颱風點心 (已結業)

女生總是喜歡精緻有趣的食物。約了好朋友聚會， 在openrice 搜尋了 不同的餐廳， 最後終於選了這間地點方便，位於利園區的中菜館。中菜館位於利園一期， 印像中這裏只有大大小小的名店。 原來這裏也有不少高質素的餐館。有別於一般中式菜館的裝修， 颱風點心 以藍色為主調 ， 燈光柔和自然。有點可惜的是， 原本有很多在openrice 介紹的點心已經取消了。 慶幸我們最想叫的上湯金魚餃， 仍然有提供。上海金魚餃， 非常精美嘅一道點心， 好像有三尾活靈活現的金魚， 呈現喺我的面前， 真的捨不得把他們吞下。金魚餃的用料新鮮， 鮮蝦彈牙爽口， 外皮煙韌有咬口。帶子炒西蘭花， 西蘭花碧綠翠嫰， 帶子不會過熟， 嫩滑彈牙。避風塘九肚魚， 外脆內軟， 充滿蒜香辣椒的味道。 不是用幾分鐘，我們已經全部吃光了。芝麻蝦多士， 這個比較一般， 蝦多士做得比較油膩。楊枝甘露， 這個比較偏甜。相比之下我比較喜歡蛋白杏仁茶， 杏仁茶 幼滑香濃， 淡淡的甜味。相對嚟講，中式小菜比起點心更勝一籌。下次希望試試其他菜式。

🙆🏻‍♀️ 平時飲得多傳統茶 偶然都會想試下新嘢接近晚飯時間嚟到 想食既鮑魚燒賣已經售罄😭-☆ 颱風鮮蝦餃 HKD$52▪蝦餃大大粒好飽滿 上面掃左層金粉賣相吸引▪蝦餃皮厚薄還可以 蝦肉大大粒咬落亦爽口👍-☆ 蟹籽燒賣 HKD$42▪食得出無咁多肥豬肉 感覺無咁肥膩▪鋪面既蟹籽居然仲好好彈 咬落索索聲👍-☆ 雪山菠蘿叉燒包 HKD$36▪味道中規中矩 微暖不夠熱-☆ 颱風蔥油雞 HKD$148/半隻▪雞肉非常飽滿嫩滑 連雞皮都好滑▪非常多蔥花鋪喺面 散發濃濃蔥花香味▪蔥油味比平常啖味 亦唔會油淋淋 恰到好處👍-☆ 椰皇燉鮮鮑魚烏雞 HKD$108▪原個椰皇上碟 睇得出的確有心思▪湯吸收左椰皇水既精華 甜甜地幾好飲▪鮑魚燉得非常淋 落香軟入味▪烏雞就比較失色 飲唔出有烏雞味-**溫馨提示▪如果唔想中茶配點心 可點雞尾酒配點心哩個新組合

經過附近想食點心，又唔想去啲大型連鎖店，openrice搵到呢間好似幾特別，嚟到又唔太多人，那些年碗仔翅 - 好懷舊feel，好似街頭小吃，味道唔錯但就唔太抵食喇~椒鹽鮮鮑魚 - 呢個可以話係我覺得呢度最好味嘅，惹味之餘又保持到鮑魚嘅鮮味，鮑魚本身又唔會煮得太韌。上湯金魚餃 - 賣相好靚好特別，誇張啲去表達就似金魚喺度游水，晶瑩嘅皮包住蝦肉，湯中仲有蛋絲同菜苗，連個湯都好清甜，讚!杞子棉花雞 - 呢款點心而家真係比較少見，竟然呢間相對摩登嘅點心店會有，雖然唔係傳統嘅用籠裝住，但都有齊“棉花”同雞，亦好夠味，味道比賣相好。颱風雞包仔 - 主要因為佢個樣得意所以order嘅，嚟到係有啲裝飾甩咗，但整體嚟講個籠同包嘅樣都好特別好得意。包方面就中規中矩啦，包本身有點乾身，但雞肉餡係唔錯，唔會太油，算係比較清新嘅包點。鮑魚糯米雞 - 好足料，但唔係好夠味，而份量係比想像中大隻嘅，有雞肉同冬菇等餡料，相比下隻鮑魚如果大隻啲就更好喇。松露天鵝酥 - 實際上係松露芋角，味道唔錯，冇常見嘅芋角咁油膩，只係賣相就有啲失望。

星期六，行經Lee Garden食完依家野，好開心因為難得搵到一間寧靜有位既地方下午茶嗰度好多位，但唔知點解嗰侍應係都要我哋坐正中間冇得挨果d 木圓枱同埋嗰日有一班疑似Baby Kingdom媽媽聚會，好多嘩鬼家長嘈怨巴閉，細路跑來跑去，店員都冇辦法，唯有同大衛嘅時應打可唔可以坐角落頭嘅梳化位，個女侍應好似當啲梳化係寶咁張張都話book咗，唔俾坐係都要我地同啲媽媽會既人搭枱坐不知所謂，佢哋只係為咗自己容易管理，完全唔理熟客嘅感受，管理層應該好好正視下呢個問題，從客人角度出發嘅服務，而且你收嘅價錢又唔平，真係唔會有回頭客囉。你啲點心好靚但係服務唔好錯位唔好大家仍有大把好選擇。你睇吓勁多吉位但係就唔俾你錯囉，硬係要你同班大媽一齊坐，嘈到拆天

銅鑼灣多特式, 今天吃了個中式午餐, 去了利園1期 颱風點心,  餐廳名字好配合裝修設計, 入門見牆上印滿雲.外型有曲線.  餐廳的窗門, 像受颱風吹襲,燈飾似閃電.   潮 !!颱風天氣不好,  幸好檯面印滿 colorful 花花 圖案,  令人精神吾會悶 !颱風雞包仔, 好 Cute !潮式三弄, 有三種味道.甘筍鹹水角, 有型 !!颱風炸手卷, 擺設好日式鮑魚糯米雞, 鮑魚價錢貴也有點貴氣上湯金魚餃, 魚在水中游!金魚好似樣 !點心頗別緻, 價錢中高, 座位感覺太迫, 且有點嘈. 

之前睇OpenRice 見呢度d點心個樣好吸引，今日終於有機會一試！呢間新派點心環境唔錯都幾好坐，估唔到星期日都唔駛等位！兩大一細叫左6樣點心，d點心全部都好靚好特別！而且非常新鮮！估唔到唔係得個樣，樣樣都好好味呀！雪山菠蘿叉燒包！應該係即叫即焗，超新鮮好味！皮脆涵靚！個樣勁可愛嘅雞包仔，裏面仲好足料！個金魚餃靚到唔捨得食！又好味！Must  order! 黑松露什箘餃 - also yummy不過相對冇咁有驚喜脆皮豆腐- 外脆內軟！蛋白瑤柱炒飯- 好似成$160，不過炒得好香又唔油，worth it! 👍🏻估唔到係銅鑼灣搵到一個舒適飲茶好去處！不過價錢就比較貴，近似酒店價，呢餐食左成$420！雖然貴左d, 但我會再encore!

我呢其實已經食咗13年 蛋奶素所以我決定 高分享每次我同朋友喺唔同餐廳食飯大家可以 各自都享受到美食 嘅分享畀大家。因為本身喺銅鑼灣工作成日都會同啲同事同朋友喺附近食飯， 今次就選擇咗利苑 一期 一間 新派啲嘅飲茶中式點心， 我哋七個人其中有兩個素食嘅，包括我係其中一個。我哋叫咗兩轉首先講講我就點咗 鬼馬油炸鬼腸粉， 米網雜菇腸粉， 紫心番薯包， 避風塘金磚豆腐， 素包，素雜菌餃，我朋友就叫咗 梅菜扣肉煲仔飯， 蟹子燒賣， 鮑汁雞腳，蘿蔔糕，叉燒包。我同朋友嘅 別人推介既重點係米網雜菇腸粉同鬼馬油炸鬼腸粉， 因為 因為佢張鬆脆同柔軟嘅腸粉二合為一 令到你食落去嘅口感係 豐富同有層次， 最重要係冇油利嘅感覺。仲有個紫薯包因為好香 餡料好滑， 同唔會太甜 外表都幾抵死有四粒 橙色嘅東東向上高， 我哋最終都解扣唔到究竟 嗰四粒橙色東東係咩圖案😂😂😂利園一期食飯 每人埋單百二真心平， 上次喺隔離越南餐廳食兩個人500😍

今晚決定食餐好既 去左銅鑼灣 餐廳名夠特別 決定一試 以為係點心專門店 原來都有小菜 湯品 甜品類既 今次點左1）小炒王 份量十足 味道唔算差 不過腰果就林左d 總覺得欠決一份鑊氣 2）鮑魚燒賣 呢個有驚喜 鮑魚味濃 有誠意 ！3）由於點心太精緻 忍唔住叫左好幾款 安安芝麻包 芝麻 餡料充足 唔係得個樣 甜度剛好 4）颮風流沙包 又係勁流沙 食果陣要好小心 呢款好快清晒 5）颱風雞包仔 相比流沙包 雞包仔較為遜色 總捨餐廳環境寧靜 服務唔錯的 流沙包絕對值得再試

颱風訊號仍然懸掛, 而我繼續搵下有咩新野食。可能受颱風影響,揀左間同颱風有關的餐廳。店入面裝修似型格颱風, 牆上用上黑雲牆紙。抬頭望見一枝一枝白燈有如閃電, 但唔會有漆黑感覺。梅菜扣肉煲仔飯$68唔落豉油都夠味,豬腩肉少肥,入口即融,軟滑。一口香酥肉$48望落好似臭豆腐落, 質地都似臭豆腐, 不過舊肉太細舊。上湯金魚餃$48賣相好精美, D魚好似係水入面游黎游去, 其實係美化左的蝦餃。鮑魚糯米雞#68飯太爛, 冇左黏的感覺, 味都有少少鹹。甘筍咸水角$38做型得意,其實佢係咸水角,味道唔錯,大大件裏面又多肉粒。希望颱風快D走啦!

每星期都會跟家人到處試不同的餐廳飲茶食點心,今次我們一行6人到颱風點心食午餐, 劃好點心紙後,於11:50 比左點心紙給服務員, 等了20 分鐘還未有任何點心到, 跟著我們發現了服務員竟然是將我們的點心紙放到一邊, 再追問下, 服務員回覆, 點心會很快到... 過了一會, 服務員將入單後的電腦紀錄, 發現12:12 分才將點心紙輸入到電腦. 當時餐廳並不繁忙, 不明白為什麼要顧客白等20多分鐘. 服務態度真的有很大的改善空間. 至於食物方面, 是不錯的.

近新年, 總會約埋一大班人咁去食野因為我地貴為新界嘅鄉下人所以出港島區食野就等朋友介紹 薑蔥雞好滑呀冇食到雪藏味雞味就唔算好特別的濃 咸水角朋友全力推薦好食又大大粒唔會食到成口油 豆豉凌魚炒菜正常炒菜好有屋企味道 油菜都係普通酒樓野啦不過不失 大蝦粉絲煲新鮮爽蝦粉絲吸收蝦之味道 咕嚕肉啖啖肉對於我呢個懶人就係PREFECT 蒸肉餅不會散開也很林 整體味道算不錯家庭口味,適合一大班有老有嫩坐也很舒適

裝修以西式為主，店名亦用上英文，遠一點望過去以為是西餐廳，門口不算太大，隔離亦有餐廳，所以粉絲門不要入錯。餐廳不算大，有一吧枱，吧枱後就是開放式廚房，以蒸類為主，隔離就有另一廚房。餐具整齊乾淨，枱面很靚，有些樹木風景，望落很舒服。而部分點心是有做型的，有的靚、有的得意。鮑汁鳳爪好香不太濃郁，扣些少分就是鮑汁味不夠。菜苗帶子腸就麻麻，沒有帶子的海鮮味，比較淡口，都係傳統的虾腸好味d，腸粉皮就好滑。鮮虾腐皮卷，不油膩，而且是即炸，個心好熱，大家食時要小心一些，跟的醬料是wasabi，我本人就喜歡喼汁多d甘筍咸水角外形似甘筍，味道ok虾餃，必食，虾餃面塗上好薄的金箔，好味之餘又美觀。棉花雞食落好鮮味，只是魚肚比較少。一睇雞仔做型就知係雞包仔，品質好又足料，如有薑汁仲正。由於是開放式廚房，會見到d師父即時製作點心。金魚餃外觀好靚，真的很似金魚，表面掃上薄薄的金色。湯很清跟一些蛋絲和菜苗，餃子味道和口感同虾餃一樣松露天鵝酥即是芋角，整到天鵝一樣，饀料和甘筍咸水角一樣，但有無松露就唔知啦。茶錢每位$12，另外小食就每碟$12。食飽飽過一段時間後完全沒有口渴感，這點值得一讚，不像其他的酒樓，食完後好

i have invited 20 people for a dinner and we had a great food even though we left quite a lot. dinner was attended by 2 well known chefs and they have eaten all the dishes that were around them and left positive reviews. the dishes were served quickly and it was nicely presented. the menu is also really good. overall i would highly recommend it and i will look to dine there again. i wish only they could have sofas on both side of the tables 😊

今天又係女朋友又帶我去食好嘢，她用apps訂左一間中式點心餐廳，可以用半價品嚐美味點心。環境十分舒服，佈置也有特色，每張枱的圖案也有不同，令人目不暇給。我們揀了幾款點心品嚐，包括：颱風鮮蝦餃，不算大隻，但𥚃面大大隻蝦，幾好味。颱風雞包仔，賣相非常有趣，食落也好好味。三絲粉皮，最有驚喜，不會凍冰冰，好好味。杞子棉花雞，雞肉夠嫩滑，但比較油。佳佳紫薯包，原來是流心，如果是實心就最好。手切叉燒腸粉，份量幾大，叉燒都好好味。侍應好勤力，常常會為我們加水，值得一讚。

主打點心果然冇令人失望賣相靚之餘 又真係好食最推介係甘荀咸水角小菜都不錯叫左葱油雞就同坊間ge有d 唔同, 但個雞都好嫩唯一改善係小菜味道太燶 整體都好滿意環境舒服 同服務都好好