順興餐廳

營業中

休息中

茶餐廳這種高效率生活百態店內餐點價格平易近人，富有特色！獨有飲食文化概念不但保留舊有師傅鑊氣、火喉打拼，而且每度食物中西合壁各式飯麵焗飯及小吃糕點吸引了不少顧客前來，而且每款菜式份量依舊十足，而餐單上食品琳瑯滿目不能夠看小，喧鬧嘅鬧市區域營業時間頗長個人依賴茶餐廳早餐午餐晚餐快捷服務確信多元化，不定時推出套餐優惠吸納更多消費者價格配搭得宜是香港平民化的飲食場所隨著香港文化傳播及變遷，區內比較及其他餐廳嘅爭相仿傚 港味極龍嘅茶餐廳啱曬香港人口味，快有快食的節奏令打工仔戰鬥力十足過足味蕾口癮，慕名而來細味回憶嚐到舊有足跡！順興茶餐廳格局闊落、設有卡位、捲土懷舊風味相片、環境保養得宜，交通四通八達、暗光和諧光線讓人用餐心情更好，真適合一家大細聚餐鋸扒晚膳用餐最好時光，所以開業短短人氣鼎盛！今天來這兒吃鐵板餐絕對感受到真的物超所值，重頭戲燒春雞鮮味跟肉汁鎖住 剛剛炸熟透薯角及配菜充斥香氣散發， 而且肥美鐵板牛扒咋一聲響聲之餘更可調配黑椒或燒汁惹味體積頗大雞件、牛扒肉汁並沒流失水分非常香脆可口令人意猶未盡食完我們加埋甜品蛋撻嚟過最佳配合簡直係一個風味最佳配搭

黎到九龍城，通常都會食泰菜。不過今日朋友話，呢度原來有間好地道嘅茶餐廳，咁一於就試吓啦。一入到去就見到，入面真係好多客人喎。坐低睇Menu發現，佢比普通茶記更加多嘢食。除咗有中式嘅炒粉麵飯之外，竟然連宜家興嘅all day breakfast都有，真係好多元化。我同朋友咁岩都想食鐵板餐，咁就一於一人叫一個交換試吓啦。我就叫咗個T骨牛扒黑椒汁，跟意粉。而朋友就叫西冷扒香草汁，跟薯菜。鐵板一上枱已經勁香，熱辣辣既時候淋左啲汁上去，真係令人急不及待想試呀。牛扒食落夠淋，火候時間控制得啱啱好，唔會咬極都咬唔爛，而且有好重嘅牛味，簡直拍得住出面扒房嘅水準啊。而d薯角都好值得一讚，入面夠晒薯仔味，而且炸得脆卜卜，外脆內軟，點埋茄汁簡直令人食唔停口啊。呢度有杯好有特色嘅飲品，叫做玫瑰茶走。面頭真係有啲玫瑰架，飲落都有少少玫瑰味，襯埋個夠濃嘅奶茶真係好好飲啊，啱晒女仔。呢間茶餐廳真係夠晒地道同有特色，以後嚟到九龍城唔使再食泰菜啦。。

今日和同事係九龍城工作，夜晚肚餓搵野食，我發現網上介紹一間順興茶餐廳既懷舊茶記，三十多年歷史，而且食物款式多，我地決定去試。茶記裝修懷舊清潔，而且店員安排卡位比我地，坐得舒服。食物款式多，唔怕搵唔到野岩食。飲品方面，我地叫左凍荔枝杞子蜜同無冰奶茶。凍荔枝杞子蜜荔枝味重，而且不太甜同潤口，奶茶茶味夠濃，香醇幼滑，好飲！我地叫左2個西湯，都係粟米忌廉湯，忌廉味幾重，岩我飲。主角到了，第一個鐵扒餐：沙丹豬扒配上蒜蓉汁，份量足，豬扒夠大塊，而且肉質軟硬適中同唔乾，薯角夠熱夠脆，好味另一主角：黑椒牛柳（5成熟），牛柳牛味幾重，肉汁多同偏軟，值得一讚係廚師掌握火力很好。意粉茄汁味濃，夠晒味另外，我們還叫了炸餃子，新鮮炸夠熱夠脆，而且肉汁夠，正最後，我地食到勁飽先$214，而且唔收加一，有時貴既唔一定好，但平既都有好野，我地下次會再惠顧！

I love egg tart so much Especially the freshest red hot tarts a black pepper beef short ribs with onions sweet and sour pork Pineapple cubes And traditional tea restaurant Singapore style fried mai noodles I think the hot egg tar and their Pork chop pineapple bun is good 😊 Fresh inexpensive as well for so many courses 160$ only for a person Good day break 🤑simple life!

少女時代在九龍城讀<溫柔柔中學>的我，當年最開心莫過於放午飯時間和同學到附近的餐廳吃午餐，其中一間開飯熱選必定是位於<衙前圍道>的<順興餐廳>今日再途經餐廳，才發現已經重新裝修但不變的是依然有自家製的麵包出售，係溫馨的味道吖！！睇返介紹先知原來餐廳已經有40多年的歷史，陪伴不少人成長餐廳裝修後的座位寬闊舒適，而且光猛整潔<順興無冰奶茶>雖然沒有一大盆冰來鎮著那麼霸氣，但奶茶一樣雪得冰冰涼涼的，而且奶味濃郁下茶香隨後慢慢滲出，實而不華<枝竹牛腩煲>老公的浪漫~~。滿滿濃郁的醬汁配上枝竹和腍滑牛腩，送飯一流有牛腩外還有牛根，滿滿骨膠原，超正<鐵板香草羊扒>而我嘛。。。當然要點鐵板餐！以前零用錢有限不能常點的喔蒜蓉汁分開另上，倒落熱辣辣的鐵板上立即吱吱作嚮，煙霧彌漫，香氣四溢鐵板有四大塊厚厚的羊扒，香軟不羶啖啖肉不得不讚蒜蓉汁超足料，滿滿蒜蓉粒的實而不華的餐廳，40多年來陪伴大家成長，溫馨味道一直傳承

80年代初, 香港盛行茶餐文化。茶餐廳、冰室等總有一間在附近。時而世易, 這些食肆開始面臨各種挑戰。時至今日, 懷舊餐廳已所餘無幾。今晚一於走進九龍城, 光臨經歷50年光景的－順興餐廳。Menu內介紹餐廳與時代的變遷。炸帶子 $22餐前小吃。外脆內軟, 非常香口。十分懷舊的一道餸。西冷牛扒 $91可配多款醬料和伴菜。是次配以黑椒汁和意粉。牛扒並非全熟狀態, 肉質亦十分鮮嫩。牛肉味重且非常彈牙有嚼勁。醬汁香濃, 份量非常多。無冰奶茶 $8顧名思義, 没有冰塊的凍奶茶。茶味非常香濃順滑。燒春雞 $91外觀十分觸目, 表皮炸至非常香脆。顏值爆燈。肉質雖然較為乾身, 但配搭醬汁後, 入口十分可口味美。這些懷舊菜式, 令人十分懷念, 在香港賣少見少。

剛剛跟朋友去了九龍城公園聊天，回程時路經順興餐廳，便入內晚膳了。點了以下：鐵板T骨牛扒配意粉焗豬扒飯法蘭西多士飲品：玫瑰花茶走紅豆冰個湯幾足料忌廉湯略淡，但幾大碗我點了鐵板T骨牛扒配意粉。鐵板上台時超夠熱的。T骨牛扒超大塊，心想，「會唔會好硬嫁？」一切開，就放心了。肉質是粉嫩紅色的，一點都不韌喔～焗豬扒飯店員推介這裡人氣的焗豬扒飯。滿滿的飯底上有兩大件豬扒。兩件都是真的超大件的！肉質柔軟不韌。而且它的茄汁好夠酸夠甜，令我食晒大半個飯好開胃。玫瑰花茶走玫瑰花味跟茶味好夾，好香好獨特，下次再來都要點這飲的：P紅豆冰幾大杯幾多紅豆。法蘭西多士這裡的店員的服務都超殷勤親切的，加上這裡的環境超寬敞，有點像傳統的茶樓，位置好寬鬆，在這裡跟知己HAPPY GATHERING好舒服～

I ordered a chicken steak set ,the steak is so large and has 2 !! I love the garlic sauce that enhance the meat taste .however forgot to give me the butter bread .anyway I was full and it was fine. Cabbage and carrot , taste good and fresh ,good for meat lover

今日同老公去左九龍城食飯，周圍睇下食乜好，經過呢間，就試試呢間，叫左個梅子排骨同咖哩牛腩煲，排骨超鹹，食左兩嚿都頂唔住，飲左兩大杯水，咖哩冇咖哩味，下次不會再去！

久違了的茶記,之前裝修左一段時間,冇食一排,今次難得經開九龍城,一於去食一食先,裝修後餐牌原來多左唔同野, 重有全日早餐,對於去茶記成日叫怏餐,特餐既我一定會試，都幾飽,全日早餐有多士,漢堡扒,火腿,腸,炒蛋

今日去開九龍城買嘢，諗下好耐冇去順興啦喎，於是就去食個下午茶啦！去到都係咁好坐，見唔係太餓，餐牌寫菠蘿油係推介喎，我又真係唔知幾耐冇食喇喎，一於叫個，加杯熱咖啡多奶啦！首先嚟個菠蘿油，搞咩呢？個樣做咩要咁呢？平哂喎！！！又唔見舊牛油嘅？有冇畀錯我呢？睇見個樣已經唔多合格　　食落暖暖地，面個皮都脆嘅，不過底嗰層就有少少少咬唔開囉。。。入面舊牛油去咗邊呢？搽哂落個包度呀？溶哂呀？菠蘿油唔係咁樣呀！你做咩啫！！！？？？？杯咖啡加唔加奶對我嚟講冇咩分別，我自己覺得唔叫加奶可能會仲苦。。。。最後一句：冇去得耐，唔知點解搞成咁。九龍地大把嘢食，呢間，唔再去Lu。。。。。。。

今日心情都唔錯，諗住同家人落九龍城順興茶餐廳食下午茶，叫咗個 "吉列魚柳+薯餅"。餐嚟到時，都嚇咗一跳。點嚇人，睇吓D相啦! 薯餅超多油。油到塊薯餅都自己散開。見到表面有層光涼的油，已經用紙巾去索過一次，試一啖！嘩真係超多油，同個侍應話要換，但她指你食前要講麻，無得換。大家想變肥仔，肥女，就嚟食啦！想要健康，建議大家就唔好嚟啦！

突然好想吃中式小炒, 就去順興坐一會吧.反正他家裝修了, 也乾淨舒適.點了一份腰果肉丁($66), 套餐包括小菜+白飯+中湯.腰果肉丁就是將茜芹, 豬肉粒和炸腰果共冶一爐的菜, 有肉又有菜, 算是作了點平衡.先來的是中湯, 青紅蘿蔔瘦肉湯, 湯的溫度足夠熱, 湯也很清甜, 非常的好!隨後來的是我加配的熱檸茶, 茶非常的濃, 飯後可以解膩!大約5分鐘, 我點的菜就來了.這次茜芹非常的多, 反而顯得肉粒數量和體積少了點...但因為這晚我想吃蔬菜, 所以OK啦!反而腰果應該是放久了, 不夠香脆, 這個得扣掉一部份的分數.我個人認為, 腰果肉丁, 腰果與肉丁同樣重要！

｢我們的順興｣，是Honey和我對順興的稱呼，為什麼呢？從前我在九龍城上班，近乎每星期總幫襯一至兩次的，早餐的通粉好味，夠稔又滑；午餐除了炒粉麵飯，還有牛腩雲呑麵…樣樣都美味！奶茶更是我們喜愛的，夠香濃，又大杯。即使後來我轉工了，也會回到順興飲奶茶。早前順興裝修，現在再營業，就坐得較舒服了；雖然食物好味，但裝修前，地方的確不太企理。現在裝修了，企理了。今天來吃下午茶，當然要吃｢我們的順興｣必吃之選：奶茶 / 炸蛋球奶茶好夠濃夠味；炸蛋球蛋味濃，不過，只試過一兩次是暖的，今天的炸蛋球涼了，蛋味也不太岀了。Honey叫紅豆冰和西多士鷄翼：紅豆大粒又夠稔，鷄翼即炸起，脆而不油。裝修後，每桌都有按鈴…哈｢與時並進｣…不過，大家還是隨口叫：唔該……｢我們的順興｣，因為，現在是特意駕車來幫襯的，吃的，就是屬於｢我們｣的味道！

Didn't realize this was a new restaurant.Anyway, tried this because someone got it.It is a Pandan Swiss Roll but you can't taste any Pandan flavouring except visually see the green colouring.As for the taste, it just likes like the usual Vanilla Chinese Swiss Roll but the weird Salty Sweet cream in the middle is more overpowering.I am cautious to say it is not buttercream because Hong Kong uses a different recipe and most places use that nasty margarine which is not butter!