵 係一間位於尖沙咀既車仔麵店話不一樣咁有咩咁唔同呢, 就係佢地將好多經典既車仔 麵 餸 小食, 升級左全部麵都係手打既, 幾煙韌, 好滿意長度，湯底無味精金牌八喜麵 招牌餸係曬入面 另外亦可以自選唔同湯底 麵底 餸多款小食!!! 最鐘意 極品午餐肉 鹿兒島豬軟骨 口水雞中翼口水雞中翼 涼菜 脂肪層厚但爽而不膩 ，醬汁微麻辣 麻醬同辣油 好。好。食。鹿兒島豬軟骨 入味 腍, 醬汁應該係自創 偏甜 都唔錯，醬汁加深顏色會更美觀，可以考慮上碟時擺少d 汁 外觀會更好 睇落亦會更多墨魚煎餅 味道唔錯 好香 不過外皮唔夠脆極品午餐肉 都係好香 外微脆 鹹度剛好 肉含量高 有嚼勁*大家知唔知道 其實午餐肉成分澱粉沾一大部分呢*黑松露煎蛋 真黑松露醬 蛋本身無咩味金蒜肉腸 麻麻啦 肉質蕖 幾香既照燒肥牛肉 肉係唔錯既 肥瘦一半 亦無煮得太老，佢地應該係白烚牛肉再淋醬，同樣呢個醬都係自制既 但唔夾個牛肉 因為偏甜飲品正 -- 落料足, 真材實料腐竹薏米豆漿 濃, 多薏米胎菊花杞子茶 多菊花同杞子 甜度剛好

晚餐黎依度食餐牌個湯底真係好一般好油米線質地唔會太硬或太淋依個墨魚餅係好食 但唔值咁貴😰普通魚蛋凍胎菊杞子茶 跟餐加$8味道同菊花茶一樣🤷🏻‍♀️好在係有d杞子食下店內環境 唔算好乾淨成餐真係好貴。。

食一種態度食一種堅持✊食一份心意店內標明餐廳對品質的堅持1）絕不加味精2）用過濾淨水3）無公害蔬菜4）嚴選加拿大🇨🇦芥花籽油真心推介：九轉茄子肉餐廳獨有的菜式，味道豐富有層次

食過呢間車仔麵檔好幾次， 每次去親都幾滿意， 所以琴晚經過呢度附近時，又忍唔住入去食個dinner😊呢間餐廳d車仔面有好多唔同款式既餸可以揀，不過甘岩我呢排病咗，唯有食得食淡d, 今次叫咗一碗韓國純紅薯粉，配唐生菜魚皮餃同埋鮮冬菇， 第一次試食韓國紅薯粉有煙煙韌韌嘅感覺， 我幾鍾意佢嘅口感😋 其他食材都好新鮮， 分量好足料😍哈哈，雖然病咗， 但呢碗車仔麵都令我幾有胃口食野😍 呢度叫車仔麵如果有三款餸或以上仲會送一杯嘢飲:胎菊杞子蜜， 好清甜同埋我都幾鍾意呢間餐廳嘅湯底，因為佢寫明係唔用味精😍 湯底冇用味精但係都好入味👍👍另外， 呢間餐廳啲店員，我嚟過幾次都覺得佢哋好nice， 整體上我都幾滿意呢間餐廳👍👍我見餐廳出面佢都有賣好多唔同嘅小食， 下次一於去試下先😍😍

話說睇演唱會前要醫醫肚，由紅磡站行去尖東先多野食選擇，男朋友帶我黎呢間話好食既車仔麵，一見口水雞我口腔脷底不停流口水🤤作為無辣不歡的我，超中意食口水雞，另外都簡左我至愛既紅腸同魚皮餃，又試左男朋友叫既豬軟骨都一試覺得不錯！