饕鍋物 (已結業)

食物質素尚算不錯，環境都算整潔。唯有海鮮(包括星班、象拔蚌、蚵仔、蟶子)的味道就不太好，蚵仔有些還有殼。有職員極力SELL蟶子，但4隻蟶子都好多沙。食物落單後亦很快來到，不過有些食物可能無晒，職員亦沒有提示，讓我哋白等一場。本人進餐前將袋禮物掛在椅背，離開時大意忘記取走，到第二天早上即打去向職員詢問，竟然話沒有見到。我哋已經係最後一批走，但袋禮物竟然不翼而飛。最氣憤我打去問，有職員話會幫我問，但一直無覆電話，直到我再打去，佢哋就話唔見，話無辦法。問有冇CCTV，又話無，總之一味濶佬難理。對於與我對話的經理態度，我十分不滿。

昨晚與朋友吃火煱，海鲜唔新鮮，和牛無牛肉味。火煱湯底無味，啲雞唔靚，滾完啲雞肉好粗，其他擔仔麵好普通，鹵水雞翼，豬手味道好淡，幾款肉丸只有牛丸好食，飲品亦麻麻，不會再幫襯。

與友人到這間相信新張不久的台式餐廳，選了台灣牛肉麵配珍珠奶茶（少甜）和台式豬手配肉燥飯。先上前菜二碟，拍青瓜和蘋果沙律(？)，以前菜計分量十足，補充蔬菜十分健康呀！牛肉麵牛展分量不少，湯頭清甜，反而台灣寛條麵走女生路線，與慷慨的牛展分量不太成正比。另一款台式卤水豬手配肉燥飯，豬手味淡不夠腍，肉燥飯正常，整體感覺一般，故沒有拍照。珍珠奶茶也屬巨杯，喝不到一半已覺飽了。相比不太突出的味道，店家簡約的裝修和舒適的座位令店子加分不少，昨日午市時間客人也不多，因此空間感十足，令人不禁憂慮餐廳生意額能否足以令它維持下去。

最近發現， 屋企附近開了一間新火鍋店。火鍋的配料滿多的。你可以點几次。我們食了兩三round,也差不多飽了。 還有想吃的已經吃不下了。本人覺得此店的食材新鲜味美。通常，我吃猪牛肉或菜的时候會望望食物是否新鲜。因從色澤就很容易看出來的。這家店不錯，算是新鲜又有特色。我們食得很開心最後煮个麵條，可以吸收湯的香味。好吃火热热的邊爐後有清凉甜品和飲品下下火🔥。里面有很有益的薏米，不要錯過。我吃了两碗

一直聽人講台式手工火鍋好正，今日終於可以同朋友來試吓啦。喺銅鑼灣行完街，心思思就想試吓呢間火鍋。個名都好難寫咁，「饕」係咪讀個「號」字呢？每位＄188 ,又唔係好貴喎！＄188都包好多野架，首先包個自選湯底，任揀台式火鍋配料，新鮮海鮮啦，台式小食啦，自家製嘅台灣甜品啦，仲有一杯台式手調飲品添呀，真係好抵食啊！我叫左杯賣相非常好睇嘅潘朵拉的盒子，原來係荔枝溝提子汁，好開胃，但係又唔會太甜，啱晒打邊爐飲。影咗其中一啲特別嘅食物俾大家睇，都好吸引架！再睇埋個鍋，個湯底都幾清，啲嘢食又吸引，環境好舒服，無論係情侶定屋企人，朋友一齊黎都好合適啊！詳情大家自己來試一次啦～

位於cwb開左半年左右呢間新店火鍋semi-buffet，雖然並唔係台灣流行的一人一鍋，但呢度火鍋配料豐富，更包羅地道小吃，加上香甜湯底，Haagen-Dazs雪糕任食woohoo!!!200都算底食！呢樹個煙韌到似食湯圓，咬落去有軟滑餡料，放入熱湯焯熟，口感一流，軟綿細滑，餡料可選芝麻、花生或者係抹茶。我就試晒3隻口味，花生都惹味，搽茶有d甜，如果多種芝士口感就無得頂！魯肉飯都夠多汁多料又係值得一試既主食！

紅燒牛肉麵就食得多，紅燒牛肉湯底用黎打邊爐你地食過未? 小妹今次就真係第一次食。呢個紅燒牛肉湯底有蕃茄、蜂巢豆腐、菇類，當然有軟腍既牛肋肉，同埋有幾片入味牛展，淨係湯底都已經夠晒豐富肉類方面我地叫左特級松板豬同日本和牛，松板豬脂肪偏多，肉質尚算嫩，而日本和牛則油脂均勻，入口融化，讚日本和牛~必食之選四款滷水小食可無限追加 (5*為滿分)滷水豬手 * * * *滷水雞翼 * * *滷水蛋 * * *滷水豆腐 * *吃到飽菜盤，芥辣魚蛋同阿文師蝦餃有驚喜。

今天试了这个台式火锅店。餐厅的木系设计吸引了我们。餐具和桌子都是木制的呢。餐具環景也不错。首先主要是環景吸引了我，其次才是食物。这是火锅的样子。我们下了很多豆腐进去，煲的久，都变豆浆汤底啦。火气十足，还有可选择的食材蛮多的。和牛一的路线不同 这里主大台式食品和饮品的选择也比较特别的。东西和酱料都很好吃。这个饮品的名字好有趣，但忘记了 这是台湾的呢呢，店内很多他们的照片的，好可爱的家庭店是新的，所以内里佈置不错的。

為食兵團又出動，今日放工去到銅鑼灣區既饕鍋物食火鍋，通常一般火鍋分任食or散叫，但呢間係屬於半任食，即係只有部分配料同小食可無限任叫，主食例如肉品可選一款(牛肉/豬肉/雞/魚)，手工配料每人一份(手工丸類、餃、蠔仔、蝦、蜆、豬肉花)，主食可選一款(魯肉飯/粉)，初時都覺得肉品唔係任食咪唔夠飽，但原來每樣少少咁食，加埋refill既小食同配料，其實都食得好飽。九層塔蜆湯，味道鮮甜，同埋蜆既份量都幾多，就算加$38我都覺得值得一試食火鍋總想食啲靚少少既牛，今次加左$45轉日本和牛，肥瘦平均，好味吃到飽雜菜雜丸盤 (可無限refill)

早前search銅鑼灣火鍋店，發現有間叫饕鍋物，原來係食台式半任食火鍋，今晚就去試下佢有幾台式。台式火鍋必有鴨血麻辣鍋，可能就番香港人口味，湯底唔算太麻辣，鴨血同蜂巢豆腐吸左麻辣湯味超正，覺得配料唔夠唔緊要，因為火鍋配料/台式滷水小食/特色飲品(加$10)可無限追加，包你吃到飽飲到飽，另外值得一讚佢既手打丸，花技丸夠彈牙，鯇魚丸同牛肉丸加左陳皮，多左份鮮味特式飲品除左一般既台式珍珠奶茶，仲有較特別既飲品配有唔同色珍珠。至於甜品竟然有我鍾意既芋圓，配埋涼粉、紅豆、士多啤梨、火龍果、QQ珍珠、薏米同椰果，以呢個甜品作為結尾真係好滿足。超多配料可無限追加潘多拉盒子 (藍莓soda+紫色珍珠)甜品之選

今日去了左饕鍋物食台式火煱，去到店舖發現原來他們找來台灣紅爆又攪笑的"那對夫妻"做代言，他們一家真的好可愛😀這裡是$188吃到飽，只是肉類同主食只可每位選一款，而手工丸餃就每位一份，其他配料同小食則可免費無限追加。店裏餐具反而帶一點日式味道，少了份台式感。既然肉類只可選一款，一於加錢食靚啲，我地加左$45轉日本和牛，和牛油脂平均，厚薄剛好，而另加$35星斑片，雖然份量唔算多，但勝在斑片夠新鮮。記住試埋佢個黑糖芋圓，甜度適中，對於鍾意食薏米既人，呢個甜品你一定鍾意

而家啲日式放題或者火鍋放題開到成行成市 最緊要食物多選擇呢晚我地去咗台式火鍋店「饕鍋物」 佢地嘅晚市火鍋套餐真係包羅萬有 好鬼豐富！每位基本$188，有8個items：1. 富台灣風味嘅特色湯底2. 任食任添嘅火鍋配料 包括：超甜粟米、超大隻冬菇、竹輪、粉絲……連平日賣得貴啲嘅芝士丸、蟹子丸係任食！！仲有鴨血、麻吉燒呢啲台式美食。3. 肉類 普通雞、牛、豬都係任食 我地加咗$35要星斑片 入口嫩滑鮮甜……另外再加$45要日本和牛 有9片 比想像中大塊 切得好薄 浸兩浸就食得 好多筋 但係咬落好軟熟～～ 4. 一人一份海鮮手工配料 一個盤上面有哂咁多樣嘢 排得好靚 同menu上嘅一樣5. 主食：麵、飯嗰啲……其實無呢樣都已經好豐富 所以我地揀咗香脆鹽酥雞6. 台式滷水小食 都係無限添食呀！！！雞翼最正！7. 甜品 有Haagen-Dazs雪糕（好有誠意 好多$200樓上的放題都係得雀巢）8. 手工台式飲品 每人有一杯

港式邊爐食得多，呢晚同朋友試台式火鍋！係一個套餐咁食，包埋飲品、甜品、小食……好多配料無限追加！湯底有六款，全部好有台灣特色 有「鴨血麻辣湯」、「三杯雞鍋」等等……最後我地揀咗「九層塔蜆鍋」，因為係唯一一款要加$38，感覺好似特別正LOL本身以為「九層塔」係「海鮮塔」啲friend XDDDD，原來即係食意大利菜成日食到嘅「羅勒葉」，只不過台灣俗稱「九層塔」。個鍋好香呀！！！入面嘅「台灣大蜆」裝得滿滿的，加埋蒜和辣椒，非常惹味，齋飲湯都正。一咬開粒蜆，超多汁咇出來呀！食辣火鍋一定要有凍飲啦。我要咗「潘多拉盒子」，係藍莓味乳酸soda，好fresh好開胃。最底有透明嘅紫色珍珠，都係藍莓味！又靚好味啊！食台灣嘢點少得「鹽酥雞」呢？份量剛剛好，可以過口癮又唔怕太熱氣；炸粉夠薄，唔油淋淋；好香鹽味，同時唔蓋過雞味！

我同男朋友都係火鍋控，不同類型既火鍋我地都愛食(麻辣鍋/雞煲/日式火鍋/韓式火鍋)，而今日食既 <饕鍋物台式手工火鍋> 就真係第一次試，吸引到我地係因為店舖地點方便，價錢平，環境舒適，除左以上幾點，佢地既食品質素都唔差，至於有幾好，睇埋下面你就知。其實每位$188套餐包含以下八個items:自選湯底，台式配料(無限refill)，火鍋肉品，海鮮火鍋配料，一份主食，台式小食(無限refill)，台式甜品，台式飲品看似款式唔太多，不過有啲有refill，其實食完都幾飽近期好hit食蜆煲，我地今次都忍唔住加$38試九層塔蜆煱，估唔到都有幾多蜆，個湯底都幾鮮甜呢個日本和牛厚薄適中，肉質好嫩，真係超級好味呢個火鍋配料有齊手打丸，蝦，肥美蠔仔，水餃迷你魯肉飯令我諗起台灣既味道，魯肉夠入味台式滷水小食(無限refill), 蛋豆腐豬手ok， 而雞翼肉質就唔夠嫩至於甜品黑糖雜錦芋圓，我就覺得有啲太甜，如果唔太鍾意食芋圓既朋友，就可以卜選擇食Haagen-Dazs杯裝雪糕

老公話有個朋友介紹我們去試台式手工鍋，我們訂了位之後，後來見到食評好似麻麻，既然訂了枱，我們決定試下，結果老公朋友無介紹錯。來到時唔算好多人，可能是平日，我們點了台式火鍋套餐，每位都係$188。包括有2杯台式飲品(加$10有無限任飮)、2個鍋物主食、自選湯底、台式小食(任食)、甜品2份、1份海鮮手工配料、1份精選火鍋海鮮配料、吃到飽台式配料(無限潻加)我叫了杯巨峰紅茶，老公要了一杯潘多拉盒子，我的巨峰紅茶，巨峰提子味好濃，茶味濃郁唔太甜。老公的潘多拉盒子，巨峰提子汁溝茘枝紅茶，兩種味道又夾喎，甜度適中好好味😋😋😋我們揀了紅燒牛肉及台式三杯雞雙拼，我覺得紅燒牛肉湯，湯底濃郁有牛肉味，湯內仲牛𦟌，越煮個湯越濃，台式三杯雞味道就偏淡。之後上了手切肥牛6片、豚肉6片、蜆2只、蝦2只、手打牛丸、手打魚丸、手打墨魚丸，仲一盤蠔仔，所有食物都很新鮮，我覺得肥牛和豚肉特別好。送上一盤吃到飽台式配料，𥚃面有好多菜、菇類、丸類、腸類，我追加了濃厚芝士丸、香肠、墨汁墨魚丸、鴨肉丸，這些都特別好味我們要擔擔麵及鹵肉飯主食，擔擔麵麵質硬些，味道幾好，鹵肉飯的鹵肉幾入味，飯比較淋身。台式小吃，我比較喜歡滷水蛋及滷