首爾家韓國料理

營業中

休息中

今天下午叫了一個炆牛肋骨餐等了1小時後餐終於送到打開後吃了一口飯就知道飯是生的我立刻打到餐廳告知他們飯是生的因為對炆牛肋骨餐來說 飯是十分重要！然後有一個說英文的女生接了電話我跟她說:I ordered a braised beef set on deliveroo and wanna let you that the rice is raw.Do you know how important is the rice for the set?她的回應就只是h! Ok! Sorry, thank you thank you這種不知所謂的回應真的令我生氣極了隨便說兩句就算了真的接受不了這也是一種Customer Service倘若餐廳負責人在看這個食評希望能跟餐廳反映一下以及叫他們反省一下自己的服務態度 謝謝

好耐無食過韓國嘢，今日同朋友搵咗呢間無落場嘅餐廳兩位客人入座跟咗4碟前菜韓式炸醬麪 💰7️⃣8️⃣麪有啲似係拉麵，食落又幾彈牙醬汁就偏多，撈埋嚟食大家要試試先好撈哂😆鐵板烤牛肉 💰8️⃣8️⃣ 跟海帶湯，飯係用韓國米烤牛肉份量都幾足料，有洋蔥、冬菇絲、紅蘿蔔絲同少量椰菜一齊炒，係牛肉就偏鹹咗啲今次食係午市餐牌，無包飲品同甜品，仲要加一😆🎈首爾家韓國料理🎈銅鑼灣邊寧頓街13-15號隆堡柏寧頓酒店1樓

講咗環境先，真係唔多乾淨，多油漬又多塵，地下有唔知幾多年嘅油漬。間嘢好焗，開咗冷氣都唔得，因為冇咩抽油煙系統咁，唔怪得又癡笠笠又焗，仲有味。另外，服務好一般，啲侍應姨姨成日扮見唔到人舉手，望住佢再遞手先至好唔願意咁行埋嚟，個個都唔開心咁，叫完嘢食唔會覆單唔會多謝，就咁就行咗去了。食物方面，牛肋骨好食嘅，好有牛味，肉質都好好 ; 五花腩唔錯，石頭飯就好麻麻，最唔得係個海鮮煎餅，啲粉多到我好似叫咗個麵包食咁。

今晚突然想食燒肉0係openrice search到呢間韓國店就黎試下呀點左~醃牛肋骨其實佢牛肋骨都幾隻都係random 揀一隻試下staff 會過黎幫手燒肉既份量係剛好填滿個爐好fit size好好笑口感幾好唔會UN又唔會有牛肉蘇味(本人其實唔好牛但都接受呢個呀)~蔬菜藍由於本身無包埋菜習慣用菜包住肉食感覺無咁油膩一黎到係嘩一聲佢D 菜擺到好靚而且睇得出好新鮮仲包埋青瓜蘿蔔同蒜片~燒帶子呢個有六隻但其實好厚身我地可以將佢一開二黎燒所以份量唔少味道一樣無失望新鮮果隻但就比較難掌握燒既時間太快又怕唔熟太耐又怕會UN同干

今日突然想食冷麵，查到這間餐廳就過來了，一人來吃只order了一碗湯冷麵，沒想到照有四個小菜，冷麵也很地道，配上特別的酸酸的醋非常好吃！餐廳老闆是韓國人，chef應該也是，聽到他們韓語對話。周圍人都在吃烤肉，服務的好像不錯，服務員偶爾會過來親自幫忙烤，下次會再來吃烤肉的～

昨晚同朋友一行三人上去食，book 咗7pm, 我兩位朋友大約6:50pm 上去拎位先。我地叫咗燒五花腩，冷麵，雞翼同餃子，都幾好食，尤其是係個冷麵。店員有大部份都係韓國人，要以英文溝通，但係啲英文好好，所以溝通冇問題。食到7:40我哋明明都未食完，每個碗都剩返大約五份一嘅食物，店員就想收我哋碟，成日問我哋食完碟嘢未。去到7:50 ，不斷收我哋啲食物碟，去到8:00甚至我哋有兩碟明明仲有食物，都是修咗我哋啲餐具，同埋上左生果（橙）。跟住去到8:10 ，我估係店長，用英文同我哋講話，「唔好意思，因為星期五晚出面有客人排隊，你哋介唔介意……」所以我都叫咗埋單，我哋都好唔開心，因為如果有一個半鐘頭用餐時間都會好啲，一個鐘頭都未夠就開始俾人收碗收碟，趕我哋走。

原本想用“十分失望“為題，但中肯一點可能只是我期望過高。這晚是復活節假期最後一天，8點多才入座，慶幸不用等位。兩口子來到餐廳，只點了一個鍋: 薯仔排骨鍋當然期望是韓國風味，結果就是十.分.失.望.。這餐廳的㕑師應該是韓國人(聽到樓面用韓文對內溝通), 有位樓面男士，似是店主也是韓國人，理應知道馳名的地道的薯仔排骨鍋是怎樣一回事吧!上枱時，全鍋滿是洋蔥，薯仔不冧，排骨很硬。韓式的排骨鍋應有年糕，有薯粉/粉絲，紫蘇葉，此鍋都欠奉。我問過侍應女生，“你們平時也是用這種排骨嗎“ 女生答我 “是啊“。店家，你用的排骨是急凍的一字排/金沙骨，傳統的韓式排骨鍋不可能用這種，而是用豬脊骨，韓國人一定懂。我們只吃了幾啖就走了，抱歉浪費食物，但實在太難食，相信你們都看到我倆的失落。順帶一提，香港有幾間餐廳都做到這款韓式排骨鍋，其中金巴利道那間很不錯，希望店家可以參考，或乾脆取消呢個菜式好嗎？

呢間餐廳係位於銅鑼灣一間酒店嘅一樓，佢唔係喺酒店大堂入去，而係酒店隔離的一個入口，上幾級樓梯就可以搭𨋢，唔難搵。上到去餐廳，員工就已經好友善咁樣問有冇訂枱或者幾多位，然後再立即帶你去預訂嘅枱嗰度。佢見我哋睇咗一陣餐牌，就主動行過嚟問我哋想食乜嘢，我哋今次就係叫咗個四人餐再加左個冷麵，煎餅同炸雞。食物方面，分量方面係足夠，而且食材都好新鮮。先講前菜，佢有基本嘅菠菜豆芽薯仔泡菜等等，而且仲可以幫你免費添加。不過都係果句食得晒先好加啦，唔好嘥呀嘛👍🏻 至於韓燒嘅食物，食材係唔錯，但最緊要係佢哋嘅員工好主動咁過嚟幫手燒，令到雞手鴨腳嘅我哋都唔會燒到燶晒😂而冷麵就不過不失啦。唯一美中不足嘅係，個煎餅食落有少少油，如果可以整到乾身啲就最好啦。

不能去韓國🇰🇷 只好去韓國餐廳吃韓國菜，喜歡吃韓國菜因為前菜都是免費添吃，有泡菜、芽菜和蔬菜🥬，很健康啊！☺️1️⃣炆牛肋骨$138🍲牛肋骨炆得剛剛好配上清甜的湯真是太棒了，而且送上來時湯還在滾，熱騰騰很適合配飯。2️⃣傳統石頭拌飯$88🍚點了石頭豬肉拌飯，豬肉、紅蘿白、雞蛋、泡菜及紫菜趁熱時攪拌再加上辣醬，超好吃的。3️⃣紫菜牛肉包飯$88韓國壽司加了芝麻油，聞起來非常香，而且牛肉跟配菜份量比例剛剛好。價錢要加一，兩個人吃也不是很貴。

今日約左幾位好朋友到呢度食飯，這裡地方不大，位置唔算就腳，但容易搵到，但無論味道、服務同種類都令人滿意，如果呢韓燒仲有職員幫手燒埋，非常貼心，大家都食得好開心，值得介紹比大家。

這家店舖的地址不是太容易找到就算我住在銅鑼灣的朋友都不能一時三刻就說出正確位置米酒是原身支裝即場在面前將其轉入個酒壺方便攪拌和盛載五花腩香口，略嫌薄了一點如果有生菜包住食更好，而這裡是需加錢落單才有生菜海鮮煎餅餡料足夠，味道可口唔會太厚粉醬炸雞有分原味和有醬汁的，炸粉薄原味是雞槌，有醬汁的是雞肉(無骨)啖啖肉薯仔豬骨鍋，薯仔份量不多個鍋好大，鍾意飲湯的一定夠飽豬皮好味，要注意燒烤時間，隨時會燒焦泡菜煎餅，味道一般這個粉醬太厚

繼上次食咗間好難食嘅韓國餐廳之後，真係唔甘心，所以決定要黎首爾家食返餐好嘅。中午book左枱，一去到就有得入座。全場基本上都係坐滿，所以walk in應該比較難啲。兩個人食飯，叫兩個lunch set，再加杯汽水，$240埋單。前菜西蘭花同菠菜都好好食，基本上韓國餐廳所有前菜都係可以無限次加，但今次我叫佢refill就加得好少😂。兩個人食，前菜就有四碟。不過我另外特別要求話想要多一碟薯仔做前菜，都好樂意加俾我。炆牛肋骨冇上次食咁好食，不過都算係夠淋身，味道偏甜，唔算好重口味，但食到個底有啲濃，搞到食落去好似有沙咁。減分位。鐵板辣炒豬肉味道唔錯，唔會太辣，偏甜。有同洋蔥，蘿蔔同冬菇一齊炒，好餸飯。份量好足夠，送嘅湯都好好飲。但對比起上次食泡菜湯，我自己個人口味比較鍾意泡菜湯。柚子汽水正常，柚子蜂蜜都落得幾足。要求走冰都冇問題。飯後果: 橙兩片。冇影相，不過又真係幾甜。總括嚟講，第三次食首爾家，都算係keep到佢水準，食物質素好穩定。韓國餐廳呢個價錢真係幾抵，重點係唔會驚中伏。就算唔係好食到識飛，都唔會難食得去邊，總要有個質素保證。有機會要黎試下燒肉先😋😁

同舊同事約左係銅鑼灣食飯，原先果間太多人排隊，加上星期五晚，四圍都好多人排隊，到最後揀左呢間唔使排隊既樓上店。叫左4人餐，名不符實既一餐韓燒其實佢肉好少，到最後係d澱粉質填飽左個肚😂肉類方面，4人都覺得係醃左既牛肋骨係最惹味既，反而第一道純味牛肋骨一般般😂呢間食既好處係有人燒埋俾我地食，但又有唔好處，因為個老闆四圍走，變相有時燒得太耐，d肉燶同過熟，所以到最後我地都自己郁手整😂另外d職員有時都睇唔到我哋舉手需要服務😢呢份菜包，對於4人梨講，完全唔夠，所以到最後都要叫多一份先得😂炒粉絲，菜多過粉絲😒我哋4人一人一箸都無晒，到最後就剰低好多菜係碟。石頭拌飯，好食既，不過要加多d辣醬就更好食，份量正常，值得一試。泡菜煎餅，好好食，但一定要趁早食，如果凍左就會好油🙈所以建議快d食左佢😌最後上枱既牛肉鍋面，牛肉好多，但配菜都非常多😂面就唔知係咪韓國過來既，好少食過呢種面質，硬身啲，而且又唔太吸味，所以一定要配湯一齊食D湯真係好好飲，但應該有加到味精，食完當晚口渴到爆4人，平均333一位，唔多抵🤫太多澱粉質服務⭐️⭐️⭐️⭐️食物⭐️⭐️⭐️價錢⭐️⭐️回頭率⭐️⭐️

之前黎過食炆牛肋骨同冷麵覺得ok所以同朋友再黎但今次⋯好失望啊我地兩個人 一早book左枱佢地話我地張枱太細 燒唔倒 同個湯都話擺唔倒個爐熱住佢d拌菜好似擺左好耐咁⋯梅梅地既feel叫左個鮮牛肉八爪魚鍋八爪魚同牛肉都好少料 真係數得出有幾多舊真係成煲湯咁食兩下就無曬啦⋯打算食好d叫左鮮肉眼牛扒⋯佢話我地張枱燒唔倒幫我地燒埋點知 佢燒到十成熟咁比我地我覺得原本舊肉應該ok既⋯ 但佢燒到熟曬勁硬 唔好食😫 仲突登打算食好d既肉叫左呢個⋯😪應該唔會再黎了⋯

今日天氣開始轉涼就想食啲暖笠笠嘅食物，上網見到哩間被媒體稱為銅鑼灣最強蔘雞湯就即刻上嚟一試🤓餐廳位於酒店一樓，環境都闊落，坐得舒適，同時採用木色同黃燈設計，更令人有溫暖嘅感覺。同時抽風系統應該都做得唔錯，因為有幾檯人食緊韓燒，但都無聞到油煙味👍🏻店主喺裝飾上都有花心思，牆上掛有色彩繽紛嘅畫作同壁燈，提升餐廳氣氛同環境調。可能始終位於酒店入面，對裝修都有一定要求。帶你入座前會預先放好餐具，都係基本嘅韓式用具嚟，而茶係傳統韓式餐廳都會配備嘅韓式大麥茶🤓單點食物款式算多選擇，有湯、麵、飯同小食。亦有韓式烤肉同大份鍋份可以同朋友一齊share😆點完菜就會上涼拌小菜，份量同款式都算多，但黃豆芽同菠菜完全食唔到有麻油香味，而麻油可以話係涼拌小菜最必要嘅元素，所以都有少少失望。泡菜同薯仔嘅發揮正常，而四季豆就無咩味道。🥢豆腐雜錦煲 $ 98呢個豆腐煲顏色就紅，但食落係完全無味，極度失敗😩 豆腐數量都唔算少，但應有嘅翠玉瓜同金菇就得少少。雖然中文係寫豆腐雜錦煲，但英文有寫到係Tofu &Seafood Soup，所以都有幾粒蝦仁同蜆肉，但肉質麻麻地，唔係新鮮嘅海鮮。$98嚟講完全唔值，用料少而且唔新