風雲丸 (已結業)

此拉麵店終日人頭湧湧，今日終於同老公有機會一試！如果排隊排到又攰又口渴的話，門外有免費水及長櫈提供，非常溫馨、而且店鋪裝潢上的壁畫富有日本文化氣息，讓你猶如置身日本一樣！排了這麼久，終於到我們了，除了必點的拉麵外，其實食物都務必一試！香鬆海苔豚角飯此碗飯好抵吃，份量豐富，豚肉佔的份量也不少，而且豚肉充滿醬汁味，配合這海苔飯一流。豚骨魚介拉麵大大塊的豚肉，肉同脂肪的比例分布也不錯，好吸引，豚肉都好入味，整個湯都濃而不膩，而拉麵的軟硬度可以根據個人喜好而選擇的，配合個人口味。羽根餃子此餃子外表非常霸氣，整塊餃皮底又脆又香，放心，一點也不油，所以感覺上吃多多也可以。

818星期日，遇上風雨，和女朋友全身都濕透了，又肚餓，行過這間沾麵店，就進去食一碗麵暖暖胃和暖暖身。豚骨魚介味玉沾麵很久沒有來風雲丸，店內定期會推出不同的限定沾麵，今次是龍蝦的，沒有太大興趣，選回no.1。石鍋熱氣騰騰，還有泡泡不斷冒出來，冷麵放進石鍋再夾上來仍然很彈牙，同時掛湯。而沾麵味道真是很重魚介香味。辣豚骨魚介沾麵辣沾麵湯汁魚介味不及原味重，但是加了辛辣又是不同吃法，是很開胃的辣度，不會過辣。羽根燒餃子最喜歡底下的脆皮片，很香口又有煎香的焦味，餃子裡面都很濃味。

我喜歡食拉麵程度可以一星期三至四天也不厭倦。今日轉一下口味，要了一碗野菜豚骨魚介沾麵。沾麵比起拉麵湯底濃厚，也比較杰身。以石鍋乘載，上枱時熱得還起泡泡來。麵條可選有彈性有嚼勁的冷麵，而我選擇了麥味較重的溫麵。石鍋內翻滾著各種蔬菜和豚肉。豚肉夠入味，軟腍，入口有點溶化。麵條沾著濃稠的湯底，濃而不膩，好味！羽根燒餃子賣相好特別，有點似扇子。皮薄餡多，有肉汁。燒得不油不膩，正！估不到沾麵也得我歡心，以後又多一個選擇了。

從前在附近居住時，這拉麵店是我的飯堂，今天故地重遊，份外親切裝修以漁船作為設計概念，兩幅牆掛着手繪，用色充滿和風飾以漁網、漁燈等裝飾，甚富東瀛漁村風情點了期間限定的原隻龍蝦味玉濃香沾麵！沾湯以預熱至攝氏300度高溫的日本特製石鍋盛載，從頭吃到尾都可以保持熱燙滋味！波士頓龍蝦肉質紮實、味道鮮香， 配上結合蝦湯、招牌豬骨湯和櫻花蝦油的沾湯，新鮮又惹味不能少了必點的石燒咖哩豚骨魚介沾麵！配以秘製的厚切五花腩炭燒叉燒及厚切筍片，滋味十足才追加一枚味玉，日式醬油秘製溫泉蛋還有脆脆的海苔真真正正的大滿足

這次與靜靜媽來這家店 去了灣仔分店去到的時間剛剛開門 所以是沒有人所以就拍拍四周的環境吧 挻日式的風格很快我們就下單了 等了大約十五分鐘就陸續送餐來 快快拍完照片就開始食東西吧·豚骨魚介味玉沾麵 HKD$93由於用了石鍋放湯 來到時很熱很熱的樣子看到湯是"卜卜聲"地滾著 傳來少少的熱風我喜歡食沾麵因為比較方便 不用被湯彈到湯底是挻濃郁的 很重豬骨味 所以飲多兩口🤭豚肉口感很腍身 會感到太韌的口感🤤🤤·豬骨魚介拉麵 HKD$88點了少油及麵質是中等 食起上來剛剛好的口感這個湯底不會太濃 豚肉也是很腍身 肥肉入口即溶我們不是經常食肥肉食一次也不怕吧🤫🤫環境挻舒服的 而冷氣也很充足挻涼快的感覺裝修比尖沙咀店更漂亮 而且大很多呢🤭還有一行單人坐 不用怕看到其他人食東西🤭

尋日男朋友接完我收工之後去左灣仔食飯，我地揀左風雲丸食沾麵，我其實係第一次食沾麵，之前真係無食過，我就叫左一個石燒肉盛豚骨魚介沾麵，呢個麵有4舊大大舊的豚肉，好滿足好自癒，而且仲可以免費加大400g，保證不同食量的朋友都一定可以食得飽。落單之後等左一陣，就已經有麵到啦，唔會要等好耐，石頭鍋上面的係非常濃郁而且熱騰騰的湯底，用嚟點沾麵真係最好不過，因為可以令到所以麵條都沾有濃郁的湯，同一般湯麵唔同，發現其實沾麵真係幾好食，而且個湯底因為用石頭鍋的關係，可以keep溫好耐，同埋湯底的魚介味都好夠，係不錯的。呢個肉盛沾麵的豚肉有成4舊，舊舊都大大舊，其實食兩三舊都已經好飽。平時啲麵的配菜未必太多，不過風雲丸的沾麵都配有兩大舊筍，我覺得都ok，當然多啲就再正啲。

🍠南瓜薯餅 $38🥘櫻花蝦叉燒拉麵 $98🍜黑蒜油叉燒拉麵 $98。叉燒與櫻花蝦的湯底好好飲 飲晒！雖然我覺得味道不鹹🤟🏾但我的朋友說「點解我會飲得落」🤔。下次再來的話 我會嘗試龍蝦沾麵🥳因為喺呢度的招牌麵😍沾記得要選擇冷麵 個人應為很消暑麵的質感也比較彈牙😉

今晚心思思肚餓想食下沾麵，咁岩又係灣仔，決定都係再臨風雲丸😍雖然都係要排隊，但其實比起多年前已經算少好多人，等左幾分鍾就入得🎉🎉先黎招牌魚介湯，一如以往咁好濃好重魚味，而佢由於用石燒鍋，唔怕食到一半個湯凍曬麵方面，佢係用自家制的極太麵，麵身彈牙，又好上味，好岩沾麵食豚角方面，偏多肥膏，但成件事其實好平衡肥肉入口即溶，層次豐富個溏心蛋就好溏心，加埋湯底就仲惹味至於個咖哩湯底，估唔到咖哩同魚仲湯其實好夾，另一番風味，當然略嫌咖喱味蓋過咗魚介味，對比起之前個濃厚魚介湯比較出色❗️餃子都好好食，炸到岩岩好，好脆但又唔會太燶，入面d料又多，大滿足❗️

前日同朋友經過灣仔做嘢，見到呢間日本沾麵店，推出咗期間限定嘅原隻龍蝦味玉沾麵，所以過咗兩日我哋即刻嚟試一試！門外面有個好大嘅餐牌，見到上面有隻好大嘅龍蝦！其實百幾蚊食到龍蝦，覺得真係幾抵嘅。雖然對於沾麵黎講，可能貴咗小小，但係佢係龍蝦又好似幾抵，喺呢個心態之下，我哋都係試下佢。原隻龍蝦味玉沾麵 $168超級大隻龍蝦！果然同餐牌上嘅一模一樣，冇呃人喎。龍蝦好紅，入面有好多嘅蝦膏，燒完之後好香，而且蝦肉都幾彈牙，唔錯架。不過就算冇乜味，沾一沾沾麵湯就更加正喇。而沾麵就可以揀二百g，三百g，四百g，都係免費。幾對於大食嘅我，想食飽真係好掋。沾麵夠晒粗，好彈牙，好值得推介。

之前已經嚟食過一次，好欣賞佢嘅沾麵湯好掛麵，麵質又夠煙銀，所以一直都好想返嚟encore，happy Friday終於夾到時間再嚟食。其實內面嘅選擇唔算多，但好食嘅嘢，貴精不貴多。今次我繼續叫佢嘅石燒濃厚豚界魚介沾麵，朋友就試佢嘅期間限定原隻龍蝦味玉濃香沾麵。先唔好講佢嘅湯底由於係石鍋上，熱辣辣地上，保持香味；佢嘅龍蝦湯同隻龍蝦實在令人太有驚喜！冇誇張， $168咁嘅質素簡直係超值，必定必定要食！超濃郁嘅龍蝦味。本來仲好想試佢嘅唐揚炸雞，但可惜自己咳，要戒下口。不過都當做俾個藉口自己再嚟食。

呢間既沾麵係用石鍋嚟盛載住啲濃濃嘅豚骨魚介湯嘅，所以個湯都keep到熱，唔會好快就凍晒，呢個設計真係幾好！👍🏼-個湯夠濃又夠稠身，魚介味好出，落少少檸檬汁嘅話又係另一種幾清新嘅食法。而個麵亦好有水準，麵帶粗度亦幾有咬口，掛湯力好強！每份沾麵可以免費選擇200g、300g同400g，食到最後仲可以加啲魚介清湯落去飲埋個湯。蛋同叉燒亦相當唔錯，流心蛋火喉剛剛好，非常流心。而叉燒係一大塊嘅，帶有炙燒嘅香味，幾好食！-因為太肚餓嘅關係我地仲叫埋炸雞同餃子，呢兩樣野就不過不失啦。😛

星期五晚約七時經過此地， 本應是很旺場的， 相信不少時下年青人都為咗遊行嘅事情， 短暫時間改變咗生活模式， 這裡居然唔使排隊！點了一下招牌的豚肉沾麵及沙律唐揚雞。 唐揚雞先到，但顏色偏深，一咬落去只係暖暖哋，十分乾及勁脆，Oh，返炸的。沾麵整體不錯， 唯獨是隻溫泉蛋是凍冰冰的。是次體驗一般，會再惠顧的。

位於灣仔的風雲丸，是一間來自日本廣島的沾麵專門店。在日本已經設有六間分店，在本港也設有兩間分店，經常大排長龍，人氣逼人哦。餐廳地方不算大，設有長方吧台，也有對著坐的餐桌，不論是一人吃麵，還是兩人吃麵，也很適合呢。廚房是半開放式設計，能看到師傅認真煮麵，令我越來越期待呢。這裡只售賣沾麵，以豚骨魚介為主打，同時也有餃子，炸雞，雪糕等供應。原隻龍蝦味玉沾麵 $168最近新推出的龍蝦沾麵，大大個廣告牌非常吸睛，便馬上柯打一份吧。原隻龍蝦頗大一隻，預先切半，呈現分明的龍蝦膏和蝦籽，色澤鮮艷。龍蝦經過炙燒，多一份迷人焦香。熱辣辣的石鍋，放著香氣濃郁的龍蝦湯，湯頭 以蝦湯，招牌豚骨湯和櫻花蝦油製成，入囗味道濃厚有層次，味濃色深，很有水準哦。風雲丸的麵條是每天自家新鮮製作，彈牙的粗麵條猶如烏冬，彈滑且有嚼勁。白身麵沾湯後變成橙紅色，更為吸引。不過部份麵條的尾部被壓扁，有點小小失色。

大前日(29-6-2019 Sat) 晚,同老公行返嚟,feel到冷氣開始正常,咁就入嚟食喇,研究完後,我哋決定要$168.00嘅超濃厚海老味玉沾麵,送一個價值$28.00嘅日本雪糕,同$35.00嘅香鬆海苔豚角飯.5分鐘後,香鬆海苔豚角飯就到,睇見唔大碗,豚角係由五花腩切成立方體,食落,辣嘅,竟然係辣,menu冇寫”辛”字,唔通佢哋落咗一味粉?豚角肥嘅比例較多,口感係鬆化嘅,五香味濃.我哋留啲飯沾龍蝦湯食.加咗龍蝦湯好食好多.味道: 4分超濃厚海老味玉沾麵到嚟,龍蝦係原隻開咗邊,湯用石頭窩熱住上,真係要小心燙咀.麵我哋係揀咗冷麵,份量係大盛,即300g.冷麵沾上熱騰騰嘅龍蝦湯,口感啱啱好;龍蝦湯味道係好濃;龍蝦肉爽;味玉煮到啱啱好,唔錯.味道: 5分食完叫佢哋上日本米雪糕,味道係雲呢拿雪糕帶少少米香味,內裡重有煙韌嘅飯粒.我覺得米味唔夠,呢個一般.當然呢個係來貨,呢個嘅味道係唔計入呢篇食評.價錢:計好錢俾,諗住係$223.30,點知只收$203.00,原來係冇加一.

這天沒有住家飯吃，放工後就先到$12店選購焗蛋糕材料及家品，逛到肚餓就在附近找地方吃晚餐，看到這間日式麵店很吸引，就試試。但最後沒選麵，點了石燒飯吃😅另加了野菜，海苔，粟米，餃子🥟，及梅子梳打酒一罐。石燒牛油肉子豚角飯 - 味道香濃，豚肉嫩滑惹味羽根餃子 - 賣相不錯，餡料有菜及肉，清清地不錯野菜 - 份量頗多，主要有椰菜及荳芽這裡裝修及佈置有著濃厚東洋風味亦很型格，環境舒適，服務又好。下次要再來試試沾麵。