順興餐廳

營業中

休息中

朋友6點幾係九龍城放工，好耐冇見， 所以今日就約左到九龍城順興餐廳食個dinner。 順興餐廳經過裝修翻新後，比人一種去到cafe既感覺，非常大間， 卡位坐得舒服，平日黎到，不算多人，可以靜靜地同朋友聊天。 餐廳外仲有賣精緻包點蛋撻，食完晚餐，可以買幾件返屋企。 順興餐廳menu非常多選擇，同朋友苦惱左好耐先諗好， 我地揀左鐵板扒餐套餐：香煎雞扒配蒜蓉汁，選左薯菜。 我地見到呢個餐送上黎時，哇左一聲：好大份呀！ 有兩大塊雞扒，薯角一堆，仲有頗多野菜同紅蘿蔔仔。 蒜蓉汁另上，鐘意放幾多汁由你喜歡。淋上蒜蓉汁， 香味四溢，忍唔住快快切一塊試下先，果然肉質嫩滑，雞肉超juicy。 薯角配上番茄醬，野菜吸收左蒜蓉汁，食完滿足感超高。 我地仲叫左個中式小菜套餐，銀芽炒三絲，奉送白飯、中湯一碗。 首先講下個中湯先，係豬骨花生湯，熬得很美味，味道唔會太淡太咸，岩岩好。 而銀芽炒三絲係由豆芽，火腿片同豬肉絲炒埋一起，感覺好清新又健康，炒得很惹味。 係飲品方面，朋友就點左馳名順興無冰奶茶，冇左冰唔會溝淡奶茶味道，奶茶濃郁順滑。 仲有兩杯熱飲，荔枝杞子蜜，偏甜，出乎意料好飲； 玫瑰茶走

平時同佢行九龍城，想簡簡單單食個飯，都會去呢間餐廳的。所以今次再次來到，並且分享一下。呢間餐廳的環境很吸引我，門口外面的蛋糕櫃，以及餐廳內的枱椅，很有 80 年代的風情。我們每人先來一杯飲品，他點的是檸檬可樂。而我的就是熱的桃茶薑蜜，甜甜地的桃茶，配上一條條薑條，暖暖地又唔會好辣喉，很容易入口。黑椒牛仔骨份量都幾大份，仲配埋個飯，算係抵食。牛仔骨的骨肉比例均稱，索咗不少醬汁，非常入味同容易咬開，加埋黑椒少少的辣香提升牛仔骨的味道。中式牛柳飯同樣地大份同埋配有飯，個汁酸味味，非常開胃，餸飯確實無得輸。

九龍城多泰國菜就係人都知，不過食得多泰國菜，都想食返港式味道，於是今日就嚟咗呢一間順興餐廳，見佢環境都幾舒服，太太間而且裝潢得幾好，於是就決定揀佢食晚飯！茶餐廳來講佢嘅菜食種類有好多，除咗有焗飯，咖喱，米線，烏冬，鮮魚湯，小菜，小食之外，仲有好多唔同嘅包類，飲品，有好多我都好想食，最後我哋叫咗椒鹽鮮魷，T骨牛扒配薯菜，蛋撻，豬扒菠蘿包配馳名順興無冰奶茶同玫瑰茶走。先講下歌椒鹽鮮魷，雖然唔係平時喺出面餐廳食嗰種，無好強嘅椒鹽味，但係味道都幾特別，而且個先有唔會好韌，好爽口！至於朋友個T骨牛扒配薯菜都幾好，我哋叫咗五成熟，雖然感覺比五成熟再熟小小，不過都好好切，而且大大塊。蛋撻唔算太大特別，反而個豬扒菠蘿包就令我覺得好驚喜，個豬扒超級好食，肥瘦好平均，而且煎得剛剛好，所以一食落去都唔使點咬，好似可以入口即溶咁，而且個麵包好香脆，兩樣配搭起上嚟一流！至於飲品方面，個馳名順興無冰奶茶都好值得推介，奶茶好滑，而且茶味濃，至於個玫瑰茶走都好特別，上面鋪滿玫瑰花瓣，玫瑰花瓣嘅玫瑰味非常突出，感覺好Fresh,不過略甜左少少,但整體來講都相當吾錯！

九龍城一間非常有歷史嘅餐廳，直情大過我呀！因為我以前都係附近間大學讀書，我個人推介焗飯、鐵板扒餐同埋有創意嘅玫瑰茶走。今晚行完九龍城廣場，行返出來搵食，係衙前圍道見到佢，就係咁入去了，但估不到這裡原來開業嘅時間有這麼久，經歷了幾段不同時間先至有今天嘅餐廳出現，不是大集團，靠店主努力經營服務街坊，一於試吓比較出色嘅菜式先！餐牌內選擇多，有中式小菜套餐，焗飯套餐，鐵板扒套餐，炒粉麵...，要品嘗不同美食可能要多來幾次！今晚就點了個西冷牛扒鐵板套餐，有西湯配埋個蕃茄醬意粉，加$8轉埋杯凍玫瑰茶走特飲，一次過食過夠！個西湯就係羅宋湯，個味就好似以前係茶餐廳個種味道，都係真材實料，有肉有菜！而轉個頭就上鐵板西冷扒$91，同埋個意粉，上枱後店員就幫你在鐵板上加上黑椒汁，一落個陣沙沙聲音，跟住就香味撲鼻，切開塊西冷扒見到師傅將塊扒先煎到一半熟，再利用鐵板上熱力將塊西冷整熟，旁邊重有大大件薯角配上，而意粉亦有蕃茄汁份量一啲都唔細份！凍玫瑰茶走於茶餐廳來講都係一個非常新嘅嘗試，效果真係唔錯，花香撲鼻。仲有乾嘅玫瑰花，味覺同視覺嘅享受。而且夠晒冰凍食完過鐵板嘅熱氣全消！而朋友就點了個焗海鮮飯$61，上面鋪

好吃不贵服務好，九龍城里的這一间開業了幾十年的老店，能存留至今一定有它的道理，朋友介紹來品嘗，果然沒有失望！奶茶棒棒的！菜品味道好！環境也OK......值得一試！！！

以前細個我特別鍾意去冰室，因為門口總會有一個放滿麵包，蛋撻既櫃。想食就直接開門入去坐低。「兩個蛋撻」，然後睇住個伙記係個櫃到拎俾你。今日咁啱去九龍城買香料，就見到有間茶記門口居然有人排隊。2，3點呢個時間都有人排隊 ?原來間茶記門口又係放左個麵包櫃，啲人排隊就係為左買麵包。望入餐廳裡面，下午茶時間都好多人，好自然就同朋友入左去。menu第1頁就介紹左關於佢地既歷史，呢間餐廳由1987開業到依家。估唔到今時今日仲有六十幾蚊一個鐵板餐，仲送埋湯同野飲。咁就一於落個西冷牛扒鐵板餐。羅宋湯好足料，個底有唔少牛肉粒。個西冷一送到黎，大大份。牛扒一啲都唔韌，重點係一啲筋都冇，亦無將貨就價。連啲薯菜都唔少，自己睇圖，正所謂「有圖有真相」。朋友就要左個即煎豬扒菠蘿包下午茶。( 問佢覺得點。「Okay，酥皮好脆，豬扒唔硬，而且佢有蕃茄，唔會覺得太甜，幾夾」)影影下，我朋友忽然鬧我，影還影，做乜用手揭起佢個包。。 Sorry。。我錯。。至於野飲叫左玫瑰奶茶，杯野出到黎好靚，真係放左啲玫瑰乾花瓣係上面。本來以為只係花巧，但飲落真係有玫瑰花既花香，真係估唔到花茶，奶茶crossover會咁夾。餐飲加8蚊就叫得

早排行開九龍城諗住食泰國嘢，點知好友突然放飛機話有事來唔到，搞到我都唔知點算好，已經過左晚飯時間肚仔都有啲肚餓，都要搵個地方開飯㗎，得番一支公去邊度食都得，係附近見到有間茶餐廳好自然唔使諗就入咗去醫肚，當然坐低看看餐牌有乜推介，本身自己都幾食得吓，所以諗住點D小食再點個鐵板扒餐套餐慢慢品嚐一下，至於飲品係菠蘿冰咁先可以消暑解渴未食鐵板餐前，先來有餐湯羅宋湯飲住先，其後小食陸續出來，先有黃金炸帶子，帶子炸得金黃香脆，入口外脆內軟，再來係脆炸春卷，入口熱辣辣食落卜卜脆，又估唔到咁好味，記得要點埋沙律醬食享受完小食又到是日主菜鐵板T骨牛扒，望見鐵板未放低已聽到渣渣聲就知有幾熱，第一時間趁熱淋上黑椒汁，就即刻切開T骨牛扒品嚐，已見肉質幼嫩又厚肉帶點脂肪，食落特別入味又啖啖肉真滋味，連埋香脆薯菜一齊食已經好飽滿食完先知道呢間餐廳已有幾十歴史，唔怪之得裝修有點懷舊風格，咁就食完一餐鐵板晚餐

難得放假，當然要約附近既好友去歎個美食，美食唔一定要好貴，但在我而言，只要有質素味道好就已足夠！既然住九龍城附近，當然要去順興，想不到它由發展到而家已經開業40年~今日點了番茄肉碎湯底配銀針粉HKD48配料我選擇豬潤，豬潤好新鮮，無雪味，又入味銀針粉加埋蕃茄濃湯更係正，蕃茄湯真的好濃，但唔會好酸好甜，而且完全滲透入銀針粉飲品我轉冷熱特飲加HKD8,我當然要加呢個我暫時未發現外面飲到既玫瑰茶走，睇到都覺得靚，一端上枱就有玫瑰同茶香飄來，入口好滑，不過如果可以淡小小同茶再濃就更滿足賣相真不錯其實我地兩條友都無飯癮，所以都係無叫飯，點左個魚腩鮮魚湯米線加娃娃菜套餐HKD52無想過賣相咁有色彩，魚湯我試左啖好濃同鮮甜，魚腩好滑，菜好新鮮米線都好爽好彈，唔會爛，而且配料好豐富仲要係廚師推介，不加味精，相信用左好多配料先可以有個咁鮮咁香既魚湯注重健康既朋友飲野都揀熱飲，又係特飲荔枝杞子蜜，又係好香，好濃好香，入口仲帶點檸檬香同微微酸味，好飲喎，不過一人一杯，我最多試一啖而已，哈......最後不得不提，順興既食物選擇真係好多，芒果糯米糍都有，多謝HKD5/粒，無想過又幾好食，芒果好甜！其實都好耐無

今日去呢間餐廳鋪面買麵包, 我見到"請按鐘"先可以買麵包,我就乖乖地撳鐘, 第一次, 見無侍應出黎, 等左幾分鐘再撳多一次, 依然無人應,我好聲好氣行去收銀處問收銀姐姐, 我想買麵包啊, 但撳左2次鐘等左一陣都無同事出黎既~?收銀姐姐毫不在乎完全唔想做生意咁話 你撳多2次啦! 啲人唔知去左邊姐.我就聽收銀姐姐講撳多次鐘, 其實心入面都好不爽,我絕對明白收銀處需要有員工看守, 但係咪可以請一個同事幫幫忙呢?行到麵包櫃前, 我撳多一次鐘, 今次有2個員工突然出現係鋪內,我地示意想買野, 竟然2個員工都視而不見,幾好食都無用啦, 咁樣既服務 叫人點樣幫襯!!!!!!!!!!!????即係唔入餐廳食野就唔係客人!? 咁佢地放個麵包櫃出黎無意思架.佢地老闆請到呢啲員工 真係想祝佢生意興隆都有難度. 完全趕客

和朋友相約九龍城食晚飯，很久沒有吃鐵板餐，我們點了一份雜扒、一份黑椒牛柳，份量十足，我們都點了跟薯菜，另外點了一個魚湯肉碎浸娃娃菜，魚湯很好喝而且肉碎和菜的份量很足。牛柳熟的程度剛剛好，不會太乾，好味！雜扒有腸仔、豬扒、火腿、雞扒、牛扒，非常豐富。滷水雞翼仔比較一般，冇冰奶茶黃玫瑰茶走都好有茶香！飲品選擇都多玫瑰清香配上茶走出奇地配合，有驚喜！總括而言，這個價錢有這樣的質素實在很化算，食物質素亦很好，會再來試試其他菜式。

星期五又係同老公搵食嘅時間，去咗九龍城， 見到一間裝修得好乾淨企理嘅茶餐廳 ,所以就入咗去試下啦!!!好開心畀我哋搵到一間我哋會再返轉頭食嘅茶餐廳，簡直抵食夾大件 ，最緊要係真係好好味。今晚我哋嗌咗三樣嘢食， 第一個係T骨牛扒，叫咗五成熟 ，稍要批評嘅地方係佢嚟到應該都有七成熟，但係呢好彩佢嘅肉質都唔錯，唔會食到好多渣，而且最緊要係牛味好香，我食牛肉最驚有好重嘅梳打粉味， 呢間餐茶餐廳嘅牛肉無呢個情況。另外一個叫咗個支竹牛腩煲，牛腩好淋，支竹入曬味， 送飯一流。由於實在太好食，所以忍唔住加多碟椒鹽鮮魷，椒鹽鮮魷簡直超級好味， 比好多大酒樓大排檔都有過之而無不及， 炸粉嘅厚度啱啱好，魷魚好新鮮爽口， 熟嘅程度剛剛好， 我同老公都會為咗個椒鹽鮮魷再嚟食， 而且下次要試埋佢其他嘅小菜 。最後，呢度啲夥記服務態度好好，出面嘅茶餐廳好多時夥記都愛你不理，但係呢度個夥記好熱心，一叫就會應你，抵讚！！！

今日同朋友去九龍寨城公園行下，行完去附近搵嘢食嘅時候見到呢間裝修得好有格調嘅港式餐廳就入去一試。餐牌有好多選擇，有鐵板、包類、all day breakfast 、魚湯米線、焗飯等，好多元化。先叫個鐵板餐，T骨牛扒跟薯菜($98)。叫咗七成熟，塊牛扒好有質感，牛柳個邊夠嫩，咬落唔會韌，而sirloin個邊好厚實，帶點嚼勁。而整件扒都充滿肉汁。鐵扒亦都夠熱，食得好滋味。惹味咖哩角，炸得剛好，入面好足料，肉味好出，而咖哩味好香。另外仲有沙律醬做配搭，味道好夾。炸雞翼薯條，雞翼好出色，炸得好香脆，帶有咸香，而炸皮唔會太厚，令整個口感加分。凍玫瑰茶走，只要叫個鐵板餐加8蚊就飲到，茶走嘅茶味好濃，加上適量嘅淡奶!!good!!環境~MENU:

細細個同屋企人去探親都會落順興茶餐廳食野剛好今日去附近找朋友就同順興久別重逢～～咁耐冇來過 見到都有重新裝修過變得更簡潔企理～～我同朋友分別叫左個鐵板餐同小炒小食太遲去既關係 出名好吃的炸蟹鉗已經賣哂叫左炸帶子 唔太油脷又外酥內軟仲有配沙拉醬 食落冇咁口乾同熱氣小炒叫左椒鹽尤魚 勁大份自問自己都算大食 都食到好飽肚炸得夠鑊氣 鹽味足 好惹味尤魚爽口 彈力十足 ！鐵板扒餐 可以選配飯或配以意粉塊肉好大塊 多汁 好新鮮仲加有手指紅蘿白同厚切蕃茄片仲有薯菜 認真夠份量！咁度啲餐都好大份又抵食飲品叫左一杯冰奶茶同推薦款～玫瑰茶走奶茶香滑又夠凍 夏天食完野飲真係一流奶同茶比例岩岩好最後講講玫瑰茶走顏色睇落都幾似奶茶色見到有加檸檬片同乾玫瑰花瓣飲落都有淡淡既花香同檸檬既清新感幾特別既配搭老餐廳新特飲 不錯不錯～～

兒時家住九龍城，大街小巷都非常熟悉，時光飛逝， 機場已經搬遷， 舊屋亦都拆卸，只有這間茶餐廳仍然運作至今，實在令人懷舊不矣!店舖外有麵包西餅專賣門市，仍沿用舊日經營模式， 菠蘿包、雞尾包價錢唔貴，賣相仲好吸引!入門口已經見到個招牌大鐘座位兩側用了懷舊相片做裝飾魚湯魚腩鮮枝竹米線天氣熱， 唔想食太多肉， 魚湯清淡味甜，腩肉新鮮，枝竹軟腍，加了芫茜、芹菜、 粟米，更覺口味清新，夏日最佳食品 鹵水雞翼浸到好入味， 雞翼軟滑， 鹵水汁滋味 鮮魚湯肉碎浸勝瓜魚湯加上肉碎更加美味， 勝瓜時令蔬菜，只覺甜+甜，好食鐵板牛柳無論賣相和味道，都是令人驚喜， 牛柳五成熟恰到好處，肉質嫩口，薯菜新鮮，用鹵水汁點食，另一種口味玫瑰茶走原來是奶茶走糖加練奶，茶面放上玫瑰花碎片， 茶味加上淡淡玫瑰花香，非常享受這口感這個價錢，超值

茶餐廳這種高效率生活百態店內餐點價格平易近人，富有特色！獨有飲食文化概念不但保留舊有師傅鑊氣、火喉打拼，而且每度食物中西合壁各式飯麵焗飯及小吃糕點吸引了不少顧客前來，而且每款菜式份量依舊十足，而餐單上食品琳瑯滿目不能夠看小，喧鬧嘅鬧市區域營業時間頗長個人依賴茶餐廳早餐午餐晚餐快捷服務確信多元化，不定時推出套餐優惠吸納更多消費者價格配搭得宜是香港平民化的飲食場所隨著香港文化傳播及變遷，區內比較及其他餐廳嘅爭相仿傚 港味極龍嘅茶餐廳啱曬香港人口味，快有快食的節奏令打工仔戰鬥力十足過足味蕾口癮，慕名而來細味回憶嚐到舊有足跡！順興茶餐廳格局闊落、設有卡位、捲土懷舊風味相片、環境保養得宜，交通四通八達、暗光和諧光線讓人用餐心情更好，真適合一家大細聚餐鋸扒晚膳用餐最好時光，所以開業短短人氣鼎盛！今天來這兒吃鐵板餐絕對感受到真的物超所值，重頭戲燒春雞鮮味跟肉汁鎖住 剛剛炸熟透薯角及配菜充斥香氣散發， 而且肥美鐵板牛扒咋一聲響聲之餘更可調配黑椒或燒汁惹味體積頗大雞件、牛扒肉汁並沒流失水分非常香脆可口令人意猶未盡食完我們加埋甜品蛋撻嚟過最佳配合簡直係一個風味最佳配搭