順德公漁村河鮮酒家

營業中

休息中

一家大細行完西九夜晚諗住唔好又去圓方，醒起朋友介紹過呢間餐廳，就去試下一到門口，舊式海鮮酒家咁，好多魚缸好多魚：家鄉煎釀三太公，鯪魚球煎得金黃酥脆：蟲草花天麻燉大魚頭湯：個湯好濃魚味但唔腥，飲落好補：金銀蒜蝦干蒸茄子：蝦干好大隻，茄子新鮮：避風塘椒鹽鮮魷：外皮炸得薄，我覺得有啲辣。但彈牙，用黎配啤酒正：金牌得獎銅盆蒸污糟雞：雞肉幾嫩，污糟醬汁入味，蒸得剛剛好：薑汁生炒芥蘭：薑汁唔會好勁，唔會煮到好硬總括嚟講食物新鮮，份量夠。

自從屋企養咗狗狗之後好少岀街食飯喇但係父親節點都要去慶祝下既，今次當然係父親大人自己揀餐廳，話好耐冇食所以就揀左e間，咁耐冇食味道依然同以前一樣家鄉煎釀三太公三種口味既鯪魚肉，唔同口感，啱晒咁多人蟲草花天麻燉大魚頭湯飲完個身即刻熱咗，聽講係補湯，但受唔到，一碗就夠煎焗啜魚嘴：個個食到啜啜聲秘制少林壇香骨：平時食得咕嚕肉多，嚟到試下其他先金銀蒜蝦干蒸茄子：金銀蒜同茄子係絕配，加埋蝦乾good good避風塘椒鹽鮮魷：都幾辣，送飯一流銅盆蒸污糟雞：肉質滑，酒味香，少少辣，又係要送飯薑汁生炒芥蘭：食咁多肉要食返啲菜平衡下，芥蘭夾脆

難得今次約齊人又啱地點，就訂咗去呢度食九個人嗌咗七餸一湯，個個食到捧住個肚走😆蟲草花天麻燉大魚頭湯飲完一碗仔成個人暖曬，屋企人話滾滾哋。但我係冷氣地方就會手腳冰冷，飲多兩碗都係平衝返個體溫咋（希望唔會太補啦）家鄉煎釀三太公炸鯪魚球、青椒釀鯪魚、蓮藕鯪魚餅鍾意食濃味可以點埋蜆蚧汁，不過個人覺得唔點都夠味瓦撐煎焗啜魚嘴好大個魚頭，脆卜卜，仲好多肉😋好食到食咗兩件秘制少林壇香骨忙住食魚頭，無食😕金銀蒜蝦乾蒸茄子有咬口嘅蝦乾配軟淋淋茄子，清清哋，正避風塘椒鹽鮮魷係最愛嘅鮮魷，都幾辣🤭我獨食咗半碟銅盆蒸污糟雞有唔知咩酒醃過定煮，蒸得剛好，好滑薑汁炒芥蘭出街食菜必定要食芥蘭，屋企好難炒到又熟又爽嘅效果👍🏻👍🏻好好味！

⭐️家鄉煎釀孖寶$128👩‍🍳今天給大家介紹一款美味至極的家鄉煎釀孖寶公，每一口都是滿滿的幸福和滿足哦～😍 ⭐️蟲草花天麻燉大魚頭湯$368（男人加油站女人美容院）養生必備！蟲草花天麻燉大魚頭湯，口感絕妙！🍲 😋蟲草花和天麻的搭配，讓湯品呈現出一種獨特的香氣，讓人聞之即食慾大增。大魚頭的鮮美肉質，更是讓這款湯品口感層次豐富，每一口都讓人回味無窮。 🍲在燉制過程中，蟲草花和天麻的精華慢慢融入湯中，使得湯品不僅美味，更有著滋補身體的功效。無論是寒冷的冬天還是炎熱的夏季，一碗熱騰騰的蟲草花天麻燉大魚頭湯都能讓人感到舒適和滿足。⭐️太子成名脆皮咕噜肉$138🍖爆款推薦！👅味道炸裂！香脆美味雙重享受，爆款美食！脆皮咕嚕肉，口感絕佳，不容錯過👏😋脆皮咕嚕肉的味道，簡直可以用“驚艷”來形容。外層的脆皮炸得金黃酥脆，咬一口下去，那香脆感簡直讓人欲罷不能。而裡面的肉質則鮮嫩多汁，入口即化，真的是美味到不行！💯 ⭐️順德名菜：金牌得獎銅盆蒸污糟雞（半隻）$188🍴蒸雞美味新體驗，一試難忘🤤 蒸雞的口感真的超級棒！雞肉鮮嫩多汁，又滑又嫩，每一口都讓人陶醉其中。而且，蒸制的方式讓雞肉保留了原始的鮮美，真的是美味極了！

晚飯時間，去左佐敦試一間老字號既順德菜館，佢主打正宗順德菜，新鮮河鮮，特色小炒。店面尚算寬敞，有包廂，私穩度高。我同朋友四個人，點了幾道菜，跟白飯，吃得飽足，整體感覺良好。✅️川芎白芷天麻燉大魚頭對佢抱有高度期望，飲完亦好滿意。材料足，火候夠，藥材味濃。最近天氣潮濕，容易頭痛，飲川芎白芷天麻燉魚頭有行氣活血，驅風去頭風之效，好適合。✅️家鄉煎釀二叔公煎炸方面恰到好處冇over，而魚肉真係好彈牙，合我口味，吾點蜆芥醬都可以。✅️金牌得獎銅盤蒸污糟雞蒸得剛好，雞肉尚算嫩滑，油脂感滿，佢個醬汁撈飯都惹味。✅️太子成名脆皮咕嚕肉不得不提，哩個脆皮幾得我歡心。粉漿不會過厚，咬落去酥脆感覺，而甜酸比例都做得吾錯，吾會太膩，開胃醒神。✅️特色翅湯枱面蒸河鮮魚上菜第一觀感，個盤真係好大。湯底幾鮮甜，多種材料淆製如：金華火腿，翅，瘦肉，魚骨等。魚肉質算鮮甜軟稔，連芫茜、大蒜、唐芹配料一同蒸煮，啖湯有暖胃既感覺。

去附近院舍探婆婆，經過咗呢間順德公幾次，入去試吓～ 11點左右以為係午餐時段，原來仲有點心，正，啱晒口味，因為我得兩個人，食午餐叫唔到好多，點心可以叫六七款，最後點咗八款，因為好幾樣嘢都想食，出面酒樓又唔多見有！鮮蝦韭菜角，有少少似韭菜餃，但係炸過，香脆好食！春風得意腸粉，有少少似炸兩，腸粉包住炸物，但入邊嗰個係鮮蝦春卷即係腸粉包住脆皮再包住蝦，真係好好食百花釀魚肚，上面係蝦膠，爽口椰汁黃金糕，除咗新年好少買嚟食，煙煙韌韌，一碟三片，唔錯豬肚燒賣，我覺得係懷舊嘢，本身我都鍾意食豬肚，覺得真係好特別，豬肚fans唔好錯過仲叫咗蝦餃，桂花糕，腐皮卷，都係水準唔差，以為順德公淨係食河鮮，蒸點心都幾有心思，下次探婆婆再去食吓

今日親戚來香港探親，我帶佢食中午飯，揀左正宗順德菜，叫左一煲湯和店長推薦兩三道小菜，第一道係天麻川芎白芷燉大魚頭湯，餐廳服務好細心，店員上湯時分好湯渣出來，一睇賣相就知足料啦，陣陣藥材味，雞腳好腍連骨都咬得爛，好夠火候，以為魚頭加雞腳會好油膩，但一啲都唔油膩，好飲，正！呢排天氣又雨濕濕，濕重頭痛好岩飲呢個湯，煲湯好大煲，每人飲兩碗仲要剩，最後打包返去晚上再飲。揚明四海瓦罉煎焗魚咀賣相好靚，上左枱先開煲蓋，熱辣辣，香噴噴，魚頭需要切開一半去煎，但煎得外脆香口又入味，食住魚頭睇住店中大魚缸，食得特別有鮮味，其實一人一邊剛剛好份量。成名脆皮咕嚕肉，呢個係我最愛，連我親戚食過都話有水準，因為唔咕嚕肉炸得剛好，肉係半肥瘦豬肉，甜酸醬包住脆皮又包住入面豬肉，有口感有層次，不是外面餐廳食果啲一咬成舊又粉又唔脆，加上甜酸醬調得剛剛好，醋味唔太重好岩小朋友食，一定要點呢個，冇得輸。炸物係好考廚師功力👍🏻讚！籠仔梅菜蒸菜芯遠，睇落好普普通通，用荷葉墊底，得菜芯頭和梅菜碎放面去蒸，以為好清淡，食過又唔係想像中甘樣，梅菜清甜唔會好咸，每條菜芯都係粗幼適中，通常菜心頭係好難咬斷，估唔到又嫩又易咬，配梅菜味道好夾

帶屋企人去食好嘢，媽咪都話讚👍🏻👍🏻魚湯帶有藥膳味，恰到好處入口甘涼，我都覺得幾啱我飲，因為我特別鍾意飲湯魚卜煲控制火候得幾好，特別d魚卜入口香軟，外脆內軟味道適中已有特別味道。鱔肉非常新鮮調味很好，加上蒜子同埋其他配料一起炆得好好食咕嚕肉皮脆肉料軟滑，而且個汁味甜酸調教剛好雞肉滑，而有特別嘅味道可以再一試用菜特別好梅菜粒甜好味，菜非常清甜爽脆媽咪讚d菜式都色香味俱全，每個菜都熱辣辣香噴噴，啱晒媽咪最鍾意食熱野🫰🏻媽咪仲話要第二日中午再嚟飲茶😂

補祝媽媽節快樂🎉因為屋企人就我收工，所以特登搵咗佐敦一間中菜食河鮮。呢個魚頭湯，湯料十足，而且好濃郁，飲完都熱血沸騰。之後上菜有一個魚卜煲，上菜的時候超級香，好有鑊氣，而且個魚湯好黏口之後再嚟一個咕嚕肉，個皮超級脆，外脆內軟，好食😋 之後個鱔，非常新鮮彈牙，雖然有少少魚骨，但真係好好味蒸污糟雞個味道好特別，個味道好似曾相識，但未能形容得出嘅感覺梅菜蒸菜遠，個菜同梅菜好配合，而且個菜心好爽好清甜，每食一啖都覺得好好味，真心覺得屋企人今次揀得好好

一行幾人來試試這個河鮮晚餐，這裏裝修唔算新淨，絕對有十幾廿年老店嘅痕跡，地方非常寬敞枱與枱中間都有適當嘅空間，先來一個天麻雞湯使唔使咁多份量，飲咗一細碗唔到兩分鐘已經開始出汗，大熱天時飲啲咁嘅嘢係咪玩呀，係咪太多補品定係我個人太虛，隔咗一輪最多都係飲多半碗唔敢再飲得多，到最後係仲有一半冇人飲，呢一味污糟雞，好滑個汁好特別，佢其實係有加到榨菜，好餸飯嘅餸脆皮咕嚕肉，正正常常不過不失。出面仲有好多海鮮不過我哋就冇食喇食完之後仲去咗夜繽紛行夜市不過得過十幾檔，但係都幾有台灣士林夜市嘅感覺。

朋友介紹這間懷舊豬肚燒賣，唔好話食直情聽都未聽過，回家傾開計原來係好久遠的點心，好 帶老豆去食，今日放假去看看廟街夜賓fun，從來到這間酒樓店面老派如沒人介紹我一定唔會入，座位相對寬敞，衛生不過不失，廁所就麻麻，當然一般蝦餃燒賣都會叫到，主角來了 咁樣衰不過味道算配合，但我不會encore 老豆就食得好滋味，佢話整體都算可以，埋單唔使三舊，走人去行街

今個星期喺佐敦開工，老細話要飲茶，呢間好耐以前都幫襯過，試一試佢飲茶，正正常常，算熱啦可以，都有啲懷舊嘅款式有啲特色，坐位唔算好迫都可以坐得下，嘆下，整體算可以，但呢間嘢主打都係啲河鮮，過幾日夜晚再嚟試試

2023年12月23日在馳名的偉晴街順德公晚餐，最初以為是時間尚早，所以全場只有4枱客， 當然其中一枱就係我哋啦。坐低先去河鮮池揀河鮮，落單要2只象拔蚌做刺身，大魚頭，斤幾重的邊魚。 因為係6人食，所以都有加它們出名的天麻魚頭湯，污糟雞。當餸上枱，只有天麻魚頭湯還可以保持， 其他的食物，真係慘不忍睹，完全唔好食。 食污糟雞肉係霉嘅。 落單要斤幾重的邊魚，結果條魚非常細條，肯定不足一斤重嘅魚。最大鑊係象拔蚌刺身，明明上枱是1只，蚌殼都只有係1個，都死口就係有2只象拔蚌！ 當然都係收2只錢啦！ 做食肆做到要呃人，真係唔會諗去幫襯囉。仲要係臭名遠播

呢間不知所謂嘅食肆，一去到已經sale魚頭湯，你一日未訂就好殷勤招呼，卒之煩到落搭，跟住第二sale係鮮魚類，我地話未人齊未知食咩魚，就每隔5分鐘就再問你，卒之煩到我地唔就範，只叫咗一窩魚頭湯，5碟小炒，點知唔叫鮮魚嘅後果係。。。沖茶自己加水，伙計叫都唔埋你張枱，等2個半鐘只嚟得3碟餸，仲係逐碟嚟，催九萬幾次都係敷衍了事🤬遲嚟過我地嘅隔籬枱已經轉咗2批人，我地火都嚟埋要埋單唔食🤬另外講吓碟西蘭花炒帶子淡而無味，帶子每粒開半，數埋唔夠10粒(半邊)承惠$200，3個小炒+魚頭湯$1100，奉勸各位如幫襯冇錢食海鮮，千祈唔好幫襯🤬窮人止步🤬

根本狗眼看人低，見到熟客或者有錢人就係到好聲好氣，新客人就不理不睬，提出要求都當你無到，只係正常要求將條大魚一開二，就話做唔到，強迫性咁叫你要多條。但相反，係熟客嘅話就咩都可以，咩都做到。唔理解點解可以咁，本身係餐生日飯，想開開心心咁食，比佢搞到無心情食，下次唔會再嚟！😡