韓正屋韓國料理

營業中

休息中

位於土瓜灣的韓正屋是一家以韓式料理為主打的餐廳。這家餐廳以石頭鍋飯、海鮮煎餅而聞名，裝修都幾新凈。首先，韓正屋的石頭鍋飯幾好，這道傳統韓國料理以其豐富的味道和口感著稱。每一口米飯都充滿了石頭鍋的香氣，而上面的配料則包括了新鮮的蔬菜、烤肉、雞肉或海鮮。仲有人森雞湯，入面有糯米，半只雞。牛肉紫菜卷都唔錯。最後，韓正屋的裝修也值得一讚。應該系新裝修，臨近聖誕節，仲有聖誕氣氛。總的來說，韓正屋是一家提供優質韓式美食的餐廳。

今日晩飯時間太肚餓，見到間韓正餐廳又新新地、又多人食，就衝咗入去...點知就瀨嘢了...店員一開始見鋪面無位而我一行得兩個人，就叫其他食客坐埋一面，讓半張枱出嚟比我地坐。坐低咗諗住落單，比咗個QR code嚟，點知唔work嘅，示意店員幫我地人手落單，但由於佢忙於照顧外賣客，掉低咗另一張QR code紙，就叫我地再落。點知仲係唔得，打算叫人過嚟幫我地落單，足足等咗等咗十五分鐘，姐姐先過嚟幫我地落單。食物上菜嘅速度合理，我地叫咗板燒牛肉飯同石鍋飯，賣相不錯，逐樣配菜試再試埋牛肉，基本上佢所有嘢得個「咸」字，完全無分別可言。最後同場加映姐姐將食客嘅柯打搞錯哂，將牛肉石頭鍋飯比咗一位唔食牛肉嘅食客，又將兩枱食客嘅order搞亂哂，到上菜嗰陣先發覺自己比錯咗1號枱嘅食物去2號枱，跟手直接由2號枱攞返人地1號枱嘅食物交換...連問都無問人地掂過啲嘢食未，就咁做...又無講唔好意思，成件事好兒戲而且令到在坐食客觀感不佳，真係差啲連飯都噴埋本身呢餐就負分嘅，但見姐姐咁灰諧幽默嘅演出真係令娛樂性大增，食客感受就閣下自理。有咩事都唔會再去食，費事鹹到腎都甩

七月第一次食 永無下次嗰陣見佢午餐價錢唔算太貴所以幫襯佢落完order之後打開餐具櫃拎餐具 點知就嚇親因為佢哋嘅餐具好污糟　連水杯都冇洗乾淨 冇清洗乾淨嘅油就咁浮喺啲水上面一見到佢哋嘅餐具可以咁污糟 我寧願加錢去叫佢用外賣碗裝我啲食物記得我嗌嘅係泡菜雞肉湯年糕 實物如圖 味道普通得不得了 純粹係所有啲嘢整熟完之後落喺同一個碗度 同埋湯底好淡唔衛生、食物普通之餘仲要侍應態度好差我同佢講話啲餐具好污糟然後佢就好唔耐煩咁回應我：得啦得啦😂最後建議間餐廳與其係咁抌本去買繕稿 仲不如好好咁提升質素 你剩係可以呃到住其他區，唔知情嘅人一次 基本上住喺土瓜灣嘅人都知道質素好差

最近試咗喺何文田韓正屋嘅午餐海鮮燉豆腐湯，我想同大家分享下我首先，湯底味道鮮美，有淡淡嘅海鮮香味同豆腐嘅滑順口感。湯底唔算太濃稠，個人覺得啱啱好，不會太過油膩。海鮮部分，湯裡面有新鮮嘅魚片同啦啦，口感都幾不錯。魚片鮮嫩，啦啦都有啲咬勁。當然，個人覺得如果再多啲海鮮類型會更加豐富。至於價錢，午餐海鮮燉豆腐湯嘅價格係合理範圍內。考慮到韓正屋嘅環境同服務質素，我覺得呢個價位係可以接受嘅。總括而言，喺何文田韓正屋午餐海鮮燉豆腐湯係一個不錯嘅選擇。湯底鮮美，海鮮口感不錯，價格亦都係合理嘅範圍內。如果你喜歡海鮮燉湯，不妨一試！

外賣叫咗個紫菜包飯，辣炒年糕，鐵板雞肉飯。一打開個外賣，見到個賣相已經好唔精神，碗飯個外賣盒仲黐住一對白飯紫菜包飯，得個咸字，紫菜冇搽芝麻油，所以唔香同埋乾爭爭。辣炒年糕，啲年糕好實好「腎」，好少汁又唔夠濃味，所以識落好淡口。鐵板雞肉飯，啲雞煮到仲老過我太婆，啲飯又嚡霎霎，成碗嘢又係得個咸字，完全冇其他味道。我個人唔太鍾意浪費食物，諗住粗粗地都食晒佢，但係食食吓真係搞唔掂🫠我平時都懶得打食評，但係呢間嘢難食得來太出色，要特登出個post嚟表揚下佢。我見有其他食評話呢間嘢幾好食，我諗佢哋一係就收咗錢，一係平時食開垃圾🥴如果你有冒險精神，又想試吓佢究竟有幾難食，我誠意推薦你試吓🤡

見佢新開就嚟試下， 點了雙拼鐵板，拉絲芝士炒年糕，韓式雜菜炒粉絲，追加咗韓式炸雞和魚糕串， 兩個肉都好好味喺鐵板上好香， 不過就冇乜汁撈唔到飯，炒粉絲都炒得好鬆，唔會黐埋一舊舊，都唔錯， 芝士炒年糕都幾多芝士，辣辣地幾好味，年糕幾煙韌唔錯，小食都唔錯不過份量比較少，可能我大食 哈哈 😄整體都唔錯，新店加油 💪🏻同埋熱辣辣正

未食過咁難食野韓國野平時都冇乜會打食評，但呢間野真係不得了，性價比直頭係零！野食除咗鹹味，就係得鹹味。海鮮豆腐湯：得一隻青口、一粒魷魚鬚同少少碎晒既豆腐，配埋有辣味好鹹既水。如果要加飯就要加多12蚊。迷你部隊鍋：配料多過豆腐湯少少，有兩舊豆腐、兩片午餐肉、4粒腸、少少金菇，但係冇麵。我見識少，原來有部隊鍋係冇麵。最西利係，問清楚個店員係唔係冇麵，個回應竟然係：「係咁架啦」就走咗去。太難食，相都冇影就走咗。大伏，冇下次！

部隊火鍋 $188 (2人份) 湯底可自選泡菜辛辣或者豬骨湯底🍲 配料有10幾款包括司華力腸、香腸、午餐肉、魚糕、年糕、金針菇、翠玉瓜、豆腐等，另外再送芝士公仔麵/ 粉絲，食到後面加埋落去 又拉絲又吸收晒湯底精華 超級邪惡🧀️ 部隊鍋的配料除左一早已經落左個好幾款之外，額外仲包左幾粒泡菜餃子 分開上🥟 自己就返時間落會唔會越煮越爛 設計安排都算貼心～ 而呢個套餐仲包三款前菜，辣蓮藕同辣泡菜都屬於重口味系列，比想像中辣同酸！另外每人有一杯飲品，冷熱都唔需要額外加錢㗎～初頭以為部隊鍋唔算好多嘢，所以額外叫左炸紫菜粉絲卷 $42 同埋多一份生菜包辣豬肉 $75🥬 點知最後真係眼闊肚窄食唔晒！粉絲卷有成8件咁多，每件都炸得酥脆 夠晒熱辣辣🔥 辣豬肉就偏濃味 配埋生菜食就比較好🌶️

土瓜灣新開咗間餐廳叫韓正屋，主打韓國料理，喜愛韓國嘅女兒立即叫埋我試吓！人參雞湯選用韓國人蔘及原隻嫩雞炮製而成，名貴滋補而且風味十足，雞肚塞有糯米、栗子和紅棗，雞湯味道濃郁，而且雞肉嫩滑，雞骨亦已經煮到用湯匙便可輕易分離。板燒飯豬肉，熱辣辣的鐵板上有菜有肉，軟嫩的豬肉片味道辣辣地非常惹味，送飯一流！韓式芝士蛋卷：煎得厚厚的雞蛋, 包上濃香芝士。輕輕切開雞蛋, 馬上湧出金黃色的芝士，芝士帶啲咸香，入口不會太膩, 外層加上茄汁和蛋黃醬， 味道惹味香甜。韓式炒粉絲，韓式粉絲是用蕃薯粉製作而成的，吃起來Q彈有韌度，非常有口感！

放咗一個月暑假，又要準備返學啦，今日活動後經過北帝街見到開咗間韓式小店，喺土瓜灣真係好少見，未夠六點都已經坐咗一半人，門口見佢嘅價錢又抵食，決定食個早飯。淨係睇個價錢已經贏晒，街坊價錢，份量都好大。辣豬肉板燒飯，d肉多到不得了，味道唔算好辣，鐵板熱辣辣，將啲肉攤返平方便翻熱。拉絲芝士年糕，芝士超多同真係堅辣，一罐汽水唔夠喉，要叫多罐。留意番：主食可以加錢追炸雞/餃子。韓式無骨豬手，加埋新鮮生菜同配料任君選擇，食落去冇咁油膩。特色飲品，柚子沙冰，喺出面好少見食完辣野飲沙冰透心涼。叫咁多嘢都係二百零蚊，唔怪得知咁多人排隊啦。

價錢親民既韓國菜往往開係住宅區，要地膽先知，今日試左一間飯類都只係五、六十蚊既平民韓菜餐廳。.裝修就好搶眼，大大塊霓虹燈寫住店名，食物種類同選擇都算可接受，坐位就比較迫少少，無辦法店比較細。.🔹泡菜豬肉豆腐湯🔹份量好足，入面有五花肉、豆腐、金菇，味道係正宗既，唔會太酸或者辣，比較岩香港人口味。.🔹石頭傳統雜錦牛肉飯🔹用石頭上，會聽聽到滋滋聲，熱辣辣，配料有菠菜、芽菜、蘿蔔絲紫菜同半熟蛋，牛肉味道唔錯，細塊啲會比較易入口，加上拌飯醬撈一撈非常正。.🔹韓式壽司🔹$32 去邊到揾，大大條好實淨，包左啲o蔬菜，健康又飽肚，性格比高既選擇。.總括黎講，呢到性價比好高，味道就比較貼近港人口味，走大眾平民化路線。

🇰🇷土瓜灣街坊韓國菜🇰🇷🎈鐵版燒🐄牛仔骨🐄（$137)🇰🇷真係有熱辣辣既鐵版😎😀上菜個時重"炸炸聲"啖啖肉岩曬食肉獸既朋友！咬落有肉汁送飯一流🎈韓式蕎麥水凍麵🍜（$50)🇰🇷炎炎夏日有時食下涼拌下火都好！標準蕎麥水凍麵既味道份量好足料既🎈 雜錦牛肉拌飯🍚 （$65)🇰🇷韓式辣醬任落呀！流心蛋撈飯！配料都好齊一個涼拌既感覺岩曬夏天🎈 雞肉紫菜卷🍙 （$41)🇰🇷外賣左番去做宵夜既雞飯卷！配柚子汁！都有10粒大大粒！雞肉配酸瓜幾夾☺️韓國梨子汁同白提子汁🧃 食完想快d 去韓國🇰🇷旅行呀☺️咁多野都唔洗$300 經濟之選😀

屋企附近最近開左間韓國餐廳, 懶煮飯既我地就去試下新野啦~叫左個2人餐, 有人蔘雞湯、鐵板燒牛、石頭傳統雜錦雞肉飯～人蔘雞湯 - 呢個真材實料, 人蔘湯甘甘地, 入面仲有成隻雞, 雞肉嫩滑又啖啖肉, 正～鐵板燒牛 - 牛肉份量都幾多, 好味, 下面仲有ｄ洋蔥鋪底，幾有誠意～石頭傳統雜錦雞肉飯 - 熱辣辣奉上, 入面有好多料, 我地自己加左d 辣醬撈埋一齊食, 食到下面有飯焦, 唔錯～另外，我地仲叫左碟炒雜菜粉絲，比較腍同乾身，滑嘟嘟，食完一條又一條～overall 食物質素唔差, 價錢亦好抵, 冇加一, 以上加埋都唔過$300, 下次會試其他野~

嗰日咁啱去開土瓜灣本身都唔知食咩好見到呢間出面有幾個人排隊就試吓～望咗價錢牌啲嘢食比起其他區都平咗一截佢嘅前菜就係要自己叫先有嘅～ 不過咁樣就唔會浪費食物👍🏻入面都幾闊落 坐到好多人 平日夜晚嚟講真係幾full韓式雜錦海鮮年糕湯麵個湯本身都濃味 亦都多海鮮 有青口、蜆、蝦、八爪魚仔 份量足夠 湯麵亦煮得啱啱好 個麵唔會好腍 呢個價錢嚟講唔錯韓式牛肉年糕湯麵呢個牛肉片係類似平時食沙嗲牛嗰隻牛肉 所以食落唔會太肥 而且份量都幾okay唔會得兩三片韓式炒年糕本身好鍾意食啲煙韌嘅嘢，所以呢個年糕嘅韌度對我嚟講啱啱好 不過朋友就話覺得唔夠腍🤣涼拌菠菜、韓式泡菜正正常常 菠菜如果多啲麻油會再香啲！泡菜再酸啲都得🤪蜂蜜紅棗茶蜂蜜柚子茶食完走人嗰陣大概八點鬆啲，見到出面都仲有人等緊外賣，係呢一邊比較受歡迎嘅餐廳～

星期六晚同仔仔同埋佢同學一家去試，餐廳好細，我地4個小朋友加兩個大人，基本上係枱貼枱，嗌左野食之後，啲服務員態度極差，同佢講鐵板唔好係小朋友個邊上，嘴miu miu 話：張枱甘大都攪到好似無位甘，極度無禮貌，之後仲話甘多細路好嘈，我同佢講：小朋友係嘈㗎啦，下次你寫明不招待10歲以下小朋友呀嘛其實啲小朋友都讀小四，佢地甘大個，只係睇下電話，傾吓偈，無郁手郁腳。嗌左鐵板牛肉飯，啲飯好硬，牛肉好似柴皮甘，炸雞套餐加$25，份量極少，得3塊，仲要好硬，醬汁好難食。鰻魚飯極腥，食唔到落口態度加食物質素係食過最難食嘅韓國嘢，無下次