養和醫院餐廳

營業中

休息中

嚟醫院為左食嘢,可能覺得搞笑。但此餐廳出名煲仔飯，係好多人都知嘅事實。呢度嘅燒味係自家制嘅。今次我特別係度買左燒腩仔返屋企孝敬兩老。買嘅時候D燒腩仔仲熱，所以好擔心返到屋企D皮已經唔脆。好彩兩老食時層皮仲好鬆化。用嘅係有質素嘅豬肉,肉嘅質地好細緻，有彈性，肥瘦適中。調味方面，唔會太咸。廚師好細心將肉切成細細粒，方便一啖食一粒。因為甘買嘅時候，等得耐少少，但都值得。

醫院飯堂，一喺有病要幫襯，一喺就因探病而去幫襯，今次嚟到養和醫院飯堂食早餐就兩者都唔喺，只喺陪親友過嚟做啲檢查，但就要晨咁早仆過去，所以，就趁親友做檢查段時間，落嚟4/F嘅飯堂食番個早餐。養和醫院飯堂新裝修後，寧捨唔同晒，查實我唔知佢幾時裝修好，只喺見佢入口貼咗張通告話仲有改善工程做緊。入到個飯堂喺幾四正，木地板，木枱皮櫈，一室光潔明亮，好摩登，但最正喺個景，對住成個快活谷馬場，好開揚，令人感覺舒暢。食物方面一啲都唔平，基本嘅私家醫院飯堂價，最貴最豪嘅西式早餐，包熱鮮奶麥皮或栗米片配鮮奶，火腿 / 煙肉 / 腸仔配雙蛋，多士及咖啡或茶，收費$86；平啲嘅歐陸式早餐，包鮮橙汁（但註明非鮮榨），鮮果碟（蘋果及橙），多士及咖啡或茶，收費$58。「經濟」啲嘅是日早餐，單單一份三文治（火腿或蛋）加杯啡茶，賣成$35，最平嘅多士加餐飲，都要收$26。睇勻晒，似乎最抵食就喺個足料糯米雞配皮蛋瘦肉粥，只賣$30。晌收銀處落單後，拎番個號碼牌返埋位等送嚟。足料糯米雞果然無吹水，隻糯米雞又大又足料，糯米軟糯，火腿、冬菇、臘腸、滑雞……用料不賴，味道亦都唔錯。皮蛋瘦肉粥個粥底都幾夠綿，份量又喺好多，不過，皮

聽說呢度既煲仔飯好食，咁岩老公要黎做check-up，所以o係度食飯決定試下.叫左一個滑雞，一個排骨飯.唔知係咪其望太高，試完好失望...唔太好食.個飯唔夠乾身.D雞又麻麻地，好木.都係出面食既比較香口，岩我D.不過o係醫院地方有煲仔飯食，對病人黎講真係一種慰藉.

因急病入院,原本都唔睇好醫院既飯堂..但由於都要食...就叫左自己想食既煲仔飯雖然要等45分鐘..但個飯未食都聞到好香我叫既係排骨煲飯,呢個飯既特色如下:一)佢既料足,排骨夠滑之餘又唔肥二) 有油香味,飯能做到乾身唯一不足係鍾意食飯焦既人會失望..因為佢無咩飯焦,,,可能健康理由..但其他比起茶餐廳更好味PS:無影到相..因為病到無心機無胃口,,,全因一個好味既煲仔飯令我入口...仲一試難忘...係我食過最好! 不過要$80元

由於媽媽要做一個小手術，而看開的醫生只會到養和替病人做手術，再貴都沒辦法了，幸好有購買保險，故此有時我亦會到醫院陪媽媽晚飯，晚飯亦可以CLAIM部份保險的~叫了養和馳名的鮑魚雞球煲仔飯($165)落單後都等了約45MINS先送到病房，一打開煲仔， 見到有很多鮑片及雞球，好豐富似的~不過鮑魚沒甚味道，至於雞球，是幾滑的，不過個煲仔飯無乜飯焦，食煲仔飯我只想食飯焦咋~至於另一日叫了班球煲仔飯，比鮑魚雞球煲仔飯便抵吃，班球很滑，好美味~不過要去醫院才食到的食物，不吃也罷~希望媽媽以後都身體健康，心情愉快

第一次黎養和醫院探病, 真係大鄉里出城! 由於養和唔包三餐, 住院的朋友唯有日日落黎食於是, 今日LUNCH我就可以順道試下養和飯堂D手勢.我地四個人, 叫左一碟貴妃雞, 一碟梅菜蒸鯇魚, 一碟白灼西蘭花 (全部都係為左個病人而叫=.=)碟魚蒸得唔錯~ 魚肉好新鮮!碟雞又估唔到都OK~ 雞唔會好肥, D肉又好滑.不過係D白飯硬左D, 好在有蒸魚D汁, 同埋碟雞既蔥油撈下飯先食得晒!我見對面枱個男人食一碟碟頭飯, 嘩! 好大碟喎! 而且好多餸!不過建議唔好係度叫野飲~ 我叫左杯熱啡, $18! 比茶餐廳貨色更普通...好貴!祝朋友仔身體健康!

老婆又去做產檢, 登記完見肚餓立即落去飯堂醫肚先!呢個飯堂d食物質素甚高,下午茶時間太約有七至八枱人,但竟然四五枱都 order 公司三文治.我地叫在公治加羅宋湯,公治很足料, 有蕃茄, 生茱, 煙肉, 加一些像吞拿魚沙律醬.羅宋湯亦份量十足, 味道比金雀的更好!食飽飽, 價錢不算平, 但很滿足!

大吉利事, 係醫院開餐. 是日因為老細入廠, 而來到養和醫院, 處理公事. (我老闆果然是工作狂, 入左廠都要開工, 而且仲要OT至8點)搞好了, 老細想留我係病房食飯, 心想不用了. 耍太極後閃人為妙. 離開Ward之後, 覺得咁難得黎到呢一間貴族醫院. 為何不試試佢既Canteen呢. 結果, 按(車立), 落了四樓開餐.行入Canteen, 簡簡單單, 看得出不是外判給外面catering service的一般政府機構canteen. 落了order, 店員說要等10-15分鐘. 聽聽廚房的爐頭聲, 原來所有東西都是即叫即做, 不同其他公立醫院的外判Canteen般, 快餐到唔怏餐.選擇呢, 中西式樣樣齊, 雖是配上茶餐廳的menu, 但出來的東西, 就比起好多茶餐廳優勝, 始終這兒的顧客, 達官貴人比平民百姓多. 既然要遷就上等人, 食物質素理應比較好, 成正比, 價錢, 當然也是上等人既價錢.我選擇了中式, 因為怕西式焗飯要等太耐. 鑊氣炒料撈飯應該會快靚正. 不過我點既中式牛柳飯也要等上10分鐘才聽到叫 number. 整潔的器皿, 整齊的食物, 雖只是一間簡單飯堂, 但出