韓樂 (TKO Gateway西翼)

營業中

休息中

📍韓樂 半溶芝士 脆炸薯條 包熱飲一杯 轉凍飲加$3 @ $29-呢間野之前小妹介紹過。小妹係芝士控，次次去韓樂都會點呢個餐。已經食左無數次，性價比好高!-之前佢地係用薯角整，今次就轉左薯條，一樣都係咁多芝士，睇下芝士撈勻左都仲有好多。再睇埋拉絲效果，睇到都覺得十級邪惡，真係啱曬芝士怪黎食。加$3轉凍奶茶，好大杯，茶味出，奶味香濃。埋單先$29，抵!-地址：將軍澳TKO Gateway西翼地下

今日難得有機會同男朋友一齊食早餐，因為平時都瞓到好晏先起身，冇機會食早餐。呢間韓樂既早餐時段好長，由7:00至11:30都係早餐時段，岩晒我。早餐選擇好多，我揀左野菌炒蛋烤多士配熱檸水，男朋友揀左漢堡扒番茄濃湯扁意粉配熱阿華田。野菌炒蛋烤多士隻炒蛋唔錯，不過好邪惡，應該落左好多牛油去炒，所以滑身。烤多士搽左勁多蒜蓉醬，但係好油。多士應該擺左一段時間，已經唔脆，好普通。漢堡扒番茄濃湯扁意粉，男朋友話普通，番茄唔夠多唔夠濃味，漢堡扒冇乜特別，意粉唔錯。熱飲大杯，唔錯。

低食韓國菜，味道仲要唔錯👍🏻👍🏻海鮮煎餅外面非常香脆，內面海鮮非常足料👍🏻👍🏻呢個石煱撈烏冬同石煱飯一樣落湯撈勻食，嗰張辣辣地幾好食😋另加2杯新出熱飲，食辣野飲熱飲真係錯晒😂

正所謂一日之計在於晨！至於點樣先至有一個好嘅早晨呢？就係可以食一個開心嘅早餐今朝早同同事喺將軍澳做完嘢，大家都好肚餓，但又過咗11點好多餐廳都已經冇早餐set了。咁岩行過見到呢間韓國餐廳，地方好闊落，而佢嘅早餐時段去到11:30am，所以就決定入去食啦！佢嘅一早餐選擇都好多，又想食麵又想食炒滑蛋，最後我揀咗一個野菌沙嗲牛肉麵轉米粉，個店員推介話加$6可以加埋炒滑蛋，咁就滿足晒我兩個願望啦！佢嘅沙嗲牛肉同其他茶餐廳有少少唔同，不過湯底唔咸，食物都足料！佢嘅炒滑蛋，應該加咗牛乳所以隻蛋好滑又帶出奶味，都幾唔錯！總結一下，呢一度嘅店員好細心，會幫你諗下點樣最慳到錢又食到鍾意嘅野！地方好大唔使同人迫，價錢都合理。唯獨是係如果可以執乾淨啲地方就更好啦

卡邦尼扁意粉 ~ 麻麻，太多芝士汁但不濃，意粉沒有吸收芝士味道，感覺是汁同意粉分開。野菜豚肉炒讚岐烏冬 ~ 反而比預期好食，配菜多(如：椰菜絲，紅蘿蔔絲，洋蔥絲)，而且整碟烏冬很入味。

行到累，諗住食個下午茶抖下，點知到到都好多人排隊，所以就揀左最快有位既韓樂食。入到去，嘩，成地垃圾，台面又痴立立咁，環境好污糟，不過可能無人手啦。睇餐牌佢既下午茶都幾平，個食物名又好吸引咁，所以就叫左溫泉蛋流心芝士西多士個樣好吸引，金黃色又勁厚，仲脆卜卜咁既樣。食落去，真係好厚，食面包多過食芝士咁，芝士又唔香，隻蛋又完全唔夾多士，2個人食左一半就放棄了呢個蛋三文治係我地唔記得叫烘底，如果烘左可能會好食少少既...最好食係呢隻柚子蜜糖雞翼，又脆、又多汁、又甜甜地，好好食！佢包左2杯野飲，2杯都係熱奶茶，都幾大杯既總結：價錢平，雞翼、飯類、飲品都正常，但環境太污糟了

今日同朋友飯聚，佢話想食K food，就揀咗韓樂，平價港式韓式料理😂因為之前食過佢旗下嘅餐廳都唔差，所以就決定去韓樂食物質素整體都算中上，以呢個價錢。餐廳服務好好，好熱情由於朋友係第一次食乜樂乜樂，佢表示裝潢好靚都好有feel呀～招牌韓式拌飯雖然話係招牌，但我同朋友都食唔出有咩咁特別😅😅😅唔會難食都唔係好食，可以唔試。韓式泡菜年糕呢個幾好食，年糕夠煙韌，汁都係酸酸甜甜辣辣，夠開胃辣炒韓國雞呢個係三樣嘢食入面最好食😄夠味同埋好有口感，可以一食，分量都幾多，兩個人勉強食曬

呢間之前都食過幾次石頭鍋牛肉飯好足料又夠味 價錢都合理今日試新野就即中伏見到原條鰻魚炒珍珠米好似好吸引咁黎到賣相都好吸引點知一切就知中伏切極都切唔開 好似橡筋咁食落去都好腥 攪到食左半條就頂唔順以後都係食返石頭鍋飯算

🥘🍛🥤選擇款式很多，價格也不貴，午市套餐$48~56左右包飲品，現今香港，很難找相同收費的食店，食品水準一贯中中水平，不會令人失望，🍗🐔單點的韓式炸雞粒，肉小粉槳太厚，訂價低不能夠強求高質，石頭鍋飯很夠熱，⏳在午市繁忙人流較多，需要等位，一般15分鐘可入座！🙋‍♂️😴缺點是舉手下單時，要用3幾分鐘時間，才有職員回應，人客太多，忙於上餐及下單，也不可以怪責吧！整體服務可以接受！👌😅

食個tea先回家去，過左泥試下韓樂。入面餐廳好大，好多卡座，環境舒適。原來都係百分百集團，難怪甘相似。下午茶餐牌👇🏻韓式豚肉粉絲：份量都好多，粉絲好滑，雜菜豚肉都多。不過個汁好咸，撈匀後都咸，但個味道係好食！韓式牛肉湯粉絲：呢個湯完全無味，粉絲一夾就爛哂，又淋又碎牛肉得4小片，勁少，又無牛味，反正就係一舊肉，完全吾好食配菜冬菇同隻蛋就幾好食🤣紅豆冰：紅豆得6分一杯左右，全部都係花奶，吾好飲。完全啜吾到啖啖紅豆。下午茶係抵食，但甘既質素無下次了。

和hubby去完將軍澳醫院探病後揾地方醫肚，佢搭巴士嚟嘅時候見到韓樂，決定今晚去試下。我哋唔算太餓，所以沒有叫晚餐而叫三款非主食食物，包括：1. 韓食豚肉生菜包 - 豚肉碎好惹味丶份量多，生菜片新鮮，原來還配一細碗米飯2. 魔鬼芝士一口牛 - 原本想叫炸雞但已售罄，一口牛味道也不錯，喜歡芝士人仕必食3. 人參雞湯娃娃菜 - 湯底見到一些人蔘鬚，娃娃菜及雞肉份量多，雖人參味欠奉，但味道不錯基本上食物份量多丶味道好、價格平，見佢全港只有三間店鋪，而且都唔近我，希望可以開多D分店，讓多D人有機會食用。

今日同爸爸去左韓樂撐枱腳，我地叫咗兩個麵餐 一個係蕃茄濃湯豬扒，焗溏心蛋韓式粉絲配蒜蓉牛油多士 。另一個係龍湯豬骨，煙肉讚岐烏冬。兩個餐都係40幾蚊。好好食，好飽同好抵食! 坐位都舒適，檯面又大，舖頭都幾乾淨!

呢間韓樂舖面大, 大部分都係卡位, 坐得好舒服, 店員亦唔會迫人搭枱。因為住係附近, 所以成日都會黎呢間韓樂食飯, 每逢午餐/晚餐時段黎食都會叫一款非常好味既菜式 - 石頭鍋飯。佢可以揀牛肉, 豚肉, 雞肉, 個人比較推薦豚肉, 有少少肥, 又切得薄, 配落石頭鍋會令個飯更香, 而且D肉唔會大舊到阻你炒個飯。呢度既石頭鍋飯石鍋燒非常之熱, 食左半個鐘個石頭都仲係熱辣辣, 而D飯本身煮得唔太濕, 所以係個鍋度炒炒下好易整到粒狀既飯焦, 非常可口。個飯本身唔只得豚肉, 亦有各種蔬菜配料, 非常豐富, 亦令到呢個飯比較營養均衡, 每次黎到都食到清空成個石頭鍋, 大滿足!

唔係講笑 我都叫食野要求唔算好高 但我今朝叫左個雞排部隊鍋麵 我竟然食左幾啖麵同塊雞排就算普通公仔面都算 個湯完全唔係湯，係水黎 係白涮 冇味架... 老老實實 我係屋企煮個丁面好味過佢好多好多好多 最後落辣椒油食左幾啖 毅然走人 食黎都太高卡路里😀😀 仲有隻煎蛋有一半係濃左一陣𤓓味😀本來見隔離枱食個部隊鍋麵（冇肉最平個隻) 有個鍋裝住先敢叫 屋企人個個豚肉嘅上左 都同想像中差好遠 我知部隊鍋係公仔麵 但完全唔expect同普通嘅公仔麵餐零分別 (仲要衰過)下次食翻蕃茄算

📍韓樂 韓式豚肉拌粉絲@ $26小妹呢排放假，多左機會係屋企附近覓食，呢間韓國餐廳係小妹下午茶多數會去既地方，佢既下午茶時段係2點至6點。份量又大份同抵食，算係將軍澳性價比高既選擇-韓式豚肉拌粉絲 附送紅豆冰先$26 而家一個大X樂下午茶閒閒地都要$30起跳。而家價錢真係唔話得。小妹本身以為份羽量係輕量級，因為個價錢同下午錢既關係，點知一上檯俾個份量嚇親，完全係lunch既份量黎，大份到呢！-試下味道點先，先將豚肉同粉絲撈勻，啲粉絲就會沾上豚肉醬汁。豚肉唔係得一兩塊，有成4/5塊架。咬落唔係好硬，個醬汁鹹鹹地，帶有少少甜度，都幾惹味。但真係好大份既原因，同埋韓式粉絲食落都好滯下，最後小妹都係投降，真係食唔落，仲有一大杯紅豆冰要飲。係今時今日咁既價錢同質素，小妹絕對係會俾5個贊佢-黑松露醬芝士 脆炸薯條 附送熱飲一杯先$28 個薯條係非一般炸薯條，加左小小蒜味粉去炸，好有細個哈迪斯既味道。個黑松露醬絕對唔係頹野，有好濃郁既黑松露同芝士味。同出面西餐廳索價接近一舊水既黑松露醬薯條差唔多。呢個絕對係物超所值。-地址：將軍澳常寧路2號TKO Gateway西翼地下001-002號舖-推介指數👍