饗和民 (東薈城) (已結業)

雖然偏貴小小，但係一分錢一分貨，好美味。一入門坐低，就叫左鰻魚飯，十分鐘左右就上左。份量足夠!! 鰻魚好肥美，正到爆。 不過可惜個蒲燒汁鹹左小小。但係好味，配上珍珠米飯一流，一大盒飯全部食晒配菜有沙律，味增湯，同甜品，係紅豆蓉配小丸子，好食。

星期四，黎東涌呢個感覺悠閒的地方，多數去觀光，一係就血拼。但今次我係去開會，係幾大心理壓力下，想搵個地方食得好味，又坐得舒服，可以俾我叉好電變勁量兔先搏鬪。由於人生路不熟，上open rice睇下有咩食，搵到有饗和民，應該穩陣，望下菜牌，同和民差唔多，就拎飛仔了，因為一個人的關係，1分鐘都唔洗就有位坐！ 內裏和風裝修，因為樓底矮，又遇著午市人潮，滿晒坐，所以都幾嘈下。唔知佢幾時開張，員工們手忙腳亂咁，感覺好似快餐店，唔似招呼周到的日式餐廳，叫左是日精選，秘制炸雞定食，好快食物送到，定食有主菜炸雞，沙律，白飯，麵鼓湯，日式蒸蛋。炸雞乾身鬆脆唔算油膩，可能呢間分店行快餐模式，炸雞黎到唔熱了，沙律求其，得九牙同生菜，粟米幾粒，車厘茄都無粒，醬汁又少。蒸蛋夠滑同熱，唔錯。麵鼓湯同水無分別，淡踎踎，仲衰過用粉開的麵鼓湯。最弊係餐具都洗得唔乾淨，匙羹有殘跡，問店員拎第二隻都一樣，第三次我見佢用布抺左先俾我，好唔掂！我計劃食晒成個餐先嗌餐飲，因為我食完個餐仲應該有時間先去開會，咁樣可以慢慢飲。點知咁就出事了，我個杯凍奶茶少甜少冰過左半個鐘都未黎，期間催左兩次，我由唔心急變左心急。跟住諗諗下唔對路，萬

是日Blue Monday,諗住在公司吃飯，同事叫到一齊出去食，試下新開嘅Kyo Watami, 下次要dl app先攞飛，唔駛等咁耐。12:50去到，等左15分鐘頭左右可以入座。兩個人可坐4人桌，發現全店無二人桌。。感覺擺放2人桌，等二人桌就唔駛等咁耐。set lunch有廿款左右，全有圖，實際上菜的食物賣相，同menu上完全一樣。無走樣。點完菜食物好快到。我點嘅呢款set lunch賣相已經好吸引，味道都相當有水準。早兩個月去完日本食懷石料理，簡直個感覺返晒黎。超大份，超級滿足個麵豉湯唔會好咸，味道剛好。蒸蛋個底部有雞肉，雞汁好入味。附上紅豆monchi, 有紅豆茸，超甜美飲品選了薑茶，幾有薑味，成身暖晒。飲品的選擇都有十款左右。一定有下次