影片
以上資料只供參考, 請與餐廳確認詳情
食家推介
同大家介紹吓喺銅鑼灣嘅泰國餐廳Kin Kao❤️❤️ 舖頭名係泰文，意思即係食飯！喺灣仔同銅鑼灣都有分店👍🏻 泰國人主理，侍應都係泰國人，入到去好有泰國嘅氣氛🤪 不過地方就細少少，坐得會比較迫炒金邊粉 ($88)最鍾意呢一間嘢嘅炒金邊粉，值得一試😋😋金邊粉爽滑又有咬勁，加埋青檸汁，酸甜鹹嘅比例啱啱好，炒得乾身，唔會非常濕👍🏻炒得非常正宗嘅金邊粉生菜包 ($88)食泰國嘢一定要試吓生菜包！生菜唔算特別清爽同埋新鮮👌🏻肉碎調味比較清淡，都唔會太辣，留意下係會有芫荽🌿生菜配埋肉碎包埋一齊食口感豐富，整體嚟講算係比較一般嘅生菜包🤨燒豬頸肉($88)豬頸肉咬落去口感比較硬，肉質唔算軟腍，唔係想像中軟腍腍有彈性嘅豬頸肉🙂↕️甚至其中一兩舊過韌難以咬開🥲🥲醬汁香辣開胃，超級出色，建議一定要點埋佢個醬汁一齊食呢間以前係本人幾鍾意喺灣仔/ 銅鑼灣食嘅泰國餐廳，但係今次出品比較失望😞😞只係得炒金邊粉維持到水準，希望只係今次我哋唔太好彩啦🥲
繼續閱讀
因為Samsen要等一個鐘先有枱，立即決定轉場。銅鑼灣Kin Kao有上下兩層，當日被安排上第二層坐，環境好頹。食物感覺不過不失，沒有驚喜。食物份量適中，經過可以一試，特登過去就唔需要。
繼續閱讀
✨蟹肉炒飯$88 +奄列 $18個蟹肉炒飯我就覺得淡左少少 蟹肉都唔算好多 雖然幾實肉但就唔算好鮮甜 🙈🙈 反而個奄列蛋就好正👍🏻👍🏻 好香蛋味✨豉油乾炒河 $88呢個炒得好有鑊氣👍🏻👍🏻 調味做得啱啱好 加埋有少少嘅焦味好香😋😋 啲河粉亦麵好煙韌 有彈性 豬肉都好食 推薦黎到一定要叫呢個👍🏻✨青木瓜沙律 $68酸酸辣辣好開胃😋😋 有好多花生令到口感更豐富 又爽又脆👍🏻👍🏻總括黎講味道都好唔錯👍🏻 環境乾淨舒適 不過佢就比較屬於係茶記快食嗰種類型 如果一班朋友想坐低食耐啲傾下計就未必適合味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰晚餐人均～$136 （唔洗+1）
繼續閱讀
講咗重點先 大門口地氈下面壓住一隻死曱甴後尾啲人越踩隻嘢就越明顯大大隻喺門口都冇人清理 勁核突🤢🤢🤢🤮🤮🤮80 幾蚊一碟appetiser 豬頸肉勁求其 望住個廚房阿姐徒手冇帶手套！係一大個膠盒一堆預先整好嘅肉就咁擺上碟 翻熱都冇 就咁加塊生菜😂船麵不過不失 炒飯都係普通 好少肉連啲水有陣怪味 唔知落咗啲咩香茅之類我同朋友嘅評價就係簡直係想帶泰國街邊嘅vibe比食客？😅😂😂for english speakers: fking dead cockroach at the front door and none of the staff bothered to remove it, unhygienic kitchen staff, no gloves food was mid and overpriced for what it is大家見字避雷 等登寫夠字可以留個難食emoji😂
繼續閱讀
d菜式得個樣睇上去似泰國菜，一食落去個味道真係一頭霧水。。。1. 冬陰功完全無酸2. 豬頸肉食落去個味完全唔對路（唔識形容係咩味）3. 菜包肉d肉真係好淡4. 炒通菜叫正路d有味，但係又完全唔係平時食開嗰種泰式，感覺似中式間鋪唔知點解好多鬼佬，呢間嘢係咪得鬼佬先識欣賞。服務基本上等於無，本身覺得呢d餐廳無咩服務正常啦，但係睇真d個價錢喋喋餸都唔平，疑似中式炒通菜都要$88，究竟貴係邊度。最後付款話要收現金，但明明貼著話收visa/master，但我無現金，跟著佢就俾我碌卡，但係話部機有問題有時會收兩次錢所以先收現金，但係佢係用緊Kpay，我真係從來未聽過Kpa有呢個問題。總結，呢間嘢可以生存到真係奇蹟，可能係靠d外國遊客賺錢，本地人好似我咁傻傻地先走入去。
繼續閱讀
您可能會有興趣的...