韓冰 (已結業)

窗外的一棵大樹，聳立在雪白的大地上，所有樹葉都已經凋落了，剩下的樹枝完全被皚皚白雪所覆蓋 ，配上蔚藍的天空、萬里無雲……在這個美麗、寧靜的環境下，人的心情也格外輕鬆、休閒；而且可以一方面欣賞窗外美景，同時品嚐甜品……就這樣渡過一個輕鬆愉快的下午，忘卻都市的煩憂！以上種種全部都是我的幻想，其實只是銅鑼灣【韓冰】分店內的包廂。包廂採用了玻璃間隔，最引人注目的是牆上這幅以假亂真的照片，而且還刻意加上了幾條仿窗框的設計，更加使人彷似置身一間郊外小屋，窗外是一片冬日下，被白雪覆蓋的草原。另一幅牆上則掛上十二幅圖案，展現在放大鏡下六角形雪花的不同晶體形態。每個周六外出，通常都會嘆個下午茶，多數都係食蛋糕、pastries。這個星期六想找找新意思，去開時代廣場，原來最近半年大熱的韓式甜品店新星【韓冰】，終於移師港島區，在時代廣場開了一間分店，決定走去試一試。位置有點吊詭，不是在 9/F連接食通天的那條自動扶梯走上去；而是在以前Page One 舖位附近，重新改建後所加設的一條自動扶梯引領。這一層姑且叫9/F閣樓，面積極細，只有三個舖位，【韓冰】佔據了其中一間。門口豎立了一大塊紙牌照片，正是主打甜品雪

食完飯行落幾層食番個甜品食...唔該! 一個Oreo 雪花冰... 雪人造型呀! 好過引... 一"筆"來食時Oreo粉趺到成台都係!有D浪費...雪花好幼細, 以前食綿綿冰已覺幼細, 依度更加幼細...整體OK既. 將Oreo磨成曲奇粉加到幼細既冰上，非常好食！

十月在韓國三清洞吃過韓式綠茶紅豆冰後, 一直對韓式冰念念不忘, 特意去韓冰一解思念之情, 整體跟我在韓國吃的味道完全不同, 冰同樣是細綿的, 但奶味較淡, 黃豆粉不夠香, 紅豆更沒有軟綿香口, 比台灣的綿綿冰差吃過便有再去韓國的理由

韓冰開分店了。由海港城開到時代廣場，新店同樣選址大商場，同是位於商場的最高一層，一樣不易找。雖然一邊是大玻璃窗，但不及海港城的落地大玻璃開揚，樓底更是望塵莫及。不過，店面比海港城店更大，座位放得很寬，空間感幾強。裝修亦有特色，以雪花做主題，隨處可見。淺色系配淺木色，柔和、舒適。門口行入去，一邊水吧，一邊是下著雪花的高桌。餐廳頗大，走到盡頭，有間用玻璃間開的房，掛著雪景掛畫，營造非一般的氣氛。餐牌選擇更多。除了招牌的雪花冰，還有年糕、拉麵、餃子、炸雞等。果仁沙冰在釜山的小小咖啡店，亂指了餐牌上的一串韓文，結果來了一杯超好味的沙冰，樣子跟果仁沙冰的圖片如出一徹。果然是那個味道。透心涼的沙冰，融在口裡一陣果仁香。沒想到能重遇那味道，但更喜歡釜山出品較濃和果仁碎沙沙的口感。濟州鮮奶綠茶綠茶粉下得慷慨，綠茶夠濃，還有粉粉的口感。茶味之中，混著淡淡的奶香。可是，略嫌偏甜。山藥汁山藥，亦稱准山，在日本稱作山芋，含豐富的營養價值。有健脾益胃、幫助消化、益肺止咳、預防心血管病等功效。切片，又或是日式的山芋飯，比較常見。磨成汁，還是第一次試。帶淡淡的清甜，又黏又滑，健康又味美。配重味的韓國菜，正好有中和之

在前往食通天時，看見有韓冰的廣告，是新開張的韓式甜品店，相中的韓冰十分吸引。 和朋友在食通天吃過晚飯後，時間尚早，還有很多說話未曾講，一於齊齊落去9/F 食甜品。它的位置在9 square，在9/F totoro 及sugarman 店那邊乗搭電梯即可到逹只要跟著指示即可找到門前有大大個既韓冰卡牌就知道我們找到了^^室內面積頗大, 形做很寬敞的空間感, 而且裝潢很簡單時尚, 很有休閒的感覺基於晚飯過後才來到, 所以未能試試韓式小食, 但看見餐牌上的也很吸引甜品方面, 今次主打韓冰系列, 可惜當日未有綠茶雪花冰, 聽說是用綠茶混合牛奶一齊, 綠茶控一定喜歡!!!!紅豆豆粉雪花冰 $75份量不如門口的擺設那麼大. 我和友人都鬆了一口氣賣相和餐牌上的相片是一致的, 沒有令我失望韓式雪花冰的特色是較幼細, 細細粒粒的,放入口即溶, 只會覺得凍, 但不會有冰的麻痺感覺豆粉很容易黏著牙齒, 吃的時候要比較小心, 不過豆粉很香, 就像吃MOCHI的豆粉一樣要特別一提, 冰中放入脆脆杏仁片及MOCHI, 令原來只是有棉粒感覺更加豐富的口感, 十分細心。藍莓芝士雪花冰 $85若你地都係點選了這2款冰,

得知韓冰起銅鑼灣開左分店咁近我又有限定menu緊係去食下！Set menu SS6 $150 韓色蜜糖炸雞 + 飲品2杯甜甜的炸雞 炸粉唔算厚係已經切開細細塊的雞肉碟上仲有炸左既年糕其實味道是唔錯 但我覺得價錢偏貴我寧願去食番大大件炸雞感覺上開心啲😂而飲品是菠蘿冰水同梅子冰水味道普普通通啦韓式芝士炒年糕 $88 第一次起尖沙咀店食覺得好好味！今次去到銅鑼灣再試覺得 好 失 望炸紫菜粉絲卷都係好食既😗但無論麵/年糕麵煮到過哂火😒勁勁勁勁勁勁勁勁林 冇咬口希望只係因為岩岩開業未掌握得好遲啲會回復水準😔不過韓冰既冰的確係唔錯😌芒果雪花冰 $85 冰依然好幼滑 有牛奶味唔洗驚食完芒果冇哂味😶值得一讚係芒果好甜以後銅鑼灣又陰個地方食甜品了🙋🏻

以前不太喜歡吃冰，覺得淡而無味，但自從試過第一次韓冰後，就愛上了吃冰，他為冰沫下了新的定義！輾轉間，試過不同店舖的韓式冰，終究還是韓冰的最出色、最幼細、最輕薄、最濃香的！這裡除了地方較寬敞舒適，還有分店限定Menu啊！包括炸雞及麵食，都是尖沙咀店沒有的。不過位於時代廣場比軟隱蔽的位置，要乘書店旁的扶手梯才能到達，其他電梯都不能到這邊。這裡不是尖沙咀店的自助式，只要按桌上的鐘，店員就會來為你服務，加一收費就合理得多。上次在尖沙咀店吃芝士炒年糕，辣得我們直冒冷汗，什麼味道都被辣味蓋過。這次卻截然不同！芝士味濃了許多，什至把辣味蓋過，我覺得這樣剛好配合產品的名字，始終它是芝士炒年糕，不是芝士辣炒年糕嘛！至於那年糕，到目前還沒有找到其他地方賣一樣口感的年糕，這裡的比其他彈牙得多，完全沒有粉粉的麵團口感，多吃也不會太滯胃。雪花冰的奶味還是那樣香濃，配着面層及底層的鮮甜芒果，芒果量非常多。吃冰冷到全身都發抖，就再配一杯新出的熱抹茶牛奶，抹茶跟牛奶平衡又和諧，很Warm很滿足！但綠茶沙冰則比較淡。分店限定的炸雞，有蜜糖、甜辣、醬油味可選。我們選了蜜糖，醬汁確是甜蜜惹味，炸雞香脆可口，但略嫌肉不夠厚身

就到Halloween，呢間都換左身萬聖節裝扮周圍都有蜘蛛既痕跡有蜘蛛網呢個夠哂恐怖！連韓冰都唔放過！好啦入番正題講野食先，萬聖節都有出左個新口味萬聖節焦糖果仁雪花冰($88)新口味，有唔同既Nuts同脆脆，比平時食既冰多左層口感，無咁膩，上面淋有糖漿，增加冰既甜味，冰夠奶香蒜芝士燒波($58)佢個樣好似菠蘿包呀，其實係大愛既芝士切開4份吉起其中一舊，一拉，好強既拉扯力，原來係因為入面有年糕，唔怪得咁好拉！味道方面蒜香味幾出，相當唔錯，麵包影完相都仲有微溫，夠軟熟，配埋帶點鹹既蒜香芝士年糕，食完一舊會忍唔住食下一舊！韓式甜辣炸雞($110)想食蜜糖炸雞但賣哂，炸雞一口Size，好方便，唔會太辣，帶有中國風味道，有菠蘿，雖然係炸雞，但因為有個Sauce，食落感覺無咁熱氣，肉雖然係一口size但煮出黎肉質唔會乾，反而仲保留到肉汁，幾驚喜。濟州鮮奶綠茶($33)夠香濃唔會太粉另外後面果杯係薑茶($25)好重薑味，飲飲下會覺得辣，中意飲薑茶就一定會中意飲！

2015嘅夏天就快到尾聲喇，而呢間韓國甜品Cafe就剛剛趕得上係10月中開新店~之前係韓國食過韓冰嘅前身 「Bing」，佢嘅雪花冰絕對係一試愛上啊，番到香港後一直對雪花冰念念不忘。幾個月後終於等到佢係尖沙咀海港城開第一間海外分店喇，現家仲開多間係銅鑼灣時代廣場。韓冰地點有點難搵，地點係時代廣場嘅10樓，但係如果係食通天到搭lift又過唔到去所以跟據我嘅經驗其實有兩個方法一) 係食通天搭lift去10樓先，再搭電梯落番一層，直行見到未開嘅Metro Books，書店後面就會有條電梯，一上去就會見到韓冰嫁喇。(呢個係我嘅去法)(二) 係地下搭長電梯上去2樓，再去搭lift到9樓，出去沿住龍貓共和國行，見到Metro Books，行去書店後面條電梯，上去就會見到韓冰嫁喇。鋪面很空曠，相比起尖沙咀分店，呢到更加似一間餐廳多過Cafe。臨近萬聖節，鋪頭都有好多佈置，最鍾意係佢嗰Logo，佈滿紅色嘅液體，好似血咁。仲有呢隻蜘蛛「冰」，真係好得意啊海港城分店嘅自助形式，仲要收加一服務費，真係超唔得囉 可能佢地知道今時今日咁嘅服務態度係唔得嫁，所以每一張枱角都有一個鐘仔，可以召喚啲侍應黎~~銅鑼分店有

一直都好想試韓冰，但少去尖沙咀，又見好似要排好耐隊咁，所以都打消左念頭！竟然，係我工作嘅地方開左，由於仲未太多人知嘅關係，午餐時間，係完全唔需要排隊！好開心，原來都有lunch Set 供應，可以一次過滿足兩個願望：年糕 + 雪花冰我選的 set 是年糕 （卡邦尼）+ 紅豆雪花冰+ 一杯飲品（罐裝提子汁）$78  portion 適合女士，食完都唔太罪疚感，因為都係迷你 size. 年糕見賣相已很討好！ 醬汁味道十分濃郁，超 like ! 啊！原來有拉麵底，有點意外，因為以為全部都係年糕，由於有左拉麵，年糕份量出奇地少 但由於個拉麵配埋個卡邦尼都好好味，所以就：算啦！另外仲有舊紫菜粉絲卷，又係好味呀！迷你雪花冰，好得意呀！雪花冰好綿細，又紅豆、豆粉、練奶... 沒有不好吃的原因  飲品 menu 已標明係罐裝飲品，但上枱時已倒入玻璃杯加冰，very good! 成件事靚晒！一定一定會再來！下次試辣味年糕！門口放左個正常 size 嘅雪花冰裝飾，好大呀！我估同真正 order 嘅 size 一樣！唔知要幾多個人 share  先啱啱好！？

韓冰最近係銅鑼灣開左新分店除左甜品仲有炸雞同拉麵等新食品忝韓式炸醬拉麵 $58 呢個非常韓 味道咸度適中而且有兩件炸紫菜卷 唔錯!Halloween焦糖果仁雪花冰 ＄85 賣相一流 好精美！已經焦糖味好出 Nuts脆身 增加口感層次 好味必食韓式甜辣炸雞 $110 只係times分店有架咋！非常惹味 但我嫌佢唔夠辣唧冇計啦 話明韓式都係甜味為主架喇 炸雞加左醬影響左脆身口感不過味道上係冇得挑剔 ～韓式拌麵 $58辣辣地非常過癮而且麵質好彈牙 好好食再大碗d就好喇！完全唔夠喉><蜜糖牛油芝士包 $58大大份大件夾抵食味道好好 只係有d乾包一d都唔硬 但我希望佢可以脆少少就更好了地址：銅鑼灣勿地臣街1號時代廣場10樓1005B舖