風之谷蛋包飯

營業中

休息中

專做外賣蛋包飯既專門店唔多，今日元朗就試到一間😎我地叫左黑松露雜菌蛋包飯，咖哩漢堡扒蛋包飯，同一個小食-燒汁一口牛黑松露雜菌蛋包飯好足料，落左好多黑松露，咁叫得呢個都係想食黑松露，一見到已經覺得好滿足😂個飯係白飯底，主要都係食黑松露既味😙咖哩漢堡扒蛋包飯就係炒飯底既，連埋咖哩食個味都幾濃幾香口，漢堡扒都算大塊厚肉，咬落juicy，雖然係外賣形式，但食晒絕對飽肚🙈燒汁一口牛另加配蛋黃醬，配搭上幾新鮮，不過本身牛肉上既燒汁都好夠味，唔另外加蛋黃醬食都可以👍

風之谷蛋包飯 (元朗)📍地址：元朗西菁街23號K Plus地下6號舖================呢間風之谷蛋包飯係專門做外賣，主打蛋包飯😍同時有西式意粉同漢堡提供，真係幾多元化☺️今次我whatspp 落定單，好快就有得拎😍吉列豬扒蛋包飯 $68吉列豬扒，煎得好香脆！但包飯入面嘅飯係炒底，外層嘅蛋都好滑溜，誠意之作❤️芝士牛肉流心蛋漢堡 $48 加$15仲有汽水同薯條，真係超值！牛肉幾厚實，食落幾Juicy!😍鐵板煎帶子$38鮮帶子除咗大粒，肉質仲好嫩滑，煮得啱啱好！而且仲有啲醬汁配埋，真係好夾！😳

今晚放工夜，所以買外賣返屋企食，見到西菁街新開了間蛋包飯，價錢又唔算貴，買返去試下。除了有蛋包飯外，還有意粉、炒烏冬及蓋飯等，款式都幾多。風谷炒飯配吉列豬扒，豬扒炸至金黃香脆，粉漿不厚，豬扒嫩腍，炒飯有帶子、蝦等炒得爽口。燒汁肥牛蛋包飯即叫即煮，蛋包飯超香又滑，拌埋肥牛一起更添風味。黑椒牛柳絲炒烏冬有鑊氣，加上有黑椒的微辣香味，牛柳絲夠腍，亦都不會太肥膩。紅酒牛肋條飯醬汁惹味，拌飯一流，牛肋條炆至入口鬆化，紅酒汁帶點甜香。

蛋包飯「風之谷」你會諗到咩? 日本漫畫? 元朗位於西菁街K-plus 商場內圍嘅小店用咗一個咁靚嘅名「風之谷」專賣蛋包飯外賣, 小店旁更設有立食位置供客人使用, 十分細心。小店最注重品質, 唔同大集團, 大集團係要快, 所以要比時間等待。我叫三款返屋企慢慢嘆, 返到屋企仲係熱辣辣, 香噴噴。小店除主打蛋包飯, 有炒飯, 意粉系列, 飯飯掂（白飯底）及啤啤佢小食系列。全新系列更有烏冬, 漢堡及素食, 舖仔細細都好多選擇, 樣樣都好吸引。咖喱吉列豬扒蛋包飯 - $68濃味之選, 採用炒飯底, 🍛香甜嘅咖喱汁充滿日本風味, 味道不錯。 包飯隻蛋好靚, 又鮮嫩, 啱啱好, 唔會煎到好老。吉列豬扒認真超夠厚夠脆, 超值抵食。鮮露荀雞胸扁意粉 - $68扁意粉🍝感覺冇咁油膩, 鮮露荀好爽脆, 扁意粉加咗蒜蓉, 三色椒炒好香。雞胸煎得好嫩滑, 老公食完以為食緊魚柳。蝦汁青口帶子炒烏冬 - $58我好鐘意食烏冬, 佢呢個烏冬用蝦汁🦐做調味炒,🍝 真係超級香, 香到好似用咗龍蝦汁炒一樣。仲有青口, 帶子, 少少蝦仁, 三色椒一齊少, 好香呀! 味道一啲都唔咸, 調味啱啱好!加汽水只加$5, 但要注意外賣

呢排天氣好好 尼左久違既元朗踩單車 🚴 元朗呢頭真係多左好多好野食呀 掃街醫肚係完美既選擇 呢間風之谷蛋包飯係外賣店 提供少量冷氣企位都可以即場食架《咖喱吉列豬扒蛋包飯》話明風之谷蛋包飯🍳緊係要叫尼試下 喇 旋風蛋嘅造型好吸睛 嫩滑嘅蛋加埋日式咖喱汁配炒飯底 又開胃又飽肚 佢地好貼心咁將吉列豬扒同埋咖喱汁分開 咁就幾時食都唔怕變淋喇 豬扒冇過多嘅調味 咬落脆卜卜 點埋個自家製蛋黃醬就完美喇《燒汁一口牛》甜甜地既燒汁配上好有口感嘅牛柳粒， 作為炸物以外嘅小食都相當唔錯《芝士味手羽餃子》通常我哋食到入邊嘅餡料會係明太子 呢個佢咬開會係一啲好濃厚芝士味嘅雞肉 個口感好特別有啲似雞軟骨 雞翼燒到金黃色 食落幾香口《鐵板煎帶子》28蚊6粒帶子 😳 呢個真係好抵食！仲要粒粒都好大粒好juicy ，味道亦都唔會整到好鹹，所以唔怕食完會口乾咁樣叫都係170 蚊有找！！ 係超級抵食之選 風之谷蛋包飯 (元朗)元朗西菁街23號K Plus地下6號舖

西菁街富達廣場隔離新開咗間外賣小店，見到好多學生哥同埋附近做嘢嘅人都嚟幫襯。我買咗三個招牌蛋包飯，即叫即做，等大概10分鐘就有～🐂 燒汁肥牛蛋包飯 $58蛋好滑嫩，飯有驚喜，係用珍珠米，口感一流🤤 仲有細帶子同蝦，肥牛份量超多，肉質鮮嫩唔鞋。整體而言兩個女仔share一盒飯都得🙌🏻🐟 海鮮汁帶子蛋包飯 $68飯同蛋同上，呢個海鮮餐最吸睛嘅係有兩隻大青口同埋三粒大帶子，鮮甜彈牙，呢個價錢幾抵食👍🏻🐖 咖喱吉列豬扒蛋包飯 $68係餐廳嘅招牌菜，見到賣相好吸引，而且份量多到要分兩個盒裝～ 豬扒外層炸得酥脆香口，內裡肉質軟腍好咬，點埋咖喱汁食好惹味💯老闆態度唔錯，而且食物款式多，下次可以再試😋

風之谷蛋包飯 (元朗)元朗西菁街23號K Plus地下6號舖燒汁肥牛蛋包飯 $58今晚落街買外賣，整合飯買相靚。蛋夠香滑，肥牛油甘香嫩，多計，有洋蔥🧅唧香甜，粒粒均勻唧燒汁飯，入口多層次，口感非常，真係冇得頂，必食😋😋😋海鮮汁帶子蛋包飯$68海鮮包飯，又係另外一種風味，海鮮汁將帶子提升得，更先甜，更爽滑，香滑蛋，包著帶子鮮計飯，匙匙飯入口，美味非常，色香味俱全，值得推介🥳🥳🥳吉列炸蝦(6隻)$28燒得脆卜卜，外脆，蝦爽口，多汁，超好食，抵食👍👍👍鐵板煎帶千(6隻）$28大大粒帶子，鐵板燒得焦香，入口鮮甜，脆滑，食過回味無窮😋😋😋

紅酒牛肋蛋包飯 $68紅酒牛肋煮到好淋，食落都有酸酸地嘅紅酒味。另外咖喱汁底蛋包飯，每粒飯度撈勻醬汁，好味👍🏻泡菜肥牛炒烏冬 $48酸酸地嘅泡菜加肥牛炒烏冬，成個味道好夾好開胃，個烏冬好煙韌😋炸物拼盤 $68拼盤裏面有多春魚，小丸子，炸豆腐同炸年糕，款式夠多，如果心思思唔知揀邊樣可以直接揀呢個拼盤試哂咁多樣🤩佢會跟埋一個天婦羅醬汁可以點，又或者可以加$3有其他唔同嘅醬汁可以揀，我地今次揀咗黑松露蛋黃醬🤤嗰醬真係冇得輸👍🏻

因為放工後懶得煮飯食，於是來到元朗呢間蛋包飯外賣專門店打包回家食﹗有蛋包飯、炒飯、意粉、鳥冬、漢堡包同小食系列。紅酒牛肋蛋包飯:蛋包飯係旋風形狀，保持嫩滑口感，底下係炒飯，炒飯加入蝦粒同粟米，口感豐富。紅酒牛肋骨有大大件， 肉質鬆化。風谷炒飯配鮮茄煎盧魚$73:自己比較喜歡呢道鮮茄煎盧魚，煎盧魚份量不少，魚皮煎得香脆，魚肉夠嫰，配合茄膏，酸酸地幾開胃﹗黑椒牛柳絲炒烏冬$48: 炒烏冬炒彈牙，配合埋牛柳絲，帶出牛油香味。

><喺呢個位嘅餐廳都係主力做外賣旁邊商場入面位置設有立食區今次嗌咗蛋包飯 意粉同burger燒汁肥牛蛋包飯($58)外賣個蛋包都砌得靚幾滑溜飯底有醬料調味 唔會單調跟洋蔥牛肉幾夾旋風青醬帶子扁意粉($78)都鐘意食青醬意粉 感覺冇咁快有膩意帶子煎封完 風味鎖入其中扁意粉掛汁 仲有三色椒增加口感大啡菇牛肉芝士漢堡($58)麵包有烘過 塗咗牛油好香大啡菇軟腍充滿菇汁牛肉餅厚身唔鬆散夾雜黑椒味可口可樂(+$5)><><><><><><><><><><><><風之谷蛋包飯元朗西菁街23號K Plus地下6號舖

係元朗做身份證嘅K-plus 出口，有間主打外賣都有一張枱立食的小店，小店最注重品質，始終唔同大集團，大集團係要快，小店係最緊要出品好，咁食客先會返轉頭常常幫襯，我叫四樣嘢返屋企慢慢嘆😋，仲係熱辣辣肥牛燒汁蛋包飯$58，係日本米，第一眼見到個蛋炒得好嫩好滑，粒粒飯都包住汁，牛肉好嫩，仲有香甜嘅洋蔥🧅雙層牛肉流心蛋芝士漢堡$58芝士牛肉流心蛋漢堡$48大啡菇牛肉芝士漢堡$$58漢堡好多料，蛋和芝士好juice,快餐店嘅漢堡包邊有得比，睇得出真係好比心機整👍

「風之谷」呢個名大家一定即刻諗到日本一套動漫。除此之外，「風之谷」亦都係一間蛋包飯外賣專門店，我估可能店主對呢套動漫特別喜愛，因而命名。呢間外賣店位於元朗西菁街，小店旁更設有立食位置供客人使用，十分細心。小店除主打蛋包飯，亦有炒飯系列、意粉系列、飯飯掂（白飯底）系列及啤啤佢小食系列；全新系列更有烏冬、漢堡及素食，選擇可算十分多。《咖喱吉列豬扒蛋包飯》（$68）濃味之選：採用炒飯底，咖喱汁充滿日本風味，味道不錯，所以記得一定要多汁就至正；吉列豬扒認真超夠厚夠脆，超值抵食。《風之谷炒飯配觧茄煎盧魚》（$73）豐富之選：炒飯底十分講究，配料多有蝦肉粒、帶子粒、炒蛋、粟米粒及洋蔥粒，飯面再鋪上櫻花蝦，認真有誠意之作，炒飯好好味道；再配上鮮茄煎盧魚，蕃茄及盧魚亦足料，味道相對咖喱而言，當然會明顯較清新及淡口味，有家常便餸的味道。《黑松露雜菌扁意粉》（$58）清新之選：扁意粉及雜菌份量十分夠足，呢個真心夠曬經濟抵食。注意外賣店營業時間為12:00～22:00 及只收現金。