食口福生滾麵

營業中

休息中

食口福吾止食過一次，但仍然有keep住繼續幫襯，價錢味道麵相當合理。今次叫左黑椒雞扒腸蛋飯、鹽酥豬扒同麻香雞既雙拼米粉。黑椒雞扒煎到表皮香脆而醃得夠味，配合太陽蛋同蔥油，個人好鐘意。每次黎到呢度都會見到好多人食雞，今次就試左麻辣手撕雞，係少辣但惹味，送粉麵飯一流。呢度既鹽酥野都係值得推介既，想叫鹽酥魷魚穌賣哂，就試左鹽酥豬扒，雖然係雙拼但都有兩三小塊既份量，肉質稔而外表香脆，味道好吾錯！呢間食口福好岩做屯門人既家常飯堂，吾想煮飯又想食得價錢合理既話，可以一試品

每次到屯門市廣場午餐嘅時候，都會想起這一間食店，因為他的手撕雞非常非常入味，如果平時肚餓我會點飯不是太肚餓我就會點河粉，而且他的炸物也非常脆，今天我就點左手撕雞加雞，我覺得這間店的樣樣也很不錯，除了手撕雞是每次必點，其他我都會輪流輪住食

其實我地諗唔到食乜嘅時候，都幾鐘意來呢間餐廳，我諗好多住屯門嘅朋友都知道。食口福就位於新墟，鋪面位置頗多，不過客人都多，預左會坐得逼少少。環境衛生還好，都幾多烏蠅飛，服務方面一般。鐘意呢度啲雞，哈哈，又有霸王雞、麻辣手撕雞、鹽酥雞、醉香雞、麻香雞等等，配飯又得，配米線又得。雞肉份量老實講就唔多，但我覺得調味都ok，我幾重口味架，麻香雞唔錯，少少麻少少辣不過唔知係咪唔同口味，啲雞用嘅部位唔同，有時冇乜肉食，有時又好似幾好肉地。而我最鐘意就係嘅嘅嘅魷魚鬚，價錢唔貴之餘，仲可以當雙拼，魷魚鬚有誠意，新鮮熱辣，而且好香脆，唔會太油，好食

為什麼屯門人必需記下這間食店呢？因為平時不想吃太貴，又不想吃又貴又不好吃OR雖然便宜但不好吃的人，就要去食口福，性價比很高的一家食店！到了晚飯時間，又考起我這個「選擇困難症男子」，到底吃手作餃子（在食口福旁）還是食口福好？最終也選擇了食口福，因為三個字，手撕雞！今次和朋友分別點了：王牌手撕雞煎蛋飯手撕雞＋厚切煎豬扒飯王牌手撕雞煎蛋飯 $46（好食指數：◉◉◉◉◉）手撕雞，應該是每一個人來到也會點的一道菜，因為味道不是很濃的那一種，淡淡的帶點蔥油味又有點蒜味，雞肉又不會太硬跟太軟，送飯一流！然後，配上太陽煎蛋，簡直是雙重開胃！一個人可以食兩個！（朋友分給了我一點豬扒！）手撕雞＋厚切煎豬扒飯 $52（好食指數：◉◉◉◉◉）手撕雞好吃就不用再多說了豬扒是真厚切，不是說說而已！雖然厚切，但不是那種很硬的那一種豬扒，最重要沒有什麼雪味！用醬油作調味料，一齊去煎，只可以說超級送飯！加凍飲要加$4 ，相較外面的食店貴了$1總結來說，性價比很高的一家店，環境也正正常常！一分錢一分貨！

剛剛和朋友看完復仇者聯盟終局之戰，剛剛九時多，但附近部份的食店都已關門，幸好我們趕到去食口福生滾麵，差一點點就吃不到。朋友說如果不是我在此，他會選擇隔壁的餃子店，我說那餃子很難吃的，光顧一次後沒回頭。朋友問我平常吃甚麼多，我說基本上會吃麻香雞與厚切煎豬扒配鴛鴦米，他照我所吃開的點，至於我則轉換口味，嚐嚐醉香雞和酥炸魷魚鬚配鴛鴦米。食口福的湯頭清甜沒味精，粉絲頗有彈勁，朋友挺喜歡。他大讚麻辣雞夠香辣惹味，雞肉超嫩，不過雞皮略嫌肥膩，但沒關係，我們去掉雞皮才吃。厚切煎豬扒滿合朋友脾胃，豬扒肉夠豐厚，外層微微焦香，內層軟嫩極致。我的醉香雞同樣出色，花雕酒的酒香全都滲透雞肉裡頭，陣陣醇香洋溢口腔之中，滑溜溜的雞肉討人喜歡，讓我一口接一口吃過不停。酥炸魷魚鬚即點即炸，熱呼呼的。魷魚外表酥酥脆脆，使我垂涎三尺，當我一咬，酥炸魷魚鬚太可口吧，魷魚好不彈牙，又不會炸得過老，說它是食口福的招牌小食當之無愧。

呢間屯門小店一直都出名又平又正係屯門住左咁耐終於有機會食今次同媽媽黎，兩個人嗌左兩碗麵同碟菜我嗌左豬潤同醉雞鴛鴦米（米粉一半粉絲一半）醉雞好香唔係好濃酒味但係好好味豬潤唔係好林好林果種有少少爽又好入味～而媽媽嗌既係魷魚鬚同豬扒伊麵兩樣都好好食好足料我自己好中意食魷魚鬚而佢炸得好好 好脆又唔會話炸得太耐啲魷魚炸太老咁魷魚鬚炸得岩岩好又多唔驚唔夠喉啦～豬扒係厚厚既一塊而且好入味好易入口強烈推薦醉雞 豬扒 魷魚鬚性價比好高行過唔好錯過呀！

呢日同朋友黎食晚餐💓☺️一人叫左一個雙拼麵（$49each）重點係我地兩個都超鍾意食雞😂😂所以4款自選嘅餸都係雞🐔🐔🐔🐔.一齊睇下我地叫左乜雞😂1️⃣麻辣手絲雞呢個食落唔算太突出嘅麻味，辣味中規中矩🤔但用黎送麵食都尚可接受。2️⃣鹽酥雞球呢個比我想像中好食，有surprise😍✨炸得好酥脆之餘，個調味仲好好👍🏻👍🏻食落有啲似土匪雞翼嘅味道🤤如果用黎當小食、送酒就一流💯💯3️⃣霸王雞同平時食開嘅霸王雞有啲唔同，冇咁油同濃味，味道偏淡，輕微蒜味🤔相對起另外3款嘅濃味，呢款會比較淡口同失色🙈4️⃣醉香雞😍👍🏻醉雞係我最愛💓媽咪平時都會間唔中喺屋企整醉雞俾我地食，呢度醉雞嘅酒味夠，而且啲雞好入味，但又唔會係浸太耐霉曬果種口感，啲雞肉幾嫩滑，仲有多兩塊雞腎🤤🤤好味道整體黎講，覺得都算抵食，特別推介要食鹽酥雞球同醉雞👍🏻

前排去咗屯門有間粉麵檔度食嘢咁嗰度呢就有啲唔同嘅飯餐食嘅又霸王雞呀手撕雞呀醉雞呀好多唔同嘅雞食咁呢我見到佢嗰度呢都有唔同嘅dinner set嘅咁呢我就最後點咗個醉雞飯咁入面呢有啲雞腎呀同埋唔同嘅醉雞嘢食呀 咁呢間差唔多價錢就唔係好貴五十幾蚊呢就有個飯呀同埋個嘢飲返多份量呢同埋嘢食嘅份量都唔少都算ok嘅但係呢就係店入面呢就啲設施會舊少少啦可能有啲筷子有少少污糟但係稍為馬的話就問我問題啦所以值得過嚟食嘅 嘢食都算飽肚

屯門有間食口福，吾知你又食過未呢？食口福最馳名既係手撕雞，我每次黎都一定叫黎食。怕辣既朋友仔記得好似我甘，夾落碗麵入面食，整淡d辣味。不過係幾香辣，開頭幾啖我會就甘食，再食麵。我比較貪心，中意有限金錢試食最多野，所以叫左米粉加米線，一次過試晒兩種麵。哈哈除左手撕雞，我仲叫左魷魚鬚，店員計雙拼價錢，即係加多少少錢又可以試多樣，滿足晒我吃貨既小小願望。魷魚鬚既炸粉相對地少，但係好厚肉，真係會一啖接一啖甘食。另外叫左杯熱奶茶，加配都係$3～食左甘多野，埋單50幾，算係甘上下。建議大家都可以黎試下，試過就知有幾好味。

天氣涼涼地，食下d熱野暖下先。叫左個雙拼米，$47。轉飯就$50。之前食過佢既麻香雞，好香好惹味，份量都幾多，不過辣左少少。今次叫左麻辣手撕雞拼炸魷魚鬚。雙拼都有成十幾款選擇架，而魷魚鬚係推介黎既。另外，熱飲加$3，凍飲加$5。麻辣手撕雞，個人覺得比較普通，麻味唔重，有d似豆瓣醬撈雞，而肉質就似雞脾肉既。至於魷魚鬚，真係好好食，即炸，又熱又香又脆，必食。不過個粉就細碗左少少，湯味都比較淡。但反而餸就多，食完都夠飽既。

今日過咗屯門探爸爸 約咗喺v city度飲咖啡，飲完咖啡見有啲肚餓就入咗去新墟睇下有咩好食，看到這間麵舖有朋友介紹都不錯，所以今次入去試試，這裡有麵有飯，而大多數都係不同雞為主，今次我就同爸爸一齊都係食雞。我叫咗個醉雞伊麵，醉雞味道酒味都夠，但係肌肉唔夠嫩滑 ，雞味無乜味，伊麵偏淋，份量偏少，如果以一個女仔嚟講都係剛剛好 。爸爸帶咗一個霸王雞飯 ，霸王雞味道還可以，但係似豉油雞多一點，雞肉都係比較普通冇乜特別，但幸好係每碟嘅雞下面都有少少雞腎 ，味道不錯，我哋再加咗一個油菜，通菜都新鮮，而且都爽口，腐乳都幾好味，所以混埋一起食都唔錯。整體嚟講價錢都唔算貴，但係味道只屬一般，下次可以再來試試其他不同的食物。

食口福可以算係隱世食雞好地方，唔係開起大街大行但係永遠都好多人食，通常都係起附近返工同埋街坊先至識得嚟食，一定要介紹俾大家因為佢嘅麻香雞同醉雞實在非常好食首選一定係麻香雞 👍🏻👍🏻👍🏻👍🏻👍🏻佢哋自己製造嘅辣汁，辣得來非常之麻但亦都十分惹味 撈飯食係一流呀。最好就係叫多一隻太陽蛋(+$5) 放喺飯嘅上面再加埋佢哋比嘅蔥油，再臨上香雞嘅辣汁 簡直係天堂嘅美食真係唔係講笑一定要食麻香雞，佢唔係普通好似川菜嘅口水雞咁既辣，而係香口再食完先會感覺到成個咀都麻左另外佢嘅手撕雞同醉雞亦都非常好食！大家一定要去試

本人並不是第一次去食，食物質素都可以，不過D人就.....話說我就話單併鹽酥豬扒米線，雞排腸仔蛋飯，另外叫碟例牌魷魚既，到差不多食完既時候無端端黎碟魷魚，個伙記未放到落張枱度，我就話唔係我架喎，我已經有喇我食緊，個伙記就話係你架喎，我同佢講返你落單果陣仲問我係咪要碟例牌魷魚，我話係，伙記就話碟魷魚跟個米線，但係落單我話唔要雙併，個伙記放低係枱面唔理走左去，之後我就叫收銀果個講，乜你個伙記有無搞錯呀？我話碟魷魚已經黎左，佢都要迫我要咁，放低碟野唔理咁走左去，之後個老闆就出場喇，佢完全無了解成件事，無問過我發生什麼事？我點解會咁嬲，一句唔好意思都無，就話返我我話完未呀？仲要凶神惡煞咁講，我無話迫你要架，係你之後先出場乜都唔知仲要話返我無理取鬧，（本人覺得老闆應該先了解成件事先，未了解件事已經係話個客唔啱，仲要話我無理取鬧）

香港平小小通常都以碟頭飯為主自己一個人去酒樓又唔會食到2,3個餸想每樣食小小黎呢到就啱哂👍🏻麻香雞，椒鹽魷魚穌👍🏻雞好滑 味道好香 再辣d仲正椒鹽魷魚穌都好夠昧 好脆😍仲有葱油撈飯 不得了😍

環境同地道茶餐廳差唔多，要求唔高，衛生就可以。週末黎食，但係樓面伙計都係得3個，當時全店坐滿，佢地都忙到踢哂腳，態度禮貌要求自然都降低，叫我轉枱同人搭枱都講左好多句麻煩同唔該，總括黎講其實都算幾好態度。最鐘意食雞，見到咁多款雞嗌令我十分興奮😋嗌左個醉雞加燒雞扒，雙拼40幾，十分足料，醉雞好入味，雞肉都好嫩，塊雞皮一流，肥瘦適中，食到少少肉都無淨，仲有得轉我最鐘意既粉絲❤️奶茶走左甜都好飲，十分不錯👍🏻🤤下次黎一定會再食