風月堂 (已結業)

之前同男友試過晚餐覺得不錯,因此與友人來這裡試試它的下午茶.^^其實今次都係想黎試下甜品所以嗌左兩個甜品1個tea set上次食過朱古力蛋糕班cake 好好好好味;!!所以今次都嗌番個,,點知 很一般口感不同了雪糕wo夫沒什麼特別;)另外1個tea set 炒拉面, 都不錯的,跚左杯凍朱古力, 幾香滑的, ;)

旺角好多平野食，風月堂$88 ge lunch set 算幾貴。不過地方大，坐得舒舒服服，窗外陽光射入黎，牆上書架放左唔同種類既書，加添一份悠閒，比多少少都值得既。除左環境，lunch set都豐富。有暖暖地既餐包，可以揀湯或者沙律，main，野飲同 waffle 配雪糕。沙律幾新鮮，菜好爽脆，加埋柚子好清新，少少芒果帶d甜味，a good start。黑松露菠菜意粉配煎三文魚，幾好食 之前黎叫左石頭飯，只係好差既炒飯用石鍋載住，對li到既main dish 有所保留，但今次揀啱啦。好香松露味，個汁好rich，意粉煮到啱啱al dente。三文魚除左個面落得太多鹽好鹹之外都可以。幾欣賞li到檸茶奶茶成壺上，賣相靚之餘可以斟到幾杯。最後係waffle，雪糕可以揀豆腐，芝麻，士多啤梨，菠蘿，朱古力，雲尼拿，都唔少味揀。芝麻味比較淡，芝麻味唔出，豆腐清清地幾好食。waffle外層唔夠脆。cafe感覺，多人都唔會趕人走，唔錯。

行MK行到攰搵個地方三點三下午茶是常識吧~但話說MK下午茶除左CAFÉ 之外重有咩好地方呢? 俾我發現左風月堂嘿嘿~其實本身係門口睇佢好似D比較貴既餐廳咁, 但其實又唔係WOR。一入到去個感覺同門口既一樣, 白色既設計令到整個感覺好放鬆, 抖一抖真係唔錯。野食方面我叫左個炸軟殼蟹意粉, 咁尼, 係就係軟殼, 成隻都食到, 但真係軟過頭, 唔似岩岩炸, 真係唔多脆。味道尼, 就唔差既, 但口感就真係差D。隨餐附送一件蛋糕仔, 幾得意。窩夫方面我因為已經好飽既關係, 就HEAHEA地叫左個朱古力味算。但其實佢既選擇好多, 有好多唔同生果同唔同既雪糕做出幾十種唔同既窩夫, 如果有心想去食窩夫真係揀死你。我唔知佢地窩夫係咪即整, 但真係脆同暖, 窩夫底有少少焦, 感覺更香更好食, 雪糕既話幾軟, 真係做到同窩夫既配搭, 最後再加上一杯下午茶必要既紅茶, 成件事就變得好滿足呵呵。

以往經常光顧的亞皆老街風月堂舊店剛於1月初結業了，現在好像只剩下這間較新的本店… 第一次來這店，爬了兩層長長的樓梯上來（這大廈的樓底真高！），才獲悉要等5張檯（當時已是晚上10時，G/F沒有知客派籌），原本想轉場的，但一想到那兩層樓梯…..便惟有繼續等了….最後等了30分鐘左右，還可以吧！意式雜錦腸 ($65)這是芝士腸+雞肉腸+煙肉腸各一條的拼盤。味道可以，但稍稍普通了一點…而伴碟的薯蓉一吃便覺得是開粉的，沒有薯味和牛油香，誠意欠奉…田舍風味燒烏冬 ($92)說是燒烏冬，吃下去卻覺得只是普通的豉油撈烏冬…. 如果是用鐵板上的話效果可能會大大不同。烏冬上雖有很多木魚鋪面，但配料方面只有少量的肉絲、蘿蔔絲和青椒絲，實在不值這個價錢….香煎牛脷 ($65)牛脷很惹味，而且厚度切得恰到好處，是整餐飯中比較ok的一道菜式。這間本店的裝修以大自然日系木色為主調，環境蠻舒適的。可是店方顯然人手不足，而且食品質素及不上一貫風月堂的水準....還是比較懷念舊店呢！

在旺角要好好坐下，靜靜地看看書，簡直是妄想！除非你能接受樓上咖啡店偏低質的食物，與愛理不理的服務。我找到這間風月堂，頗能滿足了。在先達附近，要走上兩層樓，捱得過長長樓梯，就見倘大的面積。來過多次都馬上有位子，也是加分位。今次不是為填飽肚子，只要了杯維也納咖啡，五十多元買下寧靜舒適，還算合理。享受了40分鐘安靜的看書時刻，朋友到來點了下午茶餐，不知是週末的還是平日也是這個餐牌，都蠻多選擇，有咸有甜。他的烏冬很好吃，不是一舊粉的烏冬，質地很好，而且湯底也幾鮮味，而煎雞扒份量很多，都吃不完了。跟餐的咖啡也是有水準的，好像是UCC 的.. 就是日式咖啡的炭燒味，少一點酸性，是我喜歡的口味。

同事建議黎呢度食lunch,見未試過就黎試下啦有lunch set, 基本上價值都大約80至100架喇餐湯同麵包就正常茶記味道啦，冇特別上面既大蝦天使麵同豚肉定食係同事叫既，佢地話味道都唔錯菠菜焗帶子石班飯就我叫既，份量都ok，菠菜好多但係冇咩味，其實成碟野都係冇咩味，係塊石班叫做好少少野飲有什果賓治飲，唔駛另外加錢甜品係雪糕格仔餅，雪糕味道又係淡，係件餅就幾香口黎試過一次就夠了

旺角有咩好食? 睇食評就有風月堂, 於是黎. 但APPLE個邊個間滿座, 侍應叫我黎新之城對面個間, 裝潢OK, 題外話, 佢有個幾靚既書架, 裡面的裡都幾正~ 多數旅遊書, 等人之餘可以去睇下D書~~ 好RELAX.見到set dinner要168一位, 於是四個人叫左炸軟殼蟹青瓜蟹籽沙律, 薑汁黑豚肉薄餅, 鮮茄帶子蝦扁意粉, 唔夠再加焗白汁芝士野菜飯, 仲有甜品四色窩夫船.沙律D味好紅豆味, 唔知點解, 個軟殼蟹好有肉同脆, 好味. 至於薑汁黑豚肉薄餅, 其實唔係好食到薑味, 好多洋蔥, 豚肉有D油, 個薄餅仲有芝士, 但味道普通. 鮮茄帶子蝦扁意粉出奇好味, 佢D茄味融入左D好爽既扁意粉度, 少少酸加甜味令到一食再想食多D. 焗白汁芝士野菜飯好芝士.甜品四色窩夫船相睇以為大, 原來係勁迷你, D窩夫質感幾好, 實得黎脆. 但雪糕麻麻.all in all, 整體其實一般.

好久沒有來風月堂LUNCH了..好懷念喔!!!記得上次和整個section的同事一起吃風月堂是我第一天上班的時候我的迎新飯!!當然是去旺角的舊店現在開了一間新店所得稅以我就選擇了在這讓同事們歡送我吧 >__<旺角這新店 我和朋友來過一次吃晚飯好喜歡這裡的裝潢特別是那紫色的沙發椅這次我們一行九個人安排了門口的長桌子旁邊就是落地的玻璃窗光線透入好舒服牆邊都是放滿了書的書櫃各種書籍都有我突然覺得自己是坐在圖書館裡面吃飯喔@3@這次的LUNCH SET感覺都好好吃喔~最後我選了最愛的三文魚系列XD首先喝了我選擇的《羅宋湯》濃濃的蕃茄味 加上雜菜的甜味 微辣的好喝我點的《香煎三文魚露筍卷配薯條》賣相的份量比我想像中的少蠻多的不過因為我不是太餓 所以我都夠飽的喔三文魚有點過熟 但味道還是很濃的魚香配露筍一起吃蠻配的 薯條也好吃XD《照燒雞扒定食》份量很多耶~蠻大的一件雞扒 還有一些蔬菜的配菜喔另外有一碗日式沙拉 再配一個白飯雞扒的燒汁咸咸甜甜的 雞肉蠻嫩的!!又豐富又健康的feel…不錯喔!《香煎牛扒配飯》的賣相最吸引了因為有兩件蠻厚的牛扒耶好像好好吃的牛排味蠻濃 但有點難咬不夠嫩

好姊妹特意接我下班 然後陪我慶生 實在是太感動啦 哈哈 因為好久沒見面了 所以這次選了風月堂 沒有限時不會趕人 可以慢慢邊吃邊聊天啦XD旺角還新開了一間分店 當然要去試一下囉 新店的裝潢風格和以往的店差很多 以往所有的店都是用白色為主 什麼都是白色的新店的感覺就好像走進了一間圖書CAFÉ 有書櫃放著很多不同類型的書 客人可以隨便看 牆壁還特別用了像紅磚牆 感覺好溫暖喔 啡紅色的周圍 配上紫色的沙發 竟然是很搭的 周圍還用了紫色像薰衣草的小花做擺設 感覺有點像坐在家外面的庭園吃飯一樣喔我們點了一個主食一個小吃~ 兩個人剛剛好!《海鮮湯意粉》$ 105 整個意粉都是用濃濃的蕃茄湯盛著 紅通通的 湯裡的蕃茄味超濃 帶有點像羅宋湯的味道 裡面的海鮮款式有好幾樣 質量和數量也不少 有蝦子,青口,魷魚,魚柳.. 都是蠻好吃的喔!! 只是意粉本身有點硬…如果再軟一點點會比較好《煙三文魚芒果蟹柳米卷》$ 72 賣相很吸引 因為色彩是十分的繽紛喔 有三文魚的橙 芒果的黃 蟹柳的紅和白耶 小朋友應該會非常喜歡的喔~~~ 而且各種食材配起來味道更是不錯的!!

羅宋湯+餐包羅宋湯熱辣辣, 足料, 味道濃郁, 但好似太濃… 好傑… 餐包係暖ge, 一放牛油入去, d牛油都溶左, 幾好食~~風乾火腿沙律致命傷! 晤夠黑醋汁… 乾食菜… 同埋個黑醋汁用得太多糖去煮, 不但只太甜, 仲有種怪味… 不過個風乾火腿就幾好食, 晤係好鹹.豬扒飯除左豬扒同飯之外, 配菜有番茄仔同西蘭花.豬扒: 豬扒味道新鮮,無太多醃製. 面頭有果仁碎, 雖然係味道上無咩特別效果, 不過令個送望落青見d~西蘭花: 酌係蘭花ge水有用鹽同油, 雖然呢個係基本常識, 但好多餐廳係無咁做ge… 所以呢間都算係咁…番茄仔: 炒熟左… 好香口, 不過好油.飯: 飯味都ok, 不過晤係珍珠米… 對於一間日式西餐廳, 收$168未加一一個set黎講… 我expect 好d ge野…蟹籽三文魚忌廉意粉好食! 面頭有塊煙三文魚, 同埋d蟹籽, 下面先係忌廉意粉.煙三文魚: 質感好好, 晤會腍, 有d口感, 鹹淡適中.忌廉汁: 晤知點講, 超好味!意粉: 其實都晤係太過腍, 但可能自己中意食有小小咬口ge意粉, 相對地, 如果再硬少少會好d~~跟餐點品 - 豆腐ice cream + waffl

知道風月堂喺旺角中心對面開了新店，終於都唔洗等位又可以喺旺角搵到個地方舒舒服服坐低食個飯大部分座位都是半梳化半木椅的, 空間感夠, 唔會似一街之隔的舊店咁迫先來了蜆肉意粉，啲辣椒好鬼辣呀，意粉有點未夠熟，硬硬的，不過調味唔錯再來牛油果煙三文魚 pizza, 厚厚的芝士層，拉開絕對有一絲絲的效果，加上焗過的牛油果滑滑的質感，薄脆的批底，十分好吃牛肉漢堡十分足料，雖然漢堡扒算不上很 juicy, 但全溶了的芝士在上面，份外好吃還有煙肉，很多沙律菜，厚片蕃茄，帶來了健康的感覺，又減少了吃大舊肉之後的罪惡感~侍應感覺上有點未熟手, 不過都很主動幫手加水, open kitchen, 見到廚師先生在煮食, 又是另一種眼睛的享受~

本身諗住去食新之城斜對面對面好大個牌個間，但星期五晚7點幾去到，俾個態度勁差既帶位質左句 "梗係要等位啦，要等36張！"。心諗， 都係問句你洗唔洗等位姐，拎張等位紙竟然要行樓梯上1樓 ？！咁你企係度做咩？嬲嬲地諗住食第2間。點知行到去旺中個邊，竟然俾我地發現仲有一間風月堂 ，行上去拎張飛，雖然第2張2人台就係我地，但都等左成3至4個字，等到8點半先有位，餓死人喇 。等位既地方通風系統有啲唔好，依家三十幾度，又熱又焗 ，仲要行完兩層樓梯，真係好辛苦，又得2張椅。服務真好 ，我地係第2張2人台，一去到就問我地介唔介意坐bar台 ，如果想可以加多2個位就即刻有位，我地諗住坐得舒服d就無要到。成間餐廳環境好大 ，有好多書架做裝飾，好特別，d書真係可以借黎睇 。最唔好既就係們廚房，切開左成間餐廳，連邊邊係正門都唔係太清楚 。叫左特色雜錦三文治 同煙三文魚蟹子意粉 ，落單時問左個意粉可唔可以轉做扁意粉，見個待應用對講機問完又入廚房問，等左一陣終於話ok 。好開心咁好快有野食，點知上既係意粉，我地問點解，有個經理既物體就話其實係無得轉 ，個新黎既同事搞錯左，心諗唔通個新