食意 (已結業)

是晚與兩位好朋友, 補吃我的生日飯.這次特別挑了這間新開店的意大利菜, 但地點在平民區-深水埗.店內裝修別緻, 空間寬敞闊落, 座位與座位之間也算寬闊, 適合聚會談天.入座店員先奉上薄脆烤餅配蕃茄莎莎, 讓大家醒胃醒胃.先點了炸粗直薯條配香辣醬和松露醬($68)作前菜, 一邊吃一邊談天.薯條以窄長的碟盛載, 但份量不少, 而且炸的十分香脆, 配上我至愛的松露醬, 實在讓我口水直流!煙三文魚蘆筍薄餅($138), 即叫即製, 薄餅烤的很香脆, 配上軟軟的煙三文魚, 色彩非常豐富.手製意粉-辣蝦肉碎蒜蓉銀魚柳扁麵($118), 雖然寫著是辣蝦肉, 但其實一點都不辣, 蝦切的小小的, 份量非常的多, 足以一口蝦, 一口意粉!手製意粉-野菌牛肝菌寬帶麵($158), 野菌牛肝菌份量也很多, 醬汁也非常的香, 又是一道很開胃的菜.甜品是提拉米蘇(58), 朱古力心太軟配雪糕($78), 拿破崙千層酥($68), 每道甜品賣相都非常精緻, 也為晚餐劃上了完美的句號!這店, 必須再來!!!

※本文以用餐當日的環境、服務和食物質素為準，口味亦因人而異，文章只作參考之用。-得到友人的推薦，去左深水埗呢間新開無耐的「食意」來個晚餐。「食意」的名稱相信與食意大利菜有關，餐廳主打各款手製意粉和手製薄餅，吸引力大增！雖然餐廳外觀較為簡約平實，但當晚的食物都讓我倆很滿意，手扭粉和蛋糕更是再三回味的食物。餐廳的座位不少，環境似Cafe的佈置，以淺木色為主調，簡潔舒適，但有不少位置都有精緻的裝飾，配上柔和的燈光，感覺溫暖，而且店員的態度誠懇親切，值得一讚！餐點包括前菜、湯、主食、手製意粉、手製薄餅和甜品等，如果餐牌上有埋菜式圖片會更加清晰。烤薄餅皮配蕃茄莎莎 （免費餐前小食）平時食開都係餐前麵包多，呢度係以薄餅皮當做薄餅般，將蕃茄莎莎放上去同食，莎莎食落清甜開胃，而且仲可以續添呢！Earl Grey Tea $48我倆叫了一壺熱伯爵茶一齊飲，每壺用上兩個川寧茶包，而且店員會頻頻幫忙加水，服務態度很好！意式千層茄子 $56擺盤精緻的飯前小食-千層茄子，賣相精緻，一口一件剛剛好，作為飯前小食不會太飽。小妹初時食落還以為係千層麵與茄子的組合，因口感都偏似千層麵，但原來一整件都係用茄子一層層鋪上，

近排特別鍾意去深水埗搵食，繼上個月去食完拉麵後，這晚又再次踏足呢區，而今次嘅目標，就係嚟食意大利菜。印象中，深水埗嘅意大利餐廳唔多，尤其是有質素嘅，真係絕無僅有，不過，最近從友人口中得知，荔枝角道有間新開的意式西餐廳，據說店子除了專賣手工意粉外，還有多款手製薄餅供應，加上新張期內，餐廳不但免收加一，仲要再打九折，所以這晚就特意來一嘗。餐廳位於深水埗荔枝角道 309 號，是間地舖，門面不太起眼，用上磨沙玻璃作設計。按門內進，地方看起來不算很大，沒想到原來內裡別有洞天，間隔呈 S 形，轉彎入面還有不少座位，寬敞闊落，而且睇得出店主喺佈置上花左唔少心思，例如牆身上掛有貓頭鷹裝飾、茶壺掛鐘、木櫃內放滿小擺設等，予人輕鬆的感覺。安頓後，還沒來得及翻閱餐牌，服務員便已快手快腳為我倆送上一客免費的烤餅配蕃茄莎莎。拿起切成長條狀的薄餅，再放上自家製的蕃茄莎莎，一啖入口，集脆、香、清、甜、酸於一身，層次豐富，食味不俗。拿起餐牌，食物全部散點，無套餐供應，而項目方面就包括有前菜、餐湯、手製薄餅、手製意粉、主菜、甜品及飲品等。雖然一心為吃手工意粉和手製薄餅而來，但還是決定先點兩客餐湯，再加一客沙律做前菜。蝦

新開張，過黎試試味，就出事....由地深水埗地鐵站出口，行到餐廳最少15分鐘附近一帶也有很多其他餐館見評價（疑似打手）也對不錯，所以就試下佢先不說其他，主要集中在食物上卡邦尼意粉，汁少（近乎冇），味道不正中，沒有蛋黃香野菌黑松露手扭麵，味道尚可但偏鹹，松露味道不夠意粉人手生產，抵讚總結，兩個意粉，沒湯，沒飲料，$230我會選擇去尖咀任何一間西餐廳價錢差無幾，包餐湯，飲料，環境一流，有些餐館什至向海卡邦尼意粉 $88 .野菌黑松露手扭麵 $158 .

本來我甚少去深水埗一帶食嘢, 自從有一次友人同我去食飯後, 我才發現深水埗也有不少食店可以試下, 今次就去了食意食飯. 這裡的菜式選擇也唔少, 最後選了炸粗直薯條配香辣醬和黑松露醬, 澳洲和牛護心肉配黑醋醬及巴馬臣芝士 , 手製薄餅 - 黑松露意大利軟芝士薄餅和手製意粉 - 燴海鮮蕃茄醬墨魚麵. 點完菜式後, 店員先奉上脆薄餅配蕃茄莎莎, 這個係免費送俾客人. 甜甜酸酸的蕃茄粒, 夠開胃, 作為前菜最適合不過. 炸粗直薯條配香辣醬和黑松露醬. 薯條偏向粗身, 薯味較重, 口感較佳. 炸出來的薯條唔會太油膩, 配上兩款醬汁, 啱晒愛食熱氣野的我. 澳洲和牛護心肉配黑醋醬及巴馬臣芝士. 牛護心平日真係比較少見有, 所以點來試下. 由於我唔食生嘢, 所以特別要求全熟. 雖然係全熟, 但肉質還稔身, 完全不覺得硬和乾身. 手製意粉 - 燴海鮮蕃茄醬墨魚麵. 這個墨魚麵和平日食有所不同, 食的時候, 咀和牙齒也不會有黑色, 真係食得放心. 手製的意粉, 較彈牙, 口感也有所不同. 唯獨係唔覺有咩海鮮, 較多蜆肉, 而且係切為一粒粒, 吸引度下降. 手製薄餅 -

前排見深水埗開左間新野，超級卡邦尼控 諗住去食卡邦尼，點知晏晝係無嘅，要夜晚先有得食🙈-最後睇lunch set嗌左個千層麪同另一個粉！Lunch set有：湯/沙津+ 麪包+餐飲+主食點知個千層麪一上：嘩！咁細碟嘅🙄不過，經理話d麪全部自家製，食落口 又好味喎，所以細碟啲都算啦🤗雖然d野真係好鬼滴骰，但味道係好嘅！仲要新張期內，唔單止唔收加一，仲有9折！埋單 2個餐都係平均$6x個心即刻gur返d😂

Parma Ham 好味 , 估唔到份量都算幾多喎！蜜瓜好甜呀！三文魚蘆筍Pizza ,烤得好香脆呀，蘆筍唔多，三文魚好細塊但整體上都幾好味的卡邦尼意粉，好乾呀唔夠汁。煙肉又難食，好乾爭爭個意粉唔太好食拿破倫士多啤梨，都幾細件不過又焗得幾脆，香口。不過太細件，食得唔夠滿足！咖啡焦糖蛋，好香咖啡，都唔錯啦。同埋播音樂覺得太大聲了。

I didn't have any expectations for Eatalian because most restaurant adapt their recipes to suit the people in the area.Apart from that I liked the Restaurant logo and name which is a play of words EAT and ITALIAN pronounced Eatalian just like EeDaLe in Central.Sat down and it was reassuring that there were expats dining there.++++Started with the Parma Ham and Melon which was the first surprise because it was creative.It wasn't just melon topped with ham but on the side there was Parma ham paire

深水埗喺小弟成長嘅地方，雖然已經搬離呢區多年，但因為仲有唔少親友住呢頭，所以，間唔時仍會經過。近來睇到劉老師嘅食評，對呢間「Eatalian」頗有好感，因為睇開小弟嘅食評都知，小弟頗喜歡耍吓小聰明將啲標題搞吓食字，不過，英文食字就難到我喇。咪睇佢門面窄窄，原來入面都幾大吓，餐廳尾屈個彎仲有多張餐枱嘅用餐區，枱櫈嘅編排亦唔算逼，而且，環境整潔新簇。以淺木色為主調，配合牆上一啲精簡嘅食物圖案，明顯喺走輕鬆路線。裝修簡約得嚟，又花咗唔少裝飾晌佈置上，如乾花花糟、別緻掛牆鐘、小銅像、食譜、茶壺……等等，都喺叫人感到有種家庭式小店嘅感覺，氣氛輕鬆。烤麵包配蕃茄莎莎（免費）好多時啲意大利餐廳都會奉送少少意大利香草包配油醋作餐前麵包，但估唔到呢度就提供以薄餅粉糰做成嘅烤麵包，更配上蕃茄莎莎，麵包烘得熱熱，蕃茄莎莎酸香鮮活，食過真喺產生開胃之效。翻翻餐牌，類別齊全，包括前菜、湯品、意大利麵、薄餅、主菜、甜品，菜式選擇頗多，大抵因位處深水埗，定價亦相宜。而且，正值新張，仲喺唔收加一，兼俾多個九折添，食意大增。故此，今晚同老婆、姨仔嚟食飯，食咗好多嘢，落樓都唔使六百，抵呀！以一家小店而言，前菜選擇十分之多

朋友帶我去深水涉食西餐，話有間新開餐廳唔錯，仲要免加一，再九折，非常吸引。西餐廳黎講燈光算幾光猛，配簡約舒適的裝修風格，感覺不錯。Menu食物一致齊全，有多種選擇，appetizer、soup、main course、pizza、pasta、dessert，適合情侶或一班人gathering。送上前菜，係salsa sauce 配薄脆，新鮮蕃茄粒粒加醋汁和香料，味道酸味味，令人很開胃，而薄脆用pizza dough 做，同salsa sauce很match。香燒南瓜蟹肉湯($68)面上的泡泡很有趣，係忌廉泡沫分子料理，湯很清甜，少左平時食開個種creamy，feel到係新鮮湯，口感幾清新。蝦肉蟹肉沙律配芝麻醬汁($98)有好多蝦肉蟹肉，相當足料，配不同沙律菜，新鮮爽脆，加花生黑芝麻醬，好美味喔！炸粗直薯條配香辣醬及黑松露醬($68)薯條十分香脆，口感同坊間不一樣，超脆。松露醬和辣醬係自家製的，松露醬好香，辣醬唔太辣，加左D檸汁，少少酸，好惹味。澳洲和牛護心肉配黑醋醬及巴馬臣芝士($148)嫩粉紅色的護心牛肉好嫩滑冇筋，仲好juicy，很有質素，面灑上巴馬臣芝士，配意大利黑醋和mixed

又來到慶生日之聚。上回衝出香港，在斯里蘭卡的驚喜睡衣派對後，今次回到現實，還選了最近家的深水埗。選得近不是懶，而是被新開的意大利菜的餐牌吸引。除了款式不少，有特色，還有它的價錢。這區的平均消費水平較低，這間打著正宗意大利菜旗號，而不是改良至本地口味的快餐的餐廳，賣的卻是尖沙咀價錢。它對出品的信心，也讓我心生好奇。以為是小店，沒想到店面幾大，裝潢新簇，淺色主調，沒有高級的情調，但舒適、開放，加上友善親切又風趣的店員，營造輕鬆氣氛，是個飯聚傾計的好地方。壽星女當然有決定吃甚麼的優先權。 她慢慢看餐牌，我們先吃店員送來的餐前小吃。暖呼呼的麵包，加了橄欖油，幾香，第一個感覺是又熱又脆，但咬了一口，吃著吃著開始覺得幾硬。蕃茄沙沙以醋調味，酸酸甜甜的，都幾清清開胃，一濕一乾，一軟一硬，未見和諧。前菜的款式頗多。意式千層茄子期待著casserole上的千層茄子，竟然變成眼前的四件一口茄子。想了一秒到底應該切開看看中間，分兩啖品嚐，還是整件放入口。由於真的太細件，為免切完一層層散開，還是一啖過，原汁原味。茄子軟腍腍，蕃茄醬很濃，表面焗乾的巴馬臣芝士微硬，特別香。烤風乾豬面頰肉包帶子覺得茄子的份量少？這

深水埗一向被公認是全香港最貧窮的地區之一，在這兒多的是價錢較為親民的食肆，這些食肆雖然有不少都別具特色，不少名店的招牌食品，好像「合益泰」的腸粉、「漢發」的豬膶麵、「新香園堅記」的烘底蛋牛治、「公和」的豆品、「文記」的車仔麵等，都是令不少人回味和叫好的美食，不過如果想要在區內找一間較佳的西餐廳，還要以深水埗的價錢，吃到尖沙咀、中環的質素，就不太容易。想不到這一夜，我在這間名叫「食意」的西餐廳中，卻可以用不算昂貴的價錢，吃到水準不俗的西餐。特別是這間只是開張營業了個多月的餐廳正做特價，午餐有九折，晚市又不收加一，就更抵食了。 這餐廳地方不小，白色的主調輔以小量的裝飾，帶來清雅的感覺，舒服、自然。 一看這餐廳的中英文名字----「食意」和 Eatalian，便知道這餐廳主打的是意大利菜。待客有禮，服務殷勤的餐廳經理對我介紹說這兒的意粉和意大利薄餅都是餐廳的廚師人手打造的，當然要一試。不過這晚前來光顧的只有我與太太兩人，我對這兒的一道特色主菜「澳洲和牛護心肉配黑醋醬及巴馬臣芝士」（$148）又蠻有興趣，而餐廳經理也有對我介紹這特式菜式，好，就點來一試。不過在未吃薄餅與主菜之前，就先吃個簡單