韓日燒 (已結業)

價錢方面，一個平，90蚊lunch放題，呢個價出面普通韓燒都做唔到，仲要有迥轉壽司菜同肉都算多選擇，雖然都係好普通的雞扒，雞翼，豬扒，牛肉，青魚等，另外有甜品，壽司幾好食，比爭鮮更好食，值得去試。BTW 冷氣有d凍

4/5 RatingTeenagers Price: total $95 for Sushi, KBBQ, buffet food, ice cream, drinks, etcSushi: 2.5/5, not much variety KBBQ: 5/5 would recommend, has many different types of meat & vegetables Drinks: not can system, use cups to refill, has variety e.g soybean milk, lemon water, tea, lots of alcoholDessert: not much, ice cream tubs were almost emptyGreat place for lunch with your friends, cost effective

服務員態度相當惡劣 ! 從一入門口開始, 服務員嘅態度已經相當欠佳, 明明講好食兩個鐘, 但係一個鐘頭之後, 一位女服務員無啦啦揼張單畀我哋, 非常冇禮貌咁, 叫我哋埋單先 ! 一句講曬, 絕對冇下一次 !

第一次黎係同學帶，學生冇乜錢，一班人嘻嘻哈哈每人100蚊唔使，仲2個鐘，係好開心既回憶。多年後嘅今日中午同家人去西九龍中心，經過韓日燒，商量完決定係度食lunch。walk in都唔太使等位，㩒飛，等一陣店員就出黎帶位，態度一般但對得住價錢既。有得揀壽司放題/壽司放題+燒肉放題，揀左後者，因為記憶中燒五花腩片好正。甫進店內，環境依舊昏暗，別有情調。被安排坐係迴轉壽司旁邊卡位，攞野食好方便，有鰻魚、三文魚、螺肉、中華沙津、魷魚等等壽司。不過個人中意燒肉多啲，冇乜掂壽司。熟食有炸咖哩角、薯角、燒賣、魚蛋……泡菜、辣青瓜、辣豆芽、辣海帶……粟米湯、麵鼓湯……甜品有木瓜糖水、布甸、涼粉、雪糕……飲品有無糖奶茶、汽水、五花茶、豆漿……仲有沙律菜同橙片。燒肉方面可以燒丸、腸、豬牛雞魚肉，仲有蔬菜、菇類同粉麵等，個人最中意五花肉、鴨腎同雞翼。仲有醬料區，燒肉唔夠味適隨尊便，有韓式燒肉醬、沙嗲醬、酸汁等等，但通常我只用蒜泥、辣椒鼓油。總結，呢個價錢食到咁多種類，質素ok既野食係非常化算嘅，唔通100蚊任食和牛咩！

超級無敵抵食(個人覺得)兩個鐘想食咩就拎咩(有分兩個套餐)，食物尚算新鮮，壽司都可以，唔可以話唔好，畢竟帶一張紅色就可以食咁多嘢，係呢個價位已經好好，想識嘅朋友仔我覺得可以試下，都唔係好貴，食物又幾多，基本上喺嗰度淨係食肉都已經可以回本，當然你叫多幾個朋友仔去，如果胃口大嘅話，肯定回本，去過好多次啦！就算搬咗屋都想同啲朋友仔搭車去食，三個朋友仔都係幾百蚊，服務都幾好，環境一般般啦，唔可以話係好好，畢竟張枱可以見到油跡，食完啲服務員都係掃一掃就走算，唔會抹得好仔細。環境比較黑，不過我覺得呢種feel都幾好。

無諗過，咁多年後可以再食到明將壽司。早幾日睇到YouTube有人介紹明將返生，而且仲系昔日主場深水埗，今日返晏專程嚟試。嚟到門口已經有幾個人等入場，入口有個價錢牌清楚寫明價錢，既然一心嚟食壽司，就無謂加錢食埋韓燒喇。可能一個人關係，只能安排坐死位，位置一般，但攞壽司方便。壽司方面明顯比昔日明將好，無甩皮甩骨，正正常常，同某連鎖平價壽司質素差唔多。可惜款式少，如標榜壽司任食，真係少啲，而且疏疏落落，補充唔切。燒三文魚，鰻魚，墨魚最受歡迎，味道ok。其他熟食一般質素，魚蛋意想不到好味，燒賣唔掂，豆腐花稀到近乎豆漿。海帶唔辣但唔知點解苦的。辣冷麵ok，豆漿淡啲但好味，春捲唔錯，大菜糕正常。其他無食唔評論了。埋單73，性價比高。以前明將係我成日去既地方，一直支持直到結業。雖然懷緬過後我未必再去，但都希望呢間可以一直做落去，比大眾多個選擇。

本來黎西九飲茶，唔知點解經過韓日燒就轉左場食壽司，可能因為大家都好肚餓，就比佢呢個咁平嘅放題價格吸引左，壽司放題67蚊位，壽司+燒肉放題81蚊位，平到咁都知食咩質素嘅野啦，唔好妙想天開諗住有千両咁呀，預計爭鮮咁上下啦。都好多人啱啱坐落，唔知係咪咁，中間迴轉壽司啲阿姐都不停咁出壽司，至少啲壽司無轉到乾晒，味道幾正常，款式都幾多添。自助區有炸野，麵豉湯，涼拌菜之類，飲品就有汽水機，咖啡壺，檸檬茶，豆漿，一盤大路野。最後唔少得嘅甜品區，雪櫃有啫喱，布甸，自己筆嘅雪糕，叧外熱嘅有木瓜雪耳糖水，西米露同豆腐花，個豆腐花啱啱拎出黎熱辣辣，仲可以自己加大量黃糖正呀喂～咁嘅價錢食得過呀，當係黎玩下都好，可以食兩個鐘喎。

痴線， 明明話食到五點十分， 35分已經話差唔多要走， 40幾分嘅時候又同人講要走， 跟住到49分個阿嬸大聲話邊個仲未交枱， 搞到要即刻走， 飲埋杯水都唔得。 跟住有啲壽司飯係勁淋， 烏冬係粉嘅， 奶茶就算加咗糖都好難飲， 完全冇味，伏

昔日明將原址重開嘅日韓燒，作為人客我都唔知係咪同一個老細，但係個情懷我相信係繼承咗。當年明將叱吒江湖不少人都慕名而來打大佬(you know what I mean😎) 今時今日嘅韓日燒，喺我心目中嘅江湖地位仍然係咁崇高。講返嘢食，我係食個lunch 任食燒肉加壽司嘅套餐。壽司方面仍然係充滿創意，不過我就冇挑戰啦。圖中呢我相信係食個成本相對比較高嘅壽司：三文魚蟹子軍艦，食落戰鬥力冇想像中咁強，事後亦都安然無恙👌 都算推介😂韓燒方面，其實同市面其他中低價韓燒舖差唔多，都係醃製肉類呀肥牛呀等等，亦都提供咗一啲炸物、甜品小食，安全系數都高。一句總結，呢個大佬戰鬥力比當年明將下降咗，識得小心啲揀，其實都可以平平哋食個韓燒。🤣

今日去西九行街 見到有韓燒就想試試 點知由一進店開始服務態度已經好差 問多句都十分晦氣回答 好似去乞食咁 仲聽到佢大大聲鬧隔離枱0的客 我見個客都唔出聲 只係食剩少少野 一係直接告知收額外費用就好 唔駛當眾羞辱人 唔知既仲以為個客犯法 我聽到都嬲同驚 雖然價格便宜 但只要俾多少少已經可以去其他地方食韓燒 唔駛好似呢度施捨你咁 只係路過打算嘗鮮卻如此不堪 熟食不好吃 西米露好似飲水咁 燒肉好一般 選擇唔算多 壽司唔新鮮 見到都唔敢食 去另一家仲多野食又好食過佢 完全中伏 以後唔會再光顧！！

唔洗等位就入得去，人唔算多。壽司🍣種類唔算係好多，但係都唔錯，幾好食😋。燒烤方面，可以出去自己攞嘢食，有肉有菜，仲有啲熟食，泡菜，炸物，烏冬個啲都有。仲有甜品🍮，有豆腐花，雪糕🍦，木瓜雪耳糖水。整體來講幾好食，食完真係幾飽，好抵食，食2個鐘。

下午去食，食材算多，味道好一般，全部都係凍肉公司嘅平價急凍肉，蔬菜算新鮮，調味料好多，但好普通，但至少對得住太約90蚊一位任飲任食，魚生壽司食到有啲驚，塊三文魚刺身竟然係完全唔凍，好恐怖😱。最緊要係食完之後有啲肚痛，已經對依間餐廳有壞印象。

兩小時韓式燒烤午餐還包括迴轉壽司🍣，超值！辣螺、鰻魚、三文魚、仿翅壽司等都不錯，若三文魚厚切一些會更好。燒烤物包含牛扒、肥牛片、豬扒、五花腩、魚柳、鷄翼、腎、紅腸、腸仔、茄子、鮮菰、秀珍菰、蔬菜等，尚算不錯！還有其他我不吃的如泡菜、麪豉湯、木瓜雪耳糖水等，各款汽水及飲品令我覺得頗興奮！環境衛生清靜，服務態度也很好！埋單只是$89，性價比超高呀！

對於咁既價格都冇諗過食物有幾好質素，呢一部分先唔講，但食完之後我同屋企人一齊腸胃炎，簡直恐怖！因為唔係第一次黎，之前都食過一次返去都有唔舒服，不過唔肯定係咪因為呢一間舖頭，今次食完屙咗接近20次，唔知道係邊樣食材出現問題，以後絕對唔會再嚟！

两食 火锅同燒烤 真係几正，一開波食左佢熟食个part 有咖喱角 大薯角 炒通菜 拍几好食 之後再食花之恋同几碟鱼生 都尚算新鲜 之後食韓烧 大量五花腩加 生菜点韓醬 正到一流 同食左啲雞翼 同燒肥牛 牛仔骨 仲有三文鱼頭 真係几正 仲有我最愛既香腸红腸~~~~~食到差唔多 就整埋个火锅 揀左猪骨湯入面有腩骨 个人推介埋 记得燒 三文鱼头 真心正 最後食埋甜品 甜品食左豆腐花 同西米露 饮埋杯荳槳 完美收局埋单每人194 加埋一 都算几抵啦~食價比高 坐得舒服 係限时两小时会失色少少