養心殿台式養生鍋 (已搬遷) 新店位置

朋友生日最開心就係一齊打邊爐知道銅鑼灣新開左一間養心殿好大間，裝修好有格調 坐得好舒服我哋三個人叫咗一個美人鍋 好足料 有成隻烏雞 一定要飲過湯 好甜打邊爐最緊要係咩梗係食牛啦！ 叫咗個本地手切牛 一定要大碟！ 搶食！太好味 好高質仲叫咗最愛什菌拼盆， 凍豆腐， 好重芝士味流心牛丸。 最緊要最緊要一定要食嗰個鮑魚，可以食到鮮味又唔UN!!! 唔叫對唔住自己。 打邊爐點可以冇萵筍，再加料叫份餃子，蝦滑質感新鮮爽口。 食食吓發現原來呢度仲有K唱，私人包廂。 八卦一問原來每人最低消費$400， 抵！ 啱晒一大班朋友高歌！差唔多去到尾聲就食返個雞， 肉質鮮嫩，肉骨分離，完全唔使靠牙力。

很有台灣風味既麻辣火鍋🍲本身以為係台灣既過江龍，但原來唔係，但味道完全係台灣無老鍋既味道我們點了鴛鴦湯底，一邊係麻辣鍋，另一邊係養生鍋無論點加湯都唔會淡。全部食材都好新鮮，午餐肉又即叫即炸！推介

今次相聚就揀左去養心殿台式養生鍋，火鍋湯底有辣有唔辣 而且口味大眾化 選擇多。我地一行四人分別叫左麻辣鍋(小辣)同埋美人鍋，美人鍋湯底配料十足 有烏雞 杞子 桃膠 金華火腿 夠曬補! 麻辣鍋味道香辣惹味，令人垂涎欲滴! 我地叫左厚脂黑毛豬梅花肉、手切肥牛、蟹籽墨魚滑、餃子拼盤、萵荀、雜錦蔬菜盤。四人食都足夠，厚脂黑毛豬梅花肉同極上雪花肥牛份量恰好，夠新鮮，滋味十足。萵荀、雜錦蔬菜盤吸曬湯底的精華 令人一食難忘 萵荀簡直係打邊爐必備食物啊~ 蟹籽墨魚滑非常彈牙 好味!!!

養生殿來了！現有有行多分店！銅鑼灣店仲可以唱K添吖！銅鑼灣店係銅鑼灣廣場，地鐵近吖地方都幾舒服，又夠大🤪今次食雙併湯，養心湯同美人湯！寧神養心湯係豬肉，鮮雞，鮮魚，湯係重味既美人湯就有烏雞，杞子，金華火腿等，好有kfc燒雞味🤣🤣都幾好飲既，但有少許味精感寬粉條必叫！紅薯粉qq口感，食落彈牙，配蒜就更正酒香白肉🥳$58 份量都幾多，酒香味好重！愛酒人士必點！而且白肉口感好好，帶脂，味道不俗羊肉片，薄身帶騷味，也不錯鵝肝墨魚丸，鵝肝香不突出，墨魚丸口感都ok

又嬲又唔開心呀見好多人都吹棒呢間火鍋店 以為好正啦！咁就book左琴晚就同成班朋友去 點知真係what the fuc*!!!!首先waiter服務態度極差 我地已經唔該前唔該後 但都俾嗰個呀姐呼喝翻轉頭 佢似客多過我地呀真係貼錢買難受另外 野食方面唔算新鮮 牛肉完全冇味！湯底都有味嘅不過好重味精衛生就真係麻麻地啦張枱係癡笠笠添呀價錢仲要唔平 唉 好後悔去左 難得同班朋友食飯我地個個都好失望⋯下次？不了 亦唔會推薦比仼何人！

很久沒來了！朋友間都對這裡評價頗高，相約飯局時，就決定訂位了。嘿嘿一群女士，當然選擇養顏的美人鍋。又有膠原蛋白的桃膠又有滋陰的原隻烏雞！而且湯頭很清甜，烏雞皮滑肉嫩，另一半是麻辣鍋，有鴨血及凍豆腐！非常入味手切牛肉，有一半的紋路不錯，有一部分偏肥，不過味道是很不錯了，牛味香濃嘿嘿梅花豬，薄片有彈性。餃子拼盤有，極品水餃、鮮蝦雲吞、韮菜餃、麻辣牛肉餃、魚皮餃、水蓮餃不錯，每款兩粒大大粒！嘿嘿蟹籽墨魚滑，爽滑彈牙，味道鮮甜。雜錦蔬菜盤樣樣新鮮鹽酥雞剛炸起非常香口。雞肉嫩，外皮脆！

近排BB出世我同老婆忍左一個月唔出街終於坐完月老婆即刻要搵朋友打邊爐又咁啱我哋有兩個朋友生日所以決定食好啲book咗銅鑼灣養心殿台式邊爐🙊鋪頭燈光比較暗有點神秘但座位比較獨立可以有私人空間同朋友傾計整體都唔錯👍🏻因為老婆剛剛坐完月關係所以唔食得太辣所以我哋決定叫個鴛鴦鍋一邊麻辣一邊就清清地😎我覺得湯底都好足料完全冇揸流攤😂😂難得朋友生日咁開心所以我哋叫咗最貴手切肥牛😍賣相已經好吸引每一片牛雪花均勻同埋牛味都好濃郁都算頂級😋😋之後我又再叫我最鍾意嘅牛肚，食落相當有驚喜冇諗過呢度食牛肚會有咁好水準🙊好正！打邊爐當然唔少得牛丸同魚蛋係我最鍾意食😋每一款丸都好新鮮好彈牙👍🏻我哋仲有叫到老油條雲吞等等每一款食物我都覺得呢度好新鮮同埋質素好好所以我哋呢一餐都食得好滿意🙊👏🏻👏🏻

預先訂左檯放工跟朋友去食火鍋，朋友不食辣，但我超級喜歡辣，所以湯底選左酸菜白肉鍋拼麻辣鍋($128)，另外可免費追加酸菜白肉或鴨血一份。🤤 兩個湯底都好足料，酸菜白肉鍋的酸菜保持爽脆口感，酸度適中，寬粉條、酸菜及腩肉份量多；麻辣鍋有好多件鴨血及蜂巢豆腐，湯底煮沸後，食材吸收了麻辣湯汁，非常入味，兩個湯底都各有特色。食火鍋一定要調配屬於自己的醬料，火鍋醬料選擇不多，有香蔥、紅辣椒、芫荽、香醋、蒜泥汁及醬油。因為火鍋湯底夠味，基本上是不用點醬已經好夠味。😁火鍋料點左極上雪花肥牛($188)肥牛的雪花分佈平均，油脂豐富，肉味重，值得推薦。😋手工丸類拼盤(12粒，每款2粒)($108) 手工丸真材實料，口感彈牙，各有特色。朋友最喜歡梅菜豬肉丸，因為覺得好似媽媽整的味道，有家的感覺。😂我比較喜歡芝士牛肉丸，手打的牛肉丸配上淡淡的流心芝士，好好食。半份自家製水蓮餃($42) 因為從未食過水蓮，專登一試。水蓮爽口，餃子皮滑餡多。🤩唐生菜($58) 食左好多不同的火鍋料，一定要食菜清清腸胃。生菜新鮮爽口。 寬粉條($38)因為酸菜鍋有寬粉覺得好好食，同埋以為唔夠飽，又額外點左寬粉條，但其實食不完。好飽

最近聽見很多朋友約去呢間台式養心殿打邊爐，就趁好友生日我就建議去呢間試下！好期待呀！湯底有超多選擇，款款湯底都有不同功效。我地四位女仕必然揀養顏養生果款，雙拼又可以試台式麻辣啦！大家都好肚餓先叫左個炸雞軟骨食住先！可能太多人啦！服務員忙到招呼唔撤！食物種類好多選擇！湯底足料！未烚野食我地已經飲左幾碗！每款湯底送一份鴨血！鴨血味道就不及台灣的詹記啦！厚切炸午餐肉！外脆內軟！❤️鮮炸響鈴香脆！肥牛/ 豚肉片新鮮👍🏻梅菜豬肉丸好特別呀！竹笙好味👍🏻食到停唔到口！大満足！👍🏻👍🏻

聽聞過養心殿好耐， 終於有機會到銅鑼灣一試他的台式火鍋。 原來只係其中有一些湯底比較藥材性， 其他食材飲品都冇乜特別養心成分。寧神養心湯底 似係家庭式好足料嘅老火湯， 麻辣鍋湯底中辣都唔覺得佢好辣及帶酸。 自家製餃子幾鮮味， 冇雪氣， 滾得耐啲皮都唔爛， 手功丸子都還可以。 肥牛很標準。 指定啤酒買二送一， 只是埋單時價錢偏貴。

-養心殿🕍台式火鍋專門店湯底比較滋補💆🏻‍♀️ 🦃秘製薑母鴨鍋 半隻（$168） 這個給100分！超級對口味！感覺湯熬了很久 超濃味！像台灣的藥膳排骨湯味‼️ 👱🏻‍♀️美人鍋 （$188）烏雞 杞子 桃膠 金華火腿 等熬制而成滋陰 補虛勞 （含豐富膠原蛋白）😍 🐄極上雪花肥牛 （$188）這個不過不失吧 略嫌牛味不夠重 🐖炸午餐肉 （$58）有點太咸了🌚有點重口味的_____________________________score：8/10 地址：銅鑼灣軒尼詩道418號至430號友光大廈3樓全層Tel:25774400分店：旺角/荃灣/佐敦/尖沙咀/西灣河/將軍澳/馬鞍山

養心殿喺香港有好多分店又出名，相信好多香港人對佢都唔會陌生！之前我一直都想試，今次終於有機會試吓😁趁着朋友生日四個人去打邊爐！揀咗銅鑼灣分店裝修都係新淨嘅，古色古香！而且有卡位設計，好有私人空間！可以好放心咁吹水又唔會驚被嘈住其他人😏黎得養心殿一定要試佢個麻辣火鍋同埋美人鍋因為想OpenRice度見到好多人都係嗌左呢兩個！而且麻辣火鍋嘅話呢鴨血係可以免費refill一次嘅😍配料方面都有好多特別嘅配料,例如係鵝肝墨魚丸,梅菜豬肉丸同埋黑松露蝦丸😬特別之餘又好味而且質地彈牙!牛肚有滷水汁滷過嘅幾好食，呢個值得叫👍🏼

其實就好食的，但應該係食緊味精素... 咁的性價比之下，下次都係不了... 呢間餐廳應該改名做味精殿... 總結： 味道不錯，但一點都唔養生；價錢都唔值，所以下次都唔會再帶老婆同個仔黎試啦...

話說上次食過養心殿之後一直念念不忘，今次係外國讀書嘅朋友返嚟香港過暑假，所以就帶同我一樣鍾意打邊爐既佢去試下。  因為朋友唔想食辣嘅關係，我哋今次叫咗必嗌嘅美人鍋同未試過嘅酸菜白肉鍋，價錢都係計返較貴嗰個湯底。酸菜白肉鍋同前一次食嘅麻辣鍋一樣，除咗湯底嗰份材料，佢會另外比多一份酸菜白肉你，等你食到咁上下可以再加。 另外要留意，白肉鍋裏面包埋寛條粉，份量都好多，唔好好似我同朋友咁再另外叫多份。  湯底一到，我當然係即刻飲返碗美人鍋先啦。我叫朋友試吓，佢飲完第一啖完全係驚喜嘅表情，之後全晚都keep住係咁飲湯。  配料方面，我哋叫咗手切牛肉。同上一次一樣，雪花分布好平均，好滑、牛肉味好重，都係其中一個必嗌之選。  第二樣必叫嘅就一定係黑松露蝦丸，一如既往黑松露味好濃，蝦丸亦都爽口彈牙。因為朋友鍾意食貢丸，所以都叫咗份，質素都唔錯。  上次食過佢哋嘅響鈴好好食，所以今次都有再叫。呢間分店炸得仲好，脆卜卜，就算淥完都有少少脆好香口。  之後仲叫咗生菜、水耕菜、什菌拼盤同寬條粉。  食完之後，仲送咗兩杯熱情果沙冰，味道都唔錯，酸酸地好清新，啱晒食到好飽嘅我哋。

早幾天約朋友聚舊，大家都因為太掛住台灣美食，所以就來一個台式火鍋聚，今次選了養心殿！之前去過不同的台式火鍋店，都覺得沒有在台灣時的好食，呢間有些驚喜！我們點了鴛鴦湯底，其中一邊是酸菜白肉，佢一嚟到就已經好香，忍唔住來一碗湯試下，它不是太酸但就好順喉，平時都只沉迷麻辣鍋的我，今日的重點竟在酸菜鍋上！侍應都好好的不停幫我加湯，可惜無得加酸菜！其他的食材都好新鮮，牛肉出奇的滑，而今天叫了鹹蛋魚皮做小食，又比想像中的好味，整體呢間店的食品質素不錯，值得再來！