餃里 (悅湖商場) (裝修中)

餃子全部都係人手製造，每隻都肥嘟嘟非常吸引！ 除咗可以外賣湯餃同煎餃，仲可以買生餃返屋企自己煮，而且仲有九款口味俾你選擇，每一盒可以雙拼或者三拼！我就梗係一次過試多啲味道啦！🥟泡菜鮮肉餃呢個煎嚟食真係一流，裏面肉同埋泡菜餡料分布好平均，泡菜有少少辣味，咬落去多汁🥟韮菜鮮肉餃韮菜味好香濃，而且同肉嘅比例剛剛好，唔多食韮菜嘅我都忍唔住試咗兩隻😋🥟芝士粟米鮮肉餃🧀煎完之後餃子外脆爆汁，裏面嘅芝士仲要可以拉絲㗎，芷娸都食唔停口！🥟椰菜鮮肉餃咬落去裏面有大量嘅椰菜，爸爸就最鍾意啦！🥟咖喱鮮肉餃咖喱味好濃郁，香氣撲鼻。餃子裏面除咗肉同咖喱之外，加入左洋蔥🧅食落去口感非常好！全部都非常足料，脹卜卜爆饀爆汁。 眨吓眼就自己食晒六隻😋仲覺得未夠喉❤️

曾經身為屯碼地頭蛇嘅我地聽到屯碼開左餃店
即刻仆去食呀！！！我仲要係一個對晒一打都冇問題嗰啲😂🙌🏻
今次有素餃食 唔去等幾時喎😎
.
🥟香煎清新素餃 （$42）
因為佢地啲湯喺有肉～所以就食煎餃
同埋配左喼汁！另外一款菜譜有蝦米所以就唔要啦( ˃ ⌑ ˂ഃ )
一食落口！超脆T_T煎得啱啱好
本身個餃都好夠味同足料（有木耳、蘿蔔、瓜、仲要有粉絲！勁加分）
啲料又切得好碎 口感好好！加左個喼汁勁match！！(  ᵒ̴̶̷̥́ _ᵒ̴̶̷̣̥̀  )
.
🥟素生餃（$52/1打）
啲素生餃我就拎左去淥～睇下係咪唔同講法！
佢地嘅皮唔算厚但淥左都唔算太滑～不過勝在餡料取勝😂
我就鍾意肥妹口味啲 拎去煎！夠晒香口！
鍾意健康啲嘅你地淥湯我都支持架꒰๑•௰•๑꒱
.
總括嚟講～通常喺街邊食嘅素餃
啲店主都會整得勁hea 我地又冇得要求 有得食好過冇🥺
不過哩款我見到嘅係佢地真係有關愛素食寶寶T_T.📍 餃里 @gao_lay
屯門湖秀街2號悅湖山莊商場地下51-52號舖.💰Total: $94味: 8.5/10抵:7/10 
飽: 8/10.我餃餃震🐒將會繼續同大家跑素 搵盡全港甚至世界各地既美味素比大家.#vege

屯門牛牛有口福喇😆12月中先開張既餃子黃店岩曬依加凍冰冰既天氣添啊‼️🍽泡菜鮮肉餃（4.8/5）因為見到menu話呢款得煎餃所以我係屋企都有照做😆泡菜餡超足好感動🤤泡菜酸酸辣辣加埋鮮肉係連婆婆級長輩都大讚好食👵🏻👍🏻🍽椰菜鮮肉餃（4.5/5）外皮滑捊捊，厚度適中🤤微微煙韌，係一塊攞滿分既外皮😍內餡好足料，而且食到椰菜甜甜地味道💛又有椰菜既爽脆又有軟糯既鮮肉餡簡直係super match😲🍽香茜鮮肉餃（4/5）芫荽既味道好出，但完全冇草青味🤤放係鮮肉餡內就好似混為一體咁😍建議唔食芫荽既朋友都可以一戰‼️整體味道都好好，餡料調味岩岩好而且一共超過9款餃子可以食，下次買個陣想試埋芝士栗米同素餃🤤

屯門碼頭係小編嘅童年成長地，雖然搬離咗呢度好耐，但我都會久唔久喺呢度遊走，因為呢個地方有好多小店，可以chill一個晏晝⋯🥰 而小編今次想大大粒嘅餃子小黃店！♥️.佢哋嘅餃子總共有9款口味，除咗1款係素餃，其餘都係混入新鮮豬肉而成 🐷⋯ 小編今次試咗其中5款，粒粒都好大粒，而味道又係點呢？🤔 （以下價錢係6隻/9隻熟餃價，生餃價錢又係唔同嘅）.椰菜鮮肉餃 $36/$42椰菜豬肉係一款好常見口味嘅餃子，皮好薄，菜嘅份量比肉多好多！🤓 小編略嫌偏鹹咗少少，重口味嘅人可能會鍾意！🧐.香茜鮮肉餃 $36/$42喺而家乜都要落芫荽嘅時代點會少得有現芫荽嘅水餃呢？😂 芫荽嘅份量佔大約八成左右，每一口都淡淡荽味！🤣 味道黎講，佢比椰菜鮮肉冇咁鹹，係一款幾好食嘅餃子！😋 老爸認證好食！🥸.紫菜鮮肉餃 $42/$48呢一款餃子係小編喺出面冇見過嘅口味，冇諗過平時飲嘅紫菜肉碎湯可以變成餃子內餡，而係好食嘅！😃 都係淡口味為主，食落其實係同紫菜湯好似冇太大差異，只不過形式上變得唔同！冇乜記憶點嘅餃子⋯🙈.咖喱鮮肉餃 $42/$48呢一款餃子意外地覺得好食，咖喱味超級濃郁！偏向日式咖喱口味，唔辣嘅！😍 內裏除咗

#pb食在屯門 #pb支持黃店💛 大大隻餃子🥟屯門碼頭最近開左間餃子黃店 仲有生餃子買番屋企 深受附近居民歡迎😍 多謝小店邀請 等我可以試下佢嘅湯餃同煎餃😋 文青嘅裝修顛覆左傳統餃子店嘅感覺 更加吸引年輕人🤩 而且隻隻餃子每日即包即製 大大隻 漲卜卜❤️.餃子$36-42 6隻 / $42-48 9隻 雖然唔平 不過勝在夠大隻 足料👍🏻 佢有9款唔同餡 有湯有煎 好多選擇😋 湯餃湯底仲係椰子豬骨雞湯 夠哂清甜🥰🔹煎餃 - 泡菜鮮肉🥟推介❤️ 我個人中意食煎餃多過湯餃😝 尤其是泡菜 煎完好香好惹味🤤 仲要唔會好鹹😋 餃子皮煎完少少脆👍🏻🔹湯餃 - 椰菜鮮肉🥟呢款係3款裡面較普通嘅一款😝 不過入面落左大量椰菜 清清地 飲埋個湯都唔錯😋🔹湯餃 - 香茜鮮肉🥟芫茜控呀🙋🏻‍♀️💚 一咬落去而且好重芫茜味🤩 原來佢真係加左好多芫茜🤤 雖然唔係個個識欣賞 不過我幾中意😍.煎餃會跟送豉油 而湯餃會跟送辣菜脯😉 好開心屯門有間黃餃子店 好方便🥰 可以買生餃子返屋企慢慢整😋餃里屯門湖秀街2號悅湖山莊商場地下51-52號舖

餃里 (屯門)屯門湖秀街2號悅湖山莊商場地下51-52號舖@gao_lay 生餃 $46-60/打 (不同口味有不同價錢)我絕對係餃子控🥟 烚既煎既都一樣愛😍 悦湖山莊商場開左間高質餃子店，屯門牛有口福了☺️ 鋪頭有得買煮好左既餃子，當然都有生餃😉 我就揀左芝士粟米鮮肉餃、泡菜鮮肉餃、韭菜鮮肉餃🤤 店舖暫時提供共9種口味!! 真心好足料呀，隻隻都爆餡爆汁💥 三款入面好難揀邊款最好食，因為三款都好正🐷 切開芝士粟米鮮肉餃係有拉絲嫁，芝士味都好濃郁👍 泡菜鮮肉餃、韭菜鮮肉餃就比較濃味，韭菜勁香，泡菜都幾辣下😂 一口氣食左6隻好似唔係好夠喉，好想試埋其餘6種口味🥱PS 附送既辣菜脯都勁好食，爽口得黎好辣好過癮😋 仲有秘製既醬汁，酸酸甜甜同餃子係絕配😌

22.01.2021今日試新小店外賣，午餐包括惹味雙併（芝士粟米、紫菜鮮肉）煎餃各三隻，加上海麵試後感：煎餃大大隻，涵料充足，兩款煎餃都好味，食到好飽。😋上海麵個湯底係椰子豬骨雞湯，幾香濃，又唔油膩，似亞媽煲湯香味。上海麵口感唔錯，幾爽口。下次可以試其他或湯餃。另外有小插曲，本來煎餃要另加$18先有上海麵，湯餃加$8就可以，小店竟然擔心我唔夠飽，主動話加$8就俾碗上海麵。小店真係零舍唔同，咁有人情味，抵讚👍#餃里（悅湖山莊）

呢間野新開嘅冇幾耐，見佢裝修得唔錯都諗住試吓。見到啲價錢都唔算平，但有啲款又幾有特色咁，都係都係試一試啦。心大心細諗咗好耐，都係穩穩陣陣叫返椰菜餃算。等咗兩個字，佢俾咗湯餃我，佢應該落錯咗。但都唔緊要啦，因為都費事再等兩個字。呢度差唔多$40得嗰六隻，打開嗰陣聞到啲湯好似唔錯咁，但一食落口食完一隻就有少少後悔啦，啲餡唔多菜多個肉，啲皮又厚。最後飲咗兩啖湯又好似味精湯咁飲完要係咁飲水，真係試過一次冇下次。

近排天氣凍~成日都打邊爐打邊爐~除左牛之外~我覺得餃子係另一樣唔可以冇既食材~今次試左哩間位於屯門碼頭既▶️餃里▶️韭菜鮮肉餃($46一打)通常我都一定會叫哩個最基本既款式~一黎自己鍾意食~二黎就係基本款都唔好味既話~其實口味都唔使再多講~而佢地既韭菜餃都做得唔錯~😋😋韭菜味好香~韭菜同鮮肉既比例唔錯~一咬落去可以食得哂韭菜同肉既味道~▶️香茜鮮肉餃($46一打)一見到哩個口味我已經心心眼啦~😍我都幾鍾意芫茜個鍾香氣~而哩隻香茜鮮肉餃~佢既芫茜味唔會太濃烈~唔會蓋過肉嘅鮮香味~👍👍▶️芝士粟米鮮肉餃($60一打)芝士味都幾出~咬落仲有少少拉絲效果~餡料加入粟米可以令到咬落去既口感更為豐富而且d粟米仲好甜添架~我唸大人小朋友都一定會鍾意~🥰🥰🥰🥰🥰3款餃子都十分足料~大大粒咁~而且係餡料既調味上唔會太濃~食完唔會口渴~餃子皮既厚薄都做得唔錯~就算用黎打邊爐~都唔會煮到爛哂~唔錯~唔錯👍👍

最近屯門新開了一家黃店💛餃子店-餃里🥟，可以外賣生餃，所以我買了兩打餃子回家煮，跟超市買到的急凍餃子不同，每一粒餃子都是人手製作🤩，而且很新鮮，還有不同的味道，大家可以選擇自己最喜愛的味道，而且每一粒都很足料，很大粒。😛大推：芝士粟米鮮肉菜❤️咖哩鮮肉餃子💛🥟如果這兩款味道堂食的話只有煎，因為店主說煎才好吃因為我太懶所以沒有煎，但是烚也很美味，因為餃子餡料的關係。🤣如果煎的話應該更美味及多汁。如果是直接買湯餃子的話是用招牌椰子豬骨雞湯，聞都覺得很香🤤生餃：韭菜/椰菜/芹菜/香茜鮮肉餃 每打$46泡菜/咖喱/紫菜/素餃 每打$52芝士粟米 每打 $60

同我熟嘅朋友都知佢係香港出世嘅北方人，食餃子大，係超級餃子怪🥟 .但自從公公離開咗之後就冇人再包俾我食，我又懶，好多時候都係買急凍餃子返黎煮。最近去開屯門探我細佬，知道附近新開咗間餃子店「餃里」，除咗可以外賣湯餃、煎餃，仲可以買生餃返屋企自己煮黎食，我即刻買返一打返去試😋.韭菜鮮肉餃🥟媽媽用咗鮮魚湯去煮，韭菜味好香濃，韭菜同肉嘅比例剛剛好，咬開好多肉汁，真係勁好食！.清新素餃🥬同樣用咗鮮魚湯去煮，素餃入面材料豐富，有冬菇、紅蘿蔔、翠肉瓜、沙葛、菜脯、木耳、蘑菇，仲有韓式餃子常見嘅粉絲，所有材料味道好夾，值得一試！.芝士粟米鮮肉餃🧀今次用咗煎嘅方法去煮，餃子外脆爆汁，芝士溶喺粟米同豬肉之間，味道非常之夾，真係超級好食！.❤️煎餃貼士❤️有啲人好怕煎餃，因為煎得唔好會燶面但入面唔熟，秘密係用細火煎，煎到表面金黃色，加少少水加蓋煎焗，水蒸氣會令餃子快啲熟同juicy啲，收水煎多陣就可以做到外脆爆汁🤤.呢間餃子店真係好值得推介👍🏻👍🏻 如果大家去開屯門，記得買返屋企試下，好食過出面好多餃子😋.💰外賣生餃價錢💰韭菜/ 椰菜/ 芹菜/ 香茜 - $46打泡菜/ 咖哩/ 紫菜/ 素餃 - $52打芝士粟

去開屯門碼頭附近.....路過悦湖山莊🤔發現一間賣水餃嘅新店...係ok 便利店隔離叫咗兩碗試下,,,呢間舖冇堂食,,,只有外賣一碗係泡菜煎餃 6隻一碗韭菜豬肉湯餃 6隻 呢間嘢仲有菜甫跟泡菜有啲辣,但係我本身食得辣,,所以覺得唔錯韭菜餃,,味道有啲淡,,不過我本人食開濃味嘢個湯底只有椰子味選擇,,,唔係好啱本人口味佢個湯底係椰子雞湯味,,,不過食得出冇味精,,,自己煲椰子雞湯嗰種🤔整體上不過不失,,,,之前小店經營