頭啖湯

營業中

休息中

第一次去食係點咗椰子雞湯，湯底飲完唔口渴真材實料，所以放心加湯同埋飲啲湯，椰子雞湯清甜，入秋滋潤一絕！喜出望外啤酒有黑啤同埋日本麒麟啤選擇兩個女仔friend就好鍾意飲麒麟啤，男士適合飲藍妹，一位男士揀德國黑啤，開心有得揀啱自己鍾意飲嘅啤酒打邊爐用嘅蠔亦都10分新鮮，食得出係有細心挑選過，味道有海鮮既鮮甜味道口感亦都啱啱好！店員10分友善，第一次去幫襯會細心講解湯底入面有咩材料，亦好好提我哋湯底煲滾之後既飲法

💥三文魚刺身非常好食，每一件都非常厚，所以成個口咁食落去都做得唔錯，而且都食得出佢非常新鮮同埋充滿油香，絕對唔係雪咗好耐嘅！整體都覺得幾好食，再加埋Wasabi, 正！💥炸午餐肉熱辣辣，本身就好鍾意食午餐肉，所以覺得呢一個小食真係幾好，而且即叫即做，有心思！💥花竹蝦嘅味道非常鮮甜而且佢厚身同埋肉質彈牙，本身都非常新鮮嚟到嘅時候仲係郁吓郁吓！都好少見到出邊火鍋店有呢一種高質素嘅海鮮，鍾意嘅朋友都可以叫！💥黃金炸魚皮都好好食，係鹹蛋黃魚皮，非常邪惡，我覺得送酒一流

今日去咗天后呢一間打邊爐，朋友介紹一定要飲佢嘅椰子雞湯，咁我哋就當然預約咗先啦，然後再預約咗三款唔同嘅海鮮，老闆非常好人，亦都好客氣，啱晒三五知己去聚下！椰子雞湯，老闆叫我哋先飲湯，跟住先再幫你加湯打邊爐，我哋當然飲咗每人兩三碗，真係非常正絕對足料，而且冇防腐劑，入口非常清甜！炸午餐肉，即刻叫佢即刻咋，所以熱辣辣可以擺喺個湯度再錄一陣或者即食都可以牛頸脊，用咗美國嘅牛頸脊，所以味道非常好，又發均勻，而且入口唔會非常硬，唔係出邊普通嘅材料炸魚皮，炸魚皮非常好食熱辣辣，唔係出邊嗰啲預先整好嗰啲！

無論酷熱天氣警告定寒冷天氣警告 肚餓就「不如打邊爐咯？」😛🐥滋潤椰子雞煲($178)打邊爐最重要嘅係湯底🤤飲完個頭啖湯 好清甜夠椰子味 再加番啲椰子雞湯比你打邊爐😯當然冇頭啖湯咁濃啦 但收貨既🤓可惜啲雞唔太滑 可能因為連鍋上？🐮手切牛頸脊($188）打邊爐重點二：牛頸脊 較厚身 肉味好~~~~濃 very juicy!! 傾傾下 老闆仲送多一整碟牛頸脊比我地 咁識做生意得唔得嫁😆🐟台灣脆鱔片($168)真係好彈牙喎😯鱔片好肥美 咬落好有口感 但有少碎骨!小店用心經營 最緊要大家食得happy 值得encore🤝🏻

朋友介紹天后高水準靚湯火鍋店😁🤗店舖不算大，因早黎到暫時吾算多人，到7點幾就有吾少熟客幫襯，冇幾耐坐滿晒人，黎食之前，一定要先訂位吖🥢🥢😆預留左個冬瓜瑤柱鮑魚雞煲，非常出色🥣🤤聽老闆說用上40隻台灣大連鮑魚，山雞，靚冬瓜等燉製冬瓜上有4隻五頭大鮑魚，裏面有好多雞件吖😆首先一定要飲第一輪靚湯先，鮮甜到不得了冬瓜湯越滾越鮮甜，鮑魚好厚肉彈牙，雞件好夠味，不用點醬油都好夠味嫩滑🐔🐔🐓夏天飲好時令，好消暑其他火鍋食材都好新鮮高質素🐂🐮手切牛肩胛，脂肪分布分明紅噹噹，咬落帶點厚度，牛味香濃海鮮-蟶子皇要預留，長長蟶子好厚肉，洗得乾淨冇沙，好新鮮其他海鮮-鮮魷魚，大蜆台式豆腐紙，放幾秒到，即刻夾上，好香豆味好嫩滑最後介紹綜合水果茶，超大杯，好多水果酸酸地好解渴，一杯可飲到餐尾🍹🍹一流

又去打邊爐喇😍😍😍今次去左位於天后與炮台山中間嘅隱世火鍋店「頭啖湯」，老闆非常熱情招呼每一枱客人，有唔少熟客回頭。店舖店面不大，但座位十分闊落，所以一定要記得先Book位😊，當日下午仲會send whatsapp通知時令海鮮及價格，大家可按個人需要落單，確保新鮮👍🏻✨️冬瓜瑤柱鮑魚雞煲$298呢個湯底需事先預留師傅用多隻鮑魚熬雞湯無添加味精湯底鮮甜濃郁老闆建議先飲湯再食雞雞肉鮮嫩✨️手切牛肩胛(小)$108肉質結實有彈性，肉味濃✨️手切安格斯雪花牛肉(小)$138油脂分佈平均，入口軟滑✨️午餐肉即叫即炸，外脆內軟其他火鍋配料：✨️鮮蝦滑$88✨️白蘿蔔$28✨️芋絲$32✨️稻庭烏冬$20✨️鮮榨橙汁(壺)$68

呢排日日都咁熱🥵☀️去「頭啖湯」飲翻個冬瓜湯消暑😜.冬瓜瑤柱鮑魚雞湯底🍲用上40隻台灣大連5頭鮑魚🇹🇼山雞🐓瑤柱、冬瓜等熬煮🥒🔥表面有4 隻大鮑魚🤩仲有差唔多16件雞😱以及一大底冬瓜😬首先，一定要盡量飲晒第一輪嘅湯‼️之後再食鮑魚、雞、冬瓜💁🏻‍♀️ ☺️越滾越清甜，未飲過咁甜嘅湯🤤鮑魚彈牙又有少少腍😆絕對係真材實料嘅靚湯💯.特大越南貴妃蚌🐚貴妃蚌煮完都無縮水😍超鮮甜彈牙😋.西班牙黑豚肉🐖望落好似好多脂肪🤔但食落又唔覺得油膩😌肉質頗嫩😗又食到豬肉香👍🏻.越南珍珠蜆🌊蜆肉大隻新鮮😍入口淡淡鹹鮮味😛.雜菜拼盤🧺有娃娃菜、生菜、油麥菜🥬粟米🌽.王老吉🥤

平時好少去天后，今日帶埋小朋友等爸爸放工，轉入呢條街冇乜其他食肆，唔使等位，係門口就聽到入面有人話啲湯好甜，於是就去咗呢間火鍋店😆入到去充滿香港風味😍餐廳啲 poster 仲可以學到好多潮語😆食物都好新鮮👍🏻👍🏻椰子雞湯鍋底超好飲😋啲雞肉份量幾多，而且肉質都好嫩滑，用印度椰子汁、本菇、蟲草花同新鮮雞肉煮，滾起飲完頭啖湯，職員會幫你加返純椰子水，唔係加高湯或者加水，亦唔會落味精。小朋友都好啱飲😊仲話個湯好好味🤤牛肩胛肉🥩新鮮有牛味，肉質不錯👍🏻手打墨魚丸和手打蝦滑都好正好彈牙。果茶超大杯，48元，好抵飲。💛💛強烈推薦👍🏻👍🏻我們一定會再去食😋

今日黎到位於天后既一間港式火鍋小店，呢間火鍋店座落位置唔明顯，我地比較早黎，6:00黎時無乜人，估緊會唔會中伏（上OP睇好多好評），但原來7:00過後就開始多人，仲full House Tim!今次就叫左佢地新推既一款湯底——冬瓜瑤柱鮑魚雞煲，呢款湯底超級推薦！打去book位時店員極力推介，話湯底用咗40隻鮑魚淆出味🫢要早一日預訂，誠意十足。一打開煲湯就見到一大個冬瓜圈，中間有四隻肥美既五頭大鮑魚，周圍仲有好多瑤柱絲同雞肉，雞可揀半隻定一隻，我地兩個人半隻就夠。一滾起店員就叫我地先嚐「頭啖湯」，一飲入口就滿口鮑魚鮮甜味，仲要啖啖都食到瑤柱絲，配埋冬瓜既清甜同濃郁既雞味🐔，簡直飲唔停。鮑魚咬落好彈牙嫩滑，就算煲咗好耐都一啲唔硬👍因為兩個人，店員話齋叫個湯都有好多料食，所以我地就額外訂咗d海鮮（大多數海鮮類都需要提前預訂，保證新鮮）我地叫左南非鮑魚、特大蟶子、黑花甲同元貝，每樣海鮮都好新鮮！特別推介黑花甲同蟶子，好厚肉同鮮甜，配呢個湯底好夾。兩個人食完之後岩岩夠哂飽，只係食湯料都已經飽左一大半！除咗海鮮，餐廳仲有其他大路火鍋配料，亦有是日精選或較特別食材，價錢都算優惠。呢間火鍋小店出奇地好

第一次去天后嘅火鍋店頭啖湯，入到去，牆上貼滿廣東話拼音同粵語正字，仲有唔同嘅港產片海報，睇嚟老闆係一個好熱愛香港文化嘅人 📽️ 每日中午，店家會 WhatsApp 通知客人當日嘅海鮮推介同價錢 📲 嗰日我哋預訂咗冬瓜瑤柱鮑魚雞煲，裡面有大塊冬瓜、4 隻五頭鮑魚、瑤柱同半隻雞，湯底鮮甜仲有高湯嘅香味 🍲 嗰晚我同朋友嗌咗手切牛肩胛、手切安格斯雪花牛同西班牙黑豚肉。牛肩胛大塊，雪花牛油花分佈均勻，肉質滑溜。黑豚肉質鮮嫩，帶少少脂肪 #好食 🥩 我哋仲試咗豬肉眼根，即係豬扒上面嗰條筋膜肉，口感似豬頸肉，彈牙兼肉味香濃，可以一試！海鮮嘅話，我哋嗌咗台山蠔，大到似美國桶蠔，蠔肉鮮甜肥美。仲有菲律賓黑花甲都大粒又鮮甜。台灣白鱔煮 2 分鐘就熟，彈牙冇骨 🐟 我同其中一個朋友都鍾意佢哋嘅爆荽手打墨丸，墨魚味濃，加上我哋都鍾意芫荽，真心正 🐙🌿 其他仲嗌咗炸魚皮、鴨血、油麥菜同雜菇拼盤 🍄 

今日黎位於天后一間港式火煱店頭啖湯同朋友仔一齊打邊爐。呢間火鍋店環境裝潢都好地道港式，令人非常有親切感。首先，超級推薦佢地既冬瓜瑤柱鮑魚雞煲湯底。呢款湯底需要提前一天預訂，就知道呢款湯底需要花功夫。一打開煲湯就見到四隻肥美既五頭大鮑魚，下面又一大塊既冬瓜圈、周圍有好多瑤柱絲同新鮮雞肉。老細推薦我地先單獨品嘗個湯底同雞件。D湯真係好正，一入口就滿口鮮甜，絲瑤柱既鹹香，冬瓜既清甜，叫上濃郁既雞味，簡直停唔到口。大大隻嫩滑鮑魚，同解暑又滋補，令人回味無窮。係食材方面，海鮮類係需要提前預訂，目的係要保證食材既新鮮同口感。我地叫左台灣白膳片，果然係非常鮮美。而手切牛肩胛則係肉食者既福音，每一片都切得厚薄適中，燙熟後肉質鮮嫩多汁，滿口留香。除了經典既牛羊肉類，呢度既餃子同小吃都值得一試。韭菜餃拼魚皮餃，兩種餃子皮厚薄適中，風味截然不同，各有特色。雙拼手打墨魚丸有原味同芝士味，墨魚丸相當Q彈，超級有墨魚既鮮味。另外，薯粉令人相當驚喜，本身呢個湯底非常出色，而薯粉煮燙熟之後吸滿左豐富既湯汁，滑嫩可口，好湯底加上薯粉簡直係perfect。炎炎夏日，加上打邊爐，梗係叫D冰涼特飲，不得不説乳酸梳打同檸檬柚子

位於天后呢間《頭啖湯》(First Taste Soup) 港式火煱店打甂爐！店內佈置好有趣，牆上貼滿廣東話(gwong2 dung1waa6)併音同粵語正字，個是日餐牌就係細個成日用既筆記簿我哋喺book位嘅時候，一早預訂咗個超足份量既『冬瓜瑤柱鮑魚雞湯底』$298既價錢入面有4隻飽魚、瑤柱、雞、同一大底冬瓜。店員仲叮囑我地打甂爐前記得試咗個湯底原味先。鮑魚瑤柱雞湯湯底非常濃味，我地全部人都忍唔住試咗一殼之後再飲多咗一碗，冬瓜打邊爐到最後食，吸收晒成個湯底精華，真係冇得頂👍🏻。我地當晚點咗：肉類：手切安格斯雪花牛肉 $138 / 西班牙黑豚肉 $108 / 新鮮肥鵝腸 $68 / 手打墨魚丸$98 / 白苦瓜餃子 $32菜同其他：日本滑豆腐$38 / 皇帝菜 $38 / 白蘿蔔 $28 / 響鈴卷 $38 / 稻庭烏冬 $20飲品：檸檬梳打 $58/壺黑豚肉同牛肉比預想中好食, 墨魚丸都好彈牙, 白苦瓜餃子係外面未見過既嘗試。其他都係我打邊甂最鐘意既食品。當晚電視播住奧運直播，同好客既店員同店主暢談最近全城熱話，成個店都超級有氣氛，我同朋友都食得好開心！👏🏻

夏日高温天氣下，真係要飲返個冬瓜湯消暑，去到喺天后附近拾下拾下，選了個冬瓜瑶柱鮑魚雞煲，可以一邊飲消暑正湯，一邊食火鍋冬瓜瑶柱鮑魚雞煲原個冬瓜燉湯，還有材料瑤柱、4隻鮑魚及半隻雞，足料靚湯冬瓜湯特別鮮甜，還滲有滑雞鮮味鮑魚好大隻，已經餚製好淋易入口手切牛肩胛新鮮手切牛肉，選了牛肩胛肉，比較少脂肪，肉質有彈性魚皮餃配水餃，還有墨魚丸火鍋必食丸類及餃子魚腐魚腐好有魚肉及腐皮味道，吸入冬瓜湯好味道廣島蠔兩客廣島蠔，肉質肥美，好好味

今日帶屋企人去天后打邊爐，食一間係我目前為止食過最有誠意嘅湯底！餐廳出名椰子雞煲，我哋5個人點了一隻雞的滋潤椰子雞煲湯底。餐廳用大隻三黃雞，非常足料，煲底有新鮮椰子水、紅棗、蟲草花、黑木耳、大蔥、秀珍菇等。煲滚起雞剛熟就飲得，湯好鮮甜，陣陣椰子清香，連雞都滲透晒椰子味。飲到成煲見底，餐廳加湯底都係會繼續加新鮮嘅椰子水，真係好有誠意！當日下午餐廳就會WhatsApp confirm booking，同埋send當日有咩新鮮海鮮同價格話你知，可以預早order揀定。我預早點了: 🌟台山大桶蠔(半份)🌟新鮮白鰭片(半份)🌟游水海中蝦🌟新鮮活元貝上菜時嚇親，攞盤好有心機喎！台山蠔竟然仲大隻過美國桶蠔😍😍。經理好有心機，每樣逐個介紹同煮嘅時間都講解明确，要确保我哋食到最新鮮最彈牙口感。🌟豬肉眼根經理推薦豬肉眼根，是可遇不可求的部位，是連在肉眼扒上的筋膜。我哋就點一份細試下，估唔到咁好食喎！完全唔韌，有肉香又有脆口口感。仲有點了: 🌟沖繩苦瓜餃子🌟手切牛頸脊🌟響鈴卷🌟稻庭烏冬🌟雜菜拼盤🌟雙拼手打墨魚丸🌟藍妹，香水檸檬茶，檸檬可樂5個人點咗咁多嘢食埋單都係$1700，每樣都新鮮好味，真係有誠意又貼地

又想歎冷氣吃火鍋，查了一下Open Rice，這家位於天后的頭啖湯店相當有名氣！有幾種煲可選，我們選了重慶麻辣雞煲。端上桌時,濃郁的麻辣香氣撲面而來,湯汁泛著光澤,誘人食慾！選了小辣，入口少少麻辣交織,雞肉飽滿鮮美,咬下去都能感受到肉質的嫩滑,絲絲縷縷的肉汁和噴香撲鼻的醬汁在口中流淌,帶來層層遞進的滿足感！之後我們還在雞煲加入了各式火鍋食材，滋味更加豐富多元！彈牙的龍蝦丸隨著熱氣慢慢釋放出鮮甜的海味,芝士丸中間有芝士爆漿，勾起味蕾的期待！魚腐吸飽了濃郁的湯汁,一咬就爆汁！粟米粒粒飽滿,爆香脆嫩,為整道菜添加了清新的口感！五花腩肉片肥瘦相間提供了豐富的肉香,肥而不膩！牛柏葉好爽口！餃子餡料飽滿多汁,在雞煲湯汁的渲染下有著迷人的味道！豆腐綿密嫩滑，響鈴卷吸飽了湯汁,軟綿綿好絕妙的口感！酥香四溢、滿口生香的酥炸雲吞,原汁原味的橙汁一大罐，各種食材在麻辣鮮香的湯汁中交相輝映,層次豐富,每一口都令人陶醉其中,回味無窮！