食嘢 (已結業)

朋友帶咗我哋去呢間「食嘢」食嘢，我問佢到底係食乜嘢，佢就話乜都有得食，我好好奇就跟咗佢去試吓。睇咗佢個餐牌，真係咩都有得食，我哋嗌咗個豬手，又嗌咗個水煮牛，大纜都扯唔埋嘅菜式，但係兩樣水準都OK。好搞笑，隔離枱嗌咗個三文魚意粉，我真係覺得呢間野好神奇，唔同嘅菜式都有，haha！

「我地去大埔食野。」友人如此說。「好呀食乜野?」「食嘢。哦，個間舖頭個名就係叫食嘢，佢隔離仲有間飲嘢。」於是，我們一行人就黎到呢間食嘢。我地8個人，前前後後總共叫左9樣野。感覺散嗌抵食D所以無叫套餐。係呢度揀一部分黎講。酸菜魚。筆者剛去完上海食酸菜魚，所以比較起來呢個實在遜色。酸同辣都唔夠，老闆娘都話佢黎緊會改良俾大家可以揀酸度同辣度。不過都係好食的，我都用佢D湯撈左成碗飯食。(佢入面有薯粉，但可以另加白飯，$10一碗)芝士薯蓉焗西蘭花。呢個超級好食，係全場最好食既。尤其係個薯蓉。海膽海鮮炒飯。牛柳粒。蒜香蜆肉意粉。呢幾個都好正常，味道唔錯。唯一既comment係蜆無乜蜆肉。茄汁牛肉就有D似平時茶餐廳食個D。牛肝菌燴飯。注意番係燴飯，唔係risotto。其實佢個煮法都係risotto，不過米唔係平時risotto d米，所以始終爭咁D。味道有點淡，可以再濃味D。同行友人話牛肝菌好似未發晒，的確係有點乾。老闆娘想聽多D我地既意見，為左答謝我地所以送左D油蔥餅(我都唔知呢個名岩唔岩)俾我地食。同行靚仔友人用其魅力氹得老闆娘送左少少咖哩我地點。個咖哩唔錯，唔係個種甜滑咖哩，係真係香料型咖哩，

在大埔有兩間分店的餐廳，分別叫「Eat嘢」及「飲嘢」，曾經在「飲嘢」食過台式甜品及水果茶也不錯，今次試下「Eat嘢」午餐及晚餐，我較為喜歡晚市，多d野食又好味。午市既咖喱雞扒飯麻麻地，雖然雞扒好大塊，但煮得唔熟，有部份雞肉仲係紅紅地，加上咖喱汁得好少唔夠撈飯，食左一半都冇已冇食，飯太乾，越食越口渴。反而芝士焗海鮮飯好味好多。黎到晚市就多d選擇，叫左台式雞併盆有焗雞扒及雞翼；酸菜魚塊、花雕酒醉雞、咖喱牛腩、手抓餅及甜品芋圓。酸菜魚塊冇骨，味道煮得不錯。推薦食手抓餅煎得香脆鬆化

又來到這裏［食野]✨✨失望而回每次來我都會點酸菜魚今天和幾個朋友聚一聚~~我們點了酸菜魚 ..卡邦尼意粉還有小食拼盤以往我們點的小食拼盤沒有了改了另外新的只有雞翼，魚柳還有薯角$78另加一不過我們還是試了小食拼盤$78- 一個字炸魚柳好大陣雪味 皮不脆 淋淋的 很油釀雞翼平平無奇 芝麻醬椰菜 椰菜不新鮮 苦苦的薯角正常吧新的不如舊的小食拼盤貴了又不好食 好失望酸菜魚-我們今次加了底 但一來到只有小許的紅薯粉，我們不是加底了？我跟店員說了 就給了我一細碗粉 ，但其實份量跟沒有加10元底完全沒分別最後一個意粉 很耐才來 都等到飽了 一來到都不熱了 今天總結失望🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

一直無寫過食評，但係呢間實在大吾得，所以要講下佢。午餐我未食過，所以淨係講晚餐。根本上無樣野好食，有一樣仲係極難食，係極。個三文魚扒有一個焦左，完全吾知點食，係苦既，無焦果d又極乾，無曬魚味，吾知自己食緊咩！我食果陣甚至諗緊佢係咪吾記得自己煮緊野。。。

見佢開左甘耐都未試過門面幾有特色 其實最主要係俾佢個名吸引到😂😂😂每次經過想食都見到好多人排隊所以就冇試今次把心一橫排隊就排隊啦就同朋友一就去左試🤓🤓叫左個酸菜魚 辣椒蒜片蜆肉意粉 同卡邦尼意粉酸菜魚不得不讚 份量好大🤤🤤🤤酸度夠 又吾會太酸 魚滑又吾會腥岩岩好熟 再配埋個薯粉 真係冇得輸 我同朋友連湯都飲晒蜆肉意粉 蒜味好夠吾會太辣岩岩好卡邦尼意粉 好重味好正 好多料 個汁杰度岩岩好痴住啲意粉 吾會有多餘嘅汁

今日約左幾個fd來食e間餐廳~~聚一聚💫💫💫我地四個人叫左酸菜魚...招牌小食拼盤...台灣腸... 海膽海鮮炒飯...四杯野飲🤡🤡🤡🤡價錢好都算抵食ar👍🏻👍🏻👍🏻酸菜魚-$98魚好滑,好大盤,仲有薯粉tim😍湯都好好飲海膽海鮮炒飯-$88雖然唔係好食到海膽味不過成個飯都好多海鮮味道岩岩好又係大大碟😝😝招牌小食+台灣腸-80元左右好多雞粒炸到脆卜卜~咩都有d，好滿足卡邦尼意粉-$68好香濃，中意重味道既，會好中意😍😍四個人都食到好飽好滿足呀

今日同幾個fd去呢間小店食✨✨一入到去裝修都幾靚地方都幾大，坐位幾寬闊幾舒服👍🏻👍🏻同朋友gathering 就perfect💋價錢好大眾化，每碟都係幾十蚊食物都幾多款式，有西餐，泰國菜，甜品，台灣野飲品幾好飲，好特別我嗌左個特大飲品，成隻手咁高！影相一流ah😆😆😆我嗌左酸菜魚，小食拼盤同埋卡幫尼意粉全部都好出色呀，一定再黎第二次員工非常好態度👍🏻👍🏻👍🏻👍🏻👍🏻

「食嘢」旁邊有另外一間餐廳叫「飲嘢」，相信是同一老闆。「食嘢」出名食咖喱，廚師是印度人。「飲嘢」以台式飲品為主，除了小吃，更有多款芋圓甜品提供。兩間餐廳可以互相點對方的餐單， 十分方便。「燴牛尾飯」對我來說，比較鹹。不過牛尾炆得好林。飯是珍珠米，熱辣辣。「熱珍珠奶茶」正常。不過我點了少甜，出來的我都覺得比較甜。未知服務員是否忘記了少甜，還是正常的是十分甜。*餐廳沒有BB櫈。* Set lunch有餐湯供應，不過送完即止，我哋今次就冇湯飲。

3人行見間嘢個名幾得意～食嘢、飲嘢一齊開～就試下有咩特别～唔洗等位～叫咗6樣嘢食、3杯嘢飲油酥餅配咖喱汁～個餅即叫即做熱辣辣～咖喱汁幾香印度家鄉咖哩雞加芝士粉～咖喱汁夠杰身唔會水～可惜得幾舊細雞肉有D少～配白飯正鮮果咕嚕黑豚肉食落同普通咕嚕肉冇咩方便～加上有D過甜青芥醬汁拌蝦球個汁似青芥加沙律醬幾特别～配炸蝦好夾黑松露什菌燴花膠個汁冇咩特别～好彩都有幾舊花膠食下海膽炒飯最揾笨～一舊海膽碎都冇～得葱、蛋之類～仲要咁貴冇嘢呀嘢飲冇咩特别

一行十一人有老有幼選擇這間西餐廳食團年飯，因為有不同款式，也不會像酒樓局限做節菜色或加價，而且話可食兩小時。我們選擇了全雞拼盤，有雞脾、雞翼、炸雞扒等，價錢跟份量是正比，而且抵食。雞都可嫩，很快掃清。還有半隻海南雞，肉質非常嫩滑，汁和花生粒令雞變得惹味，我們個個都讚😋。我們都一致讚那鮮果咕嚕黑豚肉。一送來即嚐，肉有脆脆的皮，鮮果和肉都不少。黑豚肉質感不錯，不感鞋口。汁亦相當好味，能餸飯👍。還叫了鵝肝牛仔粒，香口但感覺油了一點。咖哩牛腩亦不錯，香味濃郁的咖哩汁配飯一流。海皇炒飯，它不是大大隻的海鮮，但有細帶子、八爪魚、蟹柳、蜆肉等，個飯幾乾身，很香很好味。所以我們食完再叫一碟😋。台式豬手，很入味，不會太鹹，淋度適中，最重要是沒有毛😅。還有炒什菜和焗西蘭花，個汁幾香，creamy. 那個XO醬炒粉絲就一般了，首先驟眼望沒有料，味道及粉絲的質感都只是一般，不值一試。食夠四百元，加埋fb給like,就送一碗糖水。我沒有食，但孩子們都幾鍾意。是台式的，有紅豆、珍珠、芋圓等，我們把一碗可分成三小碗分嚐。還叫兩碟黑椒蜜糖雞等等食物。全餐都只是一千一百多元，很抵👍。

之前去過隔離飲嘢食左幾次糖水，都係不過不失，志在有個地方坐低傾下計，今日飲嘢好爆，所以過左隔離食嘢食下食.本身諗好左幾樣小食叫佢落單，點知佢話呢啲小食要去隔離飲嘢叫，唔小心比錯左飲嘢嘅餐牌比我地......之後先比番食嘢餐牌我地，咁我地廢事郁就冇過到去飲嘢度未食過咁樣衰嘅卡邦尼意粉...似係鑊底食淨左撈埋上黎賣比人咁..每條意粉唔長過十cm！斷晒囉！啲汁仲要多到水浸咁，勁濕，唔乾身，一pat pat好肉酸，味道一般般但賣相嚇死人如果雞翼都整得唔好食我就真係好嬲，味冇問題，冇黑椒味，焗到好乾好硬，仲有杯菠蘿汁冇心機影，成杯野有四份三都係泡黎，飲啖好似嘔白泡咁，又冇咩菠蘿味

好喜歡大埔呢頭，因為好多有特色既小店。今次試試食嘢！ <咖喱雞飯>呢度既咖喱係印度式既咖喱，香料味重d，不過唔太辣（可以自由加辣）， 送飯唔錯！<黑松露牛柳飯>個名充滿Fantasy，不過一上台就心諗“咁中式既” 。黑松露隱約食到少少，不過成個菜式似蠔油煮牛柳多d。 味道正常，係我自己諗多左。<食嘢至尊拼盤>有雞翼、 印度薄餅配咖喱汁、咖喱角、薯角。全部香口嘢，食落都熱辣辣同香脆！ 不過都係大路野，未見有驚喜。

話說今晚，心血來潮咁想同朋友食粵菜喎。咁就開一開OpenRice搵，見到呢間野上左網紅，咪入去試下囉，結果。。。 叫左一個海王炒飯（$68），賣相都唔差，粒粒米都金黃色。但係，食落其實都幾多油，仲食到蛋殻🤦🏻‍♀️同埋佢嘅蔥係生嘅之後呢個炒雜菜（$48）叫做好少少，但dcream個味有d奇怪，但勝在多唔同菜，正宗雜菜。咖哩係間店嘅主打，所以叫左個咖哩雞（$70？），佢仲送埋一碗白米飯，食到幾濃嘅咖哩味嘅，但d雞肉唔滑，而且都幾少。整體來說，佢只係一間ok嘅高級茶記，但未去到網紅咁勁🙊

去到大埔見到2間個名好特別既舖。咁今次一於試下「食嘢」先！ 下午茶呢個全雞拼盤($68) 有哂雞脾，雞翼，雞扒，係愛雞之人既恩物不得不提，佢呢度既雞翼真係太好食！蜜糖定黑糖既烤雞翼，外脆內軟，又滑。甜甜地，成隻味道質感都好正！唔知有冇得淨叫一大碟雞翼呢，真係冇得輸啊啲雞翼不過其實呢度最岀名都係啲咖喱，有3個辣度可選，咁我就揀咗中間果隻，真係唔係睇少佢既辣度，食一細啖已經可以噴火，但咖喱味道都不錯，魚柳都炸得幾好。飲品就一般般，就算珍珠奶茶都冇咩茶味~仲有晏就去餐湯賣哂就冇得飲，大家要早啲去啊