順興餐廳

營業中

休息中

九龍城的茶餐廳，但今天誤打誤撞竟然被我們碰水一間性價比高的餐廳，叫順興餐廳，是傳統又帶一点創意的餐廳!我和弟弟最愛吃鐵板類的，他叫了一客瑞士雞翼和兩個鐵板餐，我最愛吃鐵板雜朳餐，而弟弟較專一，他叫了一個鐵板牛扒餐，而且要五成熟!開始來了2個紅湯，羅宋湯又香又濃，雜菜也很多!我的鐵板餐熱辣辣奉上，當然有雞，牛，豬和腸仔，特別之處是蒜蓉汁有很多粒粒蒜蓉，倒下去特別香，而且牛扒很大塊，肉汁又多，我叫了薯菜，吃得開心又啖啖肉，明天又要跑步減肥了!

今日和同事係九龍城做完野，大家都肚餓搵野食，咁岩見到一間以懷舊裝修既順興餐廳，我地決定去試下。店內裝修充滿懷舊氣色！我地叫左蒜蓉雞扒同洋蔥牛柳餐，西湯係白湯，夠味，但不會太鹹飲品方面叫左桃茶薑蜜同紅豆冰，桃茶薑蜜桃味夠，配上薑味，夠晒潤喉，紅豆冰紅豆多，夠腍，甜度剛好，好飲！我地太肚餓既關係，仲叫左咖哩角，夠熱夠脆，唔會太油，唔錯！主角到場，首先蒜蓉雞扒，份量多，雞扒有2大塊，而且厚肉嫩滑，啖啖肉，薯角夠熱夠脆，好味！另一主角，*洋蔥牛柳*，牛柳有2大塊，我叫左5成熟，真係有5成熟，肉質不會熟透，食落牛味重，而且夠嫩滑，鐵板還可選擇 飲/意粉，我地食得好飽！最後埋單先$214，而且唔收加一，抵食！

星期四放工後，去左附近既九龍城搵食。聽講九龍城係出名食泰國菜既，不過因為我揀飲擇食，所以就冇食到泰國菜喇。今日就去左係衙前圍道既呢個順興餐廳。坐低睇吓周圍先知道原來順興已經有40幾年歷史，真真正正既老字號呀。晚餐選擇都幾多，由中式小菜、煲仔菜。西式焗飯，扒餐都有，價錢都合理既。西式餐湯係雜菜湯，好大碗，雜菜都係一大舊一大舊咁落，好有口感。中式餐湯係眉豆雞腳湯。我叫左椒鹽豬扒，跟飯既。豬扒份量好多，一個女仔唔會食得晒，豬扒好淋，味道好唔太油膩。牛柳扒餐配黑椒汁。 為左我地唔會比D汁辣到，上菜時員工將鐵板放係附近先淋上醬汁，等佢炸到咁上下先再上我地張枱，好細心既服務呀。以前食親呢D鐵板都好驚淋完汁會辣到隻手，係呢度就唔洗驚啦。牛柳叫左7成熟，肉質好嫩，不過黑椒汁有少少鹹，要送飯先得。配菜都有調過味，唔係白烚完就算數。西冷扒配黑椒汁，跟意粉。西冷肉質比較有咬口，份量足夠。意粉好有驚喜，有同蕃茄一齊炒，但蕃茄味唔會搶，齋食都好掂!飲品方面有無冰奶茶，雪到凍一凍既奶茶茶味同奶味既比例非常好，值得推介。餐廳有埋自家出既麵包同甜品，有D款式都好難見到，下次會買尼試吓。

同姊妹去了九龍城運動場做運動，之後去了幾十年老字號﹣﹣順興餐廳﹣﹣食晚飯。餐廳的裝潢很特別，有很多懷舊的照片和圖片，令我置身於懷舊的香港。點了以下：鐵板黑椒西冷牛扒跟白飯。餐湯有蘿蔔豬骨湯和忌廉湯。餐湯有蘿蔔豬骨湯和忌廉湯。朋友的中湯是蘿蔔豬骨湯。豬骨好足料。再點了西蘭花炒肉片配白飯。西蘭花夠腍不會硬梆梆。肉片很嫩滑，很夠味，很惹味，所以成個白飯都吃完了。我再點了西冷牛扒。鐵板超夠熱，一上枱，淋上黑椒汁，立即煙霧瀰漫，火氣十足。我點了六成熟。粉紅色的肉質很嫩滑不韌。飲品點了凍檸茶和紅豆冰。另外再外加了一個鮮牛油菠蘿包。侍應的服務超殷勤，經常給我們換乾淨的碟子， 亦向我們推介了好味的菜式，感覺窩心，下次經過會再光顧。

朋友剛剛喺外國讀書返黎，話好掛住香港嘅食物，即刻識做帶左佢去九龍城順興餐廳食返夠本😂😂。順興新裝修之後卡位闊落，坐得十分舒服。用左細個成日見嘅綠色格仔地板，同埋天花板懷舊燈膽射燈，少少grand 得黎又不失昔日香港情懷，打卡一流😂朋友點名要食香港特有嘅鐵板餐同西多， 我另外仲推薦咗順興特有嘅 玫瑰茶走。西冷牛柳鐵板餐 ($91) 牛柳大大塊又冇筋， 配埋黑椒汁食勁惹味。 配薯菜新鮮炸起， 隔咗一陣食之後都仲係咁脆😋😋西多士($23) 剛剛炸起金黃色就上碟。 蛋醬夠勁香脆， 好快就清左成碟😍😍玫瑰茶走 (跟餐加$8) 順興奶茶出名幼滑， 再搞搞新意思加埋玫瑰花茶。 奶茶味同玫瑰花味出奇地夾， 飲一啖前段係香濃嘅奶茶味， 後段係清新嘅玫瑰花茶味， 感覺幾特别。最尾同朋友都意猶未盡， 叫多個順興炸蛋球($10)做甜品。 炸蛋球十分香軟， 配埋外皮嘅粒粒砂糖食， 細個去冰室嘅回憶即刻返曬黎 😂😂。 最後同朋友都捧住個肚埋單，十分滿足。順興卡位舒適， 餐牌選擇又多，阿姐招呼好又有人情味。 裝修之後多咗一啲新式嘅菜式但又好難得咁保留左香港嘅舊日情懷。 每次落嚟九龍城都會忍唔住黎順興坐下， 嘆返件西

九龍城唔一定係食泰國菜今日行一行發現咗好多唔同國家嘅餐廳都進駐九龍城！但我都係鍾情本地嘅茶餐廳！尤其是舊式冰室！行過見到順興門口俾佢嘅新鮮麵包吸引到😍毫不猶豫今晚嘅晚餐就同男友喺度解決！入到茶餐廳內裡裝修有啲復古嘅感覺！U字型嘅格局很有趣！我哋坐低嘅時候大約係八點幾人流唔算好多！所以坐得特別舒服點了一個鐵板洋蔥牛柳配薯菜店員送上來的時候勁熱辣辣！細心地問我們需要幫我們下醬汁嗎！當然需要啦😂事關鐵板真係好熱好熱！一淋汁落去...勁大煙...視覺效果大大加分👍🏻未食已經流晒口水我地點左五成熟可能由於塊鐵板真係太熱，所以食咗冇幾耐已經變咗八成熟😂不過佢哋嘅肉質真係好軟好嫩...就算熟少少都唔會硬！另外我哋重點左一個黑椒牛柳絲炒麵同樣出色事關都係用鐵板上嘅😊脆卜卜嘅炒麵配上黑椒牛柳絲真係好正！麵身炸得很香脆，非常可口。個汁唔會過多搞到全部麵淋晒👍🏻另外我哋俾佢出邊嘅炸蛋球吸引到！所以專登叫咗個嚟試吓！果然不負眾望！雖然唔係新鮮炸起！但都好好味👍🏻餐飲都點左款幾特別嘅特飲！玫瑰茶走，真係未試過！有少少玫瑰花茶嘅感覺但係加咗煉奶！雖然有少少甜但係個感覺都好清新！其實個套餐係包括餐湯但係我就覺得冇乜

夜晚見到咁光既招牌，見到佢有三十幾年歷史，80年代開業，仲有以前舊式茶餐廳既蛋糕西餅櫃，即刻好有衝勁入去食😁上網見到依度出名食炸蛋球，即係沙翁。切開見到很多層層次，好濃蛋香，加上外面既沙糖，好香甜，仲要一d油膩感都無。仲有即煎豬排波蘿包好少見豬排包係配菠蘿包，已經加左分。菠蘿包個皮超脆，塊豬排好嫩，一d都唔硬。仲要一d都唔馬虎，配埋一片蕃茄，令個包唔肥膩，好好既配搭。打開餐牌見到鐵板餐，老公立即點左個鐵板黑椒牛柳 - 7成熟。依間茶餐廳仍然保留做出細個食既味道，唔識形容，但好味。而且7成熟，仲係林、一d都唔硬，烹調手法好好。👍🏻佢個茄汁意粉既味道亦都係兒時好味既味道。我咁貪心既人梗係叫鐵板七彩雜排，要茸蒜汁～雜排包括：牛排、雞排、豬排、火腿、腸仔配薯角、雜菜。豬排好嫩，配香濃既蒜汁好惹味，鐘意食蒜既朋友，一定要揀依個汁！牛排岩岩好，一d都唔硬，帶點微微牛油味。雞排連皮煎得好香脆，醃得好夠味。湯我地揀左飲中湯，超多料，好有亞媽煲既味道，而且夠火喉。老公揀左依度既特色飲品 - 凍玫瑰茶走 - 玫瑰味奶茶。唔係得上面個堆玫瑰花做裝飾咁簡單，飲落好重玫瑰味，好岩女仔飲，不過我今日要飲既係另一杯

我今日同朋友玩復古風，去左位於九龍城嘅順興餐廳🍴食下啲特色野👶🏻 我一直都好鍾意食餐廳賣既麵包同小甜品，我覺得特別好食。所以我一開始就點左兩份黎試下。第一份係藍莓雪梅娘，第二份係木槺布甸！木槺布甸好正💭高分過出面既麵包舖同餐廳！而重點介紹既係佢地既藍莓雪梅娘😝好重藍莓味，皮好薄，咬落去就係cream同藍莓醬👏🏻好有特色！唔會太甜，兩個share食就一流❤而我地就叫一份扒餐試下，西冷牛扒薯菜配紅湯😋牛扒都好大塊，有濃濃既往牛味，唔會太老或者太生😛薯菜都比得好多，好正🤤🤤薯菜配埋啲牛肉汁真係一流haha我地兩個人叫左三杯野飲😈因爲真係好耐冇飲過咸檸七😹而我重點想推介既係佢地既紅豆冰同雜果冰！睇相可以見到雜果冰幾足料，真係超多雜果！好好飲唔會太甜👍🏻而紅豆冰就好重奶味，真係好耐冇飲紅豆冰！總括下先！無論係正餐定係麵包甜品都好抵食！又平又高質！適合一家人又或者情侶拍拖👨‍👩‍👧👫黎試下。

今晚帶媽咪周圍食好西，選了她40年沒有來過的九龍城，找到了這間老字號。。。順興餐廳。。。原來1972年已在東頭邨啟業，1984年搬往九龍城現址。我們一落巴士，走入衙前圍道遠處已看了個大招牌，十分顯眼。來到門口媽咪都忍不住要拍照留念，因舊式冰室裝修真係買少見少。進內有很多九龍城回憶照片，還有懷舊味道既裝修。媽咪叫了焗飯套餐-西蘭花帶子焗飯（$67）送中湯+荔枝杞子蜜（加$8），我要了鐵板扒餐套餐-蒜蓉汁七彩雜扒薯菜走牛（$91）送羅宋湯+玫瑰茶走（加$8）。西蘭花帶子焗飯-西蘭花唔會太淋，有4粒大粒既鮮味帶子，白汁，蛋炒飯底，唔錯有質素。中湯-花生眉豆豬骨湯，味濃夠晒火喉， 仲有湯渣好足料。荔枝杞子蜜-非常濃郁，好香荔枝杞子，仲有一塊檸檬，係健康飲料之選。蒜蓉汁七彩雜扒薯菜（走牛）-先是一上菜，侍應就趕緊給我們茄汁，服務迅速，然後蒜蓉汁我倒下後呆了 ，久違的鐵扒吱吱喳咋 ，因為之前其他西餐廳叫扒餐，倒下汁都不太有反應，更驚訝既係有真蒜蓉，一試之下更是生蒜非罐頭，非常有誠意，有大大塊豬扒及雞扒，豬扒唔會韌，雞扒煎得剛好，外層脆脆感覺，而薯菜更是份量蠻多既薯角，超開心。羅宋湯-味濃有料有水準

順興餐廳 since 1984 - 新舊並存嘅港式茶餐廳~門口有好多麵包，例如炸蛋球同出爐麵包等等...可惜當日接近晚市至到，錯過左麵包出爐嘅黃金時刻!餐廳menu選擇都幾多，有小菜、鐵板餐、焗飯、米線等等...鐵板西冷牛扒餐($91) 配意粉、餐湯及餐飲呢個係食懷舊風味嘅鐵板餐~先有番茄味濃嘅紅湯 (羅宋湯):再黎主菜鐵板西冷牛扒(跟黑椒汁)及小時候嘅味道: 茄汁燴意粉~鐵板牛扒分量足，肉味夠...鐵板黑椒牛柳絲炒麵 ($68)有鑊氣，辣辣地又惹味!椒鹽鮮魷 ($72)中式小菜套餐都唔錯，呢個椒鹽鮮魷脆卜卜又有鹹香，正!雜果冰(跟餐+$8)顏色鮮豔，夏日飲冰就最正!

九龍城順興餐廳是多年老字號茶餐廳，都食過很多次了，覺得懷舊食品如炸蛋球等都不錯，椒鹽鮮魷，啫啫雞煲等菜式也不錯，也有特色小炒，喜歡西式的還有焗飯，鐵板......等。餐廳是地鋪，都算大間，裝修清雅大方，貼有一些香港的懷舊畫及有一幅我每次來到到喜歡欣賞嚇的百鳥朝凰畫。i餐廳雖然是老字號，但也趕在潮流之巔，枱的側邊設有“落單或需協助，請按按鈕”。椒鹽鮮魷$72。我比較喜歡食香口的，今日要了個椒鹽鮮魷，剛剛炸起，入口還帯熱，表皮帶微脆，內軟，非常好味。啫啫雞煲$73。雞件大大件，味道都不錯，部份是雞胸肉，有少少鞋。每個菜都跟例湯及白飯。眉豆花生豬骨湯，真是老火湯來的，帯啡色的例湯，裡面還有一看就知是老火煲出來的豬骨，眉豆花生非常腍及香，湯也很清甜。最後，以2杯冰冰涼涼的飲品，雜果冰跟餐$10。菠蘿冰跟餐$10。𤔡這一餐更添美味。

住左九龍城咁多年都未幫襯過，因為爸媽去左旅行今晚終於同細佬入來試試唔多人我地6:30來到，D位算坐得舒服冷氣空調溫度適中有大螢幕餐牌，幾好幾方便 T骨牛扒餐大份夾抵食超好味，加埋洋蔥汁簡直一流，牛扒又新鮮跟餐嘅花生雞腳中湯好足料杯嘢飲我哋叫咗玫瑰花茶走，幾好喎唔太甜，仲有玫瑰香味，特別！必點的另外叫左碗米缐，好大碗下仲好有誠意，有粟米同紅蘿蔔🥕湯底剛剛好，不會好味精，餸方面就叫左我最愛的魚腩同生菜餸份量唔少，魚腩好新鮮推介熱奶茶超級香滑食到飽飽先係＄154，又經濟又好食下次會同屋企人黎

成日係九龍城出出入入，經過順興好多年都未食過，見佢啱啱翻新完，今日扮街坊去食下。基本上黎食嘅都係街坊，好有人情味。門口有個好大麵包蛋糕櫃，懷舊的茶餐廳先有。卡位多，有兩個大廳，用傳統的格仔地板，加上牆上歷史性的照片，令人回味過去的九龍城。每個卡位都有電鈴，好貼心，可以加埋usb充電就更好。晚上黎可以試下中式小菜套餐，送白飯、中湯。酥皮蛋撻($6.5)蛋味香，質地不會死實，酥皮脆中帶軟，懷舊的味道。熱玫瑰茶走 (跟餐特飲加$10)，茶走加了煉奶，把原本茶的苦澀味帶走，質地很順滑，帶花香味。XO醬西芹牛柳絲($68)，牛柳軟嫩，西芹爽口無渣，XO醬不會太重，即叫即炒小菜，十分有鑊氣。豆鼓鯪魚油麥菜 ($63)好大份，不計成本，成罐豆豉鯪魚係度，送飯一流。眉豆花生豬骨湯足料，好多渣，味道很濃，有家的感覺。大碗白飯西冷牛扒 ($91)鐵板餐配薯菜洋蔥汁，牛扒熟左d，蔬菜蠻多的。西湯羅宋湯無冰奶茶(跟餐特飲加$10)很順口，茶味香，不用自己叫走冰，唔錯。

我最喜歡去茶餐廳，以前常常到順興開餐，但因為依家搬遠了，所以很久沒有到九龍城了。知友人喜歡飲奶茶，推介順興樽仔奶茶俾佢，仲應承佢會買俾佢飲。欠佢幾年，上星期終於的起心肝去找數，專登轉2程車去咗順興買俾佢，當然亦都有慰勞自己。再一次品嚐順興奶茶，咩回憶都返晒黎，味道依舊，茶香奶滑，茶奶比例一流，令人難以忘懷。友人及另一半對它亦讚不絕口，話我無介紹錯。希望下次有時間可以到順興坐低，慢慢品嚐，好好懷緬一番。

今日放工去咗九龍城搵好嘢食，朋友介紹有間茶記都唔錯，所以一於去會一會佢！間餐廳招牌好大個都幾易搵！入到去見到卡位就想座低，不過店員都幾好，因為天氣熱，話門口無咁涼，叫我地轉入裡面，果然一轉都有不少座位。我地一坐低就睇吓有咩食，種類和選擇都幾多。心大心細嘅我一時之間都未諗到，但同行友人好快就揀咗個鐵板T骨扒！ 我就揀咗個椒鹽鮮魷，每個飯餐都有湯送！講起個湯，真心正！花生雞腳湯，唔會只係得味精味，每碗都有大量花生同一隻雞腳，十分足料。好快餸都黎喇，首先上菜嘅係牛扒，店員又再次展示細心，見我著緊白色衫，就話先放喺隔離枱加汁，避免彈到。未食就已經加哂分！ 本人對肉無乜要求，覺正正常常啦，份量都幾大份。之前就到鮮魷，呢個我同朋友都好快清咗，粉漿一啲都唔厚，魷魚又夠新鮮！ 好食過啲集團酒樓，又唔會食到成口油。食完未夠喉，想話叫多個菜。我地叫咗豆豉鯪魚炒油麥菜，不得了！咁大個女未試過食一碟豆豉鯪魚炒油麥菜的豆豉鯪魚會多到咁！有圖有真相，唔多講。總結小菜真心正，員工服務又細心！唔介意茶記嘅朋友可以黎試試MENU