風雲丸 (已結業)

廣島食過一次 令人念念不忘依加唔洗飛咁遠 去港島就ok了味道無咩變化 唯一唔同係香港多服務點日本是用機買 ticket 香港就寫紙叫人收紙落單原本想叫啤酒啤啤佢 可惜那日咁岩無叫左豚肉魚介沾麵 唔錯唔錯上枱係熱到有泡泡 湯底唔會好稀 沾麵一流重點肉好厚身 一塊頂3塊麵可以加大不過唔想食太多 普通就行了麵係粗身的 個人強烈建議 要沾耐一點再食 等麵條都沾到濃湯然後放入碗再食 免得係石鍋邊 燙到手感覺香港分店 份量唔大但食得出湯底好正宗 唔會太多水份價錢方便貴過日本約20幾元港紙不過去港島食 點都方便點啦！

返咗成個星期工，今晚人人Happy Friday,  我就係Study Friday。唯有返學前給自己差差電，食好d﹐唔食快餐店。本來諗住食碗拉麵，嚟到見到點餐紙有期間限定 - 原隻龍蝦味玉濃香沾麵，即刻唔使諗，就佢啦! 因為原隻龍蝦的沾麵或拉麵都比較少見的，趁佢期間限定就要點，否則錯過之後就唔知幾耐先至再有。沾麵上嘅龍蝦計埋蝦鉗都遮蓋咗4份之3碗麵，非常吸睛。龍蝦有少少被燒烤過嘅香氣，厚肉又香龍蝦味，我連少少蝦糕都冇放過。隻蛋有少少流心，及格啦。我點的麵是温麵，麵嘅軟硬度適中。雖然大盛、特盛份量的麵都不用加錢，但為免食得太飽上堂恰眼睏，我還是點了份量最細的並盛❨200g❩﹐連埋龍蝦、蛋、少少伴菜已經夠飽。沾麵嘅湯熱騰騰，送上嚟嘅時候仲係滾住嘅。應該係熬咗一段時間嘅龍蝦湯，鮮味夠。我知道普遍沾麵的湯底係會比較濃，但呢個可能因為係蝦味湯底，又唔係好咸wor﹐啱晒我。食完晒碗麵，個湯都仲係熱嘅，呢個石燒果然唔野小。我仲叫咗支綠茶可樂，淡淡的綠茶味，幾得意。

工作順順利利。就給一餐好味晚餐。想試好耐😆😆😆😆😆容易搵，係合成香水附近。店員好快快咁就安排好坐位給我。忍唔住叫了原隻龍蝦味玉濃香沾麵，🤣🤣🤣🤣🤣比想像中大碗，龍蝦肉厚。羔多。麵可以選擇份量，岩晒我又想試又唔想食太多心態。濃湯到熱熱的。飲了啖湯。比較濃郁。唔肥。店員細心教我沾麵放入濃湯食用價錢合理。有我愛糖心蛋。先試沾麵。彈牙。本身要靠點濃湯取味道，食落都中和。唔錯。糖心蛋好味。最後點了柚子雪糕。味道清淡。內有柚子肉。帶小小甘香。好味的晚餐

風雲丸光顧了好幾次，對食物質素一向有信心，始終日本過江龍到香港，理應不會大跌水準。可惜，近幾次光顧，皆因員工惡劣懶散的工作態度，而大掃雅興。有一次是晚上十一時左右入座，想吶吃碗熱騰騰的沾麵作夜宵，迎來的卻是一塊冷冰冰、未經燒製的日式「叉燒」。未知是否員工因店鋪將近關門時間（該天關門時間為十二時凌晨），因而馬馬虎虎，隨便將食物送出，此舉簡直侮辱了沾麵！最近一次光顧，發現門口總是有人龍，但同時店內有已收拾/未收拾的座位，眼見店內員工們均在走走停停，但沒人真的在工作，不收拾座位，不讓新食客入內，只讓一眾飢腸轆轆的食客在門口呆等。當中能見到員工都避開顧客對入座的提問，甚至避開眼神接觸。收銀的也是一副厭世的樣子，面對顧客提問不聞不問。不知道這種是什麼工作態度，或者能在茶餐廳生存，不過作為一間從日本講究禮教的餐廳，遠道到香港卻被一眾厭世的員工導致食客留有不愉快的經歷，也挺是可惜。鮮寫食評，看不過眼，抱打不平，僅此而已。

我Ben 爺從不羊群心態， 不會先入為主受其他人吹捧所影響， 好像X蘭我本人就覺得不外如是， 所以我們尋找一些未被發掘的有水準食肆。位處灣仔的風雲丸就是一間高水準的日本麵店， 天氣開始轉熱 想來一碗沾麵， 原隻龍蝦上正合心意。用火山石盛載濃濃的龍蝦湯汁， 本來是用來掛湯用的， 但是呷了一口以後， 龍蝦湯刺激了味蕾， 忍不住飲了多口! 當自家製的烏冬沾上了濃湯汁後，"雪"的一聲就把烏冬吃下， 滑捋捋的烏冬煙韌不黐牙， 再連同鮮甜新鮮的龍蝦肉一同吃下， 令Ben爺食慾大增回味無窮! 由於味道實在太好，進食的步伐越來越急促， 開始出汗這個時候由日本直送的萬年汽水， 正好幫忙降溫。順帶一提 ，這裏的裝修 就很有東洋風味， 就好像 把我 帶回到東京。 進食時間 自在 沒有趕客的感覺， 光這一點就畀x蘭優勝

友人假日在灣仔工作，在午飯時間短聚一會，選了公司附近的餐廳。在開舖時間用午餐較少人，一小時後的中午時間已坐滿人了，要排隊。友人待會還有下午茶吃，所以只隨意點了一麵一小食。原隻龍蝦味玉濃香沾麵($168)，是期間限定的沾麵款式。我很喜歡那些期間限定的款式，一是有新鮮感，二是在外面的餐廳嚐不到，更重要的是味道往往較平時吃的好。開邊龍蝦放在麵條上，輕輕一開，每人各一邊，內裏已沾滿濃郁的龍蝦汁。肉質偏實，沾一口滾燙的龍蝦湯更香口。湯沾麵湯需先放附送的檸檬粒，加了檸檬汁後，本來較油膩的龍蝦湯頓時變得清新香口。檸檬粒放在餐盤的左上角，被盛麵的大碗遮着，我們將近吃完才發現那個檸檬粒，只好把餘下的檸檬汁加到凍水中。麵條選了特盛(400g)，不用加錢，麵量已足夠我倆吃。在碗中的麵條帶點硬，本身麵條較粗，需在湯底滾燙時即時放入，泡上一兩分鐘，令麵條變軟和掛上滿滿的龍蝦汁。蛋做到流心軟滑，配龍蝦湯汁很適合。羽根餃子(5件)($35)，這是我們每次來都點的小食。這次的羽根餃子做得很好，上層縷空的紋理沒有斷裂和變軟。用筷子輕輕一按，把簿片沾上餃子汁，倍添美味。整體份量不多，兩口一餃子，但質素高，是輕食之選。桌上

午餐時間一定大排長龍的風雲丸，試過兩次中午來，都係等得太耐要轉場。今次有幸晚上七點來到，不用排隊。我們兩人推門進店，沒有侍應帶位，所以坐下來等待，但等了一會兒也沒有侍應招待。入正題，沾面大概是$100左右一碗。我地每人叫一碗，另加一份餃子🥟。留意點面時要選擇面的份量200g, 300g或400g. 我地不太清楚份量，侍應的回覆沒有讓我們理解到，大約是400g就等於碗的一半是面。哈！我地唔會知個碗有幾大。 最後我地都係揀左300g. 拎個中位數。 我地同樣選了豚骨魚介味玉厚叉燒沾面。沾汁是帶辣味的，我唔食辣，會覺得辣。試味沾汁是濃味的！面無味用來沾面食是剛剛好。厚叉燒肥瘦適中，好味！玉子半熟適中，流心餃子🥟香脆可口一碟有五隻停口後，我覺得我點多左面的份量，200g應該能食完的。 沾面非我口味，太濃味，試過就好。

朋友知道我一向崇尚日本風格，他亦知道灣仔有一間日本沾麵專門店，所以我們趁下午lunch的時候就走去試試，到了餐廳門前就已經被它的裝修和風格吸引，進了餐廳後好像自己置身於日本一樣的感覺！入坐後職員很快拿餐牌給我們看，餐牌內有很多各式各樣日本料理，不過~餐廳主打係沾麵我們當然不可以錯過, 沾麵有七款有原味 辛辣 野菜和咖哩等等可以選擇，下單時還可以選擇麵底冷或溫我們點了2款麵第一款辛辣豚骨魚介沾麵$93麵湯非常濃郁，辣的程度很過引！麵質很彈牙有咬口不會煮我太久而變淋，麵上放了一嚿大大豚外裡煎到少少濃脆卜卜，而內裡軟淋淋加上帶有豚肉脂肪帶有甘香第二款豚骨魚介沾麵$88基本上麵底一樣大大嚿豚肉，不同的就是沾麵湯原味魚介湯底，加入了魚介本身豚骨湯底再提升鮮味令到味道更豐富

我12/4 晏晝黎食lunch,我叫左碗豚骨魚介味玉沾麵 同行友人叫左碗肉盛豚骨魚介沾麵 我地仲叫左一碟燒汁餃子 個餃子出到黎係暖既 食落淋淋地無煎餃子果種既脆口感覺都算 但我碗麵黎到諗住食果時竟然見到果碗湯個式個木板兩隻曱甴幼蟲走左出黎 之後我叫個侍應換過碗麵比我 點知之後黎果碗係隻熟左既溏心蛋 一間日式餐廳竟然可以比隻熟既溏心蛋？！ 之後我同個侍應講 佢就問我咁我換過隻比你試下 （係試下）佢話因為同一批蛋都應該會係咁。 但佢完全係係歉意/講句唔好意思 呢個態度好難接受 以後都唔會再食

途經灣仔, 見到路邊有間叫”風雲丸”的日本麵店人頭涌涌, 店裡面座滿了食客在食嘢, 正值午膳食間, 我見店裡面有咁多人食, 心想這間有咁多人幫襯, 一定唔會差, 於是我都排隊等位.  好快便輪到我有位了. 數分鐘之後, 我有位可以入到店內, 睇到Menu, 原來這間有沾麵食, 仲有拉麵, 我最鍾意食日本拉麵了, 於是我叫了一款辛辣豚骨魚介拉麵來食, 熱辣辣的拉麵好快上枱了, 未食都聞到香濃的豬骨湯味及蔥的香味, 白色的豬骨濃湯底面頭浮咗D紅油, 見到都垂涎欲滴, 食一啖拉麵, 哇, 麵的硬度正是我喜愛的, 我鍾意小小硬身的麵條, 因為食落有咬口的, 這拉麵正正煮到我喜愛的軟硬度, 非常好食! 一啖麵伴上一啖辣辣地的豬骨濃湯, 好正! 仲有一大塊厚厚的豚肉, 厚得來但非常林, 而且肥瘦相間又非常入味, 唔怪之得這間店咁多人來幫襯, 食過先知真的好味道!

風雲丸沾麵作為一個新界人好少出香港嗰邊，呢日剛好嚟到灣仔就上網睇下有啲乜嘢好食，見到呢間 風雲丸好似好吸引，同埋未食過 沾麵就不如一試啦！首先啲裝修好日本風，仲有d枱枱燈燈都係木製嘅，另外仲有好多好日式嘅燈籠，睇落去都幾繽紛得意，環境不錯！石燒濃厚豚骨魚介味玉沾麵（$93）沾麵既湯係用石碗去裝，上枱嗰陣仲係熱辣辣，沾麵可以揀熱、凍或者暖，店員建議用暖麵，會突出麵嘅味道。而叉燒得一塊，個人認為就比較「鞋」，不過個 #魚介湯 攞嚟沾麵就好好味👍🏽肉盛豚骨魚介沾麵（$128）作為食肉獸嘅男朋友就叫左份量大四倍既肉盛版，一共有四塊叉燒，不過肉質都係少少「鞋」身，同埋少咗隻溫泉蛋。

周六6pm去吃時，有半場full3個女仔order咗3碗豚肉玉子魚介沾麵，細食嗰位order咗200g，上枱睇落有d少；我正常胃口叫咗300g，份量啱啱好；仲有位肚餓嘅小姐叫咗400g，都食得哂，但就係咁話好飽。所以女仔都係點300g差唔多簡單講除咗石碢湯係熱嘅之外，其他嘢都好似雪櫃攞出嚟咁凍冰冰嘅，包括件五花腩。份麵雪到有d硬，就係煮好d面烏冬放入雪櫃雪半日攞返出嚟，一餅嘢就咁食嘅感覺放入d熱湯到係會暖番，但對麵質冇幫助，而且d 湯太咸，除咗咸感受唔到其他味到。成百蚊食碗又咸又唔熱嘅硬烏冬，我只能說未試過嘅可以試吓囉

經過多次今日的起心干去試試果塊豚肉（叉燒）不錯.入口會溶化.在口中有充實感👍🏻辛辣.都不錯.湯頭夠濃麵質.我要適中.略為過硬左d都接受範圍員工沒錯失.而係沒有笑容.由我入門口一句幾位之後我點餐（有紙）佢冇覆我一次.到我走比錢都沒講一句說話.感覺上.日式店鋪不應該這樣子🤔🤔🤔不過不失而已有機會再經過可以既要試佢石鍋沾麵😉

見到呢間拉麵店又賣炸雞又丼又龍蝦其實唔係好想入去，不過麵癮起附近又冇乜選擇，即管一試。望到menu，又石鍋又爆彈，心諗，瀬嘢。湯底靚駛乜咁多花臣? 但食個湯底差嘅普通つけ麺咪仲大鑊? 好! 玩盡啲，叫個最無厘頭嘅石焼辛肉爆弾野菜つけ麺，俾$108睇吓有幾好笑。麵上，湯入面真係有大量野菜，夾件食吓，咦，個湯加辣都好似食到湯底嘅豚骨魚介味，沾一箸麵試吓，個湯真係相當唔錯，食到尾加埋スープ割り都覺得正，係唔記得叫肉topping 有少少寡。 我開頭以為用石鍋上只係韓風下嘅噱頭，但係食つけ麺食到最後一啖到燙口又真係幾正。一定會再去試吓最平嗰款つけ麺，試真個湯底。

門口等位冇人招乎，個個出面等，明明入面好多吉位，侍應圍埋傾計。Order 左唔夠兩分鐘，已經上左份餃子，熱都唔熱下，咬落去個皮係韌既，一定唔係岩岩整好拎出黎。麵個汁咸到冇朋友，麵本身好硬，最好冇食晒，完。