韓二妹

營業中

休息中

約咗好友喺銅鑼灣食tea， 走的時候途經一棟舊式大廈， 在較隱蔽嘅角落，發現這間售賣韓式小食店舖 「韓二妹」。每幅牆身也有手繪貓咪的圖案， 顏色鮮豔， 充滿童話feel， 和周圍嘅環境形成強烈對比。四周都掛滿貓星人嘅裝飾🐱🐱～～ 餐廳主打各種自家製韓式無味精小食， 好似幾啱食，一於再買啲外賣返屋企當晚餐～韓式泡菜炒飯材料好豐富， 貓咪頭造型嘅半熟荷包蛋好別緻， 底層還有芝士。 韓國餐肉，腸仔，泡菜， 甘筍粒， 炒飯粒粒分明 ，一啲都唔油膩， 微微辣，越食越開胃嗰種～大醬湯住家式自家炮製， 不加味精。 好有豆香， 有不少沉澱物，可見用料豐富。 還有兩件韓式年糕， 煙煙靭靭，充滿米香， 也有韓國魚糕， 落足心機非常美味。無冰奶茶特製嘅包裝袋， 方便攜帶！味道拍得住茶餐廳～ 茶底甘香， 唔會太甜， 比一般港式奶茶多了一份鮮奶香。不知是哪間店舖的貓咪～ 附近路過嘅人好似同佢好熟甘～～誠意小店，食物出品很有心思而且味道唔錯。

今日姐姐生日，一早問左姐姐想食咩？佢話韓國🇰🇷菜，所以帶佢去一間隱世好味既韓國🇰🇷菜度食生日飯😚😚😚食韓國🇰🇷野，小朋友必食紫菜包飯😍😍紫菜包飯，好足料👍🏻👍🏻兩位小朋友仲食左兩條tim 😚😚😚牛肉拌飯+ 特製醬汁每一啖都加埋配菜食😋😋好食到停唔到口👍🏻👍🏻👍🏻滑蛋鰻魚飯仲要係全條鰻魚上，抵食度💯💯💯每一啖都要鰻魚加滑蛋一齊食🥰🥰🥰鰻魚....無得輸，好好味😋最後，點都要叫個炸雞🍗食即叫即炸，熱辣辣，香噴噴！外脆入軟，裏面既雞肉好滑，好juice 👍🏻👍🏻👍🏻😍😍同場加映舖頭猫猫好可愛😍😍好得意💯💯💯好想捉返屋企😚😚😚

放假經過禮信大廈, 發現以貓貓做主題既韓式小店，店內有以貓為題的塗鴉，十分有趣同漂亮，打卡一流。 而且隱世小店性價比十分高，所以我買咗即叫即製既牛肉紫菜包飯加韓式辣醬返屋企食，材料新鮮好味，下次經過必定再光顧，因為想試韓式水冷麵!

而家喺銅鑼灣返工 所以都會搵定唔同餐廳去食lunch 今次就畀我發掘到呢間隱世小店！去之前睇咗媒體報道 見到店鋪麻雀雖小 但唔止五臟俱全 仲有好多打卡位 所以去之前已經勁期待!「🐱貓…全部都係貓🐱」呢個係我對餐廳嘅諗法 未入到去 已經畀牆上面嘅超大幅貓貓畫吸引住啦 實在畫得太靚啦！唔單止啊 餐廳入面都放滿可愛到爆嘅貓貓擺設 雖然見唔到貓店長 但都已經滿足到加零一😍😍講返嘢食先 我食咗豚肉拌飯套餐（包一杯紙包飲品） 隻蛋🍳切成花花形狀 (我一度以為係貓掌形) 超級得意😍豚肉同埋其他配料:蘿蔔絲、青瓜絲、芽菜都好好食 佢哋嘅辣醬仲要係自家製添 正啊!

朋友開的韓國餐廳 當然要支持!!!位於希雲街大廈裏面 小店雖麻雀小但五臟俱全店裏全部都佈滿貓咪相 還有可以打卡的手繪貓貓牆重點係有店長🐷仔包坐鎮！！！真係好得意 任摸唔嬲🥺.♫牛肉紫菜包飯 ($43)即叫即製的紫菜包飯～有八大舊 下午茶飯啱啱好飯量唔會好厚一圈 反而餡料好足料！加上店主自己秘製的辣醬 清淡得唔又帶點惹味個醬真係好好食～帶微微甜辣又唔會太濃🤤♬韓式牛肉伴飯 ($48)呢個價錢仲包飲品真係勁抵食！！！有蘿蔔絲、芽菜、菇、花型蛋等等都好足料牛肉份量多之餘又厚身~撈埋辣醬好好食 個醬唔似平時個啲咁濃好啱我口味 好鐘意個醬🤤完全是午餐平價之選～

An affordable light lunch Definitely need to add the spicy sauce If not the rice is plain and other ingredients are also simply boiled without flavourIt’s good if you want something to fill up your stomach and won’t cost you a lot of moneyBut if you are looking for qualityThis may not be a place to go for

疫情期間屋企無煮飯，就叫外賣番屋企食啦！去了 #韓二妹 買外賣做晚餐🥣餐廳是主打韓式便當🍱、小食；而餐廳的牆身以插畫全人手繪畫，是店主以兩隻貓貓做主題，相當可愛🐈 🐈 🐈黑椒薯仔牛柳粒飯店主黑椒汁是自家製無味精的👍🏻薯仔烤過先上汁，令到薯仔皮外脆內軟感覺，而牛柳粒很林很入味，配上黑椒汁去炒黑椒味都好重而且香口，食落去岩岩好👍🏻兩款自選撈丁撈麵是用出前一丁整的麵質軟硬適中，店主以自家秘製醬撈麵，味道帶有乾蒜的味道，相當惹味唔會好鹹，而配料方面選擇了腸仔和煎蛋🍳

韓二妹主打健康無味精嘅韓式料理！餐廳食物選擇有韓式拌飯、紫菜包飯、炸雞等，而且價錢大眾化，想食韓國菜又多一個選擇啦！店舖內嘅牆壁畫上可愛嘅貓咪及餐廳嘅食物，好有心思！黑椒薯仔牛柳粒飯 $52黑椒汁係自家製，無味精，而且黑椒味非常突出，夠香夠辣！用嚟撈飯一流！牛柳粒軟淋而且juice ，yummy!紫菜包飯 （餐肉）$39紫菜包飯嘅餡料豐富，包括有餐肉、煎蛋、芝士、青瓜及黃瓜！再點少少餐廳自家製韓式辣醬，更滋味！

早排去左銅鑼灣食嘢，見到禮信大廈開左間韓式餐廳，裝修都幾別緻就入左去食野。Order左個牛肉拌飯+泡菜 四五十蚊種包一包紙包飲品個飯一上枱就見到超大兜，種要有隻好QQ兔仔形狀嘅荷包蛋，見到就好開胃(每次荷包蛋形狀都唔同架)聽個名以為牛肉拌飯實覺得好多醬啲牛肉會好肥膩先會夠入味好食，但係呢個拌飯掉番轉。成個飯好五顏六色，因為配菜份量好多超健康，啲牛肉係老闆娘用鐵板燒炒，而且一啲都唔肥唔油但又好入味，食落啖啖肉好好咬！另外個配飯甜辣醬都係老闆娘自家製，甜度唔會好高可以中和到個辣味但係又唔會遮曬辣味，加埋荷包蛋一齊撈飯，一流～額外加左$5泡菜，估佢唔到泡菜份量勁多，撈埋落個飯到，成個味道酸酸甜甜超入口！唔好睇以為正係啲配菜多，其實下面啲飯量種多，我自認自己好大食，但係食曬成個都飽到一流，足足飽足6個鐘頭行埋山都未會餓，真心超抵食！老闆娘話種可以嗌多飯，如果嗌多飯真係可以參加大胃王比賽😂 男仔食一定夠飽，女仔就記得要少飯，唔好浪費食物～店鋪細細得幾張吧台，枱面有好多好可愛嘅公仔，有好多貓貓豬豬擺設，邊食邊望住好舒壓。其實佢唔止韓式食物，下午茶時間種有法包貝果，件件好份量好大。見到其他人食炸雞睇

亂，亂，亂， 三個字現在正好 說說現狀， 有人說亂中有序，序中有亂，規矩總是由人們定立出來的 ，宏觀整個世界，每個地方也有自己獨特之處， 這間餐廳位於銅鑼灣，距離銅鑼灣地鐵站路程需要五分鐘左右，十分方便快捷。餐廳主打的食物也就是韓式美食，小店的自家製，我就是最喜愛的， 但這家小店更令我喜出望外的就是店主他們的兩隻小貓 ，沒想到小貓更成為了壁畫的一部分，相信這絕對是一個打卡熱點，作為小貓奴的朋友們，一定也會很喜歡。食物味道方面，還不錯，但令我最喜愛的就是店舖自家調製的醬汁，韓式辣醬。

叫咗一個滑蛋鰻魚飯，點知個鰻魚同個滑蛋都有浸燶味，而且比我見到佢哋煎個豬扒，燶咗，仲想諗住剪走啲燶咗嘅位置，🤦🏻‍♀️衛生個方面，而家係疫情，佢哋就帶住手套，我見到佢哋嘅手套油淋淋，勁唔衛生，$68一啲都唔值！

今日要去銅鑼灣做嘢，收工去希雲街買雞蛋仔食，順便買些外賣回家做晚餐。記得之前睇過食評，話禮信大廈入面新開咗間韓菜料理店「韓二妹」，一於過去八下。餐廳嘅位置雖然有點隱蔽，但其實一點也不難找，可以由希雲街、禮頓道或加路連山道進出，位置四通八達。店舖地方不大，以外賣為主，不過入面亦設有數張高腳檯櫈，以供客人堂食之用。先睇下餐牌，食物選擇都幾多，除了炒飯、拌飯、紫菜包飯和炸雞，另外仲有兩款撈丁、牛角包、意大利包及貝果等供應。點咗豚肉拌飯 ($48) 同 部隊炒飯 ($50)  各一客。部隊炒飯用料都幾豐富，有「部隊鍋」必備的午餐肉、香腸、芝士同爽辣的泡菜，飯面仲放咗隻嬌豔欲滴嘅太陽蛋。米飯加入咗韓式辣醬嚟炒，食落香口又乾身，入口粒粒分明，撈埋啲芝士一齊食，舀起仲有拉絲效果，十分邪惡！另外個豚肉拌飯賣相亦非常吸引，色彩繽紛。豚肉嘅口感唔錯，肥瘦適中，而其他嘅配料就仲有冬菇、大豆芽菜、紅蘿蔔絲同翠肉瓜絲。面頭嘅太陽蛋非常搞鬼，貓貓造型，十分可愛，同餐廳嘅主題非常吻合。下次有機會再嚟，要試下佢哋嘅西式包類。

公司附近新開了間韓國菜快餐店，所以lunch就去買黎試下！快餐店的外牆人手畫了很美的店主貓貓和快餐店的招牌美食壁畫，跟我家的貓貓差不多樣子！餐牌上有拌飯、飯卷、炸雞等美食！早餐三文治也有提供！牛肉拌飯，這款拌飯好足料，包括有蘿蔔絲、青瓜絲、芽菜、肥牛和煎蛋！拌飯的辣醬是他們小店自家製的，所以辣度會更適合香港人的口味！而煎蛋弄成花的形狀，令我不捨得吃下去！紫菜包飯(餐肉) ，紫菜包飯材料豐富，包括有餐肉、煎蛋、青瓜等，本身味道已不錯，再點上他們自家製既辣醬汁，味道更惹味！

呢間餐廳主打韓式便當、小食同西式包點🥐牆身插畫全人手繪畫，以店主嘅兩隻貓貓做主題，非常可愛🐈💗雞肉拌飯($48)雞肉預先炒過，肉質幾嫩滑，不過醃得唔夠入味，雪味好明顯🐔配菜有荳芽、紅蘿蔔絲、冬菇片同翠玉瓜絲，爽脆又健康。拮串燶邊太陽蛋將蛋汁撈落飯🍳甜辣醬係自家製，相對冇咁辣，但略嫌味道較淡🌶💗兩餸自選撈丁($35)出前一丁淥得軟硬適中，以自家秘製醬撈麵🍝味道有d似Indomie，有大量乾蒜幾惹味，唔會過鹹🧄配料揀咗火腿同腸仔🍖底下有少量生菜絲冇咁滯

大家要留意間鋪係喺大廈入面！黑椒汁薯仔牛柳粒飯老闆娘話黑椒汁係自家製，無味精的。食落超香！黑椒味都好重。薯仔焗過先上汁，少少脆皮外脆內軟感覺。牛柳粒好林身，唔會overcook，回頭指數100%！鰻魚炒飯份量超多，我外賣翻屋企，做完運動明明好肚餓都食唔哂😂。鰻魚肉啖啖飯都有，調味適中，唔會搶左鰻魚味。炒飯係韓式，所以無日本鰻魚汁既，但係都超好食！開喺屋企隔泥間就岩哂，我唸我wfh呢段期間都係食佢架喇🥰