韓樂 (TKO Gateway西翼)

營業中

休息中

今天在韓樂食早餐，選了特選鮮奶滑蛋三文治，我的選擇沒有錯，因為這個三文治的蛋夠厚而且有蛋味呀，加上三文治的麵包夠軟熟。這個早餐配搭輕盈火腿絲通粉份量，份量少，適合想Keep fit的朋友們。

一個人2點幾去到，無位要等陣無問題，唔夠2分鐘叫我入去，有個紮馬尾帶黑框眼鏡嘅侍應第一句就喝埋黎（有位未啊？）唔知以為我差你錢咁，咁我就話（一位，門口收銀叫我入黎）跟住就話個客準備起身叫我去番門口等，ok，咁我出番去等啦。到有位入番去叫落單，點知又係同一位侍應，落單都晦晦氣氣，唔知得罪佢啲咩，雖然全場爆滿，但眼見人手好多（起碼6個），想試下貼錢受氣可以去下。我自問都係做服務業，都唔係做到咁黑人憎，你有情緒唔緊要，麻煩你唔好發洩落個客度！

飛魚籽三文魚滑蛋炒珍珠飯 ($69)外賣咗返屋企做晚餐，一打開盒香噴噴，係熱辣辣嘅炒飯😍炒飯一啲都唔乾，珍珠飯粒粒分明，而且配料份量好足夠：三文魚、飛魚籽、蘑菇、滑蛋，呢幾樣嘅組合好夾，令到個飯都好入味。總括嚟講，外賣水準都唔錯， 下次可以再encore呢個炒飯。

今日下午冇食飯，到下午茶時間就好肚餓上OpenRice睇吓有咩食，見到將軍澳韓樂有下午茶餐，見到有個牛肉糖心蛋飯好似幾吸引，即刻落單20分鐘後就有得攞賣相都唔係好吸引，牛肉份量好多，不過偏鹹。糖心蛋得半隻，口感好普通。呢個下午茶麻麻地……

今天因為要入長洲，所以一早去食早餐，我們去咗一間叫做韓樂食咗一個又豐富、又廉價、又美味嘅早餐。雞蛋滑蛋三文治輕量配火腿通粉連嘢飲一杯，成為29蚊。雞蛋三文治又厚又香又滑，麵包軟綿綿。 輕量火腿通粉，個湯底比出面嘅茶記好飲，火腿同通粉一般茶餐廳水準。咖啡雖然係用咖啡機即磨，但係又香又滑香濃，整體早餐29蚊嘅價錢係冇得輸。環境間隔寬敞,坐得舒服，有一啲食材圖案，例如牛、羊嗰邊部分係啲乜嘢。服務員態度誠懇，早餐、論價錢、食物質素、環境、服務員係唔錯嘅選擇。

已有一段時間冇嚟將軍澳廣場「韓樂MoMoKu 」食早餐喇，今次再嚟，👀有冇唔同 😏首先今次多了許多顧客，服務員好忙，等了一陣有位坐，雖然比較窄，但都👌🏻。早餐款式依然咁多，之前大部份都試過唔錯 😉今次點了兩款「醒晨早餐」👇🏻👆🏻“香草雞扒湯扁意粉配鮮奶炒滑蛋”～香草雞扒煎得好香、肉質嫩滑，滑蛋炒得夠嫩，扁意粉放湯剛剛好、夠彈牙！😋😘👆🏻“火眼濃湯通粉配蒜香牛油多士”～火腿絲及粟米份量👌🏻，通粉夠淋，蒜香多士夠脆！😋點了兩杯至愛：熱啡多奶及凍檸茶～味道似然keep到冇變，咖啡夠香滑、🍋味夠香甜👍🏻😃估唔到食物質素keep到👌🏻冇變，與之前冇咩分別，值得一讚！😉

韓樂係坑口厚德商場地下，因為餐廳唔太起眼，所以成日都冇醒起黎食🤣今次假日黎食下午茶，2點開始至6點餐廳面積都好大，下午茶時間冇乜人唔需要等位之前試過晚餐時間黎都要等一段時間先可以入座下午茶好抵食，而且味道唔錯不過之後睇返張單先發現原來每個餐都收貴左$2..唔知係米冇update餐牌😞🍛韓式芝麻燒汁焗雞扒飯（$38）焗飯好高質，燒汁味道好夠，芝士亦好香口😍雞扒亦大大舊，我最怕食雞扒食到好大浸雪味，但呢個冇☺份量亦好足夠，推介💯🍝半溶芝士鮮茄肉醬扁意粉（$36）肉醬意粉味道都唔錯，茄醬好食👍不過肉就唔太多，份量比起焗飯好似都小啲不過都唔錯🤩🥔追加脆炸薯條（+$10）薯條超推介，即叫即炸，所以上枱都仲係熱辣辣，好香脆😍必叫🤗🥤下午茶包飲品，凍飲加$3我地叫左凍奶茶同凍檸茶，兩杯都好出色，拍得住茶餐廳既水準，不錯😆/😋食物質素：7.5/10🍽️用餐環境：7/10💰性價比：7.5/10👣回頭率：7.5/10/📌韓樂 (TKO Gateway)將軍澳常寧路2號TKO Gateway西翼地下W001-W002號舖

位置放便，G floor嗰層都有幾間嘢食，其中一間就係韓樂，易搵。早餐時段去到11點30，有興趣嘅朋友早啲起身就可以食到依個咁豐富嘅早餐。40蚊嘅餐，入面有炒滑蛋，三塊火腿，少少沙律，一個牛角包，包一杯熱飲。我覺得牛角包唔錯，性價比高。

每周六、日經過都會超多人，今日終於一嘗興朋友 shopping 完，去到門前按飛仔等候今日人吾算多，大約等左4、5張就到我們了店內空間很大，樓底高談天時不會感覺很嘈吵一口炸雞湯粉絲粉絲係用韓國粉絲（滑溜），炸雞脆口不過無雞味可能用了雪藏雞（只能食到脆口加雞上的甜甜醬汁）吉列脆炸魚柳配脆炸薯條2樣都很脆口，魚柳沒有魚味，薯條是還可以的另加了自家製泡菜有點太辣同太咸即磨咖啡（2杯）咖啡味道濃厚整體感覺不會再去了

入到黎坑口，其實都唔係好識分連理街同TKO GateWay有咩分別。其實呢區都算多食肆，今次同朋友一齊試下呢間韓國野。入到去鋪頭，都幾多位置，仲要大部份都係卡位，坐得尚算舒服。Menu同一般韓國餐廳無異，炒年糕、意粉、韓式小食等等一應俱全。我地4個人叫左炸雞、炒年糕、石頭窩炒牛柳同埋海鮮意粉。炸雞：辣度較BB級，老少咸宜!炒年糕：咬落唔會好粉，飽肚流😂牛柳：有d似大排檔果隻風味，牛味足夠，75分海鮮意粉：水準中下，味又唔好濃，海鮮都係得d細細隻的蜆果類朋友叫左凍柚子蜜，就話似冰水多，麻麻地😵我叫左蝶豆花檸檬茶，反而正正常常，賣相同menu相有d不同……不過味道👌總結：連鎖式韓國菜，如果要我比分，我會比70分😉

今日天氣非常反覆，一時好天一時落大雨，我哋幾經辛苦行完釣魚翁，我哋完成後落返去康城咁我哋行完山，大家筋疲力竭，又口渴又肚餓，好想搵一個地方坐低休息，食個飯獎勵下自己，本來諗住去康城食，其中一個人住將軍澳話康城選擇唔多，佢就建議我哋一齊去坑口，有一間韓國餐廳推介畀我哋，咁我哋就搭地鐵去到坑口站假期門口好多人排隊，我哋等咗五分鐘到就入得叫咗個石頭鍋飯，揀咗雞肉，個石鍋燒到好熱，食嘅時候要好小心，不停吹不停吹，食曬個飯個鍋都仲熱，不過可能假期多人嘅關係，職員都好忙，食物都等咗好耐，不過整體環境氣氛都幾好下次想試下佢嘅部隊鍋

午市時侯，天氣太熱經過看見這餐廳，於是嘗試一下，坐下來招手幾個侍應，裝作看不見你，等了幾分鐘終於有人招呼，但想吃的午餐已沒有了，才1點半啊！絕絕絕不會再光顧！！！

見兩個多月無去食，於是再去食，但今次超級差，之前覺得呢間不過不失，只係較多油，但今次中伏頂住度氣，首先入去周圍枱底下好污蔑，應該係店員將客的食物抹咗D落地，枱面又有幾粒食物，都算心諗食完走，叫咗個石頭鍋肉粒豆腐，頂……，成鍋好似紅椒洋蔥雜菜咁，豆腐似豆卜，仲要得6小粒。好貴囉，又超多油，好興吖忍唔住叫店長望，佢話㕑房話有7至8件豆腐，我話吓有豆腐咩超细又扁似豆卜，佢用匙數豆卜，數到7小粒，就即细聲話有7件，7個頭咩爛哂一分為二啦，超嬲

時已11:20，但想食早餐真係係啲難道所以就搵左韓樂，佢早餐係去到11:30🤩🤩🤩啱啱好11:29入場,店員好醒目即刻幫的落左單先！保證我有早餐set 可以order豬扒部隊麵 $36樣就真係無特別，但豬扒又ok 喎炸魚柳餐 $39呢個真係推喇！ 勁大份！而且$39係咁大份！好抵食！塊多士已經好出色！ 多牛油已經好香仲要加少少蒜吊味！ 正！炒蛋都超滑超香，係個炒蛋底仲有個薯蓉真係男仔都夠飽！老老實實我覺得自己食緊all day breakfast 🍳 個魚柳先正！超！級！大！條！$39 佢當然唔係比深海魚柳喇但都好有誠意，原條龍利柳炸比你真係比起出面話食深海魚柳但薄滋滋黎得好真心滿足！💛

剛剛喺將軍澳附近睇完中醫 決定係附近食埋午餐先返屋企 今次揀左一間環境舒適 格局算大 座位寬敞嘅餐廳試下😏我見午市時段都算多人 但好彩吾洗排隊 量完體溫就可以即刻入座 😆餐廳名字叫「韓樂」 顧名思義係食韓國菜🍴 望見餐牌D圖片好靚好吸引 好似好好食咁🤤所以我都忍唔住嗌咗一客石頭鍋飯 另外再加點一份牛扒餐🐃。韓風板燒牛扒餐( HK$65) 一上枱賣相正常😬配菜選用左翠肉瓜 超爽口 切開入面個芯仲係硬 感覺太生 好似冇煮過咁😅牛扒肉質好韌 食每咬一啖都絕對係訓練牙力嘅好機會😒。溫泉蛋-豚肉-石頭鍋珍珠飯 ( HK$60) (配醬油麻香汁及韓風香辣汁)整體賣相好靚 材料豐富 米飯軟硬適中 但泡菜偏酸 而豚肉肥膏位置太多 食落口會較膩 拌飯醬汁較少 味道偏咸 。熱檸水 跟餐呢杯熱檸水係我飲過最難飲嘅熱檸水🥤佢係將d檸檬揸好哂汁加熱水 飲落口味道好奇怪 好似好吾新鮮咁🧐我都係中意自己篤檸檬片嘅熱檸水多d🙄 。食物:4/10價錢:5/10環境:7/10。韓樂 (TKO Gateway)將軍澳常寧路2號TKO Gateway西翼地下W001-W002號舖