風車

營業中

休息中

去完圍方睇完戲，梗係要去大圍搵吓有咩好嘢食啦，今次就捐窿捐罅，搵咗間風車嘅西餐廳！一入到去，好大個電視，諗起呢個一定係睇波嘅好地方！飲住酒同朋友傾住偈chill下，一定幾有feel！而我今日同老公就過嚟食個晚餐！叫咗個德國鹹豬手！份量都唔少！兩個人食都幾夠！啖啖肉好正！之後我哋仲叫咗個大蝦意粉！調味都還好，如果可以濃啲更加好！配料都幾充足！跟住我哋仲叫咗個阿拉斯蟹餅，賣相一般，但係味道還好！比較普通！最後我哋叫咗個nacho！脆片脆卜卜，幾好食！一個醬就比較辣，一個就係忌廉味！叫埋酒嚟食一定好送酒！跟住唔夠喉，我哋仲叫咗個蟮串燒！即叫即燒，外皮脆卜卜，幾香口！呢度唯一唔好就係地理位置比較偏，距離圍方都要行10分鐘左右先到！所以要嚟搵嘢食就要花少少腳骨力啦！