饗和民 (東薈城) (已結業)

Honey要離開香港一段時間，上午我到機場送他，傷心都要吃飯，回程時就到了東薈城響和民吃午飯。我喜歡炸物，日替定食偏偏只星期二沒有炸物，我唯有另點午餐「滑蛋豬扒鍋定食」。環境幾好，坐得疏落。和民的質素是有保證的，沙律、海帶湯、白飯都不錯，不過有時個別分店的滑蛋豬扒，就有不同質素。今天就好好喎！滑蛋索滿了甜甜的汁，多洋葱。豬扒外皮還是脆脆的，又厚肉，肉嫩，好好味！咖啡更不用說了，日式咖啡當然好好飲，有炭燒香。美味滿足的一餐，填滿了離別傷感的心。美食真的能自癒！P.S.當豬柳鍋上桌時，我發現內裏的肉還是粉紅，可能炸得不夠熟。我向經理反映，經理非常有禮地替我換了另一份，服務態度值一讚！

又黎和民食dinner了 咖哩吉列雞扒飯：雞排幾嫩滑，咖哩亦都好足料香炸雞軟骨：保持水準，炸得好鬆脆，不過今次有啲油 和牛壽喜燒：好食，和牛高質，爽口唔靭烏冬稍嫌少少唔夠彈牙 明太子免治雞：有雞軟骨碎係入面，然而無乜明太子味 總結：味道尚可，勝在就腳

Self pick up order was late for 25 minutes of the confirmed pick up time. Food was okay in general. //////////////////////////////

諗住入東涌行下街，又想食日本野😋，去左呢間，因為見冇咩人等😂😂🥢蒲燒鰻魚壽司卷 $53我覺得d鰻魚唔知點解苦苦地，好難食，未食過咁難食既鰻魚😥😥🥢軟殼蟹牛油果壽司卷 $53鰻魚又有四舊，軟殼蟹就得3舊，唔理解？？？呢個就正正常常好多啦～～但都冇話好好食😂😂🥢串燒盛合（5串）$128-日本產豚肉串-青蔥牛肉卷-金菇牛肉卷-車厘茄煙肉卷串粟米燒最好食應該係舊粟米燒😂😂😂青蔥牛肉卷d蔥咬唔開🥵其實都冇話特別好食 感覺d肉燒得太耐🥢天婦羅&北海道產冷蕎麥面 $98麻麻地 d面好唔爽口 唔好食天婦羅就完全唔覺食梗天婦羅🥢日本產蕃薯條 $48本身已經甜 仲要俾甜醬 似就咁食梗蕃薯 唔建議叫

本來對這餐廳沒有期望，食物和服務一向一般，食物質素和價錢不成正比。但今次實在離譜。菜單表明是凱撒沙律，價錢都成$78，但竟然不是羅馬生菜，用普通生菜，真係連小店都不如。永不會再光顧！

Lunchtime走左去食好耐都冇食過既和民，記得以前中學果時間唔中就食。早左出去食lunch既關係，去到就已經有位了，同埋依家落單都好方便，掃一掃QR code就搞掂，又唔洗大家爭menu睇。花多眼亂，眼闊肚窄之下揀左「壽喜燒御膳（配烏冬）」，因為見個餐好似包左好多野。黎到既時候果然好豐富，包埋甜品😋講返壽喜燒，雖然無升級做和牛，但啲牛既質素都唔錯，另外每次覺得壽喜燒最正就係啲菜，因為吸曬個汁啲味，好好食。烏冬方面，自己最驚食啲淋既烏冬，好彩和民既烏冬應該都係用手打烏冬，所以食落都彈牙。lunchtime想食得豐富少少既朋友仔不妨試吓😊個人評分（滿分為5）味道：😉😉😉😉環境：😉😉😉😉員工友善度：😉😉😉😉CP值：😉😉😉😉

抵食定食😋滑蛋豬柳鍋定食 $78東涌雖然好多大商場不過真係食得落肚嘅餐廳唔多😵‍💫和民呢度有每日唔同嘅定食，價錢都係$78，包基本野飲，凍飲熱飲一樣價錢，仲有湯 同埋沙律！都算唔錯價錢好抵，又合理😍😍😍👍🏻豬柳偏向淋，唔算好脆口，但係肉質幾唔錯，有厚度同咬口！唔係睇一坺嘢！加上滑蛋同洋蔥都整得唔錯，蛋唔係好老，不過未去到好滑～～但甜甜地咁幾好食做得唔錯！成個鍋個份量都幾多肉，都唔少，加上又有飯丶又有湯，真係食得好飽😆賣相方面都幾吸引，送到個樣都幾整齊，咁嘅價錢都好合理，可以再食！環境餐廳都算闊落，同朋友一齊食傾吓計幾好坐，員工態度都唔錯！值得一讚！

Shopping 完，要補充體力，隨便搵左間餐廳🍴！我哋決定食二人餐，揀左$428，分別有鍋物，我哋加錢要海鮮相樸鍋，然後一品料調揀咗燒青魚，主食就叫咗蜆肉烏冬！其實今日係十五，要食素，不過附近冇，所以就食海鮮為主😇⋯⋯另外固定食品有三色刺身，燒雞腿同我雪餅。 服務方面希望可以改善，當日安排左坐二人枱，我哋叫2人餐，張枱根本唔夠放，所以問佢，可唔可以調去隔離枱？佢話唔得，因為要入張6人枱。我哋個晚食到好急，叫佢上菜慢啲，逐碟上，點知佢一窩蜂上曬嚟！激死啦🥲

This restaurant is always a great place to have breakfast because it’s spacious and the food comes fast. I ordered the salmon rice set. The salmon was good as in flavour and texture. The egg was tasteless but soft. The rice was a bit too hard. Actually the flavour for everything was very mild.

剛去了迪士尼會員2折購物場 有得血拼就忘了吃飯 快接近2點 太肚餓了 急忙在東涌城 選了在車場出入口旁的響和民 幸好不用等位無論店外或店內 裝飾佈置都充滿日式風味 餐牌琳琅滿目 但不明白除了幾款盒子飯外 很多都不連飯或烏冬 要另外追加 服務員的表現很生疏 不知為何要手持兩個暖水壺來加水 一邊加一邊漏水 令到枱面全濕了點了3客飯及1客烏冬 只有蜆仔烏冬是正常 較好的 其餘最差是滑蛋豬扒飯 汁太多 豬扒又硬又凍（所謂北海道豚肉使用） 應該是炸好後放了很久 客人下單再加上醬汁就送上 吃了一半已不想吃下去 炸牡蠣盒子飯 食材不太新鮮 也是汁太多 鰻魚牛肉飯 魚ok 牛肉不夠滑 很失望呢現時市面上很多優質日式食店供選擇 以這水準 我就一定不會再光顧呢還有 飯後回家途中 十分口渴 可見味精很多

成個商場好多餐廳，唯獨是呢間餐廳冇乜人排隊，所以入嚟呢度食啦，一食之下就知道點解冇人排隊啦，因為價錢貴，質素差！老實講環境唔錯，裝修得幾靚，尤其是呢啲獨立空間，不過食物真係差到爆，講真我唔係主要嚟坐吓，我主要係想食嘢，但係食物做到咁樣，我唔會再嚟！先唔講價錢，我覺得吉野x牛肉飯或者鰻魚飯之類都好食過佢千千萬萬倍🤢見到個餐牌一個牛肉鰻魚飯都唔錯，睇到佢飯嘅顏色好明顯係啡色，係有醬汁有調味過嘅飯，真係無話可說，上到嚟啲飯白雪雪，係咪搞錯咗啊？店員又話冇搞錯🤢明明餐牌上清清楚楚係啡色嘅飯，上到嚟變咗白色，冇理由全世界全香港嘅人都色盲掛？究竟會唔會觸犯左商品說明條例呢？呢點我唔知，唔夠膽講！🤢再者幅圖上面嘅鰻魚係大大塊係個盒裏面係tup tup 陷，奇怪在上到嚟張枱，實物係啲鰻魚細細塊，露晒啲白飯出嚟！牛肉都唔使講，都係少啦，去吉乜家嗰度食真係講緊多最少五倍，然後價錢再平幾倍。🤢材料少，白飯冇醬汁都算，我真係乜佢個肺，俾啲隔夜飯我，啲飯對埋一舊好似橡筋咁，呢一口飯我真係以為自己咬緊橡筋！！！！！！！！！！！😵‍💫燒雞翼冇乜問題，只係比較瘦，冇乜肉

東涌可以食早餐嘅餐廳選擇唔多，偶然發現東薈城呢間餐廳，估唔到佢有早餐供應！首先佢個環境好闊落，人流唔多，坐得好舒服😌早餐嘅款式選擇亦都好多，因為佢係一間日式餐廳，所以早餐會有一啲日式嘅選擇，幾特別。除咗日式早餐，仲有一啲西式、港式嘅早餐。今次試咗佢嘅西式早餐，有雞扒、煎蛋、沙律仲有厚多士或牛角包選擇🍞味道不過不失啦，如果食物可以再熱少少更加好😆

假期嘅東涌真係特別多人，間間食肆都要等位，好彩一早攞定饗和民嘅飛，所以等左幾分鐘就入得，好耐無食過饗和民，所以叫左好多野，張枱細得滯所以都唔夠擺。最驚喜係燒金菇肥牛卷，燒得啱啱好，好入味又唔會過熟，壽司就好一般，基本上係無可能夾到完整一件上碗，而且料都唔多，唔會再叫。當然我一定會叫我最愛燒魷魚，都係好好味，呢間分店燒嘅食物真係唔差，值得再來。不過座位擺放就比較俠窄，執枱車基本上係會掂到自己，希望之後可以有所改善。

行街經過，見到呢間舖頭嘅裝修都幾靚幾日式，啱晒想滿足下去日本旅行嘅慾望，所以晚餐就食佢啦！大概六點去到，入面已經坐咗四成食客，walk-in大部份得返中間位揀，卡位好多都擺咗個reserved牌。坐低點餐見到佢有幾款2人set，我哋就揀咗$428嗰款，上菜速度好快，基本落咗單10分鐘之內，已經差唔多上齊晒所有嘢。呢個餐包左三款刺身盛合同灸燒珍寶雞腿，有帶子三文魚同油甘魚，刺身表現正常，切得都算大件，而雞腿燒得都幾入味。之後鍋物、一品料理，同埋主食可以自由配搭，我哋揀咗個細嘅牛肉壽喜燒，湯底略鹹，牛肉份量好少。然後仲有個滑蛋豬扒蓋飯，份量好大碗，兩個人都夠食，豬扒雖然炸得好乾身，但都接受到嘅。最後仲有半條鹽燒鯖魚，呢度菜有驚喜，本身以為會燒得好乾柴，但食落都幾Juicy。整體表現中規中矩，二人晚餐黎講，價錢都算合理，下次試吓午餐有咩唔同先！

想食鰻魚飯，睇到張相好吸引，黎到一打開個蓋，嘩 超失望。我終於知咩叫做發育唔健全喇。佢啲鰻魚應該喺第三世界嗰度游過黎，我諗都飢荒左幾耐，終於鰻魚仔都可以逃出飢荒，不再受苦喇。不過我再唔會去和民蝦啲鰻魚架喇，咁細個就比人捉左，真係可憐。我仲叫左個壽喜燒，除左啲牛肉得兩片之外，都大至同張相差唔多既，不過食完之後，大家都唔飽囉。唔怪得之間間都要等位，佢就啲位等人啦。一定要夠200字先比人評分，唯一可以講既……失望，失望，失望……