影片
港鐵深水埗站 A2 出口, 步行約5分鐘
繼續閱讀
開飯介紹
深水埗區傳統意菜餐廳。經典意菜煮法富特色，全部即叫即煮。不少是日推介的食材都經餐廳親自選購，保證新鮮。
繼續閱讀
營業時間
星期一至五
12:00 - 15:00
18:00 - 21:30
星期六至日
12:00 - 17:00
18:00 - 21:30
以上資料只供參考, 請與餐廳確認詳情
相關文章
話說有一日約左個朋友食晚餐聚下舊，大家不約而同都話想食意粉🍝朋友之前save低左Eatalian呢間餐廳！見到佢嘅介紹，哇！真係估唔到喺深水埗都有手工意粉可以食到佢店舖位置都好易搵，好近地鐵站，嗰日我哋大約8:30pm到，都唔係好洗等位一入到去就可以食入面嘅環境都唔錯！店員都好有禮貌！佢安排左一張小圓枱俾我哋坐，地方闊落好舒服！我哋叫咗一個前菜，一個意粉，同埋一塊護心牛，但因為太肚餓啦所以冇影到前菜叫完嘢食之後店員俾咗餐包俾我哋，唔係普通嘅餐包喎！而係薄餅配黑醋，煙煙韌韌同黑醋都好夾！前菜我哋叫咗蝦肉蟹肉沙律，好足料！哇哇哇！個意粉一上，味道好香濃呀！ ！意粉質地煙韌又好掛汁，真係勁勁勁推介佢地嘅手工意粉呀！ ！下次一定叫其他意粉試吓！相信都一定會咁好味😋😋😋呢個護心牛我地order左5成熟，肉質都唔錯配埋火箭菜，芝士同黑醋醬，都唔會膩！總括一下，呢度嘅環境，食物，服務都好好呀！性價比好高！價錢唔係好貴不過食到好食嘅手工意粉🍝🤤🤤絕對推介大家黎食！嚟緊有朋友生日已經決定要喺度同佢慶祝
繼續閱讀
四個好波友，平時打波前啃個包就算。今日決定食好啲，去左深水埗食意食意大利菜！估都估唔到深水埗呢個舊區，原來都有咁高質嘅意大利餐食！我地六點鐘倒去到，時間尚早，未有其他客人，靜靜地座位都幾舒服。我地嗌左：白葡萄桃子﹑白葡萄接骨木花 有汽果汁等緊兩個朋友來時，搵嗌左兩杯飲品先！做緊買一送一抵飲！店員表示呢款果汁係意大利直送，都無酒精，我中意接骨木花有陣陣花香，又唔會太甜，又夠哂凍～爽～餐前，店員送左一份薄餅配黑醋。口感Q彈，有少少啊咸咸地！我中意食啊！蝦肉蟹肉沙律配芝麻醬 ($105)呢個前菜真係好多蝦肉同蟹肉！而且新鮮！沙律菜好爽好清新！芝麻醬係我至愛，菜﹑肉﹑醬三者配合得岩岩好～芝士四重奏 ($158)作為一個芝士控，呢個芝士四重奏真係無得輸！入面真係有勁多芝士，但完全無膩的感覺口味好複雜，食得出有味道好特出的blue cheese！加埋火箭菜會更清新！我好中意食意大利的PIZZA，個皮係好薄好脆，唔會油膩，而非香港市面連鎖店個啲又厚又油。食多幾塊都唔會劑。伊比利亞豬鞍配青蘋果汁 ($178)店員話呢個等耐啲，因為係用慢煮的方法烹調。切開的時間，勁多肉汁爆出來！入面仲有少少粉紅色。店員表示唔洗驚，啲豬肉真係緊緊熟，先可以咁鮮嫩。平時食豬肉煮到熟哂，好容易會柴皮呀好乾呀。呢個菜完全無呢個問題！JUICY的豬肉，滿口都係肉味，加上清新的青蘋果汁，好滿足啊！啲配菜有意大利青瓜同蕃薯，輕輕燒過，食番蔬菜的原味！黑松露﹑蠶豆﹑野菌忌廉汁手扭麵 ($168)個名叫手扭麵咁特別就試下。真係粒粒人手搓出來的，食落似一舊舊麵團，個汁夠哂濃郁，掛哂上手扭麵上。個醬汁真係好香黑松露同芝士味，香噴噴！食完哂手扭麵仲可以用薄餅點埋啲汁來食！成碟清到乾乾淨淨好治癒～提拉米蘇 ($78)食完正餐梗係要食甜品。呢個TIRAMISU好香滑，有淡淡的酒香同香濃的朱古力味。很不錯！可以坐得舒服傾下計，食完攬住個肚走，過了一個滿足而愉快的晚上，每位埋單$200。以食物質素﹑地方舒服﹑店員服務等等來評分，其實好抵食！一樂也！
繼續閱讀
很難得有機會跟三個隊友一起共聚晚餐的，一收工就坐地鐵去了。這間餐廳，其實並不是在人流很旺的地方。當去到門口時，你會被門牌和門面所吸引著的。真係估佢唔到，係舊區會揾到一間手製意粉店。環境不是太暗，也有情調的，沒有太花巧的裝修，卻有獨特的風格，令人感覺很寫意。我們先點了飲品，邊喝邊等。白葡萄接骨木和白葡萄桃子，沒有酒精成份的。不會太甜，桃子味比較香，可能我鐘意桃子既關係。首先餐廳有送一個pizza 底做既薄脆餅，點黑醋，外脆的，內軟熟，幾好味。首先叫左個前菜，個前菜叫蝦肉蟹肉配芝麻醬，無論食材同個醬針都配合都好好，又醒胃，無比個醬蓋過整體味道，材料夠新鮮。之後到主菜了，一攞出黎，香氣撲鼻，芝士味濃到不得了，喜愛芝士的朋友們，真係值得一試，一定滿意，但要有心理準備，會比平時的PIZZA鹹，因為重芝士。另外，主菜一定要叫手扭麵的，我地叫左個黑松露，蠶豆，野菌忌廉汁手扭麵，麵夠硬身，附合意大麵的口感，足料黑松露，又香又惹味的。個店員話就算下一次黎都未必食得返呢個手扭麵，因為佢個扭紋下一次不會是這樣，係獨一無二。個店員仲話，可以用個薄脆餅點有剩既汁，我都覺得唔錯，添了另一番風味。慢煮豬鞍係也幾厚肉，重肉汁。切開有少少粉紅色，但放心，係熟既，我返而略覺得佢熟多左，哈配菜有翠玉瓜，紫薯，薯仔，很鮮甜的。到了最後，來個完美的結局，個甜品其實真係打咭都值。很高興能夠同三個隊友出賽前受一個獨一無二的晚餐，真心難得。
繼續閱讀
今日我同我女朋友 同埋兩個朋友行深水埗，行行吓不知不覺，又到食飯時間，開頭冇人建議食啲咩，所以都想求其就近，搵一間西餐廳食，點知比我誤打誤撞，食咗一間好好食嘅意大利餐廳。我入到去餐廳嘅時候 大約係七點幾八點嘅時候，但餐廳內只有兩台客人，心諗會唔會那左野，冇人入嚟食嘅，咁唔入都入左嚟，咁我就開始叫野食，首先簡單講一講個環境，西式裝修 簡單 地方大 舒服 優雅，至於食物方面，我哋叫咗7個餸。餐廳一開始請咗我哋食一份好似薄餅嘅小食，佢哋剪到一小塊，軟熟得來又有口感，再加啲酸酸地嘅汁，令我非常開胃。蟹肉蝦沙律：前菜叫左個沙律，蟹肉同蝦同菜都非常新鮮，加上層好似胡麻醬嘅汁，我問佢哋係咩醬嚟，原來係佢哋自己調校既，新鮮既菜再加上自家製嘅醬，真係好好食好開胃。炸薯條：個炸薯條 同我一般喺出邊食西餐廳 確有不同 薯條表面 外有一層脆 令加上有黑松露醬，味道方面 薯條本身已經調味加上黑松露醬，簡直完美配搭Pizza：我叫咗一個四重芝士嘅Pizza，呢個Pizza好似我之前去意大利時食嘅感覺，本身四重芝士係比較鹹，但係加上火箭菜，就可以中和鹹嘅味道鹽焗魚：呢度才令我喜出望外，菜到嘅時候，見表面有一層粗鹽包住，幫我影完相之後，個侍應就敲碎左表面層粗鹽，原來粗鹽包住條魚，係佢哋嘅特別煮法，而條魚一早已被去骨，魚肉好滑，鹹味適中，亦都唔需要擔心有魚骨嘅情況，真係值得馬上Encore牛肝菌意大利麵個麵到嘅時候，個侍應同我講，個麵係自家製手打麵，咁我食落去嘅時候，麵質係偏向硬身少少，但係非常有口感蒜蓉西蘭花個菜表面並無蒜蓉，但一口咬落去嘅時候，蒜蓉個味道及香味，從菜內慢慢滲出，相信啲菜曾經處理過，連簡單一碟菜，都悉心炮製，值得一讚👏🏼護心肉牛扒相信大家同我一樣好少聽護心肉的牛扒，最多打邊爐嘅時候，一小塊一小塊咁食，而今次我食嘅係一大塊嘅牛扒，護心肉好重牛肉味，肉質有口感得嚟又鬆軟，鍾意食牛嘅人，可以話返唔到轉頭總括嚟講今日餐飯性價比好高，平均每人價錢，$200左右，已食物嘅質素來講，似五星級嘅質素，真係值得推介，同一食再食😂🎊
繼續閱讀
不嬲出深水埗都係去食哩民野今次行過就想同屋企人試下啲正野見open rice有推介到食意 咁就一於試試佢啦咁餐廳裝修係行家庭餐廳嘅路線坐得好闊落好舒服🥰🥰首先我地見到桌面上面有推介餐飲咁就點左兩杯試下 分別係接木花青葡萄有汽果汁同埋洛神花紅葡萄有汽果汁前者飲落係好清新好自然嘅咁後者就飲落似無酒精版嘅紅酒 味道較有層次 兩者比較 我會鐘意青提多d😋另外 前菜方面我地點左個密瓜配Parma ham欣賞之處係個密瓜好甜同埋份量好足坊間食開都係比較細份 食完都唔夠喉但依間餐廳真係良心餐廳 大片之餘仲要另外用Parma ham卷左個玫瑰花出黎勁有心思😊😊咁主菜呢就係黑松露忌廉汁手搓麵佢個麵係手工搓嘅 食落好似烏冬咁 好特別而個汁真係無得輸 黑松露味夠濃夠香另外待應亦比左個意式烤餅比我地點埋淨低嘅汁 一啲都無浪費到依碟嘅精華超好味 推薦！💪🏻💪🏻咁我地仲點左個美國安格斯護心肉配黑醋醬及巴馬臣芝士原來護心肉係牛既橫隔膜 難怪咁嫩滑😼食落勁juicy勁有牛味 配埋芝士真心perfect🥰護心肉真係好正 我諗我一定會再encore！之後因爲爸爸鐘意食魚 無魚不歡所以特登叫左個鹽焗魚比佢試下食落好新鮮好滑 同埋好細心地幫我地起左骨 所以連我地依種怕骨嘅人都可以點黎試🙈依味係慢煮豬鞍配柚子醬啲豬鞍一切落去果陣有好多肉汁咇出黎放入口時竟然有一種入口即溶嘅感覺完全唔似食緊豬！勁香勁juicy😊😊配菜就有紫薯番薯兩種 都非常香甜！最後甜品方面 我地點左咖啡焦糖燉蛋配雪糕味道無得輸 淡淡嘅咖啡味配埋香滑嘅雪糕搞到我地三兩下手勢就清哂喇🙈🙈一句講哂 水準之上 一定會encore☺️☺️☺️
繼續閱讀