首爾石鍋燒 (已結業)

旺角星期五好多人，好旺，剛剛去完先達， 買左新電話，想搵間座得舒服 d gei 餐廳，係 openrice 見到呢間韓國餐廳， comment ok, 入去試下。 叫左番茄泡菜烤肉豆腐鍋， $68 配飯， 轉韓國烏冬加 $6. 泡菜鍋食過幾次， 加番茄係第一次食，出奇地好食，味道很特別， 泡菜的酸酸辣辣更特出， 很香很刺激， 有一食再食的感覺！  豆腐很滑很香豆味，鍋裏面另外仲有烤肉和雞蛋， 很足料, 必食推介！煎泡菜餃子都好好食，煎得好脆，裏面 d 泡菜分量適中， 個汁都好味， ok wor, 聽住歌，食下野，玩下新電話， 開心星期五！

我最中意weekend約朋友出去食飯 Happy Friday! Yeah!， 今日去完電腦廣場，再去女人街搵食。 我地叫左部隊鍋同埋海鮮炒年糕。 部隊鍋賣相 ok wor! 味道也相當 ok, 有腸仔，午餐肉， 泡菜，芝士， 好似係辛辣麵， good, 又辣又好味， 晚市 $80 蚊， 配可樂， 半價 $8. 個炒年糕都幾正， 有蝦， 青口等等， 材料十足， 中辣， 年糕條煙煙 un un, $65 碟， 唔錯唔錯， 見 menu都仲有其它 korean food, 價錢唔算貴， 下次約其它 friend 再黎食過，聽下Korean Music Hehe

最近行街發現好似有間新新地的韓國餐廳，睇下menu, 價錢ok, 入去試下， order左泡菜烤肉豆腐鍋。因為我鍾意食泡菜和辣野，同埋煙肉泡菜卷。個鍋跟飯，我將D飯倒落去，好似泡飯甘，加埋d泡菜和其他一齊食，好好味，夠辣夠多料，可能係石頭碗，所以一路食住，都覺得夠熱夠新鮮。個泡菜卷都ok,用煙肉包住，一齊食，好香口。這間餐廳 d 位都好坐，夠闊落，有韓國歌聽，同個friend食完傾下計，好開心！

有朋友在美國回來，十年一聚，非常難得。因為朋友說想去女人街行下，我地就順便係埋女人街食飯。見 e 間個門口比較整潔，同埋座位看似比較舒服，門口又播著而家hit緊嘅韓國歌，就決定選e間餐廳。我地倆個人，就叫左烤肉石頭飯，年糕烤肉豆腐鍋，泡菜煙鴨胸香酥餅，同一支真露酒。烤肉石頭飯的份量很多，有很多韓式烤肉和其他菜在裡面，另外有一個生蛋黃。mix 埋一齊嗰陣香噴噴，加埋辣椒醬很好食（一定要加辣椒醬，令個石頭飯生色不少）！年糕烤肉豆腐鍋味道很好，個湯底好好味，辣味適中，個鍋裡面好多料，d 年糕片煙煙韌韌，豆腐很滑，不錯！特別一提是個湯粉絲，soak晒湯d味道，很好食，跟碗白飯，用湯送飯都好好味。必食推介！泡菜煙鴨胸香酥餅味道OK正常，可能本人鍾意食泡菜，所以覺得這個配搭幾新鮮幾特別真露送上時小杯子內有片檸檬，不錯 ，酒飲落去覺得清新 d, good!

燒肉石碢飯味道好好，有泡菜豆芽相伴，令到飯有啲辣，更加好味。呢個唔算太辣，啲燒肉就一般，唔會話好好食。個石碢令到啲飯好耐都唔會涼左，有啲會好快涼左，值得一讚👍我食左午餐(燒肉石碢飯)，$38，幾抵食，送蛋花湯同熱野飲，蛋花湯雖然係送既，不過味道都好好，落足料😍😍

今日殺入女人街Shopping, 見到有間叫首爾嘅歺廳,心血來潮,想食韓國嘢,叫左...海鮮烤肉豆腐鍋 ($70), 海鮮䓤餅 ($65) ,柚子蜜 (半價$9), 同個friend share 海鮮鍋，跟飯，內有粉C，粉C浸入湯好好味，另外加d飯入鍋𥚃面變湯飯也好好味，味道鮮甜帶d辣，很開胃  海鮮鍋有蝦，青口，豆腐，魚片，烤肉，雞蛋 ; 海鮮䓤餅, 有很多蝦和蔥, 醬汁酸酸辣辣很惹味 , 好足料  柚子蜜，跟主歺，半價，都幾抵, 而家天氣咁熱一定要有柸凍嘢,凉一凉! 鋪内冷氣夠冷,所以食海鮮鍋特别開心, 難得價錢合理  可留彈藥食完再“濕平”過,哈哈  下次再黎旺角掃貨,可以再嘗一嘗韓風

本人甚少入旺角女人街食飯，聽朋友介紹此餐廳食物不錯而且環境舒適，決定到此試試。此餐廳地點不難找，就是從登打士街走進女人街，行幾個舖位就到，個logo糸個韓國公仔攞住個石頭鍋，好易認。我們首先order左韓國燒雞翼配雜菜沙冿，味道不錯，雞翼炸得很香囗很脆，雜菜很新鮮，不錯，本人覺得雞翼配沙律是個幾好的 combination, 雜菜的 freshness 可沖淡雞翼的油利。另外，我們叫了首爾推介的，裡面有大蝦，青口，韓國魚片，滑豆腐，雞蛋，韓國烤肉和粉絲等，還有其它配料不記得了。印象比較深刻是湯底很鮮甜，不知道是不是海鮮鍋的緣故，大蝦和青口的鮮味融入湯底中，加上滑豆腐和韓國烤肉，又鮮甜又野味。大蝦也很鮮甜，唯獨我不太愛青口，對青口沒有多大感覺。鍋底的的粉絲吸收了湯的精華，一定要試下。總體來說，首爾的食物幾好味，而且價錢便宜，座位舒適，值得向各位推介！

I came across this little cozy restaurant with my friend and are attracted by the Korean MTV shown facing pedestrian.  As my friend and I are looking for Korean food, we decided to give a try.The design of the restaurant is modern, clean and bright.  We love the korean songs background music and the volume is quite comfortable as it is not too noisy.  We ordered Kimchi Hot Pot and Beef Teppanyaki.  The Kimchi Hot Pot is served with rice.  The presentation of the Kimchi Hot Pot is nice as it is "

我是一個韓國迷，喜歡韓劇，喜歡韓國菜  朋友介紹食物不錯的首爾 Seoul今次點了一個烤肉石頭鍋飯,  $63 賣相很吸引，烤肉肉質美味, 很有口感, 落咗好多辣醬好惹味朋友就叫左個泡菜鐵板牛肉飯 . $ 60 哇，真系好香!!!!!! 我都試左少少都, 好好味 我地點左2杯野飲,幾好飲.都系D紅棗茶等等. drinks are all half priced !整體以言, 食物足料,味道同質素都幾好,環境坐得舒服, 服務方面有禮貌, 價钱平, 九點半後有八五折 tim下次會再來！！！

見佢新開入去試左個lunch見佢佢有啲都幾抵食 三十幾蚊咁就食左個韓式拌飯 雞肉基本上lunch set包左一杯野飲同個豆腐蛋花湯個湯普通不過不失唔知係唔係叫拌飯 上菜超快一上台我就心諗 真係好大碗 幾抵食但再望真佢有啲令我失望 韓國菜主角之一泡菜一舊都無拌飯奇怪地附上一碗汁 我試過係日式拉麵汁。。。 俾我拌飯嗎？然後我見到menu上佢寫係小辣 但說好的小辣得個個青瓜拌菜?咁佢每張台台面都有支辣醬既 咁用佢拌飯算啦雞都係唔辣既 個雞唔難食不過作為韓國料理唔多岩 佢個調味好明顯係日式。。。然後位飯上面唔知點解放一堆大板燒既配料。。。然後又有一小堆疑似韓國粉絲。。。 好食就話唔介意不過。。。總括36蚊係旺角黎講算抵食價錢 原本以為搵到平韓國菜但唔會值得我再黎食 因為超級唔正宗 我真係好失望 但佢份量都飽肚

網上見到呢間餐廳的團購, 二人韓式鐵板餐只需要$148, 見呢個價錢有鐵板牛肋骨, 於是決定前往一試。本來揀左總店, 當訂位的時候才發現團購只能在分店用餐,因為總店已經FULL哂...幸好分店和總店位置相隔不遠。本來訂左18:30, 早左去到, 餐廳內人客不多, 環境都幾舒服和乾淨, 背景播緊D KPOP 既歌~~ 先來的是胡麻玉子沙律和泡菜螺肉沙律各一份, 份量每樣少少, 泡菜夠辣, 螺肉都好好食, 蕃茄和蔬菜都好新鮮, 加埋沙律醬很開胃, 感覺好清新!泡菜餃子烤肉豆腐鍋份量都幾多! (本身以為團購份量會較少)上桌時熱度好夠, 發出吱吱聲和很多泡泡, 賣相很好看, 令人食指大動 入面有魚片, 幾粒餃子, 豆腐, 粉絲, 豬肉 和粟米。 本身是中辣的, 侍應很貼心地提示如果怕辣可以選擇要少辣甚至唔辣! 最後我地都揀左少辣, 始終覺得韓國野要辣辣地先好食! 可能我唔太怕食辣, 少辣又唔太食得出辣味, 喜愛食辣既人可以揀返辣DD~~ 餃子味道很好, 饀料很豐富! 但豬肉個質感就麻麻地...而粉絲就好好食!再來的是海鮮蔥餅, 連埋一支好似係豉油既醬汁一齊上, 本身怕太咸和較喜愛原汁原味, 冇

兩公婆去食呢個團購，去到新店，感覺幾新又乾淨，可能時間係五點幾，大約得2，3成人左右，靜靜地，所以坐得幾舒服一開始有兩個沙津，細細碟，味道不錯，玉子加左d醬幾好味，菜都新鮮，跟住比個好似蝦餅食物，落左d汁，好味呀，又香脆，我like。。。跟住就上左個粉絲石頭鍋，有三件雲吞，雲吞一般般啦，再配d肉，菜等，雖然話中辣，但都唔算好辣，兩公婆覺得啱啱好，個鍋都唔算細，以團購來說，叫足料，食緊鍋時，個鐵板牛仔骨飯又到，先講個飯先，有四塊牛仔肉，肉上加左d薑片，好大路的韓國食品，加上飯低比個鐵板燒過，有少少香脆，不錯，但牛仔肉過左少少火，有塊幾un,可惜，其次係，如果大家又係食呢個149set團購，可能要叫佢地上慢少少呢個鐵板餐，因為一下子上晒三樣食物，變左食到鐵板時，我老婆已經覺得d飯餸凍左，哎呀，即刻好食都變唔好食啦，如果上菜時間格開少少，應該更加good,last包埋兩杯飲料，整體不錯，坐得舒服P.S.其實我係諗住四五點食呢個餐，但book左三次，有早一日，二日，五日問（全部平日），但都話full，真係玩我咩。。可能每日一二個quota卦，anyway，店員都親切有禮，大家放心

星期六下午放工後, 約了老姊和姊夫午飯. 之前聽同事說, 有間叫首爾的韓式小店質數不錯, 於是前去一試 (後來才知道去了分店 ). 到達時其實已經接近下午一點半, 不過店內客人仍然很多, 幾近滿坐! 店子裝修簡約, 枱之間不算擠迫.餐牌上的選擇也算多, 基本的辛辣麵和石頭飯還是有的.最先來的是例湯, 這個湯有粟米粒, 蛋花和豆腐. 湯的味道很淡, 不過勝在夠暖.傳統石頭飯烤豬肉 $38石頭飯夠熱, 上枱時還是冒煙的! 雖然有飯焦, 不過飯粒太腍太多水份, 所以有點爛; 烤豬肉無論味道和賣相都似牛肉, 可惜煮得太乾身, 食味麻麻.肥牛辛辣麵 $40普通辛辣麵一碗, 有肥牛, 粟米粒, 金菇, 紫菜絲等, 不過從相片中也見到, 只有很少肥牛, 而且是肥多多肉少少的一種, 肉的部份少得可憐.本來想喝奶茶, 但侍應居然說沒有奶茶, 只有咖啡. 這裡的咖啡只有苦味, 無論加多少糖也不好喝, 比即溶咖啡更不濟!! 至於菜蜜, 則是正常的甜.可能因為客人不絕的關係, 侍應的態度也比較傲慢, 一見我們放低餐具, 已經立即過來收碟, 甚有趕客feel. 吃後覺得跟同事口中說OK的質素相去甚遠, 如果有