韓奶奶拌飯

營業中

休息中

本身都係random決定去食 所以都冇抱太大期望點知!! 係咪冇期望就會有小驚喜 比想像中好啲Set由$58-$128都有 豐儉由人 總共有9款每個飯set都會附送三個小菜 炒粉絲同海帶湯^^特級牛頸脊拌飯($88) | Rating: 8/10就係呢款 有被驚喜到 飯粒飽滿 粒粒分明 牛粒本身睇樣以為會好乾柴 但咬落係仲有肉汁有油脂嗰種!啲餸有啲雜菇 蓮藕 雞蛋 葱花 熟芝麻等 重點係有嚿牛油牛油同蛋令成個飯香好多 個另上嘅燒汁唔洗落多都夠香成個碗都有翻咁上下深度 仲有啲飯焦^^芝士韓式辣雞拌飯($68) | Rating: 7/10呢款都好食 但自己就覺得相比下冇咁出色都係呢種韓式辣醬嘅樣同味道 係expect到嘅味道不過因為佢比較辣 會比較惹味 男朋友就鍾意呢款撈咗芝士食落啲飯嘅口感冇咁分明 雞肉都係正常發揮單骨雞翼配乳酪醬3隻($28) | Rating: 5/10三個字 唔洗嗌🙂‍↕️會話係圖片只供參考(去到睇就明)啲醬完全唔夠 炸皮太厚 味道正常計翻其實係$28食1.5隻雞翼 即刻覺得好貴🫠利申冇喺韓國食過釜飯🙂‍↕️評論唔到到底佢韓唔韓lmao小菜 湯同炒粉絲會話係香港嘅水準

睇社交平台見到雞地新開左間韓式料理，而且仲係釜飯，即刻吸引左我同🐷先生去試😋餐廳總共有9款拌飯，同一d小食可以選擇，貴精不貴多，而且枱面有講解食用方法，就算店員忙起上嚟我哋都可以看圖識字😌每個套餐裏面都有啲前菜、小菜同埋海帶湯一齊上，視覺上覺得好豐富🔸秘製鵝肝煎蛋拌飯一大隻太陽蛋，仲有大大塊鵝肝，煲邊仲有塊牛油仔增加佢嘅香氣，職員建議我哋一半鵝肝撈完飯，一半同拌飯一齊食👍🏻果然口感會再豐富啲，佢唔係用平時嗰啲韓式辣醬拌飯，有佢哋自己嘅特色🔸特級牛頸脊拌飯牛頸脊全部切晒粒粒，份量都唔少，拌埋生蛋黃，增加左軟滑感，飯粒非常分明，食到尾仲可以有飯焦添🔸炸單骨雞翼配韓式辣醬欣賞單骨雞翼方便食用，但如果韓式辣醬係撈埋一齊會更加好🔸自家製炸薯餅配雪花芝士乳酪醬10分推薦，十分香脆而且有超多嘅芝士喺上面🔸芒果梳打、椰果桃汁兩罐飲品都比較少見食炸嘢飲凍嘢一流

【元朗新開抵食韓式拌飯🍚韓奶奶拌飯】-今日又同大家介紹元朗嘅飯堂😏呢間係最近新開嘅韓式拌飯🤩星期五夜晚去到大排長龍！事關個價錢真係好吸引🥹晚餐可以$60有找😳仲有埋湯同配菜🤯試業中仲免加一🤤冇理由唔試吓!-拌飯有九種口味可以選擇，豬肉、雞肉🍗、魚🐟鵝肝、牛肉🙂‍↕️梗有一款啱你口味！仲可以嗌埋小食😏有薯餅、餃子、炸雞翼😜-😋蟹膏蟹肉拌飯🦀 $98橙紅色嘅蟹殼非常搶眼😳拌飯除咗有蟹柳絲、蟹籽，仲有蛋絲、蓮藕、蘑菇同埋芝麻🤤口感非常豐富！加埋特濃蟹膏同埋牛油拌勻😙充滿香氣！跟餐仲配埋三款配菜、粉絲同埋海帶湯🤰🏻包你一定夠飽！好味指數：🌕🌕🌕🌕🌑-😋秘製鵝肝煎蛋拌飯🍳 $128另外一款必嗌嘅就係佢嘅鵝肝煎蛋拌飯😛兩大片煎到金黃嘅鵝肝非常香口😇餐廳建議可將其中一片鵝肝搞碎拌飯，另一片就直接食🤩油香滲晒落個飯度😜加埋蛋漿，真係大滿足‼️最尾再食埋脆卜卜嘅飯焦😜OMG好味指數：🌕🌕🌕🌕🌑-😋秘制泡菜醬拌餃子🥟$26泡菜醬微辣偏甜開胃可口😌餃子金黃香脆，脹卜卜包住粉絲😙味道唔錯～好味指數：🌕🌕🌕🌕🌑-😋炸單骨雞翼配秘製孜然蒜蓉醬 $42單骨炸雞食落好方便，配埋秘製醬汁同埋洋蔥食落嘅惹味～好味指數：🌕🌕🌕

聽講雞地開咗間新韓國嘢，食韓式拌飯，是晚就同朋友去試下先。新開張仲係試業中，已經晚上八點但門口勁多人等位，攞張飛仔等先，店員話前面等八張枱，嘩，真係好犀利好有人氣喎。⭐秘製泡菜醬拌餃子小店出品唔多，只有幾款鍋飯同小食，朋友話試下呢個泡菜醬拌餃子？餃子炸起大大隻，入面係豬肉粉絲餡，脆口好食。餃子下面係切碎咗嘅泡菜混醬，個人覺得偏鹹啲。⭐炸單骨雞翼配乳酪醬呢個小食就自己揀嘅，炸雞翼沾咗粉炸好香脆，單骨雞翼食得方便，乳酪醬酸酸甜甜幾好味😋⭐蟹膏蟹肉拌飯朋友個拌飯先到，佢揀咗蟹膏蟹肉口味，上枱時呢個紅東東嘅蟹蓋十分吸睛，蟹殼下面有牛油、蟹柳、蟹籽、雜菌、蛋絲等，食香味俱全喎，呢款嘅拌飯醬係用蟹膏，拌均之後相當鮮味🤤啖啖都有蟹嘅香味。⭐特級牛頸脊拌飯自己就點咗本店TOP1人氣嘅牛頸脊拌飯，除咗牛柳粒，仲有生蛋、芝麻、雜菌、蓮藕片同青蔥，拌飯醬係照燒汁，拌完之後香味十足，芝麻同青蔥勁正😍⭐自家製炸薯餅配雪花芝士乳酪醬見枱枱都有叫呢個炸薯餅，我哋都叫咗一客，但第一份出餐嘅時，店員唔小心飛咗一塊落地下，哈哈，重新再炸過兩塊出嚟，上枱時熱辣辣香噴噴🤤咬落薯餅係一絲絲，香脆有口感，上面勁多芝士，超好食。⭐

————————————♥———————————- - - - - - - - - - - - - - - - - - - - - - - - - - - - -元朗雞地新開左間韓式餐廳主打韓式拌飯🍚每份都配有前菜、湯品店內空間唔算好大 約十幾張枱星期六夜晚去到每張枱都係客🈵-我地嗌左兩款拌飯分別係「特級牛頸脊拌飯$88 」& 「秘製鵝肝煎蛋飯$128」牛頸脊切成一粒粒 牛味好香 肉質軟嫩拌飯吸收左鵝肝油脂 香而唔油釜飯整體味道很豐富 而且比較清爽啲食法都相當多元化 一碗拌飯食出幾種味道拌飯醬汁味道都唔錯 甜甜地更添層次感食到後面將湯倒入去 就變成飯焦拌飯-另外嗌左兩款小食「炸薯餅$22」 & 「炸單骨雞翼$42」兩款都炸得好香脆 乳酪醬酸酸甜甜好惹味最欣賞薯餅 入面係一絲絲既薯絲 口感一流👍🏻-見到隔離枱像得好滋味 我又忍唔著嗌返罐椰果桃汁$15 濃郁桃味 入面有細細粒果肉- - - - - - - - - - - - - - - - - - - - - - - - - - - - -————————————♥———————————

韓式鍋飯唔錯喎，配菜連沙律加碗湯我哋三個人，各自叫咗三個飯，包括黑松茸素菜，韓式醬牛肉及特級牛頸脊伴飯，小鍋裡包括配菜和牛油，夠晒熱同香，食到七七八八之後產吓底部仲有金黃香脆飯焦，正呀！服務員工作效率高而且有禮貌餐廳小，不算寬敞，但整體還算舒適價格合理選擇不多，主要是鍋飯鍋飯很好吃，底脆晚餐套餐包括湯、macaroni沙拉和spicy 小菜

今次介紹嘅就係元朗新舖嘅小店，專門賣韓式蒸氣拌飯🇰🇷呢次夜晚黎到都要排左陣隊先入到。店舖總共有9款拌飯俾大家選擇嘅，而我哋今次就揀咗以下呢兩款😋➖➖➖特級牛頸脊拌飯 $88牛頸脊嘅熟度啱啱好，咬落去唔會韌，而且好足料，牛嘅份量足夠，每啖飯都會食到牛肉，配合秘製照燒汁同芝麻，撈埋蛋汁食都好滋味🥰➖➖➖香烤豬五花拌飯配辣醬 $68啖啖豬肉食落去好Juicy，亦都煎到好香，個人鍾意食辣配合麻辣醬食落去好味🫣飯粒非常分明，食到底仲有飯焦添🙌🏼➖➖➖秘製泡菜醬拌餃子🥟 $26/2隻餃子外層炸到金黃色，食落去香脆可口🥰粒粒都係大大粒脹卜卜，咬落去仲會爆汁，配合埋酸酸甜甜嘅泡菜醬食落十分之惹味😜➖➖➖服務: 7/10衛生：7/10環境 :7/10回頭指數：6.5/10地點：元朗鳳攸南街3號好順景大廈一座地下3號鋪 (港鐵元朗站A出口，步行大約10分鐘）中意嘅朋友仔記得Like&follow @all_day_eateateat 🥰➖➖➖#香港好去處 #香港美食 #香港打卡 #食好西 #all_day_eateateat#foodphotography #foodie #hkfoodie

難得去開洪水橋洪福邨，搭276P去元朗搵韓奶奶👵🏻，個人少食韓國🇰🇷菜，但見韓奶奶👵🏻有皓多報道慕名而來，落車唔記得do分段蝕咗，大馬路行過去要過天橋都要成10分鐘，皓彩唔大雨，門口雖然冇人排，但都坐咗9成，QR code落單，叫咗秘製鵝肝煎單拌飯$128，落單都方便，但問題🙋🏻‍♀️係張單睇埋之前幾張枱個客落乜，變咗唔係皓知自己有冇落單，要睇埋時間。等咗10分鐘有嘢食。有三式泡菜、海帶湯、通粉沙律🥗、醬、仲有秘製鵝肝煎蛋伴飯，兩塊鵝肝睇落皓脆，太陽蛋，有蔥花，牛油🧈皓快融，之前話會教人點食，而家冇，我用返自己食法，加少少🤏汁去撈，想食飯焦，但太硬挖唔到，鵝肝外脆內軟正，飯比想像中皓食，不過就坐得逼，冇位放背囊🎒，冇加一，埋單過$100可簽卡，我坐入後都多人等位同外賣🥡

熱潮過去，weekend 兩點去， 兩位唔駛等位，直入。小店預左搭枱+ 迫。 如帶大袋/ 背囊， 不建議去食。 試左牛肉伴飯 + 牛頸脊伴飯+ 泡菜醬餃子小食。以上兩款韓式伴飯都係跟甜醬油膏。 個人prefer 韓式伴飯甜辣醬多d。 每個set 都跟 3 款韓式前菜 + 一小杯湯+ 一個無理頭澱粉質。 韓式前菜 ： 唔錯👍湯： 幾好👍 濕下個口咁。 澱粉質 ： 似驚個飯食你唔飽， 無啦啦跟俾你， 我食個日，係跟個通粉沙律， 不男不女咁，十分不解！ 主角伴飯： Li 個食評係食左兩日之後寫。 個飯，而加回憶起，堅無咩記憶點…… 夠飽既， d 牛唔un, 食到，正路。 泡菜餃子： 底個醬，好夠味。 個醬濃味到，粒餃子🥟係咩味都食唔到！ 飲品選擇唔多，放心，如唔啱飲， 唔會有水供應， 亦無水賣。 兩人total 食左$202 。

見成日好多人排隊所以好想試一試佢叫左個🦀蟹膏蟹肉拌飯🍚冇細心留意睇清楚Menu 原來蟹肉係指蟹柳…….好失望以為會真係蟹肉同一開始無撈飯撈到底好多飯焦好硬～食唔到不過配菜的泡菜同黑豆係好味既👍🏻

之前係社交平台見到有人介紹韓奶奶拌飯，所以就嚟元朗試吓啦！星期日晏晝嚟到門口就已經好多人等緊拎飛，好彩拎咗飛等咗大概10分鐘就入得去喇！我自己揀咗豬五花拌飯，朋友揀咗蟹膏蟹肉拌飯，個飯偏硬，不容易撈飯。不過拌飯最好就記得加少少辣椒醬，咁樣可以提一提升個香味。啲飯等咗一陣先嚟到，但係拌飯都唔係好熱，豬肉亦都唔算係好lum，冇想像中咁有口感。配有3個醃製小菜韓國菜：最有印象就係醃製嘅泡菜、醃蘿蔔同個粉絲～✨雖然味道唔算非常特出，不過性價比黎講嘅韓國餐廳算唔錯！地址：元朗鳳攸南街3號好順景大廈1座地下3號舖

因為網上吹捧得好犀利琴日就同朋友去咗食大概都等咗30分鐘先有位我哋叫咗明太子釜飯同埋五花腩釜飯仲叫咗薯餅，同埋五隻單骨雞翼雞翼似係即食炸雞翼再on top加醬$42 5隻真係毫無誠意薯餅就正常冇乜特別至於兩款飯 價錢上嚟講其實都幾抵店員亦都會同你講解一下食用嘅指引不過味道真係唔入流兩個飯都好乾，好硬 我哋喺啲飯到咗已經即刻撈都要頗用力先至撈到至於味道明太子嗰款其實真係冇乜味配料亦都唔多，所以層次好單薄同埋好乾 啲飯焦直程硬到整唔到出嚟所以都食唔到另外五花腩嗰款稍為比較濕潤，因為醬汁比較多唔花腩都幾厚身 不過都好韌相比起明太子嗰款味道好啲但係飯粒亦都係好乾整體嚟講食物味道真係好一般完全唔可以話好味純粹叫做可以填飽個肚環境亦都一般座位好迫 但係都叫乾淨店員服務良好

雖然本身都無咩太大期望，但真係比想像中更加差。等咗20分鐘枱，終於有位。兩個人點咗個鵝肝拌飯同埋牛頸脊拌飯，牛頸脊都有牛味 口感唔錯 份量都可以接受。鵝肝得兩小塊 但味道都OK。 兩個飯都好乾 啲醬嘅味道又好一般。撈埋一齊唔知食緊啲咩，食到最後都黐晒牙，加埋啲飯焦 食到我哋同隔籬枱一樣冇聲出。建議好似傳統韓式拌飯咁加番啲蔬菜 令個口感好啲。啲小菜更加一般 尤其是係個粉絲完全冇味，海帶湯又好腥。overall 唔值呢個價，試一次就夠。

餸多 飯多 拌菜也多 味道正常 接待果位就不太有禮貌 在看窗上的海報 接待果位就問我做咩 會嚇親佢啲客人 然後進店時 無聽到佢話無係 qr code 落單 果位哥仔就話 岩岩咪同左你講我哋呢度係qr落單。 聽到其他客人問要大約等幾耐 哥仔回應 答你唔到。其實答仲有幾多張台係前面 不就可以了嗎？ 好味的餐廳 但被不禮貌對待都唔會食 何況都只係正正常常

6/10/2024📍韓奶奶拌飯呢間新開張嘅小店專賣蒸氣韓式拌飯 呢日中午嚟到 排咗陣隊先入到去 有9款拌飯可以揀 款款都好吸引😍我哋都鍾意食牛 就兩款都揀咗牛🐮⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨韓式秘製醬牛肉拌飯（$68）套餐包括3樣醃製小菜、涼拌粉絲、海帶湯啲小菜有泡菜、八爪魚、蘿蔔乾 調味好重 要配飯食先得炒粉絲比較乾身 會痴住一嚿嚿海帶湯嘅海鮮味幾重然後就到主角：拌飯❗️拌飯係用高壓鍋裝住 即叫即煮 所以好夠熱 啲飯粒粒分明 口感唔錯飯面鋪滿牛肉、蛋絲、芝麻、蔥、雜菇倒埋拌飯醬+牛油入去全部撈勻 係勁好食🤤餐廳提供拌飯醬嘅分量啱啱好 唔會太鹹牛肉唔會好肥 呢個價錢嚟講絕對合格~飯嘅分量都好多 食到最底仲有脆卜卜嘅飯焦✨特級牛頸脊拌飯（$88）呢款同樣好足料 牛頸脊嘅熟度啱啱好 唔會韌撈埋蛋汁又係另一種滋味😋牛肉份量好多 啖啖都食到有肉 啱曬我地🤓✨秘製泡菜醬拌餃子（$26/2）不得不說 呢個泡菜醬好好食😋唔會好鹹好辣 帶啲甜味 就咁食都可以🥟餃子有炸過 冇沾到醬嘅部分仲係脆脆哋 餡料冇乜特別 有啲菜有啲肉咁 但唔乾嘅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$182（試業