首爾家韓國料理

營業中

休息中

銅鑼灣真是有很多韓式餐廳, 今次嘗試了另一間韓式餐廳。上到去時, 看到所有店員的樣子也不像香港人, 所以我用了英文來對答, 後來才知道他們是略懂廣東話的。餐牌上的食物種類不多, 不過它應該是主推燒烤, 因為燒烤的肉類選擇也算多。燒烤方面, 我們點了一碟牛舌和一碟醃了的牛肋骨。主食方面, 我們點了一碗海鮮刀削麵和一鍋牛尾湯。食物還未來到的時候, 我們有六碟餐前小吃, 包括芽菜、泡菜 、蓮藕等等。食物很快便送上來。我們首先烤了牛肋骨和牛舌, 這兒的店員服務非常快速 , 為我們烤牛肉, 他們的速度很快, 我們還沒吃完碗上的食物, 所有牛肉為我們烤完和烤熟了, 令到我們要很快吃下它以免變乾和冷了。 醃牛肋骨的味道很惹味, 牛舌是薄身的, 帶點爽口的質感。牛尾湯比較清淡, 裏面有牛尾和兩粒紅棗。海鮮刀削麵不是我想像中那種刀削麵。我一開始以為會是白色扁扁的、粗粗的那種, 但來到的時候, 它的樣子很像普通韓式拉麵, 有少少黏牙, 裏面有些蔬菜、大蝦和海鮮。

前兩日我的好朋友“公主”在group中問我地幾時得閒出嚟食飯，另一朋友問極都話唔得閒，誇到話要4月先得。。。今晚，心血來潮就問公主得唔得閒即晚約出嚟食！大家都響港島區返工，就去銅鑼灣食吧。 這間韓國餐廳招呼的大多是韓國人，又唔太識英文，唯有好多野都指手劃腳，但大致上都唔會無禮貌。餐牌好多都有圖，我地點左一樣燒嘢再點一啲熟嘢。 純味特級牛肩骨 ($138)有兩大片連骨，店員會主動幫手燒的。 因為我地唔鍾意太熟，所以佢放左上鐵板之後，我自己轉同返，剛剛熟之下就拎來位食。其實就有啲un. 但薄片牛都會好香， 有少許油份味，濃濃既肉汁就慢慢慘出。 豆醬雜錦湯($88)石鍋湯端上時係"Pop pop pop"咁，十分夠滾熱辣。湯重麵豉味重， 除左有豆腐，仲有金菇，翠肉瓜，蜆肉，蒜等等同配個白飯。 夠味道，唔會好淡，亦有少少海鮮味，飲完個人感到滿足。 辣炒芝士年糕拉麵($88)芝士年糕麵， 朋友話覺得辣，我就覺得甜。 佢辣到用水洗。 年糕份量唔多，夠曬有咬勁，唔會粉實實咁。個底幾多麵，夠曬飽，口味較重，上面有溶溶地既芝士，增加香味。 呢度地方係唔大，但好懂

最近發現銅鑼灣真係好多好嘢食今次去咗首爾家食韓國菜都幾好味！我是排骨湯的超級粉絲，每次去到韓國餐廳必定會叫的，吃一次就上癮的排骨湯😍這家的排骨湯份量都幾多，而且湯底十分濃郁 最愛吃的是煮得入味的白蘿蔔 !! 😍接著是水冷麵，水冷麵碗中都有滿滿的冷麵汁加冰, 但我覺得可以少d冰😆酸酸甜甜的冷麵汁好開胃越吃越想再吃😚 另外自己 可以自由加上醋及芥茉調配冷麵的口味🐷金黃酥脆的外皮包裹著鮮美多汁的餡料 好吃的韓國炸餃餐廳仲有免費前菜提供, 有芽菜仔, 好食既泡菜，薯仔，魚乾，腐皮 etc見到隔離枱嘅烤肉都好吸引希望下次有時間可以試埋啦

慶祝成功轉工 所以去左呢間位於酒店building 一樓既韓國餐廳。職員係會講韓文的 所以落單都係講number.前菜有8款 好多好正 有隻好特別係忌廉（？）通粉（左下），好得意第一次食！仲有推介既係右下第二碟既魚仔同左上第一碟既薯仔。第一碟係最愛既韓國牛肉紫菜包飯。好大件，但有少少散開雞肉韓式伴飯 好有韓國風味 好足料 有種回到釜山旅行時食既感覺 。醃牛肋骨。因為我地張枱無爐 所以廚房幫我地燒完先上 好好味啊 原本怕會有啲un 點知又唔會喎叫左杯青檸汽水，酸酸甜甜幾好飲五花肉就無醃牛肋骨咁好味😂好多好多碟～～

相比韓式炸雞，韓燒是更受歡迎的菜式，可以吃到雞以外的其他肉類，尤其是有名氣的韓牛。我們被編配了一個袖珍烤爐，有點Bruno feel, 而且大小很適合二人享用，煙也較少。這店以牛肋骨為招牌菜，但又生怕連骨燒會較難燒得勻稱，幸好可以揀牛肋骨肉，雖然少了霸氣，但燒起來比較輕鬆。醬汁方面比較令人摸不著頭腦，基本上吃不出是什麼味道。這個爐十分方便，乾淨易用，牛肋肉還留有整齊的坑紋，很有風味。帆立貝質素比想像中普通，肉質有點韌。豆腐湯有點咸，配料豐富，伴飯吃十分開胃。石頭伴飯很有鑊氣，可選雞肉，豬肉，或牛肉，而且每款都有大量切得大小一樣的蔬菜，刀功一流，配料可謂包羅萬有，可中和之前吃烤肉的油膩感。 價錢方面很合理，是二人世界的好選擇。

正宗的韓國菜必然是有很多碟小吃在未吃正餐前已經送過來, 這家以韓式烤肉出名的店也不例外, 最愛吃的特別是他的泡菜, 真是辣得過癮!! 而他的主菜也是準備得特別有水準純味特級牛肋骨 $138牛肋骨向來都是必點的韓式烤肉, 因為肉質較為嫩口, 易烤易熟, 而且牛味會較重, 岩哂我呢D牛魔王!! 呢度既牛肋骨都冇令我失望, 更令我驚喜的是佢既牛味比一般既更為香口, 只需要烤到肉轉為深啡色就食得, 絕對不會烤得太老五花肉 $128看到色澤肥瘦分佈就知道這五花肉是上等的五花肉, 色澤就偏為深血色, 一放落爐度烤就已經聞到五花肉既香味, 而且D肥肉係烤爐上變化為豬油, 將肉烤得更香更脆, 有少少像煎五花肉的口感, 少少脆口的外層包著厚厚的五花肉, 個個都爭住食!!傳統石頭拌飯(牛肉) $88淨係食肉唔食飯又點會飽呢, 所以我地嗌左個豆頭伴飯, 對比起其他店, 呢間既豆頭伴飯絕對唔少野, 因為佢既配菜很多, 食落個口感會比較爽脆, 有大量既紅籮蔔絲, 青瓜絲, 栗米粒, 磨菇, 紫菜等等, 最正係佢隻半熟蛋, 全部材料撈云, 口感有點像在韓國吃石頭伴飯

男朋友唔肯同我去韓國，唯有夾佢黎同我食韓國菜，滿足吓我我對韓國嘅慾望朋友話呢間餐廳係韓國人主理，絕對正宗，所以就黎試一試餐廳唔算好大，不過好有特色！每枱中間會有屏風隔住，增加私人空間。先嚟前菜6個，最鍾意食佢個魚乾仔，送酒一流不過由於聽日要早起，今晚都係忍一忍好啦！每次食韓國菜都必點韓式泡菜餅$88，泡菜唔算好辣，食落好香脆。紫菜牛肉包飯$68大大份，材料好豐富，除咗有牛肉外，仲有蛋，蘿蔔等等，最特別係佢會配埋沙律，新奇配搭。呢個炆牛肋骨$128真心係誠意推介首先係廚師炆得超入味，而且肉質軟糯，輕輕一割，已經骨肉分離，食落一啲都唔會韌，好味!唔單止牛肋骨，蘿蔔都炆得好腍身，由於蘿蔔吸收晒牛肋骨嘅精華，所以食落特別惹味。最後我地點咗個燒牛舌，爽口有嚼頭！雖然有牛舌食已經好好，不過如果有得㨂，我始終偏好厚切牛舌，口感會再豐富啲

當不知可再有什麼可在午飯時候吃的時間，突然有同事提議此店，便去一試。。 果然不錯，以後又多一個午飯都“穩陣”之選是日點了石頭牛肉飯，飯的份量不多亦不算少，總之夠滿足，亦都很香。牛肉薄片都不差，味道剛剛好，雖然較淡，但勝在香，整體不錯。服務都可以，繁忙時間都招呼恰當，沒什麼delay，相信不欠後我們會在光顧。

今晚黎左呢到食韓國菜! 現場環境都唔錯ge, 闊落舒服！梅子茶: 試下新野, 飲梅子茶. 甜甜地，茶味唔重, 似冇酒精的梅酒! 鐘意飲梅酒的可以一試八小碟: 食韓國菜例牌有的前菜! 不過呢間就有八碟咁多, 而且相當有心機, 全部都整得好好味, 特別係個通心粉, 唔知係咪自創, 其他地方都冇食過, 口感幾得意! 另外個薯仔都好粉好入味!煎餃子: 不過不失, 外皮煎得香脆, 餡亦多汁，但可能食開濃味, 覺得個味道偏淡，但都唔錯。炆牛肋骨: 呢個超好味! 攞上黎嗰時已經熱辣辣, 出晒煙! 夾起的時候d肉已經鬆晒，都仲冇乜感覺, 但將d 肥膏放入口散開嗰下, 混雜少少肉絲真係不得了, 煮得又冧, 又入味, 識食一定係食肥膏!!! 撈埋白飯真係一流拌飯:有雞, 牛, 豬, 菜揀, 我地揀左雞! 拌飯的材料好豐富, 撈埋左之後, 每一啖都係餸. 而且雞件的份量都唔少, 咬落嫩口炒粉絲: 粉絲有淡淡的麻油香又不會太油, 幾好味ge, 不過食到呢到已經好飽啦 =]係咁多韓國餐廳入面, 呢間算相當唔錯! 特別係個炆牛肋骨, 念念不忘, 留名下次再黎食過!

今晚為母親大人慶生，想食番有質數既餐廳，所以我地棄了韓燒放題而選了呢度 裝修擺設好有家的感覺。而且店主確實是一位韓國人，印象已加了分一坐底就已經放滿小碟前菜，誠意十足，若想個別refill的也是可以鮮魷魚$108十分新鮮的魷魚，沒任何醃料醃制，原汁原味全鮮魷魚味道，十分爽口彈牙醃牛肋 $138醃味帶甜而因已切好了離了骨，所以吃的時候一點也不論盡，牛味什濃另加上牛的油脂(牛油) 在口腔內流動服務員也時不時留意著我們的烤盤，也會幫忙我們烹調，可讓我們有時間吃大小菜魚燒餅併雪糕忘了此款是叫什麼，雖然等候了一會，但相信我，這是十分值得餅絕對是皮簿涵靚，紅豆蓉沒日式的那般甜，跟這個餅十分合配，而雪糕也香濃軟滑

照舊傳統 6樣前菜開開胃~比較特別係有蜜糖薯仔同玉米!但耐唔耐會唔同~今次想試下d 韓式sushi 如果問我最為不同既係 好多菜式都係帶酸sushi都有小小~但都好食!主菜來了!! 真係好好食 牛助骨肉夠大件,不得不提有時服務員不太忙的話會幫手燒下~認真唔錯值得欣賞講到服務就都順帶一提老闆係韓國人唔太識講廣東話,可以用英文溝通牛助骨一定要試! 一黎肉質好滑, 2黎肉質好軟同彈牙!!帶親fd去都話好食~五花腩都出色~ 喜歡豬多於牛的可以一試肥肉夠多~煮出來會變成油,吃落夠滑吃過2大類,一類係連骨,一類係非連骨~今次係有骨豬肉主要食佢本身肉香味~ 所以質素好重要 因為無加其他醬料呢間可以燒到好香好好食!

今日和太太出銅鑼灣首爾家食晚餐, 我們點了傳統雞肉石頭絆飯, 韓式炸醬面、紫菜蔬菜包飯、韓式煎餃子、沙律、韓式咖啡和鮮奶油雪糕鯛魚燒。傳統雞肉石頭絆飯。餐廳有前菜提供, 有通心粉, 泡菜、薯仔、魚乾、椰菜、腐皮和牙菜。最好食的腐皮和薯仔, 前者有少少辣好惹味, 後者薯仔好” 粉” 入口即熔；傳統雞肉石頭絆飯, 絆飯好有飯香, 有少少飯焦香,雞肉鮮嫩, 煎蛋好香, 整穿蛋汁拌飯食更加好味,配菜有牙菜和紫菜,牙菜和紫菜食落去更加有層次, 口感豐富；韓式炸醬面炸醬味辣度剛剛好, 面條好爽口, 肉碎好有嚼勁, 好開胃的炸醬面；紫菜蔬菜包飯飯好有飯香, 紫菜好爽菜, 蔬菜好爽口, 整個紫菜包飯食落有爽口；韓式煎餃子餃子煎得香脆, 餃子除有肉外還有菜, 肉質鮮甜菜好爽滑, 餃子食落肥而不膩, 送酒一流；沙律份量十足, 裡面有薯仔, 菠蘿、蘋果、煙肉和生菜, 薯仔好夠「粉」, 菠蘿酸甜, 蘋果爽脆、煙肉好香口惹味和生菜好爽口清新, 整個沙律配上沙律醬食落好開胃, 好開胃的前菜；飲品韓式咖啡咖啡味香濃, 味道不錯；食飽飽後我們點了甜品鮮奶油雪糕鯛魚燒, 鯛魚燒鮮奶油味打得好香滑, 雪糕是朱古力和雲呢拿

又係銅鑼灣搵野食 openrice 下就搵左尼間韓燒店上到去服務員都係講緊韓文! 佢有分自己燒同人地燒~我地就揀左廚師燒! 一黎就上左8樣前菜, 有泡菜 甜甜地既著仔(超級好食) 芽菜 乾魚仔等等 真係比其他餐廳多好多種類 有辣有咸 好正! 第一樣就係醃牛肋骨肉 $158開頭我地仲擔心好難咬 但一上到黎真係有驚喜生熟程度岩岩好 仲要有好香既燒肉汁味咬落去軟軟地 好濃既肉味仲有洋蔥可以食添~然後就叫左豬裡脊肉 $128口感好爽! 肉質都好嫩而且佢地都燒到一啲都唔難咬!加埋佢地提供個三隻醬又係另一種享受 之後叫左豆醬雜錦湯(真心推介 一定要試)同泡茶炒飯份量十足又夠味食到最尾仲有生果食抵食又好味!

最近很想吃韓國料理，想找些傳統又正宗的店家。上網查了一下，就決定到首爾家試試看。這一家由韓國人打理，而且非常滿座！座位私隱度很高，座與座之間都設有屏風，令人吃得自在。餐廳設有二人和四人套餐，由於不算太餓，我們決定散叫。烤牛舌吃韓國菜當然要來點燒肉。牛舌份量很多，切面適中，不會太薄身。輕輕一烤就已經可以吃！口感很爽口，而且烤得外層帶焦香。牛舌帶濃濃的牛香味，而且鎖住肉汁，很好吃。烤五花腩烤五花腩是韓燒必點的。五花腩層層分明，已經預先切好一件件不用自己邊燒邊剪。五花肉肉味香濃，不會很肥。燒烤的過程中會把肥的部分逼出油脂，令肉的口感變為香脆。配上辣醬味道更惹味。牛肉紫菜包飯紫菜包飯是我很愛吃的韓國料理。這種是有牛肉在內的，紫菜表面令令的塗滿了麻油，光是貌相就已經很吸引了！紫菜包飯內的配料十分多，口感很豐富！很正宗的用上韓國的麻油，麻香味十分重。兩個人吃得很飽，店員都是韓國人，服務很好。有機會定必再來呢！

其實我A姐一直都好鍾意以前叫漢城嘅首爾㗎，因為呢個名真係好似好有詩意，如果今時今日仲係叫漢城，唔知呢間舖頭會唔會叫首爾家韓國料理Seoul House呢？！哈哈！有留意開我哋嘅都知，我哋最鍾意食嘅一定係打邊爐，而我最鍾意去嘅一定係韓國餐廳，係呀！因為讓眼睛都去轉韓國嘛！不過，呢間餐廳以女服務員為主，所以我今日可以好專心食嘢喇！呢間餐廳除咗其中一個店員之外，全部都係韓國人，所以台面上嘅墊枱紙都有簡單韓文，等你可以手指指同韓國人簡單交流。叫完嘢食，即刻為你送上6碟泡菜，我鍾意一定係芽菜，條條脆卜卜又好入味！而最驚喜就係甜薯仔，薯仔好夠粉，好清新醒胃呀！燒烤：醃牛肋骨　－　一條長長嘅醃牛肋骨上枱，你知我A姐㗎啦，最鍾意就係長嘅嘢，越長越鍾意㗎啦！除咗夠份量，脂肪紋理夠哂平均，店員仲會幫你燒埋。不過，店員會幫你燒得較為熟，想生啲，就要自己攞返個主導權喇。醃牛肋骨嘅醬汁微甜，夠晒入味，肉味同醃嘅味道好match，入口充滿肉汁，唔錯。燒烤：五花肉　－　好多塊五花肉呀，食完一定變Heavy A呀！輕輕一烤嘅五花肉變得金黃色，好靚呀！認真一數，原來真係有五層㗎！肥肉嘅部分好爽脆，肉質好新鮮，食落口唔覺