韓燒大叔

營業中

休息中

🌟餐廳在旺角地鐵站一出的友誠商業中心，超級方便。室內抽風系統幾強勁，吾覺有油煙味。🌟午巿自助餐性價比一流，$168可以任食90分鐘，食埋海鮮都係加$38😍🌟餐廳設計係韓式街頭風，牆壁畫滿璧畫。🌟有自助區任夾配菜，蔬菜，甜品，醬料，飲品，仲有軟雪糕機！🌟燒烤爐設計幾好，有個圓形木托盤，可以放燒烤配料，好方便，影相一流😆🌟所有配料有成36款😋肉類選擇都多，推薦安格斯下肩甲，牛肋骨，雞肉，牛舌，豬扒。🌟韓式小食推薦炸雞，4種口味都試左:原味，辣醬，蜂蜜牛油，芝士粉，炸得香脆😋🌟海鮮類推薦白蜆同翡翠螺，鮮味彈牙👍🏻🌟另外秋葵，香菇，金菇燒完爽口多汁😆🌟90分鐘超級足夠，不慌不忙食得好滿足👍🏻

朋友聚會，一行四人，肉類款式好多，而且都非常好食，係熟食一般，蔬菜選擇就一般正常，但係係可以無限自取生菜，包住啲燒肉嚟食，簡直一流。我哋就加錢升級咗海鮮刺身，不過真心真係好full，如果細食嘅朋友可以唔需要升級都得。醬汁都有成6款以上比你簡。

韓燒大叔 UNCLE SIUUUUU！📍旺角西洋菜南街51號友誠商業中心5樓今日去銀行中心辦事，行出黎被友誠商業中心樓下既韓燒廣告所吸引，就直接上５樓既韓燒大叔食放題。韓燒大叔放題餐廳既環境非常舒適寬敞。餐桌之間嘅距離不會讓人感到擁擠。餐廳裝潢簡潔而現代化，讓人感到舒適和放鬆。此外，餐廳提供了良好嘅通風系統，讓整個空間不會有油煙味。韓燒放題的關鍵在於新鮮的食材。這裡提供既食材非常新鮮，品質也很好。肉類選擇多樣，有豬肉、牛肉和雞肉等，每種肉都切得很薄，烤出來的口感鮮嫩多汁。另一個亮點是有個自助雪櫃，放有豐富多樣的配菜，足以平衡多肉既油膩感。此外，還提供了各種醬料和調味料，讓食客可以根據個人口味調配出獨特的味道。最正既仲有１部軟雪糕機，雖然已經好飽，但都忍唔住整多杯軟雪糕，雪糕好滑，仲可以加棉花糖，果仁碎，果醬等，真係好正。

同朋友喺附近行完街，就打算叫韓國菜，原來韓燒大叔除左燒肉外，除提供午餐套餐每個餐送飲品加湯外，仲可自選韓式小食三碟，選擇有韓式泡菜，椰菜，粉絲，韓式大豆芽，韓式小白菜，勁抵食。韓式肥牛部隊鍋 $168呢個部隊鍋相當豐富，份量好大份，有肥牛，蟹柳，芝士，年糕，魚膏，金菇，雜菜，豆腐，冬菇、雞髀菇，腐皮，午餐肉，重有必備既韓國公仔麵，一直用細火煮住，越煮越辣，公仔麵勁Q彈，真係兩個人食先食得晒！韓式蘿蔔湯傳統韓式泡菜韓式大豆芽韓式小白菜一和椒井有汽水（青檸味）韓式炸雞配飯 $98可自選味道，今次我簡左蜂蜜牛油味，炸雞外皮炸得金黃酥脆卜卜，肉質入口多汁，濃濃既蜂蜜牛油味，令雞肉更多汁濕潤，右帶來了陣陣奶油既香氣，簡直係同蜂蜜甜美既完美配合。泡菜豬肉湯韓式白蘿蔔韓式大豆芽樂天忌廉溝鮮奶

食完Uncle Siuuuuu，煩惱全部Siu。喺一個忙碌嘅weekday，要放鬆一下。呢度晚市嘅人流幾多，侍應安排左我地坐靠窗位置。唔同角落安置嘅大電視播放嘅K-pop MV令氣氛更佳。晚市自助餐提供嘅肉類好豐富新鮮，我尤其鍾意一下幾種肉類：🌟#韓式牛肉店鋪醃製嘅牛肉喺燒完之後仍然鎖到肉汁同埋保持爽滑口感。🌟#韓式豬頸肉肉汁嫩滑，豬肉嘅香味透過煙韌口感慢慢滲出。🌟#霜降一口牛我將一口牛燒到六至七成熟，發現口感外燻內軟，牛肉鮮味透過滲出黎嘅肉汁散發開，夠曬滿足。餐廳自助區終於提供各式各樣嘅配菜，有大量生菜供客人包肉食，中和翻食太多肉嘅油膩感。甜品區更有各式蛋糕同雪糕，又有格仔餅去滿足客人「第二個胃」。食完呢餐，只能夠講：「太滿足了！」P.S. 呢度自家研製嘅泡菜真係好高質開胃！

韓燒大叔地點十分方便，離旺角站E出口十分近，主打韓式燒肉放題，餐廳環境非常舒適，卡位坐得好舒服，裝修簡約且乾淨，一路食一路聽著K-pop音樂，令人感到放鬆。餐廳提供多種新鮮的食材，包括肉類和各種配菜 ，午市自助餐十分抵食， $168已有各項肉類，小食，自助蔬菜、飲品和甜品Bar ，我加多$38就可以嗌埋海鮮，我地食午市自助餐可以食90分鐘；平時餐廳午市套餐:60分鐘；晚市自助餐:120分鐘餐廳肉類選擇多，肉味香濃，海鮮非常新鮮，燒完非常香口，燒完脆卜卜，配埋醬汁好惹味。小食方面非常多選擇，特別推薦泡菜煎餅同韓式蛋卷。值得一讚嘅係餐廳抽氣設備好好好，唔洗擔心食完之後身上有陣油煙味，而且上菜速度非常快。總括而言，韓燒大叔食物選擇多，而且質素好，而且，如果你喜歡韓國料理，不妨一試韓燒大叔！韓燒大叔📍旺角西洋菜南街51號友誠商業中心5樓

今日黎韓燒大叔食午市放題。餐廳都不少高質的牛肉選擇，包括韓牛片、牛舌、安格斯牛板腱和牛肩胛片。肉質鮮嫩多汁帶有濃郁的牛肉味。安格斯牛板腱和牛肩胛肉質鮮嫩好食，值得一讚，食完又再食。韓國豬腩片香口好味。韓國前菜欵式多，開胃好味。八爪魚仔新鮮好味。瓜菜、飲品、甜品、雪糕、泡芙等。值得一提的是泡芙，香甜可口，前後食咗6個，份外滿足。未到90分鐘，個肚裝滿了、很滿足。餐廳地方光猛寬大、座位寬敞，服務員多及有禮貌，價錢大眾化超值。值得再去。

韓燒大叔今次要介紹旺角友誠商業中心樓上一間韓燒任飲任食店，韓燒店個名叫「韓燒大叔」，佢哋午市任飲任食任燒90分鐘都只係做緊每位$168，2位以上要海鮮都只係加$38，呢間韓燒店款式都多，肉類都有14款，韓味小食都有13款，海鮮就有9款（要加$38），飲品得一部汽水機，想飲非酒精飲品或酒精飲品就要加錢，仲有仲有有一部雪糕機可以比人任唧雪糕唔嬲！以下係我推薦嘅韓燒食物：1.牛肋骨（9.5/10）2.美國肥牛（9.5/10）3.韓式雞肉（8.5/10）4.美國安格斯下肩胛肉（9/10）5.薄切牛脷（9/10）6.韓式柚子單骨雞翼（9.5/10）7.韓式炸雞軟骨（8.5/10）8.韓式蛋卷（8/10）9.韓式炸雞（9/10）10泡菜豬肉湯（9.5/10）2人總共價錢$336個人口味總評分：9/10@uncle.siuuuuu 地址：旺角西洋菜南街51號友誠商業中心5樓Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#韓燒大叔 #旺角 #旺角好去處 #相機食先 #香港美食

📌韓燒大叔（旺角）之前上網已經留意到呢間韓燒 覺得幾吸引 中意燒肉嘅我又點會唔黎試吓呢😆餐廳好近旺角站 地點好方便見到佢加$88就可以任食刺身同海鮮、酒類四人同行仲會有野送添～✨前菜都有好多選擇 泡菜、蓮藕、辣醬拌米蟹、辣魷魚鬚等等米蟹幾特別 咬開有膏架～✨刺身最中意帶子 食落鮮甜😋呢到嘅肉類都幾多，豬、牛、雞、羊都有～個人中意安格斯牛頸脊 較少脂肪 食落有啲咬口 叫左好多碟牛😆蝦都大隻又新鮮～✨小食叫左炸雞同蛋卷兩樣都幾好食～炸雞熱辣辣又香脆 甜品仲有雪糕同泡芙等🤪餵食嘅我減緊肥都忍唔住食左一杯！🤣

【旺角•韓燒大叔】@ππππππππππππππππππππππππππππππ旺角韓式鐵板燒放題推介這裡使用的肉質選材講究，從漢堡肉的鮮嫩汁滿到豬五花的肥而不膩，每一塊肉品的質感都令人讚賞。特別是牛小排，烤至外酥內嫩，肉汁豐沛，配上一絲絲纖細的肌理，入口即化，呈現出肉質的極致鮮美。韓式燒肉離不開其特有的豐富醬料。從經典的秘製燒肉醬到清爽的韓式泡菜，每一種調味品都是饗宴中不可或缺的角色。燒肉醬的層次豐富，既能突出肉品的醇厚，又不失甜辣滋味；泡菜的爽脆酸甜則在口中添增了幾分解膩的清新。服務人員的專業和熱情為整個餐飲經歷加分不少。他們對於料理的介紹仔細細致，能夠隨時滿足顧客的需求，讓人感到賓至如歸。鐵板前的師傅則在燒烤間展現了高超的技藝，不僅讓食物口味倍增，同時引起了食客的好奇與興趣。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 778 2位✨✨✨✨✨✨✨✨✨✨✨✨✨#旺角美食 #韓燒大叔 #web3旺角韓燒大叔旺角西洋菜南街51號友誠商業中心5樓

見到呢間韓燒🇰🇷大叔🧖燒肉店🥘評價不錯，💲 三佰幾蚊巳有齊韓式同日式食物， 所以雖然係平日， 入坐率都有八成以上喎。🍭韓燒（豬牛雞🐷🐔🐂， 海鮮🦐🐠， 菜蔬🥦）入坐後服務員🧑‍🤝‍🧑即時放下燒肉拼盤， 咁我地可以即時有野食，亦可㨂喜愛嘅肉追加， 超細心❤️。 响咁多款肉中， 最鐘意係封門牛🐂柳， 下肩胛肉同霜降一口牛， 追加無數。🍭魚生同韓式🇰🇷小食呢間係韓式餐廳， 當然韓國🇰🇷🍢小食必有好多款， 但其實佢嘅魚生🐠都唔弱， 帶子肉厚鮮甜， 生魚片油脂豐富， 享受完熱辣💥嘅燒肉後再配鮮甜魚生🐠， 口感豐富，係個不一樣的體驗💋。🍭甜品🍨，飲品🥤放題自助區可以自行焗格格餅，刨冰同爆谷， 食完香辣惹味後，再用甜品作句號👍。

好耐冇食過韓燒尼度晚市放題 $298起😋選擇都幾豐富 最緊要係好食！店員會先上豬牛雞肉 8款 每份一小碟 可以逐樣都試吓口味先🤩再以QR code 落單 分別有美國及澳洲安格斯牛肉提供肩胛肉、牛板腱、牛頸脊、肩胛翼、內群肉等等部位都有得揀 雞肉同雞軟骨都好推薦 醃得好入味 好好食😋+$88 可以任食刺身、海鮮、啤酒任飲刺身都好肥美鮮甜 三文魚厚切夠唒正更會提供湯底用嚟煮海鮮 安排得好細心自取區雪櫃內有各式各樣嘅韓式小菜 完全實現食小菜嘅自由啊～泡菜、芽菜、白蘿蔔、藕片、辣魷魚鬚、大蒜醬菜都好好味亦有提供一些新鮮蔬菜可以燒吓菇菌類、洋蔥圈、南瓜、秋葵等等甜品必試窩夫🧇加埋充滿奶香嘅軟雪糕同爆谷真係好邪惡！好味！下次要試埋蛋糕同泡芙！餐廳位置坐得舒適 店員服務好殷勤又好快手 開心食足兩個鐘 超飽超滿足💗

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯身為肉食獸嘅我，出邊食燒肉多數都會揀任食放題🇰🇷，就一定可以食到回本。週末嘅時候去到旺角嘅「韓燒大叔」，午市韓式燒烤 $168起，加多$38包埋海鮮，最近仲做緊推廣優惠，啤酒都係$48買一送一好抵呀～肉類🥩14款肉類包括安格斯牛、牛脷、美國肥牛、韓國特級午餐肉，紐西蘭羊肩肉，薄切五花腩，牛肉，牛肋骨，辣豬肉，豬頸肉，雞肉，雞軟骨等等。我自己就最鍾意安格斯下肩胛，肉質厚實肉味夠濃。海鮮🦐9款指定海鮮：八爪魚仔、海墨魚、海魷魚、魷魚鬚、多春魚、青口、白蜆、墨魚咀和翡翠螺。我自己就一定係揀多春魚，原條勁新鮮，燒到兩邊香脆都唔會散開。韓味小食🍟總共有13款，我就鍾意飲返碗靚湯，泡菜豬肉湯和韓式蘿蔔湯都唔錯。食得韓國小食一定唔少得炸雞，無論係雞翼、韓式炸雞又或者柚子單骨雞翼都可以一試㗎。而自助區仲有各款蔬菜、汽水同埋甜品區，呢個價錢真係冇得輸呀👍🏻#韓燒大叔 #旺角好去處 #旺角 #旺角美食 #食飯 #假日好去處 #香港餐廳推薦 #香港餐廳 #香港燒肉 #韓國菜 #食好西 #打卡餐廳 #打卡 #香港美食指南 #必食 #朋友聚會 #美食推介 #相機

老實講食過香港好多韓燒放題都覺得好一般。啲肉醃到過晒龍，唔係就好鹹。完全覺得浪費quota！但人總係會想試新嘢，尤其是隔一排又想食韓燒。出去韓式餐廳散呀又覺得好貴唔抵食，最後都係選擇食放題😂好彩今次冇伏！今次揀咗午市過嚟食，一嚟坐得舒服啲有冇咁多人，二來呢啲肥嘢梗係早食早消化。整體來講，呢間放題啲肉肉都OK ，唔會醃好鹹，基本上都係冇乜調味，肉質都算新鮮。種類較多，仲有熟食可以揀。炸雞都唔錯，唔會好厚粉，熱辣辣脆卜卜！仲有好多小食同埋小菜，晚市仲有海鮮食。對得住個價錢。

今日再去搞搞張學牌🚗準備有得拎車玩下啦🚗🚗整完學牌就喺隔離呢間"韓燒大叔" 試一試🥩食得太多日式燒肉, 轉下韓式燒肉都好🇰🇷入到黎都成個環境都好舒服再睇下個凍櫃, 佢哋有超過30款肉食選擇同埋海鮮，真係好多🥦🥬🥩🍖特別推介包括美國安格期下肩胛肉，肉質嫩滑，入口即化仲有汁燒牛舌，牛舌燒得剛好，有嚼勁同香氣。🐄醬烤牛肋骨鮮嫩多汁，汁燒魷魚鮮美彈牙🦑而且，仲有超過20款韓式配菜任揀，有選擇困難症嘅我真係叫哂救命🤪🤪TBH 呢間燒肉食材無雪藏味，解凍處理做得好好, 食得出每一樣食材都好新鮮，肉質又彈牙又爽脆，真係唔錯呢間餐廳嘅環境真係好舒服，K-pop非常好，好適合嚟拍拖同埋傾偈。職員嘅服務態度亦都好好，好貼心同主動，好快捷。總括而言，呢間 "韓燒大叔" 係一個聚腳嘅好地方真係值得一試！