順興茶餐廳

營業中

休息中

以前在外面的大排檔，現在有冷氣分店，對於怕熱的顧客實在太好了。順興最出名的是滑蛋叉燒飯，但相對於滑蛋叉燒飯我更喜歡滑蛋豬扒飯。蛋香很重，非常嫩滑，炒得非常出色喔！除了滑蛋飯外當中的車仔麵亦非常出色。個人比較喜歡腸粉及烏冬底，豬紅十分驚喜完全沒有腥味，推介每次我都會選擇撈面，因為撈麵比湯出色很多，而且要選擇腩汁加辣汁，不過不能吃辣的人記得選擇小辣，因辣汁偏辣。最後一定要飲順興的奶茶，沒有加冰，殘底濃郁奶味剛剛好，十分推介👍🏻雖然每次都要排長龍，但非常值得！

心中數一數二既滑蛋叉燒飯定時定後就會掛住依到既滑蛋叉燒飯水準keep得好好 蛋非常滑 火候剛剛好 唔會太老叉燒軟熟 之前食過蝦都好爽口 牛肉就一般all time confort food 不過叉燒成日都賣晒 一係就早d黎叫埋多蔥 淋d豉油 正奶醬多都係必食！雖然多士佢都係成日賣晒 點解麵包都可以成日賣晒😅😅飽烘得好脆花生醬+煉奶+花生碎 perfect match🥰好味道午餐時間通常要等一陣位 同埋個阿姨真係好惡每次都催人同鬧人😂 好驚佢 但係又想食個滑蛋叉燒飯對順興真係又愛又恨😂

呵呵呵We are here again😋😋 lunchtime時間真係幾難預，今次行到尼都等左成20-25分鐘，不過一食名物就係預左咁哈😲😲諗住上次食左叉燒今次試下其他味道揀左牛肉啦，不過原來滑蛋都真係跟叉燒係好食d架媽呀，可能叉燒本身個味比較重口味食落有返個味，相比之下牛肉就好似冇咩味咁，不過就係冇咁heavy既，focus返落個蛋度又即刻開心返，個蛋真係重點，再加上甜豉油真係冇得頂，不過都係鐘意滑蛋叉燒多d👅💦💦

試過蛇竇的滑蛋飯好難翻轉頭，但蛇竇執咗你只能搵代替品。順興滑蛋一向出名，最想食係佢個滑蛋菠蘿包，可惜去兩次都售罄，令人更加想食。無包所以叫咗滑蛋魚柳飯，未知係咪因為人多單多所以蛋並未有很滑，反而杯奶茶香滑度唔錯！我第一次過黎食車仔麵比滑蛋飯更有睇頭，兩個人去的話不妨叫曬兩樣比較下！

味道很好，久久前試過一次，記憶深刻。今日嘴巴淡味，自然又想起來。早餐，餐肉炒蛋非常野味，奶茶香純滑。大早見到伙計入貨一箱箱新鮮食材，想必食材管理好。唯有衛生有待提升。拿了一支叉，有食物殘餘斑點，拿第二支叉又係咁... 最後用一支匙吃完美食。

又黎大坑覓食喇！上次食過兩草，今次黎試下順興。 聽過呢間無論係附近學生定打工仔都中意係到食午餐，就連遊客都中意黎呢度打打卡。今日我又黎一嚐順興既氣氛先👀-1️⃣滑蛋菠蘿包 $ 26 好味指數：8/10超級邪惡咁 加上牛油 但真係好正仲要咁岩食到剛出爐菠蘿包 🔥佢個香脆皮加上有微奶香既滑蛋同邪惡牛油 不錯不錯👍🏻👍🏻-2️⃣滑蛋叉燒飯 $50 好味指數:8/10呢個係茶餐廳招牌飯非常足料 叉燒肥瘦均勻 配合有D牛奶香既滑蛋 再淋上甜豉油 🤤濕濕地 真係會食唔停口-3️⃣牛腩魚蛋粗麵 $42 好味指數:8/10牛腩肉的口感不錯 唔會好乾 亦幾有牛味魚蛋幾彈囗 帶少少辣但整體碗麵偏貴 車仔麵不再窮食🤥😟-希望下次可以試埋叧一個招牌菜就係 滑蛋豬扒飯 🤤-👅味道: 8/10🍽賣相: 6.5/10🏰環境：6/10🙇🏻‍♂服務: 7/10💎CP值: 7/10⚖人均：$50-100↩回頭值：70%ig:hkfood_station

中午時份，來到大坑吃著名滑蛋飯。點了一客滑蛋蝦仁飯，一客滑蛋叉燒飯。開飯了！配上秘製豉油，滑蛋配飯的味道一流，忍不住一口氣吃下去。雖是小店，但看得見的心血，看得見的香滑。

啲朋友成日都話天后/大坑個邊有好野食 其實對於我黎講真係好遠 不過好彩今日放假又冇野做 所以我就拉左我男友去食好野 今次我地就決定去食滑蛋叉燒飯 今次就唔去旺記啦 今次去食順興車仔麵大牌檔 其實依間同順興茶檔係同一間 只係前者係室內 點知我地兩點幾去到已經要排隊 而且排左15mins 到入面已經冇哂叉燒 所以我最後叫左滑蛋牛肉飯 佢個飯都幾特別 啲餸係哂中間 唔係同隻蛋撈埋一齊 最值得提嘅係雖然隻蛋望落去好似好硬咁 但佢都好滑 而且好實好有口感 加埋佢啲甜豉油真係幾夾 而佢啲牛肉係薄切都幾容易咬而且唔會得幾舊 不過佢依碗野都要$50 蚊 不過咁多人排隊證明係真係好食嘅而佢杯奶茶都好好飲 身為奶茶控嘅我對奶茶都有要求 佢奶味同茶味都有而且幾滑 有啲似樽仔奶茶嘅texture 誠意推介!😋

喺銅鑼灣返工, 真係乜都有得食,平時黎順興就一定食佢嘅滑蛋叉燒飯，今日咁難得黎食早餐，就點左個滑蛋菠蘿油，味道真係無得輸，菠蘿包新鮮出爐、加埋杯凍奶茶，食完做嘢都落力啲💪🏻💪🏻💪🏻😁

平日都經開大坑， 但咁耐都未試過呢間出名食滑蛋飯ge鋪頭，一於去試試😋😋中午黎都已經要等位，不過唔算耐，8-15分鐘内已經入得。而且見到好多外賣，睇黎外賣都唔會影響滑蛋嘅質素👍當日太大風🤧入左室內食。而平時嘅我就會鍾意坐出面，因為大坑有一兩檔茶檔，坐喺出面別有一番風味😆一去就叫咗招牌滑蛋叉燒飯同埋滑蛋魚柳飯😋我覺得兩個飯都幾好食啊👍👍但係我覺得隻蛋就唔夠滑，可能多人一時失手。不過間餐廳一來多人，亦唔算大，不過值得一試嘅！

其實我食左依間嘢有好多年不過跟日發覺食物越來越差但價錢就係咁加價. 唔係太好食同貴啲都不是問題反而係啲態度. 取了做茶檔嘅老闆啲態度好啲其他人都好有問題. 同澳牛有得比. 我就不鍾意喜歡依種服務. 為咩我要受你氣呢？其實取了你我搵食都好辛苦. 所以我依家好小去. 車仔麵有嘛嘛，冇乜送多味精，其他飯同一般嘅碟頭飯差不多. 還要很多煙鏟幫襯所以唔食煙嘅人唔洗坐外面. 簡單講冇其他嘢開咪去食lor，但唔好有期望. 唔值得排隊.

The name of this place is about the HK-style “trolly noodles” (pick your own topping noodles) but nehhhh, the scrambled eggs rice is the ONLY thing you should be ordering here. More specifically, the pork chop version.Shrimp version was like all cha chan tang’s, crunchy but tasteless. BBQ pork was normal. Pork chop, however, was tender, juicy and nicely marinated. The eggs were runny enough but not snorty raw like. The eggs themselves had enough taste so the green onion oil soy sauce was not nee

車仔面水準說不上非常出色，飲品對比源品，炳記完全不入流，真心只是非常普通的貨色。滑蛋飯份量愈來愈少，老闆娘態度時時惡劣，作為大坑人要坐室內一定唔會想對住佢食！一間餐廳已經唔好坐，仲要成日態度惡劣！ 何解仲要受人面色排隊去食一d咁普通既野？坐出面又偶有臭味！人排我排嗎？大坑其實還有不少用心製作的小店餐廳，大家不要只著眼於那幾間！至致水準下降不特止，仲要囂張氣焰，對食客粗聲粗氣，可惜可惜！

黎到大坑一定要試呢間咁出名嘅滑蛋飯，真係好好食 有時喺維園游完水會走過黎食，好正呢度好多位，但會坐得比較迫。呢度繁忙時間都會多人，不過都唔洗等好耐位。其實佢嘅滑蛋飯基本上都好食，所以餸就隨自己喜好揀。小編會推介叉燒，好食之餘又夾個蛋，而且唔算好貴，又比好多，真係食到捧住個肚。蝦就要睇彩數，因為有時啲蝦會細，但數量都足夠嘅。但蝦比起其他肉嘅餸會貴十零蚊，小編就覺得冇咁抵食。如果唔坐低食可以外賣，一樣咁新鮮。

睇唔睇倒! 睇唔睇倒!! 個層次有幾分明個炒蛋有幾厚有幾滑😱😱佢仲要增加麵包嘅surface area 將個底砌咗兩層 令到可以accomodate更加多嘅butterrrrrrrrr 嘩啲牛油汁同蛋汁wooohoooo 澎湃到不得了🤤🤤戈種豐富嘅口感同味道難以形容🙈🙈菠蘿包外皮嘅甜 炒蛋嘅蛋汁蛋香 嫩滑 奶香 牛油鹹香 加上包中心軟熟 eat到我lam lam lei😋😋菠蘿包外皮嘅翠到就真係差一大guet 整得唔夠香口and脆口🤨🤨圖3就睇倒個cross section!😍😍 味道：7.5/10振興車仔麵大牌檔滑蛋菠蘿油$22 📍大坑