頭啖湯

營業中

休息中

母親節臨急抱佛腳，好彩當日訂到附近嘅餐廳，仲享受到母親節訂座優惠🌷/💛椰子雞湯底-半隻雞($138)超級足料一開蓋已經聞到椰香同雞湯味湯底好滋潤 鮮甜✨加湯都係加雞湯🙌🏻新鮮雞🐥肉煮到最後都仲好滑😋真材實料 性價比高😆.💛 蘇格蘭蟶子($8/件)🌊-母親節優惠海鮮-新鮮蟶子清得好乾淨煮30秒就貨食得😋.💛菲律賓花甲($88/2人份)中size花甲🌷隻隻都開殼好新鮮✅煮完全部都脹卜卜.💛墨魚滑($68)份量ok有粒粒墨魚肉口感幾好味😚.💛魚皮餃/韭菜餃($48)💛芝士竹輪($38)💛雜菇拼盤($58)💛鴨血/湯底正 真材實料湯底食材性價比好服務好🌟

.📍頭啖湯 | 𝑻𝒊𝒏 𝑯𝒂𝒖本身好鍾意食椰子雞但係香港好食嘅真係唔多！🌴🥥 呢間係天后嘅椰子雞火鍋店食材新鮮又唔算太貴，絕對值得推介👅。.兩個人嗌半隻椰子雞已經夠，只係百幾蚊都幾抵食！🐣雞煲入面已經有木耳同竹笙，椰子雞湯非常清甜飲到唔停口🤣。而且加湯仲要係加雞湯，唔洗驚會變淡！餐廳每日都會有唔同嘅海鮮推介，四點幾可以係whatsapp預先落單。店員仲解釋話餐廳係即日去攞貨，所以絕對新鮮😆。當日預訂左泰國花甲皇($98)，冇諗過上到枱仲識得郁嘅真係好新鮮，而且好大隻食落啖啖肉，味道清甜帶點海水味。台山桶蠔半打已經有五大隻，用嚟打邊爐啱曬。另外要推薦埋個安格斯牛丸有好濃嘅牛肉味，真係真材實料。🐮一定要嗌埋佢地嘅招牌水果茶，超大杯仲有好多生果係入面，唔會太甜打邊爐好啱飲！🍊.要講下無論店長同店長都好熱情，會主動推薦有咩好食之餘又會周圍傾計，感覺好親切🤍。知道餐廳前排五週年，要繼續長做長有。🧏🏻‍♀️

💛一入門口已經聞到椰子味，所以都無猶豫就嗌左椰子雞，上鍋嗰陣仲好貼心咁教我地點樣飲，要滾幾耐先食得，好貼心！首先第一樣要讚就係個椰子湯無味精但香味十足，飲落夠味清甜，雞亦都吸到湯既味，要讚😍第二要讚既一定係店員同老闆，每一個都好friendly而且吹得，就好似識左好耐既私房菜一樣😈最後仲有佢地既用料，最深刻係咸蛋黃即炸響玲同埋日本滑豆腐，即炸響玲雖然油但咬落去真係鬆脆而且夠香，豆腐就真。滑🥰💛會再去支持有心既小店

一個月食兩次，一次過post先！總結兩次體驗。🥥『滋潤椰子雞煲（半隻）』$158店員好鼓勵大家飲湯，鮮味自然，椰子味滲入每一樣餸；有別於其他邊爐鋪，佢係會繼續加椰子湯，唔會擔心湯變淡。『🫐🍋🍊🍎綜合水果茶』$48 佢哋無咩自家製涼茶，但有大大杯水果茶；一個人一jar，夠送成個邊爐，大🈵足；仲可以揀甜度同冰嘅份量。當日會whatsapp你，要唔要預留新鮮海鮮，例如：花甲，北寄貝🥰；「墨魚丸」好食過墨魚滑，因為彈牙啲；「自家製雲吞」有少少失望，比較細粒，無咩餡；「鮮白鱔」好彈牙，無咩碎骨；「手砌牛肩胛」比較香同有咬口。📍 頭啖湯 (天后)天后威菲路道15-19號萬順樓地舖。好味指數：🌕🌕🌕🌕🌑回味指數：🌕🌕🌕🌕🌑

小店全間舖寫咗好多粵語拼音嘅正字，玩味十足嘅「醉膠咗」「吹帳」，最正係知道咗「打甂爐daa2 bin1 lou4」嘅寫法！🥥椰子雞湯底✍🏻奶白色嘅椰子味鮮美清甜，雞煮一陣店員會叫我哋拎上嚟食咗先，雞肉嫩滑，湯入面加咗杞子、蟲草花、紅棗、竹笙、黑木耳等等，最重要係無味精，唔會食到口乾，加湯都會加返椰子雞湯，叫半隻雞都夠4個女仔食留肚食後面！菜記得叫娃娃菜配呢個湯超入味，好似食緊奶油津白咁😋🦐是日精選海鮮✍🏻店家當日去海鮮檔拎，店員當日2點幾有問我哋想要邊款，我哋叫咗紐西蘭蟶子皇同花甲超新鮮，店員會同我哋講每樣嘢要6幾多秒就唔驚晒咗啲海鮮🤣，當日仲有澳洲龍蝦斬件上(約斤半)、南非鮑魚、新鮮白鱔片同游水海中虾。有啲海鮮例如桶蠔嗰啲可以到時再叫‼️必叫單品‼️🐂安格斯牛丸 - 好濃嘅牛味😋🥄豆腐 - 井川屋豆腐又滑又有豆腐味🍊綜合水果茶 ✍🏻超大杯一個人可以飲足全餐，三十幾蚊，超足料有齊藍莓、橙、蘋果、熱情果同西柚，自己再篤一篤，可以叫少甜，好清新同解膩，食飽仲可以最尾食埋啲生果頭啖湯📍天后威菲路道15-19號萬順樓地舖(旺角🚇C3 出口行1分鐘就到)💫評分: 8.5/10💬午市唔食火鍋有得食米線

今日嚟到朋友介紹嘅火鍋店， 來之前一定要訂枱，因為店面嘅座位唔算太多。店舖嘅食材都好新鮮， 如果當日有購入啲特別嘅海鮮， 店員會介紹推介。 另外，老闆好熱情，同食客都有傾有講，餐廳氣氛唔錯。

今次第一次叫黃金炸魚皮，癲咗勁好食，點解可以咁濃咁香。真係連個火鍋都未到已經比我哋清曬呢間頭啖湯佢哋個椰子雞湯底真心冇得輸～椰子怪表示椰子味勁清香，真係飲得落口既鮮美（唔口乾先係重點），雞肉亦都嫩滑唔鞋～未落任何配料都已經飲飲食食得好開心是日精選有店家當日去海鮮檔拎（包保夠晒新鮮🤤）既司令部海鮮，我哋叫咗南非鮑魚，特大貴妃蚌，花甲同埋筒蠔都勁大隻又好鮮，食得出全部都係靚野～打邊爐又點可以無牛牛，個人最愛佢哋個手切安格斯雪花肥牛，油花分佈均勻，而且肉質鮮嫩唔油膩～連嗰渣綜合水果茶都出奇地好飲喎，好解膩食飽飽飲番杯舒服哂～大大大滿足的一晚～午市唔食火鍋都有得食米線架～（仲可以轉菜底！一流）

響香港有心搞飲食的買少見少，今次已經第三次幫襯，水準依然👍🏻👍🏻 加油！安格斯牛肉丸彈牙🥩手切牛正🥰椰子雞鮮甜同麻辣雞煲野味🐓黃金炸魚皮、響鈴🔔夠邪惡其他手打丸都好正😋😋 台山筒蠔好鮮味🦪🦪材料新鮮，良心小店❤️食足3個鐘埋單都係$3xx 🥹 真係抵到有啲過意唔去🥹🥹佢哋加的湯底都係好足料，食完唔會口渴嗰啲味精湯😍😍😍🥰🥰🥰🥰朋友都話好介紹😆 可惜佢哋住九龍，冇得成日幫襯😄 外賣送貨啦～

🔅頭啖湯🔅天后🔅打邊爐🔅雖然冬天未到，但女仔有時就係會想飲啲好補嘅野😂🫣於是我同朋友決定去食個超補嘅椰子雞煲🤭佢一上菜嘅時候，個煲入邊嘅雞係生雞件，然後我哋睇住佢滾，店員指示我哋滾一兩分鐘後可以食，一食入口件雞真係超嫩滑！湯入面有超香椰香味同雞油味，感覺都超正\(//∇//)\個湯可以飲完一碗之後再加先打邊爐～除咗畫雞之外佢亦都有木耳、雜菇其實對兩個女仔來講，食一個雞煲已經飽飽地，但我哋都係嗌咗一個墨魚丸拼盤、雜菜拼盤同埋鵝腸🫶🏻墨魚丸超彈牙，雖然芝士墨魚丸嘅芝士唔係流心，但係鹹香都好好食～鵝腸份量勁多，超爽雜菜拼盤就有娃娃菜同生菜同埋小棠菜，索晒啲湯就最好食～服務好周到，有啲咩唔明隨時可以問店員～ 平日夜晚唔係好多人，都唔使預先留位～個湯真係正～推介！打完邊爐仲可以行東岸公園，散步～ 超近～頭啖湯網上訂座即賺Rice Dollars 網址: https://s.openrice.com/QrbS0xA4800~uZ5MGAA地址: 天后威菲路道15-19號萬順樓地舖電話: 25709017=====================#打邊爐 #天后 #天后美食 #天后黃店 #邊爐

因同朋友慶生，而知道朋友鍾意食雞於是係open rice隨意搵有關雞火鍋資料，無意搵到頭啖湯食評大部分正面，於是決定一試，本身訂左枱晚上7點，因早到左先到鋪放蛋糕keep,店主見我有其他嘢係身都肯幫我保管，到差多時間到揀左最出名既椰子雞，亦order左店主推介既北寄貝（第一次配火鍋食）、澳洲藍蝦、花甲，3款海鮮都鮮甜，特別北寄貝厚身、嫩滑夠juice,藍蝦鮮甜質感好爽，菜類揀左羽衣甘藍苗，都係因為唔係四圍都有得食，味道幾得意，形容唔到似邊種菜既味道，可以一試，冷豆腐吸晒湯底味道，到叫店主拎蛋糕時主動唱埋生日歌、代keep既禮物都一齊準備，令到朋友感覺好窩心，謝謝店主同店內職員贈我既一餐開心既晚餐氣氛，會繼續支持店主，一定會再幫襯

📍頭啖湯 @ 天后足料清香椰子雞煲🐔ღ 滋潤椰子雞煲 $268/一隻ღ 黃金炸魚皮 $58ღ 西班牙黑豚肉 $98ღ 手切安格斯雪花肥牛（大）$238 ღ 綜合水果茶 $38原隻雞加椰子湯底😻好清甜 份量都夠炸魚皮配鹹蛋黃呢個組合緊係滿分食完一舊停唔到 炸得好脆鹹蛋份量超多！但稍嫌整體食物偏鹹 不過就證明到真係超足料其實仲叫咗好多嘢㗎 但掛住食冇影haha記得有個墨魚滑都好正 很彈牙的喔～而且老闆同伙記們都好好態度會走嚟同我哋傾計 又會介紹下呢排有咩抵食😋回頭指數😼3/5（街坊邊爐之選(*≧▽≦)

是日去新既東岸公園, 去到附近random搵間餐廳試下咁岩天氣一轉涼就會成日好想飲熱湯💛路過見到有椰子雞湯底, 腳就不自覺地行左入去了😂午餐除左有椰子雞湯, 仲有蟲草花藥膳雞湯兩款湯底都有配料:杞子, 黑木耳, 雞件 同時菜可以選擇配泡飯或米線都係48蚊!今日兩款湯都有試果然不失所望，個人比較鍾意濃香既椰子味多d配飯或米線都輕鬆清盤推介潮汕牛丸，極重牛味👍🏼鮮雞件肉質嫩滑整體🌟8/10滿足既午餐~價錢又親民最重要係工作人員十分有禮貌

一向都唔鍾意食任食邊爐覺得啲食物無咁新鮮食單點食物又驚會好貴好彩頭啖湯平靚正食到飽都係人均三百內明明上次嚟都想試下椰子雞到食嘅時候又突然好想食辣結果今次都係食咗麻辣雞煲但係聞到隔離椰子雞個味又覺得好香下次一定要企硬試椰子雞個雞煲味道夠濃啲嘢飲又正除咗水果茶之外個凍烏龍桂花茶都好香清清淡淡配重口味雞煲好夾見到前幾個食評話店員態度差真係R曬頭明明店員都係正正常常個老細好nice隔離枱個BB係度扭計仲幫手抱咗個BB一陣等隔離枱啲大人可以盡情食未見過咁貼地嘅老細

冬天最啱就係同班fd食雞煲第一次食頭啖湯主要係想支持下同路人估唔到咁有驚喜四條女嗌咗半隻麻辣雞，又香又辣啱曬啲鍾意食辣又唔係好食得辣嘅人個湯底又夠濃整完啲調味料都唔使點用雖然唔係任食但係幾個女仔唔睇價錢就咁嗌最後埋單都只係 二百頭一個人真係又好味又抵食嘢飲方面都比其他舖頭平大大杯用新鮮水果整嘅水果茶都只係$38而且食完都唔會好渴難得遇到咁好食嘅黃店絕對值得回頭支持💛💛💛💛下次嚟會試埋個椰子雞

幫襯過好多次都正正常常，嘢食都好食今日再去食時，明明都算早冇乜客，有好幾張枱，但唔俾坐卡位都算啦，坐咗喺大枱入面，有位講話唔正嘅女店員竟然叫我最好坐嗰張最出面間咗出嚟嘅二人枱😓都唔知咩態度但之後每個客都係一位咪又係俾人坐卡位有位叔叔問佢坐邊張，佢就話鍾意坐邊枱都得喎🙄行去埋單企喺度等收錢，佢就只理後面一位啱啱行去埋去個叔叔先🙄咁嘅態度就算係咩色都唔想去幫襯，希望嗰位女店員最好留意番自己嘅態度、返緊咩工，而唔係喺咩奇怪場所打工