靠得住粥麵小館 (Citylink)

營業中

休息中

又來試下最基本的粥和麵，午餐時候排隊等位，被安排坐在bar枱位置，真的每寸地方都用盡。午巿的餐牌滑仔牛肉粥，粥底不是綿綿的，感覺是先磨碎米粒，再煑。牛肉片醃得過咸，粥底也調味得過咸。雲吞麵，湯底好像沒有靈魂，嚐不到有大地魚獨有的香味，麵爽，但屬一般貨式；雲吞反而做得好，5粒雲吞，爽口彈牙，咬開見到蝦、木耳、豬肉碎饀料分明。粥麵餐配了紅油水餃，有3隻，碟底有蒜泥和辣油。水餃做得好，皮薄饀靚！再配了唐生菜，只有一小棵份量，$23，貴得驚人！被指定必要的"蘋果茶"！

呢間唯一我認為食得過的是下午茶，其他時段價錢略為不值。 先講好既係夠熱，係沙田入面粥麵檔好少，其實湯都咸既，但沙田黎講，算可接受。 入去坐低記得同佢講唔要茶，唔係就多謝3蚊位。 始終沙田連城貴租，全層都無一間坐得舒服。呢間服務員我當日都見到有改善，之前餐廳一半無人坐，佢都硬要單丁坐晒兩人枱。唔知而家係人既問題定係受影響，食客同伙記都鐘意大聲傾計，令到自己好似係街市中央食野咁。不過佢下午茶以40蚊黎講都好飽。

天氣凍 晚上有時想吃得輕型點，夜粥配小菜會係其中一個選擇。凍冰冰既天氣 吃點暖笠笠既熱品真係好溫暖呢。靠得住 真係靠得住，最近愛上吃粥。粥品軟綿綿 配上魚片既鮮甜；加上碎牛既牛肉味，清淡不失鮮味呢。而點選既杏汁豬肺湯🐽，杏汁味好香 奶白色既湯頭真係好好飲呢。小菜既口水雞亦很滑🐥，配上炸香花生`芽菜底 不同既口感夾搭住，朋友很愛吃雞呢。最後既蒜蓉蒸海蝦🦐，呢味菜最愛吃粉絲。所有蝦既鮮甜味`生熟蒜蓉既惹味 通通都落晒粉絲其中，真的好好吃。識食一定係食粉絲呢。😋🍴

來到沙田見到有 首間粥店榮獲「米之蓮必比登推介」及連續7年「米芝蓮推介食肆」的「靠得往」當然要去試試。大約是下午4時40分 正直下午茶時間，當然是叫下午茶啦，想叫新鮮魚片粥，沒有！ 那原條泥鯭粥啦 又沒有！油菜想要芥蘭 又沒有 ！ 銀牙炒面 又賣哂！又不是下午茶的末段尾聲，為什麼那麼多食物都欠奉。最後要了細蓉雲吞麵(三粒）配混醬腸粉，雲吞麵的湯底ok 有大地魚香味，麵好爽，但雲吞就一般。腸粉就麻麻啦，沒有軟滑的感覺，好堅挺不容易掉那種。另一套餐吃 荔灣艇仔粥，粥身都綿，餡料有魚片，肉絲，豬皮，脆花生等，這個也不錯，可以的。下午茶時段顧客很多，但只有一位服務員工作，忙到她一頭煙，但她服務態度都非常好，奈何顧客便要多等一些時間。

有些人總愛盲目追捧米芝連餐廳，但其實味道是很個人主觀，評審者的口味並不代表我。以今次這間「靠得住」為例，看見門口貼著米芝連貼紙，再望望菜單，主打粥麵，亦有小菜燉湯，價錢中規中矩，於是抱著一試無防的心態入內光顧。兩個人就點了兩份餐，分別是蒜蓉粉絲蒸開邊蝦及砂窩雲吞雞。說是套餐，其實只是多一碗白飯而已；而且我們後來發覺菜譜內的單點食物比套餐平$10，換言之我們是多付$10買一碗白飯。今晚點的菜對我來說只是不過不失，並不是什麼驚喜之作。蒜容粉絲開邊蝦尙算入味，蝦肉質地不差，整體合格。砂碢雲呑雞煲倒有點令人失望。整體份量較少，雲吞一般是用上海雲吞，而這裡是用廣東鮮蝦雲吞，味道感覺不太夾，雲吞皮的梘水味很奇怪。

星期五的晩飯黃金時段，再次來到沙田＂連城廣場＂，用心挑選餐廳去用膳，走到商場的盡頭，發現了一間＂法國知名書藉＂也推薦的餐廳…一如預料，餐廳已經滿座了，等待了十分鐘，一位配戴眼鏡的男店員以＂指令式＂的口吻示意可以入座。我便跟上前，離遠只見一張杯盤狼藉的桌子，此時他態度傲慢，反問我＂幾多位＂，之後一聲不響的轉身清理桌子，我無奈的站著待他清理完畢了，他亦只是板著臉孔看著我（其間我先後兩次告知人數），並沒有即時安排我坐下，這點令我不明所以。直至一位女店員把另一張桌子清理好，我才得以順利坐下。我點選了＂皮蛋瘦肉粥＂，配小食＂銀芽炒麵＂，另外加了特色小食＂紅油水餃＂。皮蛋瘦肉粥＄40，先吃一口粥，質感軟綿，味道芳香，偏向清淡，不用加胡椒粉之類的調味，已經夠味，而且吃得出沒有添加味精；豬肉鬆化，用匙羹一壓就散開，輕易咀嚼；皮蛋沒有刺鼻的鹼味，味道不俗。銀芽炒麵（跟餐）＄16吃一口炒麵，沒有很重的鹹味，只添加了少量的醬油去炒，均勻沾上每條麵條，炒麵炒得乾身，簡單樸實，質高味美。夾起幾條銀芽，看到短短，是經過挑選的，把過老的部份去掉，非常爽脆。紅油水餃＄19，入口先是陣陣的孜然味，隨後是微辣，味道很驚喜

今日lunch 一個人，無人陪食飯，又悶悶熱熱。走到沙田最多人的一個 shopping mall, 見到一個米之蓮標誌，咦!有咩好嘢食呢？粥品?炒粉麵飯?雲吞麵?米之蓮?真係好想入去試吓。雖然要排隊等位，有人龍，其實好簡單，證明了一件事，呢間嘢一定得。等了約十分鐘，可以入座了。我點了一個咸肉糉和一碗雞粥。隻咸肉糉size 不大不小，糉內有一隻咸蛋王，有咸肉，綠豆充足，十分飽肚。至於碗雞粥，不過不失。粥底夠綿滑，但不算多米，雞肉嫰滑，有鮮雞味。我最欣賞是那壺蘋果茶，味道香濃，在炎炎的夏天，好解渴。整體來說，七十幾元可以嚐到米之蓮菜式，滿足矣!

是日躁底，為左應付麻_煩既呀媽同老豆，返沙田食野，基本上沙田係美食沙漠，乜_都無，有都貴。係老母就淨係鍾意食中國野，是日食左老母最日日都要食既雞，芽菜雞(芽菜細細條幾好味，但雞無乜雞味,好急凍個隻味)，原條魚浸時蔬(魚有炸過所以浸住水都唔會散開，無乜藥味，正常)，正常鼓油雞翼，心肝寶貝粥(幾樣之中最正係粥，keep到第一次黎個陣既水準，啲豬肝夠滑夠彈，唔會好"hai".都會繼續黎食既，未俾其他餐廳取代之前。。。

沙田每逢假日都人來人往，連城廣場那邊連不記得是大家樂還是大快活也排隊買東西吃，排到出電梯口⋯⋯更何況是上一層的食店區？本來想吃點中價位的食店，可惜的是人實在太多，我又很肚餓，唯有吃這家門口沒什麼人，不用等位的餐廳用膳了。什麼都沒說，待應拿了蘋果紅茶給我，但是原來要加$3，還好我未有飲過，可以取消。實在太古惑了！我不喜歡不老實的餐館！而主菜我點了梅菜扣肉菜飯，扣肉份量只有4至5塊，低下一大堆梅菜，吃完也沒有有滿足感。除了是因為份量少，也是因為梅菜太油，像是食物工場預製的食物（不然梅菜不會全都是油），不值$69的一餐喔！

靠得住。灣仔總店已經拎了米芝蓮車胎人平民推介好多年。雖然而家轉左俾太興集團其下。但我食過幾次其他分店都真系靠得住既。質素有保証。食物仲好過太興。今次lunch time時間沙田店。牛腩面。牛腩同牛筋都又淋又香吾嚡口。好入味。湯濃郁有陳皮。面質爽口。豬手面。豬手只有兩舊。都大舊。吾系得層皮。有肉手。炆得淋。汁好香同入味。餐配小食。芽菜雞。只有5件。吾肥。滑身。好小小沙薑。好香麻油味。墊底芽菜選用靚料。粗身肥芽菜。好小見。又索汁。咸淡適中。另一小食。炸雲吞。4小粒。雖然細粒。但即炸熱辣辣。好脆卜卜。蝦肉新鮮爽口。仲有撈埋大地魚粉味。好食。店內有茶$。加一。係蜜桃紅茶包。員工服務態度好。有禮貌。環境ok。經過都会再去食下👍🍜😋

大約2年前隨便進入此食店，不是下午茶時間，兩人坐四座位卡位，感覺舒適，寧靜，第一次接觸靠得住呢間品牌，（好大鄉里啊）讚口不絕！雲吞麵爽口彈牙，雞粥又香又綿，我仲同人講沙田雞粥係零舍唔同。隔了一排又再去，人多了，冇咁好彩坐4座位，都算啦，招呼奇差，好彩混醬腸粉好好食，但麵不再彈牙了。試咗幾次都沒有良好感覺，以為只是習慣了所以冇乜驚喜。昨天，如無意外，應該是同佢講拜拜的一次了，坐位，不太多人也不肯讓你坐得舒適些，派坐的枱面亦已經有壼茶了，又唔講呢壼茶是否新冲的或是我的，叫了雞粥及碎牛粥，初時碎牛粥來了皮蛋瘦肉粥，換過只是幾粒牛肉，差不多冇料，雞肉，三件又嚡又冇昩的難胸肉，算了，最慘係粥底一嚿嚿粉漿，唔知自己食緊乜。以前，混醬腸粉有調好好味的醬在上面，而家白雪雪，佢叫你自己落醬，可能有些人不喜歡醬吧！我自己落極都不以從前。食唔晒都走了，收錢的大叔仍黑口黑面，怕怕！

溫書溫到餓，在假日時間，在沙田想找到不用等位餐廳確是很難，難得見到靠得住唔洗等位，立即講：一位呀唔該～一個人食飯，有心理準備要搭檯坐，我當然無例外。這間餐廳第一次品嚐，我有慣例，必食寫招牌的菜式，今日就試試它的招牌雲吞麵。米芝蓮推介，我抱有相當大的期望，想著外貎平平無奇，應該食落口會嘩一聲！可惜，真是可惜，這是大錯特錯的想法。這只是一碗貴價些的雲吞麵，本人愛好小店雲吞麵多，雖不是味道不好，但不覺有驚喜。重點，食完不覺有飽意。仲會收茶錢，要飲多杯茶。

不知所謂既餐廳！一早全場得個1,2枱客，11:10落單，竟然可以11:30都未黎食物，同個侍應講，就咁叫我地等下，然後幾個侍應來回4,5次問我地爭d咩！然後對住個廚房先話「仲未整？仲未整？」催左勁多次，最後11:45先黎齊d野食！搞到得5分鐘食一個飯！成班侍應自己都唔知自己做緊乜！個個好似問佢野會死咁！米之蓮大晒呀？基本服務都做唔好！仲要學人收加一？！咁大間集團教下d staffs點做野啦！垃圾餐廳！

lunch同朋友搵嘢食，嚟到呢間靠得住，叫咗幾個lunch set見佢出面寫話米芝蓮，應該味道質素都有咁上下保證首先有人幫你斟茶，係有淡淡蘋果香嘅茶，幾清新但係當第二次想搵人refill啲熱水嘅時候，啲店員都好忙，就等咗陣朋友叫咗滷水雞翼菜飯，有三隻大大隻嘅雞翼同兩大舊花菇我就叫咗個水晶雞菜飯同其他菜飯唔一樣，呢個雞飯係放係個鐵兜入面，可能較保溫雞上面已經淋有薑油，雞就係胸肉，雞皮較厚，黃油都幾多食落肉質雖然滑，味道都幾鮮味，但係味精甚重，食完個口極乾涸

很少中午自己一人去沙田，諗住有大半小時的吃飯時間，周圍逛逛，發現了這間標榜米芝連食店入座餐廳只有半滿，我一人要和人搭枱，但不知是否搭枱關係，總是注意不到我，點菜也要等叫幾次先有人下單，點了魚腩肉丸粥及炒麵等了十多分鐘不太對路，店內都開始滿座，問侍應只是說出單了，做緊，最後等了廿多分鐘，忍不住大聲叫侍應追問廚房，未落單要走了，先俾碟炒麵食，原來廚房真的無單食完大半炒麵先出粥，碗粥好新鮮滾熱辣，想急都急不來。最後只好未吃完便趕著走味道需好尤是炒麵，不知是否太肚餓，但侍應服務真心差，落單漏單，追單都只口說出緊，但無查單，要大聲先得，人同人的相處真的要靠不禮貌先行