餃掂手工餃子雲吞專門店

呢間餃子店都有好多分店，本身公司附近都有一間，不過每次午飯時間都一定大排長龍，今晚難得嚟到上環附近又見到佢冇人排，於是就入左去食，不過都係要搭枱，睇嚟呢間餃子店都似乎幾好食咁。眼見大部分嘅客人都食湯餃，不過我本人比較喜歡食煎餃，於是就叫左香煎芝心餃10隻再加一碗狀元九鼎湯。芝心餃煎得好香脆但又唔會太油膩，入面有滿滿嘅芝士同粟米，一啖一滿足，佢嘅芝士好好食，值得一讚！！不過湯就比較淡味，而且冇湯料，感覺好一般。

星期六有事到上環，想吃煎餃就試吓呢間「餃掂」，兩個人叫了兩款煎餃、一碗湯、一支雪梨水，分量剛好。香煎軟心芝士餃（7隻，$58）有粟米粒，少少甜味加芝士咸香，幾特別，可以一試。壽喜燒牛肉煎餃（7隻，$58）牛肉有肉汁，壽喜燒調味很好吃，幾有特色，兩款我比較喜歡這款。狀元九鼎湯（$22/碗）見係去濕湯先叫，粉葛味淡，魚略腥，不推薦。自家制山楂雪梨水（$28/細支）店員自動拿2個杯，加分！細支足夠2人分，味道唔錯，推薦！除咗主角煎餃之外，佢嘅菜脯辣椒醬亦都係必試！我本身唔係食得辣，但係呢個真係好惹味只係小小辣，正！仲有酸蘿蔔都好好味！這家是連鎖店，味道唔錯，如果路過其他分店應該會再去食煎餃的。

一直有食呢個品牌，經過上環買個外賣湯餃，晚上7點，個湯水一樣！超失望，差到唔會有下次。無湯就唔好溝水啦，佰幾蚊買個滾水餃，衰過出面啲例水，我會介紹比朋友，千祈唔好食呢間。

聽講呢間野D餃真係好正，今日終於有機會試到。我地二人同行，叫了一份至尊松茸餃，中Size，要了煎餃唔放湯，另一份就點了大Size的元貝拼芫茜餃，一共盛惠$155，個價錢都幾堅。煎至尊松茸餃一份就有8粒，Size都算大粒，塊餃皮煎得啱啱好，少少燶但係又唔會Over晒黑晒，其實佢真係煎得幾靚，而煎咗又真係幾香，都食到有松茸味。大碗的湯餃目測有10粒，食完都米話唔飽，D餃入面嘅餡都幾新鮮，雖然貴就貴D，不過佢嘅質素真係唔錯。

今日經過上環, 發現咗有一間專食餃子嘅餐廳.佢有好多種餃子可以揀, 可以湯上或者煎餃.聽講煎餃好食啲, 所以我就揀咗煎餃, 煎餃就比湯上貴幾蚊.寫住如果嗌煎餃就因為係即煎, 要等20分鐘, 為左好食, 我都可以等一陣的.不過結果都唔使等20分鐘就有得食！我問店員邊隻比較受歡迎, 佢介紹咗韮菜餃, 所以我就跟佢嗌咗10隻, $61.佢煎得外脆內軟, 熱辣辣, 滿滿的餡料, 一咬d汁噴到周圍都係, 嚇左一跳, 都幾好食.但我食7隻(小份量)應該夠了, 因為10隻好飽. 好彩早到左, 我食完見外面好多人排隊.

位於上環嘅餃掂手工餃子雲吞專門店，以精緻手工打造嘅餃子聞名。餐廳環境舒適，令食客感受家的溫馨~龍鳳松茸煎雙餃係必試之選，內餡加入黑白松露，香氣好撲鼻。煎餃外皮金黃酥脆，但又唔會太油膩，保持咗內餡嘅鮮味。雖然價錢比其他餃子高少少，但松露嘅豐富用量，呢個價錢都絕對值得。韭菜豬肉餃同樣出色，韭菜新鮮嫩綠，與豬肉完美結合，味道濃郁，令人食完仲想再食～同樣都係煎餃外皮同樣都係好酥脆，亦令內餡保持到juicy四川涼皮係一大驚喜，涼皮大塊且掛滿濃郁醬汁，口感軟滑，麻香辛辣嘅調味恰到好處飲品方面，蜂蜜檸檬薏米水提供咗清新滋潤嘅感覺，去濕效果佳，係膳食嘅完美配搭總結一下，餃掂用料好講究，份量亦都好大方，$80內可以係中上環食到咁豐富，性價比高，值得Encore~

自從食過佢哋銅鑼灣分店，諗起餃子都有佢哋份，今日經過上圍見到有再去食過，見到其實佢都有啲新嘢係未試過嘅。壽喜燒牛肉煎餃($58): 可能因為壽喜燒嘅字太吸引，但係食落去其實食唔到我自己諗住壽喜燒嘅味道，就係甜甜地嘅牛肉味，反而覺得似就咁普通嘅搞，唔算太驚喜。龍鳳松茸雙煎餃($98): 呢個上次都食過嘅，但係就記得好似黑松露嘅味道比較突出，但係今次白松露都幾搶味，不過今次嘅擺盆就食到最後先知道邊一啲係黑松露邊一啲係白松露餃。四川涼麵($31): 呢個反而有驚喜，成個感覺好消暑，而且碟底嘅醬油唔會好搶味，加少少麻醬嘅話夏天食就一流啦！ 日本龍鳳蛋一隻($18): 本身都有猶豫過嗌唔嗌，因為好似純粹係糖心蛋加黑松露或者白松露醬，但係都試咗一隻。竟然出奇地好食，除咗糖心蛋做得出色之外，原來佢仲係好似澛咗一排嘅蛋，所以蛋本身已經好入味，加上黑松露白松露醬成件事好新鮮！ 飲品方便好似上次咁都係嗌咗山楂雪梨水同埋檸檬薏米水($20@)。總結：呢一間嘅餃子其實都真係食得過，真係做到皮薄餡靚，而且除咗餃子之餘佢嘅配菜或者小食都做得幾好，絕對會再嚟過！

約咗好朋友聚會，大家去完旅行返嚟都想食得健康啲，就試吓呢間手工餃子專門店，睇吓係咪真係咁「餃掂」🥟🤭😆我哋叫咗兩款餃子，第一款係8隻龍鳳松茸雙湯餃，入面充滿松茸，皮薄又饀靚👍🏻 佢跟埋碗狀元九鼎湯，超好飲。原來材料有粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗、鮮排骨，唔怪之得飲完唔覺有味精，真材實料🍲第二款餃子係7隻元貝豬肉餃，今次餃子係浸喺狀元九鼎湯入面，餃子入面充滿元貝同豬肉，浸住湯有滋潤嘅台感覺🥟小食方面，我哋叫咗一碟日本龍鳳蛋配黑白松露醬，賣相好吸引又惹味🤩🥚🥚 另外，我哋仲叫咗5隻蜜餞雞翼，肉質嫩滑又入味🍗飲品我哋叫咗熱豆漿同熱山楂雪梨水，兩杯都大大杯、又唔會太甜，好滋潤呀🥛🍐

餃餃掂手工餃子雲吞專門店 =======為了無味精低鹽老火湯，所以我經常來吃餃子，上環算是新開，不用行上半山，慳了腳骨力。狀元九鼎湯健康滋潤，粉葛、鯽魚、鯪魚、鮮排骨，扁豆，清熱去濕龍鳳松茸雙灼餃$92 8隻，跟湯有黑白松露龍鳳松茸雙灼餃，真材實料，餃皮薄透，中間的餡料飽滿豐富。大白菜豬肉湯餃10隻 $57 菜及豬肉，菜比例剛好，肉又唔會太肥，健康，皮薄透光最愛！日本龍鳳蛋$18 隻流心蛋，蛋黃味濃郁蜜餞雞翼 食入口是偏甜的蜜糖甜，煮到入味軟腍。

至尊松茸煎餃外皮煎得非常香脆， 肉餡嘅調味適中， 咬落去每一啖都見到清晰嘅松茸菇， 肉餡不算油膩非常容易入口，食多幾嚿都唔會膩韭菜豬肉餃子麵韮菜餃子外皮實淨， 唔會煮到爛曬， 韮菜餃入邊肉餡淡淡肉， 非常唔錯， 而且面質一流， 份量都好大夠飽四川涼皮呢個都算有驚喜， 我哋叫咗中辣味道非常唔錯， 熱天嘅時候食呢個 解暑得嚟又有辣味嘅刺激感上湯松茸時蔬用咗松茸湯底去煮， 啲菜都有松茸菇嘅味道， 值得一時山楂雪梨水夏天消暑 良品， 而且份量極大杯兩個人飲都夠

今次去左上環搵食，見到餃子店裝修唔錯，咁我就問身旁教會既姊妹食呢間好唔好啦～咁她都ok既同時就行左入去啦～ 最驚喜既唔係間店好食，而係教會姊妹請食，唔駛我埋單🤗真係恩典滿滿❤️咁2個坐底食咩好呢？我地商量好之後就叫左雲耳椰菜煎餃(事實上煎得好靚，不過味道就無特別), 四川涼皮(呢個係睇到對面姐姐食，她話好食所以跟嗌既，不過我就覺得一般), 重慶鮮肉雲吞(呢個我以為係有重慶味，但都是普通貨色), 蜜餞雞翅(呢個反而有蜜汁味係我心目中係最好食既)，狀元九鼎湯(圖片係好靚靚湯料)而事實上係淡到水咁既湯 咁今次睇黎都幾多野食，埋單174，多謝老闆教會既姊妹請食👍👍整體食物味道50分啦～

上星期二，偶然發現了喱間位於港島的餃子店。一入門就注意到店內坐左一台外國客人，於是同朋友兩個毫不猶豫就入去試下喱間餃子店。元貝豬肉煎餃外皮酥脆，內裡豐富湯汁，元貝與豬肉加埋一齊口感唔錯，食得出有元貝肉，肉汁鮮美。四川涼皮口感微辣清爽，重蒜香味，如果鐘意食酸辣口味既朋友應該要叫喱個菜式龍鳳松茸雙湯餃龍鳳松茸雙湯餃係店家推介，我簡左湯餃，湯餃外皮比較煙韌，松茸的香氣特別，同內餡重疊有陣清甜既獨特味道，層次豐富。蜂蜜檸檬薏米水清爽微甜，係減肥人士既健康之選。價錢合理，餃子特別又大隻，係快靚正之選。

久違再去食呢間餃子店嘅另一間分店, 試左新野, 都仲係好滿意😋香煎軟心芝士餃必點香煎軟心芝士餃！口感味道都好有驚喜, 首先外皮煎到熱辣辣好香脆, 咬開入面芝士餡勁rich, 芝士味濃, 同肉嘅ratio balance得岩岩好唔會好漏, 呢個combination新穎得離好好味🥹龍鳳松茸雙湯餃然後點左signature嘅龍鳳松茸雙湯餃, 跟狀元九鼎湯, 龍鳳松茸係指黑白松茸, 餃子皮薄而餡都好足料, 配埋湯一齊食可以令到松茸味更加幾出, 超級juicy壽喜燒牛肉餃第三款係壽喜燒牛肉餃, 真係咬落啖啖都係肉, 同埋留意到牛肉餡係keep到好粉嫩嘅顏色, 肉質一啲都唔韌, 有輕微嘅壽喜燒味~上湯松茸時蔬點左份上湯松茸時蔬balance下, 吸收番啲纖維, 上湯味道比較清淡, 而菜心都鮮甜, 正常發揮唔會過淋自家製山楂雪梨水最後飲品點左自家製山楂雪梨水, 用左好多材料整出離, 包括山楂片、雪梨、甘草、麥芽、冰糖等, 都係天然都幾健康, 味道酸酸甜甜非常開胃, 仲可以解渴👍🏻

😬麻辣涼皮，價錢嚟講真係非常抵食，份量都幾大份，所以我哋覺得呢一個價錢嚟講真係冇得輸，$33，整體嘅味道都非常好，麻麻哋酸酸地，而且我哋覺得個味道都唔合我哋預期嘅口味，非常開胃，而且口感都幾特別，我同朋友都非常鍾意！😬龍鳳蛋，$18，味道來講都非常好食，餐廳係用咗黑松露同埋白松露嘅醬放喺日本雞蛋上邊，雞蛋嘅狀態係流心，再加埋黑松露白松露嘅醬，成個味道非常出色，有少少高級中菜的味道，整體嚟講我覺得都可以，鍾意食雞蛋嘅朋友都可以試一試呢一個特別嘅配搭，我覺得都可以試吓！😬香煎軟心芝士餃，我哋就叫咗10隻，$69，整體我覺得都出色，芝士加豬肉嘅配搭其實都幾好食，而且佢嘅餃子每一隻都非常大隻，大大隻非常飽滿，食幾隻都非常飽，再加埋餐廳嘅醋，食落去非常好食，而且每一隻煎餃都做得非常好，個邊微微燶，更加香口同埋好食！😬元貝餃，呢一個餃子我哋都叫左10隻，$64，不過呢一種我哋就用湯嘅形式，未到嚟講我哋都會覺得非常夾，而且每一隻餃子入邊都有新鮮嘅元貝，未到嚟講都非常高級，而且口感都非常好！每一隻都非常juicy! 😬山楂雪梨水，呢一個天氣一定要飲一啲消暑嘅飲品呢一杯山楂水你係水就正正幫到手，餐廳係自

龍鳳松茸雙灼餃這道龍鳳松茸雙灼餃絕對能夠征服挑剔的味蕾。外皮恰到好處的Q彈,內餡鮮美多汁,松茸香氣迷人。餃子既不油膩也不過於飽滿,入口即化,讓人忍不住一口接一口。香煎軟心芝士餃煎餃這道香煎軟心芝士餃煎餃堪稱完美的組合。薄脆的外皮經過精心煎製,散發出陣陣誘人的香氣,咬下去內餡的軟滑綿密的芝士餡料頓時在口中爆開,濃郁醇厚的奶香令人難忘。簡單的烹飪方式,卻呈現出如此出色的口感和風味,值得一試。芫茜餃這道芫茜餃雖然材料簡單,但味道卻非常出色。餃子皮 Q滑有勁,餡料多汁,充滿著新鮮芫茜的清香。作為一道簡單的素餃,它絕對能夠滿足挑剔的味蕾,絕對是不容錯過的美食。山楂雪梨水這款山楂雪梨水清新爽口,既不過於甜膩也沒有太酸澀的味道,恰到好處的清涼感和香甜感讓人一飲而盡。山楂的微酸和雪梨的清甜完美融合,回味悠長。這樣的飲品不僅可以作為消暑解渴的佳品,搭配各種主食或甜品也是絕配。蜜檸薏米水這款蜜檸薏米水別具韻味。薏米的Q韌,檸檬的爽口,蜂蜜的甜香,三者配合恰到好處,層次豐富,口感清新。