食物站 (已結業)

呢間店我食過幾次...問心講;D麵食唔錯,所以;你由早上7至11點,入到去,個個都食緊麵...今日小妹好好彩,早上十時45分仲買到一碗沙嗲牛麵,呀姐講明最後一碗..小貼士,呢間店開早七點收下午四點,奉紅日休息,【幾把炮@@】早市,唔該乖乖排隊,見過有人爭位互寸...千祈唔好將D袋放落張椅度,冇呢枝歌仔唱架,仲有;未齊人唔好坐低..坐低就叫野食,坐低唔食,一定比人叫你起返身..總括..呢間店...係灣仔食早餐既名店..一丁麵食一流, 至於服務呢,??可以唔洗提, 將注意力放係食物上啦!!午餐果D野??我連掂都唔敢掂...沙嗲牛麵早餐連熱飲$$20,------好味,我試過am9:00已賣哂沙嗲牛肉...

看見之前的食評多數苦臉是有關服務, 以我幾次的經驗來說, 服務不算差, 最重要是食物有heart!!!食物有heart 是因為好多食物都是即叫即煮. 牛排, 炸魚, 公仔麵都是. 最令我印象深刻的是有一次食火腿通粉, 湯中有一些黃色的油...... 呀! 完來是麻油!! 我食了多年茶餐廳早餐, 第一次食火腿通是有麻油. 小小的幾滴麻油, 已經令整碗通粉不同了, 我對他們投支持的一票!

D態度差到冇譜，D 阿姐唔係因為忙而冇sevice 佢由開工到收工都係咁，除左紮邊果位。有次叫外賣個阿叔仲衰，叫左早餐外賣，睇住D 野出哂，佢執執下D野可以同D街坊吹水，放低哂D野，大佬，個客係你面前都係咁，朝早D時間几趕，我仲要叫佢都唔應，傾完先PACK.不過佢個CURRY 汁好香，不過你要準備好多水去沖淡D 味精 同油，EVERYTIME 食早餐到下午lunch個先至沖得到D 味。既然唔敬業樂業，我唔明佢地做解要做。

附近一帶都幾多2餸飯,有d好味又底食,有d又貴又唔好食. 依間食物屬於ok既水準,不過價錢偏貴囉..選擇左粟米肉粒+茄子肉片先講粟米肉粒我幾欣賞左個粟米肉粒,起碼佢既肉粒係真真正正既肉粒先啦~ 外面大部份餐廳既粟米肉粒唔知點解會變晒肉絲,仲要係得幾條;輪到茄子肉片雖然茄子既味道不俗~ 但整體上都偏油膩,而肉片只得2塊,仲要係肥豬肉佔左90%以上..仲有杯熱檸茶<--- 好澀口>_<overall來說..$27蚊貴左d囉..

今日又是阿M無飯帶既日子，所以就試下哩間俾人稱之話係煮住家菜既餐廳喇！我叫左兩餸飯：豆角炒肉鬆＆粟米班塊，跟例湯赤小豆粉葛湯．我十二點半已經order定個外賣，至到一點十五分未見人，就打落問佢，點知個阿姐好寸咁話我講錯樓層俾佢聽，仲要話攪到同事要行兩轉，明舍lunch多人架嘛．我成日見佢出面好多人等外賣，有時十五分鐘都仲等緊喇！其實同區賣緊HK$20一個兩餸 飯既, 有大把選擇喇！連我有個同事都話ｄ阿姐好嘈又巴巴閉閉，問佢有咩推介時，佢叫你自己睇餐牌, 呢d 服務就不太好係我有生之年，我都唔會去幫襯哩間野．．．

I used to work in Central Plaza and go there have breakfast and lunch there at least 3 times a week for the past 5 years! Highly recommended foodBreakfast: Satay Beef noodles, Beef steak with bun Lunch: Fried PorkChop (Salt & Spicy), Curry Chicken, Chicken with Chestnut....especially their Daily SOUP...BEST!One weak point: many people waiting outside and the shop is too small! However, cheap price, high quality of food, noisy waitresses but very friendly!You could ask for more Rice if u feel

一直以來都想來試這間細細的食店，因為座位極少，午飯時間例必爆滿，所以今次還是乖乖買外賣的碟頭飯。要好幾個餸供選擇，一飯可配兩餸，在事頭多次主張下，還是堅持要一餸 ─魚香茄子。尐茄子幾入味，連皮也煮得剛好腍滑，拜多油所賜。魚香汁濃厚，送飯食上佳，味道適中，不算重味，汁好夠多，可以送整大個白飯，白飯又幾爽噃！

由於媽媽唔係屋企，我又懶得早起身煮早餐食，咁唯有返到公司既附近先至買早餐喇，等咗都有十分鐘，攪到遲到兩分鐘，唔抵．叫咗一杯熱鴛鴦少甜黎提神，一份奶醬多士（烘底），超美味．北角都要賣HK$15哩，好抵食．我見ｄ同事都有幫襯淨飲品或午餐，都唔錯，下次試下先．

跟師弟到這條街吃便宜午餐。Subway 被師弟declined，南記和新膳坊勁多人、莎巴猶有如悸，結果入了「食物站」。此店開業至少五年，未曾一試，是因為每次路過都有人在門外等候。今天，居然遇著有兩個吉位，遂一試。午餐供應大碗飯，兩餸（$24）或三餸（$26），可配中湯（$6）或熱飲（$3）。有八至九款家庭餸，如：冬菜蒸肉餅、翠玉瓜炒牛肉、鹹肉旺菜、粟米肉粒、咖哩雞、豉椒肉排…等。我們都選了兩餸飯。不消三分鐘便上桌，店員效率偏高。飯碗奇大，但份量奇少，僅佔三分一的容積而已。餸菜幾好味：冬菜蒸肉餅（味道足）、翠玉瓜炒牛肉（瓜爽脆、牛肉嫩滑）、鹹肉旺菜（肥肉部份爽口唔油膩）、豉椒肉排（一般貨色）。惜，餸菜和飯的份量奇少，男生未必夠喉，女生可能剛好而已！

23-7-2005 1945寫罷安利大排檔食評後，早少少返公司工作，忘記及治理唔知幾時合埋傷口及痛楚，又黎番這裡吃早餐，這裡的麵食如假包換既出錢一丁，加埋唔係咁濃既沙爹牛肉就成為絕配，個樣覺得有點似咖喱，但係又唔辣，點解menu要加隻辣椒仔呢？在路途聽這首歌時，其中一段歌詞係咁：“如果　天都迫我爭氣離去大概不會死我退出　但求大家歡喜無謂到最後不三不四”。

15-7-2005 0830今日全日都冇飯開，唯有局住三餐係外面食。這裡好近去政府大樓既天穚，一個分叉路就落到去，奇怪奇怪，點解間舖咁細都有人等位。等了兩至三分鐘就有，始終一條友攝位比較容易。環境都幾迫，小舖經營，香港地的特色是也。點了我在茶記最喜歡但又肥既早餐：薄牛扒炒蛋加凍咖啡，薄牛扒係茶記早餐來講算幾大塊，仲有厚度厚成倍，當然冇西冷扒咁厚啦，還有黑椒汁伴著吃，我最憎食扒係冇汁，炒蛋及凍啡都不差。埋單廿蚊，算係咁啦，還有這裡都有熟客仔，可能的侍應都係女性同埋識得與客大打交到，可憐的是對面既南記粉麵冰冰凍凍，冷冷清清。