影片
港鐵灣仔站 A5 出口
繼續閱讀
電話號碼
25847722
特色
飲o野傾計
營業時間
今日營業
17:00 - 00:00
星期一至四
17:00 - 00:00
星期五至六
17:00 - 01:00
星期日
全日休息
以上資料只供參考, 請與餐廳確認詳情
招牌菜
食評 (10)
其實真係冇諗過佢啲cocktail同埋mocktail都咁唔好飲，真係非常之失望朋友叫咗一杯it's complicated嘅雞尾酒,飲落去我覺得有少少似藥水味,唔係一杯飲完一啖會想飲曬成杯嘅味道另外我叫嘅mocktail叫做dirty apple， 叫得dirty預咗佢係有少少喊，但係我估唔到好似飲咁咸橄欖水咁。。。我覺得飲曬成杯係即刻會有腎病嘅狀況，而且一啲蘋果味都冇，我真係完全接受唔到，所以同侍應講呢一杯mocktail完全係同商品說明有出入，佢請我揀過飲另一樣嘢，咁我就諗住試下佢嘅sparkling tea，其實根本唔係sparkling,佢係打咗泡沫而唔係打咗氣入去個茶度,佢畀我試咗,跟住我同佢講我都係飲水得喇另外叫咗兩個小食,松露炸薯條同埋焗camembert,由於兩款小食都唔需要太高技術去整，所以味道係可以接受嘅
繼續閱讀
人均$200君悅酒店大堂champagne bar🥂 @grandhyatthongkong見到champagne bar重開有買一送一優惠（💰至今個月29號！）即刻約埋朋友黎吹吹水😍🥥smoked coconut$140 啱曬打卡嘅一款！roasted coconut flakes sous-vide in sake，味道濃郁，加上champagne嘅氣泡🫧女仔都會十分enjoy🧀wine&chessse$150 自家製無花果糖漿淡淡嘅甜味，職員介紹話係無咁易肥😍杯沿自家製芝士片融合blue cheese&mozzarella鹹香好食🤩🧀香檳吧 (灣仔)灣仔港灣道1號君悅酒店大堂
繼續閱讀
訂左枱係Grand Hyatt食飯，見未夠鐘就去左酒店嘅酒吧飲杯野。入去嘅時候尚算早，所以只有2 3枱客人，侍應就俾我地坐係梳化。中間嘅圓型吧枱有一大束鮮花裝飾，十分華麗✨坐底就上左小食盤，有果仁，蔬菜片同pretzels 🥨。本來諗住有pretzels好正，點知已經’淋’左..😔但蔬菜片就仲脆嘅，唔錯👌🏻我麻麻地酒類，所以叫左杯西柚汁梳打，飲落酸酸地幾醒胃，但就無乜西柚味，都幾好飲嘅。
繼續閱讀
2226 瀏覽
舅父收到美國運通白金信用卡送贈之君悅酒店餐膳優惠卡，週六行完書展就帶咗小肥同靚靚媽咪去高級酒店間「香檳吧」度共聚歡樂時光！翻閱優惠卡背頁列出之細則，先知原來除咗有限定使用日期之外，優惠卡每次最多只可用一千元，而且必需要加一前消費滿相等於優惠卡面值兩倍或以上先可以用得到，咁即係話優惠頂多為半價，如要用一千元面值o既優惠卡，張單最少要二千二百元先可以用得。此外，當用上優惠卡後有餘數的話，客人必需要以美國運通白金信用卡簽賬，明顯係唔容許顧客轉讓優惠卡，依招都幾絕！酒吧用上透明玻璃門作門面，講真眼力唔好真係有機會好似XO仔咁搵唔到。店名雖只用上「香檳」起名，但就如門外o既陳列酒品中所見，除咗香檳之外，貴客亦可點上其他佳釀。嘻嘻，不過細佬一向專一，只對香檳情有獨鍾！「香檳吧」準五點開門，室內燈光極之暗淡，拍照絕非易事，從接待處步入樓底高高o既大廳內必先經過中央又大又圓o既酒吧區，酒保全於酒吧中心內工作，透明度極高。而其他散座均配上厚墊梳化椅，於紅地毯上面向著表演舞台，感覺舒適，且華麗得好有情調。由於諗住只會喺度逗留片刻，所以就喺續杯點嗰頁酒牌揀。唔知係咪炎炎夏日特別口乾所至，半個鐘未到已飲咗兩款有年份o既「1999 Tarlant」（$320/杯）及粉紅色代表「2012 Louis Roederer Rosé」（$260/杯）。由於自己喺出面有買開香檳飲，總覺高級酒店單杯香檳叫價也太高了。可惜要飲完兩輪後，先醒起其實三口子應該開一樽黎飲，咁先能確保香檳最夠氣同價錢最化算。邊個叫酒鬼個頭腦要飲咗兩杯先夠清醒咩，今次真係笨咗都唔可以怨人。店子厚厚o既酒牌其實有好多不同選擇，包括白酒、紅酒、雞尾酒、啤酒、及其他烈酒項目。舅父讚生啤「Classic Pale Ale – YOUNG MATSER」（$98/小；$128/大）清新芳香，好有驚喜。餐牌上亦不乏送酒小食。不過每枱酒客都會免費送贈三色小食拼盤，有薯片、果仁及pretzel，個人覺得歡樂時光如果唔係太肚餓其實都無須加點食物。三人見距離晚飯仲可以加多輪，靚靚媽咪就加多一杯佢自己一向喜愛o既「Billecart-Salmon Reservé」（$200/杯）。XO仔就試咗客包有三個半杯不同香檳o既「A Journey to Champagne」（$300/客）。由第一杯「Pol Roger Reservé」進化到「2000 Cazals」，再交由「Frederic Savat Bulle de Rosé」結尾。個人愛飲香檳，但自問對香檳又未講究到可以評價這個「香檳旅程」，只可以話之前友善好客o既外籍服務生Gordon哥哥推介單杯嗰兩款較適合個人口味。「香檳吧」高尚雅致，酒品高企之價格明顯全因環境定位。個人最失望就係服務生態度參差，當中有友善o既外籍酒保，但亦有看似睇唔起三人用優惠卡埋單之黑面姐姐，講真去得五星級酒店都預咗咩價位，只係當用上優惠卡後仲要補多過一千元，再要遭別人白眼就感覺被掠水掠得極不爽囉！後記：週二晚舅父與友人再次到臨「香檳吧」暢飲黃昏啤酒，回家時即告知小肥當日歡樂時光只有酒保Gordon一人招呼，雖則要兼顧落單、備酒、添小食、清潔、埋單等工作，其誠懇之態度及高效率之表現均值得一再讚許，服務終配合返五星級酒店應有之水平。
繼續閱讀
昨晚有人生日所以出黎飲野,幾個人叫了1支香檳,一支紅酒,香檳約$2000,不過唔係咁好飲,反而支紅酒約$1000,相比之下好好多.個女歌手唱得幾好,不過唔知係咪星期五的關係,所以好多人,好嘈...
繼續閱讀