餃里 (悅湖商場) (裝修中)

作為一個餃子🥟控同小吃貨嘅我～當然會周圍去搵餃食啦☺️今次去咗一間叫”餃里”嘅餃子店😃外賣d餃子🥟番屋企食😌店舖裝修都幾唔錯☺️有一種小清新感覺😛仲有有啲一係feel^^ hehe 呢間餃子🥟店有好多唔同口味餃子😋有韮菜、香荽、椰菜、芝士粟米🌽、紫菜、泡鮮肉菜、素餃等…..仲可揀湯餃同煎餃😍😍😍個湯仲要係😜🥥🐖🦴🐔🥣（椰子豬骨雞湯）見到已經覺得好好飲😚😚😚仲有自家製菜脯買🤤🤤🤤我叫左一打生香荽鮮肉餃子🥟打算肚餓果時可以煮嚟食🥰店主好細心🤓佢有一張單係有教點煮餃子🥟要俾個like 佢🤗仲有分別叫左9隻煎餃🤤有紫菜、芝士鮮肉味、素餃另外仲叫左9隻香荽鮮肉、各3隻韮菜同、芹菜鮮肉餃……另外仲用換購咗菜脯d煎餃煎到金黃色😮外脆內就好足料🤤令我最驚喜係芝士粟米餃子😲係可以拉到絲架😲😲😲oh my god^^素餃都唔錯🤗入面包好多不同種類嘅菜😮係健康之選😻湯餃都好好味😻個湯底好足料😽好香好椰子豬骨味✊🏻而我最鍾意食香荽鮮肉餃👍好有芫茜味👏韮菜都唔錯勁多韮菜味～而且大大隻～又足料🤘🏻今日食咗咁多餃子🥟好滿足🤛🏽

o係ig見到呢間餃子店好似好正咁幾個朋友食過都話物超所值於是趁放假 揸車去屯門碼頭買黎過下癮順便去海濱行下吹下海風放鬆下 去到既時候都唔少人買餃同埋等外賣仲要有幾款餃都賣曬睇黎呢道生意好好 拿拿聲落單 叫左香荽鮮肉餃 芝士粟米鮮肉餃仲有紫菜鮮肉餃全部都要煎既貪佢夠香口 因為呢間店係即叫即煎所以要等大約五分鐘等既同時可以入去商場行下睇下野 拎到之後 急不及待開黎食一打開 熱辣辣 餃香飄曬出黎全部餃都好足料 脹卜卜 首先試既係紫菜餃豬肉唔太肥但又唔會瘦到鞋口紫菜量足食完唔會口渴似乎冇落味精真係高度推介 而我作為一個茜控當然要試下芫荽餃咬落去 茜味爆發肉感更重食完一隻又一隻真係停唔到 芝士粟米餃係買比呀仔食既咬開有滿滿既芝左呀仔食完第二日又叫我去買 咁既價錢咁既質素好滿意呀

行過見到呢間餃子小店有超多街坊排隊買嘢食，仲要有兩款餃已經賣晒，所以決定買一啲今晚加餸。店舖雖小，但入面有好幾個職員不停手咁樣包餃子煮餃子，隻隻餃子都係即日人手包，保證新鮮。店舖有得揀買生餃或者熟餃，肚餓仲有得叫麵食。今次我揀左生餃買反屋企自己煮黎食，揀左韮菜餃、泡菜餃和咖哩餃三款，三款我都用煎去整，舖頭仲好貼心，俾埋張教學你教埋你返屋企點樣煮或者煎。😝😝餃子隻隻都超大隻，脹卜卜，未食都知裏面包咗好多餡料。餃子皮唔會換太厚，煎完唔會好易爛曬，而食落超足料，韮菜餃入面好多汁，一咬d肉汁直頭留出黎。而泡菜餃入面勁多泡菜，酸酸辣辣，好惹味。咖哩餃都食到入面有好多咖哩香料，小小辣。三款餃子都因為好足味，就咁煎完就咁食就已經好夠，連額外加調味料都唔洗就好夠味，非常好食。😍一間係屋苑小店食到好高水準餃子，食得出店舖用心製作，下次都會再去試，今次可能太晏去到，有款想食嘅餃子已經賣曬，下次仲會試埋店舖嘅湯餃，舖頭話佢地嘅湯都係真材實料唔落味精，令人好心動要再去試下。💖🪧餃里 (屯門)屯門湖秀街2號悅湖山莊商場地下51-52號舖

今日去左屯門探朋友，佢介紹咗間手工餃子小店俾我姨姨們現場仲包緊啲新鮮餃子朋友極力好評，所以我都決定買返3打先每粒餃子都好平均，而且非常大隻餃子皮完全唔厚，厚薄適中，唔會容易穿！食嘅時候Q彈有勁度椰菜鮮肉餃餃子餡嘅比例好岩我7分菜、3分肉！椰菜好鮮甜爽口重點係唔會食到肥豬肉泡菜鮮肉餃平時我好鍾意食泡菜的，但用黎做餃子又唔太岩我口味味道比較濃，中間嘅餡比較淋，食唔到肉嘅質感！韮菜鮮肉餃韮菜份量一啲都唔少勁香芫荽鮮肉餃岩哂芫荽控呀芫荽味超級香，完全唔吝嗇真係100%推介清新素餃呢個素餃嘅材料好豐富粟米、紅蘿蔔、冬菇、馬蹄、雲耳！食嘅時候好有口感味道又夠refreshing仲有自家辣菜脯添

端午節假期～今次入了屯門探朋友，沿路被這間日式簡約裝修的餃子店吸引著，入面有幾位姐姐努力地包餃子，眼見粒粒也脹卜卜，肥嘟嘟的造型，外觀超級吸引呀！決定買幾盒生餃上朋友屋企加餸先🤤這次選擇了5款生餃，睇外型粒粒都好正，細心的小店還附上餃子煮法，我們也分別用了煎同湯煮，試試不同食法💛而且店員人很好，給了自家秘製菜脯我們，用來餸餃子一流！排名第一位有芝士粟米🌽湯同煎的煮法同樣出色，第一口咬下去，已感到滿滿芝士爆出，加上絕配的粟米粒粒，和豬肉碎，滿分的芝士餃，很推薦呢٩(ˊᗜˋ*)و-第二位有椰菜鮮肉餃，椰菜很新鮮甜甜的味道，清甜健康美味感覺♥-第三位芹菜鮮肉餃，粒粒芹菜很爽口🤤🤤-另外香茜和韮菜也很出色♫每食一口也感到滿足感的美味餃子🥟他們也有直接煮好的餃子買的，來屯門一定要來試試用心、溫暖的餃子店🏠🧡

屯門既餃子店少之又少，想搵間出色啲嘅代表到屯門嘅都難，每次只可以走出去試下人地既野，難得屋企附近開咗間新嘅餃子店一於就試試佢啦，開嘅位置大家都可能要搵一搵唔熟路嘅就開下Google map 啦以間小店只係外賣🥡但同時您亦都可以買生餃番去自己整，但係呢就會小左佢地自己煲既椰子豬骨雞湯啦，因為佢地湯餃係配埋既今次我就試咗佢哋嘅湯餃同煎餃。-椰菜鮮肉餃 $36@6 以係一款好常見既口味，口味比較清淡，唔太特別芝士粟米鮮肉餃 $46@6 以一款我揀左煎，煎係應該最好既配搭，香口得尼所有份量做得相當唔錯，芝士食太多會有小小滯，但加左佢地既柚子醬油唔錯整體來講以間小店係唔錯嘅，夠大粒夠足料，同埋最緊要佢地有素食既餃子🥟，岩曬初一十五諗唔到食咩既朋友，姐係我

平時超市嗰啲冰鮮餃子跟本唔係餃子，新鮮包嗰啲先係，今日行過見到餃里，見到可以買返屋企度自己煮，咁就少少地買返幾廿件，返到屋企慢慢炮製。好，睇吓有咩好食先。椰菜鮮肉餃，傳統包餃子，皮薄餡靚，用料新鮮，椰菜咬落爽脆，調味恰到好處，唔錯！芝士粟米鮮肉餃，就咁粟米餃就食得多，加埋芝士就少見，攞去煎真係一流，煎完芝士會流心，粟米又爽口，正！泡菜鮮肉餃，塊皮真係好薄，入面嘅泡菜餡透出鮮紅色嘅光澤，咬落去喀喀聲，味道方面就有泡菜嘅微酸，咸咸地咁。

放工見天氣炎熱，唔想入廚房煮飯，於是便來到呢間餃里，目測都幾多街坊幫襯，餃子係即叫即煮同煎，要等15分鐘左右，拎上手果然熱辣辣。香荽鮮肉餃6隻$36 +$8湯麵:湯餃好飽滿，芫茜好足料，食落味道夠清新!係豬骨雞湯底，無味精。而我鐘意加少少辣菜脯，食落會生色不少﹗麵條係粗身，顯彈牙！煎泡菜鮮肉餃/咖喱鮮肉 6隻$44:香脆惹味，泡菜味酸辣開胃，咖喱味香濃惹味點少少柚子醋清新，可以去除膩感﹗小辣餃里撈麵$15:好多辣菜脯既撈麵，香口味濃~另外仲叫左一打生餃混韭菜/椰菜餃$46，包裝精美，仲有埋單張教烹煮既方法，清楚明瞭。

屯門碼頭附近美味餃子店有時夏天太熱真係唔會好想食飯 食下湯餃子 煎餃子 有啲新意思 好味又健康 鋪頭細細間但係超好生意因為真係幾正 餃子大大粒真材實料仲有好多唔同口味可以選擇韭菜椰菜 呢啲大家都喜愛嘅餃子款一定有啦 但特別在 泡菜餃子 紫菜餃子 咖哩餃子都有仲有素餃！ 外賣幾盒返屋企隨時食都得送咗菜脯 同餃子一齊食正正 店舖特登提供在烹調方法 夜晚就跟住放湯煮咗韭菜同埋紫菜餃仲有煎芝士粟米餃 泡菜餃子最鍾意食泡菜餃子煎到香口 入面好香泡菜味有機會大家都trytry

認真說我幫襯這間·餃里·都十幾次,今次第一次寫食評,因希望舖頭可以keep番以往水準~餃子份量依然大大件·夠飽肚,而餡料菜肉比例分配得好,椰子雞湯保持到鮮甜味道·及湯溫度適中·不錯~但可惜最近幾次我叫外賣回家,食佢地的餃子·餃子面層的餃皮無以往好食,層皮浸湯一陣後已呈粉糊狀,食落口感像槳糊狀·破壞了整隻餃子口感,同以往滑溜口感差很遠,所以這幾次我也有吃剩好的餃子,希望店主能正視此part,否則好端端一隻味道十足的餃子會被層皮拖垮!其他方面職員態度·，依舊有禮貌,而經app落單也如時造好出品給客人·順帶一提此店不設堂食,衹做外賣及有生餃子出售·

入黎屯門探朋友，突然提議食餃子，朋友推介我黎呢度，話呢度啲餃子有水準，於是特登渣架車入黎買外賣。呢度可以自由選擇單拼雙拼，湯/煎餃子同加套餐，我地全部選晒煎餃我試左泡菜、芝士粟米、咖哩鮮肉餃。泡菜鮮肉餃幾特別，唔係好多餃子店都有，入面餡料足。中意濃郁口感既朋友推介咖哩鮮肉，入面仲加左洋蔥，好惹味。朋友就試左煎椰菜、芹菜、香荽鮮肉餃，三樣都係重香菜味道。朋友話推薦芹菜餃，芹菜份量多，而且餃子皮夠薄身，咬落仲有肉汁流出黎。

店鋪係屋苑商場地下，吸引好多街坊買外賣食。餃子餡料種類除左有菜類餃，仲有新穎選擇添，如紫菜、咖哩等，價錢親民。當日5點半左右到，已經好多人排隊等緊外賣，大約10mins就拎得。叫左9隻三拼自由選($54)，健康雙拼($40)，芝士粟米鮮肉餃(6隻$46)。餐牌有幾款拼餃揀，岩哂心大心細既朋友，咩都可以試下。每隻餃子都非常飽滿，餃子皮通透咁，睇顏色好易就分到餃子口味。餃子每日人手包，煎餃即叫即煎，熱辣辣，個皮煎到焦焦脆脆，好滋味。附送既醬汁、辣菜脯配餃子食，味道提升左。不得不提，個醬汁有柚子味道，酸酸地，同煎餃好夾。咖哩鮮肉餃大推，同食緊咖哩既感覺一樣，因為一咬，d咖哩汁湧出，咖哩微辣，混埋肉餡食，好juicy。而且就咁望隻餃子，已經見到深黃食。紫菜鮮肉餃既紫菜好似就黎塞爆個餃子，多餡到分3啖食。紫菜味超濃郁，帶點大海鹽味咁。泡菜鮮肉餃味道酸多辣少，煎過之後，餃子唔會好乾，帶少少焦脆口感，泡菜份量又係滿滿。芝士粟米鮮肉餃咬開之後，會拉到絲絲芝士，d粟米跟住跌落黎，尼個組合冇得輸，芝士味道突出，好香，而粟米甜甜。湯餃既湯底好好飲，清甜唔會飲完好口渴，配搭餃子食更多汁。椰菜肉餡清淡，調味唔會

👍🏻椰菜鮮肉湯餃 $36/6隻 $42/9隻椰菜唔會切到太碎，咬落好爽口，清清地食得出豬肉香😋Size都算大粒，仲好足料脹卜卜👍🏻🤤餃子皮厚薄適中，口感滑溜煙韌湯底係椰子豬骨雞湯，好香椰子味，無落味精，係住家湯feel😌😌味道：9/10性價比：9/10- 👍🏻 芝士粟米鮮肉煎餃 $46/6隻 $54/9隻芝士味好濃郁，咬開仲拉絲🤪粟米味都好香，但兩者味道比較濃，稍為蓋過左豬肉味外皮唔算脆，偏煙韌，可以煎得脆啲就好啦😛味道：8/10性價比：8/10-👍🏻 蒜蓉辣菜甫 外表睇落平平無奇但食落有驚喜🤩！菜甫混左啲蒜蓉，冇辣油浸住但都好夠辣，唔會一味得個咸字，好香😋👍🏻當小食就咁食都過癮🤣味道：9/10性價比：N/A

呢間喺湖山新開嘅餃子外賣店，我已經唔係第一次幫襯，上次經外賣APP買煮好嘅用Lunch覺得好好食，今晚一於外賣生餃返屋企打邊爐俾屋企人試吓！舖仔細細但入面都好多姐姐喺度密密手包新鮮餃子，三點幾嚟到都幾多人幫襯吓，我柯打咗三拉生餃，大概等咗5分鐘左右，都好快手！包裝好精美，啲餃一粒一格，亦落咗好粉喺盒入面，所以啲餃唔會黏埋一整，好方便處理。【椰菜鮮肉餃】呢間啲餃大大粒，全部都好飽滿，真係做到「皮薄餡靚」！啲餡亦好足料，新鮮爽甜嘅椰菜同豬肉好爽，真係餃子中實冇死嘅穩陣基本款，人人都啱食之選！【泡菜鮮肉餃】泡菜款都係店家嘅推薦，我曾經都買過急凍嘅韓國貨打邊爐，不過買過幾個牌子嘅急凍餃都十分容易散開，搞到啲餃子皮黏底好煩。但呢間啲餃完全唔會散，掂呀！泡菜餃酸酸辡辡好好食！泡菜份量都幾多，好足料！【咖喱鮮肉餃】咖哩餃嘅咖哩係港式口味，原來以為阿爸會比較鍾意傳統嘅椰菜餃，點知佢大讚呢款咖哩餃喎，哈哈！三款餃各有特別，食多啲都唔會悶。其實佢有款芝士栗米餃都超好食，不過比較適合煎嘅，今次係打邊爐都冇買到。另外，佢啲辣菜甫都相當好食，都幾辣㗎！

作為一個間唔時要去屯門做嘢嘅區外人，平時多數只係會去屯門市中心，好少會入到屯碼，今日見工作早咗少少完成，就去屯碼一帶散步兼搵食~ 睇完Openrice就發現咗呢間屋村商場入面嘅餃子店好似幾多好評咁，一於試吓呢道除咗提供傳統口味嘅餃子好似椰菜韮菜之外，仲有唔少創新嘅口味例如泡菜，芝士粟米，紫菜~ 一向鍾意食餃子嘅我，加上今次超級肚餓，一於大包圍咁叫哂自己中意嘅味首先嗌咗雙拼湯餃(紫菜，素餃) 同埋三拼煎餃(芝士粟米，泡菜，紫菜) 即時食, 之後仲買咗椰菜，韭菜餃各半打返去俾家人試下~ 一食真係喜出望外，估唔到舖頭細細，啲餃子勁高質素首先隻隻餃子大大隻，脹卜卜爆曬餡，咬落令人好有滿足感! 皮嘅厚度適中，重點係啲餡好惹味! 個人最喜歡紫菜餃，一黎比較少見，二黎隻餃多菜少肉, 紫菜味非常突出，鍾意食紫菜嘅人一定唔會失望其次我都非常欣賞泡菜餃同芝士粟米，足料又惹味，食到唔想停口~ 配埋辣菜甫真係更上一層樓! 如果黎開屯門碼頭呢一邊的話，一定要黎呢個商場揾食同試吓呢間咁用心製作嘅餃子店