食得妙

營業中

休息中

這日在九龍城買東西，順便到食得妙吃個午餐。從午市套餐中選了蝦醬肉碎炒飯，$38，還包一碗滾湯。這日的湯是紫菜豆腐湯，喝得出的甜味應該是來自原味無加味精的，喝得舒服。蝦醬肉碎炒飯一上枱已聞到蝦醬香。炒得乾身夠火侯，粒粒米飯很好吃。滿意。吃過後有點意猶未儘，便來碗蛋白杏仁茶。杏仁茶很香，屬於少甜的版本，加上滑滑的蛋白一起吃，美味。吃得滿意的一餐，簡單、美味（相信又健康），我會再來！

早幾日收工約左女朋友去九龍城食飯。但唔知食咩好，佢又唔想食泰國野，唯有慢慢行，記得我之前食過食得妙，都幾好味，女朋友又未去過，就提議食(唔使諗嘛..哈)，佢又OK!!去到好彩好快有位，坐低點菜，之前食過佢個蟶子都OK，可惜賣晒無得食!!女友就想食爆醬蝦丸，侍應話不如試下新菜，芝士汁炸蝦丸，個芝士汁話佢地自家製，女友都想食照叫。我地仲叫左兩隻一口鮑魚，四川麻辣水煮牛肉，唔算太辣，但都幾好味。仲有個炒芥蘭~D餸女朋友都幾滿意，話可以有下次。不過今次唔記得食佢個杏仁茶。整體服務都幾好，埋單3百零蚊。

這日到九龍城要辦點事情，先食個午餐，地點是好久沒有去過的食得妙。有一段時期常常來這裡晚餐，最愛吃它的炒聖子，燉老火湯和花膠，還有這裡的蛋白杏仁茶。不過這日一個人，還是吃個簡單午餐吧。便從午市套餐中選了欖角肉碎炒飯，送例湯。是日例湯是鹹蛋冬瓜滾湯。湯讓人喝得很舒服，應該真的如這店宣傳所說的沒加味精，清清的，有瓜的香，不錯。炒飯的欖角很香，飯也炒得粒粒分明和不油膩，好吃。服務方面，店員大致算細心和有禮貌。吃得滿意的一餐，才$38，值得推介。

上星期在朋友介紹下去了試呢間私房菜。朋友一早寫好食咩，一到就有得食。最記得佢過沙薑雞，勁新鮮，勁彈牙，超好味!另外個蝦餅同豬手都好好味!記住要食埋甜品，杏仁蛋白，又係勁好食!由於太好食，過左幾日之後有個朋友聚會。我同老婆，仲有十個FRIEND又再黎多次。水準依然非常高! 另外侍應亦非常有禮貌，我非常滿意。這裡將會是我常到的飯堂!

見過往食評, 抱著信心去試試, 早兩次都是午市外賣,涼瓜班腩飯及牛肉炒河, 雙親話味道不錯, 但外賣盒每個要加2元.但冇所謂, 最緊要老人家鐘意, 令我更有信心踏入, 一坐下, 阿姐問飲咩茶, 選了其中一樣-香片, 由於是中午兩口子叫了班腩飯及炒麵 (見食評一致讚好), 水準ok, 但炒麵並非真係咁好味, 唔算突出, 唔算乾身, 只是過得去, 之後再叫了一個小菜外賣, 埋單發現茶錢每位8元, 另再加一, 連外賣的小菜加2元飯盒錢外再加一, 結果160多元, 其中30多元是茶錢及加一,重要俾貼士, 覺得有點不值, 當然晚飯會預左有這些費用, 但只是食午餐, 一般小廚格局, 最重要係門口放著個寫上多款$33-$40款式的午餐牌, 無標明要收每人8元茶錢及加一的費用, 感覺上有揾笨的感覺, 重貴過上酒樓. 好老實係街坊食肆格局午飯餐加一都算,但要收成8元一個茶錢及連外賣都加埋一就過份了些, 或者係門外寫明, 在你情我願情況下, 會少些不快的感覺.

食得妙一直是我男友晚飯之首選. 而一直以來我只欣賞這裡的大澳雞翼, 其它的我則覺得只是一般! 所以男友10次提到這間晚飯我只3次同意! 直到上一次做冬, 住在美國的姊姊和她兒子返港渡假, 難得一齊過冬. 希望找到一間較保障的, 不致食到一肚氣! 但在香港到餐館過節大部份都只交行貨. 才想到不如到這裡一試! 起碼不會像一般食肆嘈吵!是晚我們姊弟妹等共7人, 先點了3份我至愛的大澳雞翼, 接著點了以下:“私房燉湯”白菜豬肺湯: 豬肺用瘦肉,白菜,金華火腿,瑤柱燉足多時, 材料十足! 但是晚略為清淡…..貴妃醬炒蟶子皇:.蟶子皇爽脆鮮甜, 秘製的貴妃醬味,十分惹味!蒸魚: 忘記是什麼班了, 但蒸魚時間控制得剛剛好! 豉油調味適中. 椒鹽瀬尿蝦: 鮮味, 乾身!水煮牛: 意外驚喜! 想不到廣東廚房能做到有如此地道的麻辣味感….百花香煎鍋貼: 外脆內軟, 蝦膠有口感! 味道則一般…啫啫唐生菜煲: 較為普通, 味道不夠香濃, 可能我們先食了不少大澳雞翼吧!金蒜蒸蟹蛋白炒飯: 沒有新斗記重蒜蓉及蟹味, 略淡! 但可以接受!大澳雞翼: 不得不重提我至愛大澳雞翼, 老板有提及他們一定用新鮮雞翼, 再以他

沒有到過龍城福佬村道內的"食得妙"店內吃飯。今趟首先來訪，卻是來外賣兩個飯麵.....跟乾炒牛河一般，豉油皇炒麵一向是考驗廚師功夫的一個指標。吃得人一口油當然是失敗之作，幸好這兒的出品沒有這樣的弊病，吃落蠻乾身之餘亦不會有如在吃柴枝，豉油色水也見勻循，是一手很不錯的炒功來的；"龍鬚"不太硬韌，已是收貨；不足之處是葱段及芽菜若能重手一些，麵就能散發出更濃的香及加添一些爽脆之感....燴海鮮飯材料甚豐，鮮蝦及帶子無一不缺，而且用料甚新鮮，以一個外賣飯盒來說，是絕對的值吃。飯粒甚有咬口，沒有被那個蠔油燴獻汁弄至爛pat pat的，再加上蠔油獻本身沒有過鹹及杰身，故此吃起來亦甚覺可口....算是頗有水準的外賣炒飯麵出品。縱然價錢比普通茶記的稍貴，自己還是覺得物有所值的....

今晚同一班朋友去'食得妙'開飯，估不到可以那麼好吃..由頭到尾沒有一碟讓人失望或清唔晒. 凍蟹: 鮮甜味美 油浸九肚魚: 我最愛之一，本身都很喜歡椒鹽九肚魚，原來油浸都OK好食..非常鬆脆的.不妨一試! 貴妃醬炒蟶子皇(拼香煎米粉底): 欣賞廚師秘製的醬汁..第二欣賞就是可以另外加叫煎米炒底...米粉底不是平常食到那些實實的..廚師弄到恰到好處!大澳雞翼: 其實係有大澳蝦醬味，都幾香同入味架! 咕嚕肉: 不是間間餐廳可以做到外脆內軟..呢間係做到的! 老婆仔炒飯: 主要材料其實是乾瑤柱，翠肉瓜加蛋白..清清地.爽口.但又是幾好的配搭! 生磨蛋白杏仁茶: 呢個又係我最愛..(意思係相對於香港其他的杏仁茶來說)..因為唔係開杏仁粉的..我估真是生磨...很滑同香.!推介!!　日式素果凍(綠茶,豆蓉)：食落口有一份清涼的感覺，水晶皮煙韌，不是太甜，好味！除左有相片提供的，還有其他餸菜都能顯出廚師的技術和心思加創意，又是我的推介！　椒鹽海皇粒：　用來送酒是最好的。（因為有腰果，蝦鬆加魷魚）相當惹味！作前菜一流！　香酥百花鍋貼：　又一碟爽口鬆化的手打蝦膠做成的好餸，不知怎樣形容但是都幾好食！

看了761期飲食男女話好好食, 去試試看...點了一個二人餐$430 (1)餐: 一個有湯, 龍蝦, 煎豚排, 菜心, 甜品 (2)餐:湯, 聖子, 蝦球, 西芹牛柳粒, 菜心, 甜品 我們點了(2)餐, 之後一個員工話無聖子, 叫我們改 蝦or 魚, 兩樣我都唔鐘意, 可以改龍蝦嗎? 員工去問女經理, 之後話要加$50, 原本來試個聖子, 你無重要我加錢, 我話唔加, 轉(1)餐, 說時遲那時快, 已上了湯, 西芹牛柳粒, 之後女經理過來說: 算啦, 不用加錢, 反正西芹牛柳粒都上了菜, 我說: 原本來試個聖子, 都不是太想食龍蝦, 不過無得選, 是但, 我話你囉返西芹牛柳粒(未食過), 轉(1) 都Ok 架.女經理 話: 唔緊要啦, 照出(2)餐比你啦, 反正西芹牛柳粒都出佐. 食物方面: 蝶 蝶勁細蝶, 又難食, ......之後發現蝦球無來, 問女經理, 女經理話:無架啦, 一個龍蝦, 一個肉, 一個菜, 我頂咩人黎架, 頭先都吳係甘講, 之後, 買單重要$560,*****大家千祈咪去*****

勁搵笨~ 咩超值二人餐~每位160 我唔EXPECT每人得一隻蝦, 一個羊扒,兩粒丸, 一碗半湯LAE~今本一D都食唔飽~ 西餐都會有薯菜吖~ 散叫好過~

12-7-2009晚飯由阿爸拍板, 一行 5 人 (又)嚟到呢間叫餸食飯店. 試了幾款新嘢 / 未食過的, 再寫一篇食評俾佢吧.話梅豬手 (屬「前菜」): 原來係熱食的... 個汁有點稀, 味道酸多過甜, 亦真係有粒粒話梅的; 豬手就唔夠腍, 瘦肉直程硬硬實實的, 唔喜歡.「私房燉湯」係白菜豬肺湯, 味道清甜住家, 湯渣 (豬肺, 瘦肉, 白菜, 金華火腿, 瑤柱 etc) 豐富居功不少. 豬肺有點「燶」的痕跡 (水份「煎」乾而唔係「啤」?), 煲得軟熟, 食完一件又一件呢. 脆皮蒜香雞: 每次必叫 #1, 皮脆, 肉嫩, 不過蒜粒只得油溢味, 無蒜味的.上湯花膠浸翠玉瓜: 湯底濃甜, 比「私房燉湯」更對胃口 翠玉瓜爽脆清甜, 都幾好食的.蒜蓉蒸蟹 (蛋白炒飯底): 每次必叫 #2, 味道同上次 (即係邊次: http://www.openrice.com/restaurant/commentdetail.htm?commentid=1985772) 一模一樣, 唔重複了.貴妃醬炒蟶子皇: 每次必叫 #3, 貴妃醬一樣少辣大甜, 蟶子亦一樣新鮮, 不過「太有咬口」,

朋友約會飯,又係九龍城,天呀!...........決定唔食泰國菜,唔打邊爐,原來選擇真的不多.行過食得妙門口,知客話他家料理少油少鹽,就咁入着去.......餐廳環境清靜,店內食客也很斯文,服務員招代也夠細心,個格局非常適合聚會或商務聚餐,好....開飯!1.螺頭木瓜燉湯...........真係一流.湯夠甜又夠味.湯底好清.一睇就知原盅燉.Good!2.招牌蝦膠丸..............上枱時見到好大粒,又香又彈牙,可食得出是用新鮮蝦肉打出來的,好味!3.百花香煎鍋貼(小堂菜)...外層唔夠脆,唔知係唔係先食着蝦丸的關係,両味菜太似啦,居然食唔到任何味道.....4.咕嚕肉.......................個肉做得好好,外脆肉嫩.個汁也酸甜夠味,只可惜新鮮菠蘿太酸,酸汁流入其它食材中,令這味菜過酸.5.香煎羊胺...................我係羊痴,而他家的羊肉用了特別的調味,又香又嫩.正呀!6.大肚婆炒飯...............蛋白瑤玨炒飯,味道清新.用料十足.成餐飯感覺非常舒適.服務又周到.真係做到健康飲食.價錢方面也算合情合理,值得技持!

4-4-2009上次幫襯覺得食物幾掂 (http://www.openrice.com/restaurant/commentdetail.htm?commentid=1978895), 今日帶多兩個人0黎 dinner 試試其他食物, 整體印象無上次咁好, 但仍然幾好食:前菜又係四季豆花生豆卜之類, 又係放涼0左, 食落一樣油膩...椒鹽羊架: 肉腍, 羊味 ok, 空口食味道就稍鹹; 仲留了點肥及皮, 皮部分又幾脆, 幾香口的. 不過呢味感覺都幾油膩, 唧點檸檬汁較好.爆漿蝦丸:「招牌」之一, 其實係巨型芝心炸蝦丸... 炸得熱辣辣脹卜卜, 彈牙香口; 芝士落得唔多, 芝味亦屬淡口一類, 感覺無咁飽滯, 係幾好食的.蝦乾帶子粒浸菜心: d 湯又係無上次的咁濃鮮, 真係... 菜心幾腍幾清甜, 不過我都係覺得娃娃菜效果較好.蒜香雞 (半隻): 雞炸得皮脆, 乾身無油, 肉就少少0鞋; 蒜粒好多, 不過蒜味唔夠, 整體印象一般.訂檯時已留了一斤蟶子皇, 今次一樣貴妃醬炒: 一樣爽脆鮮甜, 不過我覺得今次個汁無上次咁香, 味道亦甜0左 d.金蒜蒸蟹 + 蛋白炒飯底: 蟹係花蟹,

8-3-2009星期日懶得開爐煮0野, 但想食得「清」/「住家」一點, 一行 3 人 dinner 0黎呢間叫(食送)食飯店試試. 簡單叫了 3 (食送)一湯, 估唔到除0左檯面的前菜之外, 樣樣都十分好食!前菜係放涼了的豆卜四季豆菜甫 etc 炒埋一碟, 凍凍的又油膩, 棄之不可惜.店員推介的是日「私房燉湯」係花膠瑤柱淮山燉豬(月展): 要了 2 人份量的小盅, 但其實 3 個人每人都「畢」到兩碗有多... 飲落清清潤潤, 不過薑味我覺得太重了, 飲落有點刺喉, 雖然阿媽幾鍾意; 湯渣就只食了 1) 花膠, 真係好「膠」的口感, 亦同意阿爸話覺得似「豬皮」多 d -_-" 2) 淮山薯就粉粉的, 不錯.貴妃醬炒蟶子皇: 大家都好鍾意貝殼類海產, 加上呢個係招牌菜, 當然要叫個試試. 13 両蟶子皇極爽脆鮮甜, 而店方的「秘製」貴妃醬味道就似 XO 醬 + 馬拉盞, 少辣中帶少少甜, 配上蟶子十分惹味, 正! 唔知 d 醬有無得向店方買0架呢? 用0黎撈麵一定勁正喎! 蝦乾帶子粒浸娃娃菜: 娃娃菜幾嫩又夠晒腍甜, 不過又蝦乾又帶子, 最好味當然係 d 湯, 我覺得呢

在將軍澳坑口村打出個名堂的"食得妙",年前進軍九龍城,開設分店.依然是走粵菜路線.很難約人在此等地方晚飯,午市一個人來,亦不愁寂寞,因為有午市的炒粉麵餐供應,價錢相宜.干炒牛河,也是二十多塊錢起,個人愛麵食,近期兩次來,也是吃炒麵.個人一向喜愛肉絲炒麵,全因為是煎過的麵底,入口香脆,經過肉絲汁浸軟後,又是另一種感覺.坊間小弟吃得最好的,是天后的留家廚房,同旺角的富記.這店的午市亦有肉絲炒麵,急不及待來一碟.每個餐也有例湯,是日的是紫菜豆腐湯,份量不多,比湯碗更少,味道幾鮮甜,如果份量多一點就最好.因午市不多人之故,肉絲炒麵不久後就已經奉上面前.除麵之外,同時亦有辣椒醬一小碟.吃肉絲炒麵通常先試一試麵條是否香脆,此炒麵的麵條都夠脆口,但再咬下去就有點齦,顯然未夠鬆化.吃到去四份三,形同與牙角力.肉絲汁不算太杰,亦不算稀,也合格.另一道炒麵代表是頭抽龍鬚炒麵,名字比豉油王炒麵更具霸氣,上碟一聞,鑊氣沖天,龍鬚是什麼?即是魷魚鬚.每條也彈牙,炒麵很乾身,每一條麵條也沾滿豉油的香氣.雖然未算是吃過之中最好的水準,但已經算不錯了.吃著,未夠刺激,同店員說要辣椒醬,後來奉上一小碟,我貪心,不如整樽