韓正屋韓國料理

營業中

休息中

土瓜灣呢間韓國料理都幾抵食。韓式無骨豬手 HK$78佢有個好似豆豉醬咁，包埋落生菜度食又幾特別。個豬手肉都幾林，炆得都好入味。韓式炸雞（細）HK$25餐度加的小食，估唔到都幾大粒，又脆又幾好食。海鮮純豆腐湯 HK$62個湯少少辣，好有海鮮味，湯度有雜錦海鮮咩都有。芝士排骨 HK$168超爆多芝士，排骨個肉都好易咬，芝士要趁熱卷起，超級拉絲的。魚糕串鍋 HK$88份量好多，竟然有5串呀!!每串仲要好厚好多肉，反而個湯唔似韓國果D咁味精。

今日去土瓜環上堂，上完堂就搵下附近有咩食，見到呢間食韓國菜，菜式睇落都幾吸引，重點係唔收加一，於是就入去試下。一打開餐牌就比佢個芝士排骨吸引到，佢上黎果時係連埋個爐一齊上，芝士多到食唔晒好滿足，不過因為個爐會熄火，所以要快啲食之後就係細份既無骨豬手，有細份岩晒我地兩個人食，呢個仲有比埋啲配菜，覺得個泡菜幾好食加埋豬手好地道，唔錯去到主食就叫左泡菜煎餅同埋紙菜包飯，泡菜煎餅少少辣呢到因為冇附送小菜，所以就加左兩個小菜，一個涼拌芽菜同埋泡菜炒蓮藕，覺得芽菜比較好食，泡菜炒蓮藕中和左個酸味，但因為我比較鐘意食酸少少，所以覺得豬手個泡菜比較好食食左咁多野加埋都唔洗$200一個人，好抵食，岩晒大家想食唔同野既朋友

一向比較鍾意食韓國菜既我，有啲咩驅使我黎呢🤓就係因為見到連平日，餐廳內外都好多人，外面仲有人等位添☺️即刻決定要試一試佢！入到黎，當然要叫佢既招牌菜試下啦～就係韓式無骨豬手同埋芝士排骨😎另外仲叫咗韓式海鮮煎餅🐙吉列炸蝦紫菜卷同埋韓式肥牛魚片手打烏冬🍲仲有啲配菜…涼拌菠菜同韓式泡菜😬（好豐富）首先介紹吓個芝士排骨，俾佢個芝士同火焰震撼左眼球😦芝士慷慨又做到拉絲嘅效果，排骨好入味，配合埋芝士一齊真係食到舔舔脷！韓式豬手有生菜蒜片同埋泡菜做配搭，好易入口亦都開胃👍推介！吉列炸蝦紫菜卷好新鮮🍤細細嚿飯卷唔會好濟😉我最鍾意就係佢個韓式海鮮煎餅！真係好好食，海鮮味都好出，亦有啲墨魚仔😬配搭埋少少泡菜，好惹味呀☺️韓式肥牛魚片手打烏冬份量都好大碗😯烏冬彈牙，都好足料👍整體食物都唔錯🤓唔怪得吸引到咁多客人過嚟啦☺️👍

食過荃灣店的韓正屋，親民的價格和乾淨衛生的體驗讓我們在土瓜灣經過時又選擇了這家餐廳。相對於尖沙咀佐敦韓國菜一條街，沒有傳統韓國菜的感覺，但是價錢親民，年輕時尚的裝修和背景音樂，讓用餐氣氛很輕鬆，大部分餐牌都是十分合理的，韓式豬手是正宗的韓國吃法，只要醬汁包的比例正確，味道是很不錯的。石鍋鰻魚飯鰻魚味道不錯，建議食客飯要早一些開始攪拌，不然容易窿底，喜歡飯焦的可以忽略。蔬菜餅很有口感，用了不同的蔬菜，很有風味。烤牛肉拌飯用料十足，兩個人食到要打包。抵食之選，合適年輕人的餐廳。

其實本身唔熟土瓜灣呢區見到有我鍾意食嘅韓國鋪所以就入去試一試點知收銀員一入去已經完全冇禮貌態度惡劣講嘢又唔清楚坐低之後仲要話我呢樣嗰樣其實佢知唔知自己態度好有問題？當然我冇同佢爭拗食完就走以後都唔會幫襯我坐嘅係出菜位附近侍應放野太大力「並令瀕臨」好嘈食得好辛苦😓明白做飲食係辛苦但係都唔應該發洩喺客人身上上網睇原來我唔係唯一嘅受害者叫咗一個套餐人蔘雞隻雞嚡熠熠真係食到一肚氣環境服務食物全部都係一粒星都唔值唔明點解佢哋仲有分店？！

今晚專程來食韓式食品，前一排工作路過已經見到他，網上再看看，嘻...可以廉價慶祝考試成功過關。剛剛過了六時，早點食個晚飯，因擔心星期六夜了會人多....等位。未落實點什麼的時候，侍應姐姐推介了「芝士排骨」為了慶祝考試成功，豪食一次吧..哈哈！ 鍋中放上滿滿芝士，用火暖住食，侍應姐姐教我們襯熱，先把芝士卷好在每件排骨上，因芝士涼會凝固，哪就不好卷了，每一口都吃到芝士，排骨肉夠腍夠味，滿足。「豬肉石頭鍋飯」滿滿七彩雜菜，醃製過的豬肉略厚及少許硬，雞蛋撈落埋飯食，加不加茄醬也感味道OK，最好味就是有飯焦。「海帶湯」跟飯送胡椒味略重，合我們口味，多點海帶更好！。追加「韓式炸雞」 $25/3件炸得香脆，雖沒肉汁，肉仍嫩，好味！「韓式無骨豬手」看到旁邊的叔叔嬸嬸食得很滋味，我們又點，豬手皮彈牙，肉有饞勁不肥，包生菜，生蒜，泡菜，加少少豆醬，好味又抵食。追加「咖啡沙冰」沙冰好滿，要先飲兩啖才不會瀉出，慢慢攪勻，咖啡與沙冰才不會一些濃味，一些淡味，味道有點像少甜的明治Chelsea 糖的咖啡味，沙冰很凍，正！說實，小店經營，價錢像茶餐廳，食物味道可以，不到一百元食到生菜包豬手肉，而且不加一，香港食店越

平日夜晚覓食 見到依間韓國野相片價錢都幾ok 就衝入去試下 環境同價錢成正比 環境光猛同都乾淨既 座位方面就符合香港特色 同行人士大家中等身材都感覺有少少坐落不安 又或者可能冬天著衫厚左？一入座枱面都有放左水樽 杯同紙巾 真心值得一讚包佢提供紙巾好厚實 比自己屋企用緊個隻仲厚 用qr code 掃code 自助落單 過程順利 食物叫左1. 鐵板燒牛仔骨熱辣辣鐵板上汁燒牛肉 肉質還好 雖然韓國菜 但煮到有中菜既感覺 但都算好味既2. 芝士泡菜炒飯 炒得好乾身 一啲都唔油 泡菜足料 食食下都有d辣 3. 芝士蛋捲 蛋捲嫩滑 蛋捲上加左茄汁同芥末 都夾既4. 韓式無骨豬手豬手肉質嫩滑唔鞋 大大碟 附生菜 生蒜頭 同 韓國辣醬 夾埋一齊食相當有韓國嘅感覺 飲品叫咗2杯韓國咖啡 估唔到依度咖啡係mvp 唔係個種煲燶底既茶餐廳咖啡 當然未去到cafe 質數 但水平都算幾岩我地口味 大家都一致推薦👍🏽兩個人飲飽食醉 埋單300多 算幾抵食 大推無骨豬手 同韓國咖啡

上網搵土瓜灣炸雞推介，搵到哩間店名叫韓正屋嘅餐廳，於是約埋女友小熊一齊去開餐.因為女友小熊同我一齊拒絕再幫襯家鄉龜，而佢話好耐都無食過炸雞了，於是上網搵搵D推介，就搵到哩間.我唔識欣賞韓國菜，首先唔鍾意食辣，已經好多嘢唔食，唯獨欣賞炸雞，每次幫襯都滿意，所以對韓式炸雞有信心.先點咗石頭雜錦鰻魚飯同石頭傳統雜錦牛肉飯，再加錢每客$25點兩客炸雞，最開心係..... 居然有我大愛沙冰! 馬上點柚子味同咖啡味沙冰.優點:1, 炸雞出色! 外層香脆內屠雞肉入味嫩口 Juicy! 好味! 推介!2, 只係加25蚊就有3件好味炸雞，性價比高!3, 柚子味沙冰夠甜夠濃味!4, 石頭飯底飯焦夠香口之餘，份量亦唔少，成碗飯底都係飯焦! 飯焦控必定滿足.5, 服務滿意，轉枱無黑面，沙冰俾錯咗幼身飲管又會主動更換.缺點:1, 鰻魚質素唔得，無入口即溶感，嚴格嚟講質感帶韌，當然唔係韌到咬唔開嘅韌啦....2, 咖啡沙冰偏淡，而且咖啡味重，甜D更夾自己口味.3, 環境比較迫，人客又多外賣又多，分分鐘要等位.睇 Menu 牛仔骨好似好正，韓牛出名唔洗我多講，下次食牛仔骨後再出食評.

呢間之前係荃灣堂食過幾次服務都幾好，但土瓜灣呢間完全另一回事今次經過土瓜灣附近見到有分店就行過外買返屋企食，我同個職員講要一個泡菜牛肉豆腐湯， 炒年糕個職員話要唔要＂dede ＂啊⋯⋯真係get唔到咩意思，我話可唔可以講多次，跟著個職員態度好囂張，反白眼咁對著我我真係嚇親，唔係吧，你自己講野唔清晰仲咁惡劣嘅態度對個客，真係好無話返到屋企試佐個泡菜牛肉豆腐湯，牛肉真係咬唔爛，完全食唔到，認真比起荃灣果間相差太遠，特別係職員咁差嘅態度，講真真係冇下次

土瓜灣北帝街多嘢食人人都知道😉最近新開左間韓國菜，唔知大家試左未呢😌韻兒為大家去試下先🤭餐廳細細都坐滿哂人，2位服務員都十分忙碌🤭可以用QR code 下單，節省時間2個人嗌左3樣嘢：前菜有涼拌海帶同芽菜、送2罐白提子汁牛肉紫菜卷：牛肉ga嫩滑和紫菜ga脆脆相互襯托，非常美味可口。芝士蛋捲：蛋捲的口感軟綿，味道香濃，配搭芝士入口即溶💯魚糕串鍋傳統韓國火鍋料理。魚糕呈筒狀或魚形，有彈性和嚼勁。鍋中加入高湯和一D蔬菜，例如白菜、蘑菇和豆腐，然後將魚糕放入鍋中煮熟。味道濃郁，湯底鮮美，魚糕的彈牙口感令人愛不釋手。炸物拼盤 炸雞：炸雞系拼盤中不可缺少的一道菜，外酥内嫩，带有辣味和香味。炸餃子:酥脆的外殼配合濕潤內餡相結合而成。炸蔬菜：有洋葱圈、南瓜和胡萝卜等。炸后嘅蔬菜香脆可口。韓正屋韓國料理土瓜灣北帝街38號地下4號舖

路過呢頭想食韓國野，見到餐牌啱食又平，裝修又新，所以快快入去醫肚。大家太肚餓，所以叫咗好多野食，食物送到上枱都大份可以share食。牛肉紫菜卷，牛肉搭配紫菜，使得牛肉的原味更加突出，搭配著一點點醬油和芥末，更能提升整體的風味。韓式蓄麥水冷麵，清涼爽口的麵條搭配新鮮蔬菜和特製的蓄麥湯底，一點都不會覺得膩。雜菜豆腐湯，適合食辣人士好開胃，將豆腐的滑嫩和各種新鮮雜菜的爽脆完美結合，再加上一點微辣的調味，帶有韓式風格的湯底更是突顯了整體的豐富口感。板燒飯牛仔骨，牛仔骨經過板燒的特殊烹調方式，肉質鮮嫩多汁，外皮烤得酥脆，香氣四溢。這道菜是韓正屋極具特色的經典菜品之一，值得一試。韓式炸泡菜餃子，酥脆的外皮包裹著新鮮的餡料，其中的泡菜更是為整體帶來了新鮮的風味，每一口都是滿滿的驚喜。飲品柚子沙冰好好飲，推介。

屋企附近非常抵食大份好味嘅韓國菜。1、涼拌菠菜，芽菜菠菜和芽菜保持了原材料的嫩脆，清爽的口感在每一口中散發。清淡中帶點微酸的調味使得這一道涼拌菜成為一道理想的開胃菜。2、牛肉紫菜卷鮮嫩的牛肉被包裹進紫菜裡，一口下去味道超贊，不僅飽肚而且菜品外觀十分精緻。3、人參雞湯湯底濃鬱，雞肉鮮嫩，搭配著人參的香氣，每一口都是滿滿的養身暖意，非常有營養。4、鐵板燒牛肉牛肉經過鐵板的燒制更加鮮嫩多汁。搭配特製的醬汁，牛肉的香氣更加凸顯，令人難以抗拒。5、柚子沙冰(跟餐)這款甜品以清新的柚子風味為主，柚子的酸甜與沙冰的滑順交融，帶來一種令人愉悅的味覺體驗。6、韓式炸泡菜餃子（4件）餃子外皮炸得酥脆，內裡的餡料則包含著韓式泡菜的香辣風味。這道菜是很經典的韓餐之一。

難得好友最近黎我屋企, 佢又中意食韓國菜, 就試下屋企附近間韓國餐廳啦.先點左炸雞, 炸到卜卜脆, 外脆內軟. 雞肉又juicy 多汁.牛肉紫菜卷, 入面有青瓜絲、蘿蔔絲, 牛肉, 食落美味又飽肚.海鮮純豆腐湯, 熱辣辣奉上, 豆腐、蜆肉、金菇都好多, 飲完個身好暖笠笠..海帶湯, 清清地, 好多海帶, 健康又清新. 牛肉炒粉絲，比較腍同乾身，好滑溜，不知不覺食完一條又一條～ OVERALL 好抵食, 食完仲好飽肚, 呢頭韓國餐廳唔錯既選擇.

剛好有事到附近探索，見到店面乾淨整潔，店員殷勤熱情，menu價錢實惠免加一海鮮豆腐湯好足料，湯底比較清，味道帶鮮唔太辣主食可以優惠價加配小食，辣年糕（小份）剛好，年糕魚糕都有煙靱感覺鐵板炒豬肉熱辣辣，味道有啲五香肉丁嘅感覺，洋蔥鋪底，鐵板下吸收油花與醬汁精華，超級送飯泡菜餃子炸得香口，但餡料不甚出色炸雞外脆內嫰，咬開仲有肉汁，無需特別調味已經好正牛肉飯卷都好清脆平均，餐廳整體水準合理，性價比極佳

味道不錯，價錢合理，今次第1次試食，點左韓式辣豆腐煲及韓式牛肉壽司，$62+43，價錢親民，地方環境算正常、企理，見到隔離枱點煎餅食，－路食一路話好味，土瓜灣街坊值得一試。