飯意主題餐廳 (已結業)

今日去左深水埗飯意，其實上網搵既，因為想飲酥皮忌廉湯。差唔多4點幾去食下午茶，唔算好多人，所以坐得舒服。叫左個雞翼配西多士$22，雞翼肉質嫩滑，煎得香之餘加埋D椒鹽更加惹味。🥪大雞脾配薯條$32，雞脾好嫩滑，隔離個個讚不絕口。🍗凍薄荷朱古力 加$4 比較甜左D凍朱古力 加$2 🥤酥皮忌廉湯$28其實唔係好多地方有酥皮湯。望落去燶燶地，但好吸引。🍞熱辣辣酥皮湯，個酥皮焗得好香好脆，入面以為係得湯，原來有好多海鮮，青口、蝦、煙肉。估唔到個底有甘多材料。🥐

飯意招牌菜應該是芝士，芝士熔岩飯和芝士鐵板飯吧，所以平時下午茶都沒想起這裡。今天路過看到下午茶menu原來很多選擇，也不一定要芝士。香辣米米腸熱狗配炸薯條一上枱我們已經嘩，好豐富的熱狗，米米腸沒有很辣，好像真的有飯在裡面，幾好味+$8 配迷你蕃茄湯飯香煎煙肉芝士辛辣麵以為香煎煙肉是脆的，原來不是，可能因為浸在湯裡？感覺像鴨胸。等一等芝士溶了才開始吃，滿足芝士控下午茶連飲品不用$40有這樣的質素，難怪差不多五點仍然滿座呢

到店既時間係18:30，唔算太多人，已經有位。佢做緊3週年優惠，要叫個主食之後先可以任叫小食。真心便宜，不過因為得兩個人，所以唔叫，唔想浪費食物!芝士熔岩蛋飯: 味道一般，芝士做到拉絲效果，價錢HKD 55，老實說真係好普通，價錢又唔算便宜!芝士抄年糕: 如圖所見，蛋係無味既普通蛋，年糕好林同埋無味的，只係靠個芝士做到拉絲，但價錢都HKD 55比飯貴兩元。可以不試。最期待係海鮮酥皮湯，望圖都知吸引好足料，可以比8/10分!

我每個月都會有一日過長沙灣做嘢嘅，今次我老公放咗工就陪我一齊過嚟，做完嘢都接近6點，又未食嘢，就係我哋係長沙灣行去深水埗之間，沿途見到間餐廳門口有下午茶d餐牌，一睇又幾啱食，即刻同老公入去醫肚先特大雞脾配薯條另加$8配咗3隻雞翼首先要讚嘅係雞脾，完全冇油，又唔乾，我哋估佢應該用烤焗整，真係好正好正，仲要超大隻，重點係$32，真係超值價全日早餐$31即係以$31嘅價錢食到咁豐富，物超所值嘅佢蒜蓉包同炒蛋係好食嘅呢個加$8，菜同胡麻汁都正嘅，不過略嫌太多粟米粒，可能我上面個全日早餐都有粟米粒所影響跟餐普通凍飲加$2，特色飲品都係加$4特濃薄荷朱古力，真係超特濃，薄荷朱古力味好香如果唔鍾意特濃嘅可能會覺得苦，但大愛朱古力嘅人就會覺得好好飲芒果乳酪，又係好好飲，芒果味同乳酪味道都好濃郁，但濃得嚟又唔算話好甜嗰隻，仲有輕微芒果粒因為我哋成6點前到，已經係下午茶尾聲，之後就見到有晚餐餐牌好似好吸引，下個月再過嚟做嘢要食下先感覺這間餐廳似係小本經營嘅小店，但眼見佢材料成本同價錢好唔成正比，其實講真咁嘅質素食物唔應該收咁平價錢，雖然我作為消費者食到d又平又正嘅真心覺得物超所值，但同時會擔心食店點樣做到

之前同屋企人食飯，問我有咩餐廳提議，我自己試過哩間覺得幾好食，就帶屋企人去食下，以前初初開業人龍都幾長，要食起碼排隊等1小時，依家真係少左人食，大概等3張枱就到我們，坐低之後就由我發板點order，點左個芝士岩漿飯，因為有場show睇，店員會將d配料放晒落d飯到，再全部炒起，味道唔差，不過就冇餸，之後再點烏冬，哩個好食，烏冬吸晒湯汁，仲有小食拼盤，賣相好豐富好似咩都有咁，而且都幾好食。店內比較窄，基本上要搭枱。以韓國菜黎講，價錢都算唔貴。

平時我食開旺角嗰間飯意，有次經過深水埗都見到分店，又想平平地可以飽肚，就入左去啦。其實飯意俾我既印象係油無論係啲餸，定係地下，都可以油淋淋😂😂果然不出我所料，深埗呢間個地下都係油到爆，可以"扇"住行😂枱面唔洗講，仲有上一手既汁，餐具啦喎，你唔自己洗下清潔下就食人口水尾架啦今次我叫左碎芝士煎雞扒卡邦尼意大利飯，個飯幾好食，雖然我覺得啲飯軟身左少少，但都有意大利飯既感覺，個卡邦尼汁好味，撈飯一流，塊雞扒我只係食左一半，因為都幾鞋下😂適逢飯意慶祝緊開鋪3周年，我地仲叫左啲小食，有2蚊一隻既雞翼+唔記得3定4蚊既炸帶子，同埋黑椒汁一口牛。雞翼可以話係伏食落有色無味，又細隻，幾個口味食落分別唔大，不過過下口癮2蚊一隻真係抵，帶子都唔好expect會食得出鮮味😂😂。牛粒就正正常常，細細粒半口份量，但個鐵板夠熱，黑椒蒜汁夠香濃，食落好香口~

之前搭車經過，見呢度經常排隊，今日有機會，一於嚟試下。吉列鱈魚柳蛋包飯 $43 （薯格+$5）飯只係微暖。魚柳係供應商做好交嚟嘅製成品，類似茶餐廳早餐嘅炸魚柳。正方形一塊嗰款。而且並不是即叫即炸。茄汁係用大量茄膏加調味煮的。一塊蕃茄都無。(我原本係叫咖哩汁，但嚟錯咗茄汁。)雞蛋正常。伴碟嗰啲沙律係卡X奇妙醬撈罐頭食物。意式香辣雞肉丸意大利粉 $45個醬汁嘅底味同上面個蛋包飯嘅蕃茄汁係一樣。他們標榜係手作意粉。唔講我以為食緊烏冬。售價同食材掛鉤，可以理解。但唔一定同質素掛鉤。

這間我耐不耐都會幫襯一次，既然做回頭客，即係食物都唔算差，主要做韓式食品，價錢平民，岩漿飯我覺得只屬一般，我通常會點烏冬，配咩餸都無所謂，另外再加個小食拼盤，食物種類多，可以滿足我咩都想食d既心態。

好耐無食過蛋包飯啦！沉悶嘅星期二早咗放工，6點幾就到咗深水埗，今次揀咗「飯意」- 好耐之前喺到食過lunch set 蛋包飯，感覺唔錯，所以再來。去到唔洗等位就入咗去。嗰陣時我哋係全場唯一嘅一枱客，感覺好似包咗場。一坐低就被貼喺牆嘅呢張 熔岩蛋漿飯吸引！之後再叫咗個蛋包飯回味吓，見到menu 推介燒春雞蛋包飯，就叫咗哩款。咁啱有個3 週年優惠，當然要叫番幾個平嘢食啦。（如果叫咗dinner set 就無得叫哩個）1）爆芝鮮味鰻魚熔岩蛋漿飯首先店員放咗兩碗裝住黃嘢喺你枱面-芝士粒&蛋漿（原本以為係芝士汁）到個飯上枱時，店員會即刻將嗰兩碗材料加入鐵板一齊炒，整嗰時真係勁香！個飯好重芝士味，可以拉到少少芝士絲。本身碟飯會有蝦，但店員話嗰日無晒蝦，所以會俾多啲鰻魚代替。食嘅時候的確係啖啖咬到鰻魚，芝士味為主，如果碟飯多少少燒鰻魚汁就好嚕。比較驚喜係個飯放耐咗竟然好食咗，雖然凍咗，但會有金黃色飯焦，多咗個脆脆口感，仲好食咗！2）香草燒春雞蛋包飯見到menu 有推介logo ,但泥到見到實物後好失望。-餸同蛋包飯係分開上！個咖喱汁好杰&份量唔夠撈飯，似食緊一碗好淡嘅滑蛋白飯-燒雞嘅肉質好梅-碟邊嘅

小食:超平小食任加雞翼$2隻，有蜜糖，香矛同香草三隻味芝士豆腐粒一般，但量多雞脾蛋包飯:雞脾真超大，仲好嫩蛋嫩滑，飯夠多鐵板飯:同pepper lunch差唔多加配料都唔算貴

呢間係我經常黎嘅舖頭 佢旺角都有分店 但因為深水埗分店不用等位 所以大多數都黎呢間入到去佢放低咗main menu 同3周年menu 雞翼$2一隻 有香茅味，蜜糖味同香草味。我鐘意食蜜糖味多d 因為夠哂juicy 相對另外2隻味焗得有點乾身

bad service they stop taking orders over one hour before closing time. people are rude inside. think twice before coming in this place

上「嘉頓山」影完夜景，原本打算到嘉頓嘉頓餐廳吃晚餐，三人行可惜只得兩個位，於是行行吓行到飯意主題餐廳，又咁啱有位，於是作不二之選，原來都好彩.....全廳滿座！要咗招牌特級西冷鐵板飯，加$21全面升級，包括蒜蓉包一客、柚子芝麻沙律和特色飲品。暖笠笠蒜蓉包、柚子芝麻沙律都唔錯，不過都食唔柚子喎？！$61西冷鐵板飯再加$5薯格，有半吋厚的牛扒有肉味，鐵板飯熱騰騰好味道！$39鹽燒原集魷魚，不錯！朋友的日式咖喱意大利麵伴吉烈豬扒，我沒有分享。特色餐飲凍薄荷朱古力，薄荷不重好飲。朋友的加$9特色餐飲凍青蘋果綠茶，佢話太甜了！今晚不餓，所以三人兩份餐。

今次自己來吃晚餐！話說之前喺Facebook已經見到有個芝士飯好吸引好想食！今次終於忍唔住要試吓啦芝士鰻魚鐵鍋飯！去相！首先佢會放咗啲蛋同埋芝士係枱面，等到個飯完成左嚟到嘅時候就會有員工幫我到埋啲芝士同蛋落去一次過撈撈撈！冇錯就係個員工係我前面完成左....所以影相淨係影到個完成品睇落去就唔係咁美觀。不過食落口好好味呀好正好芝士好鍾意食到我舔舔脷值得推介下次可以再食然後叫咗一杯朱古力飲落去好好味好甜！呢間餐廳真係抵讚：）員工冇咩特別啦，態度友善！環境錯落去都唔差嘅，細細地咁晚餐時間多幾多人流加埋嘢飲都係＄73，正常價錢

飯意一向係頹食食堂，咁岩諗住入去頹食，就見佢地新推街坊3週年成本價優惠，只要每人有消費一個餐，就可以無限加小食！雞翼都係＄2一隻，真心抵！🤑🤑🤑.1. 蒲燒珍寶鰻魚蛋包飯(照燒汁)（＄88)分開左一碟鰻魚同一配蛋包飯上，分量足以兩個細食女仔一齊食！鰻魚都夠厚實，肉質可以，但燒汁就唔夠香🤘🏻，有少少偏鹹，但送飯就唔錯！彤樂評分：7.5/10.2. 芝士薯餅．雞扒煙肉咖喱飯（＄46)依個可以話係彤彤每次頹食必叫，邪惡芝士加上薯餅本身已經好吸引，仲有大塊厚雞扒同兩塊長煙肉，仲有咖喱加薯仔送飯，性價比超高！😍👍🏻彤樂評分：9/10.3. 香煎漢堡蛋包飯（＄49)有少少失望，岩岩新開黎食時，漢堡又厚又大塊，而家都厚，但同以前差得遠😣又冇以前煎得咁香🙁彤樂評分：7.5/10.4. 香草雞翼＋蜜糖雞翼（＄2/1P）＋鹽酥雞球（＄3/1P）以＄2／＄3黎算OK啦，香草可以，不過蜜糖味真心冇，雞球唔香脆☹️彤樂評分：5/10.5. 印度烤餅配咖喱汁（＄5/1P）明顯係超市買薄餅，不過食成本價，仲有咖喱汁送算可以嘅😂彤樂評分：6.5/10.6. 鐵板燒鹽豆腐粒芝士醬（＄25)�唔點芝士醬真係完全冇味，完全食