香港仔周記點心茶餐廳 (已結業)

外賣$38鳳爪排骨飯 打開賣相如圖餸少之餘亦冇飯香 D餸要慳D食 真是少得可憐同其他只做外賣點心賣十幾二十蚊的質素差不多 佢另外有個午市套餐係有點心+飲品 價錢大約好似58左右

周記流心西多之前好鬼出名，連電視台都有介紹過。出名換嚟嘅就係要排隊食，我呢d行步路都懶嘅人就梗係唔會排啦，要企架喎！唔知企幾耐架喎！就係因為懶，所以一直都未有機會食。今日都上環工作，又俾我經過見到，因為時間尚早，又無乜人喎，當然要把握機會啦。佛系食好西，緣份到了，自然有得食！中午12點到2點繁忙時間係無得食嘅，好彩我入去時係11:35分，阿姐話仲可以order! 即叫即整，等咗5-10分鐘有得食。上碟時麵包炸到金黃色，脹卜卜咁，已經叫友人拎定相機。果然，一切開，d流心奶皇好似缺堤咁湧出嚟，多到浸住我個西多，痴線架！食落當好過癮啦，奶皇有咸蛋黃香味，西多又夠脆，但一路食，一路想像呢舊嘢有幾多卡路里.....好邪惡，又好好食，好內疚，又不停擺落口.....吃貨嘅心理爭札，你懂嗎？

順路行入呢間鋪，老闆好熱心，我地食緊餐飯既時候佢都有問d食物係咪啱口味，真係有心～蝦餃口感幾好，西多士亦都幾香，以後梗係會再黎既，總之，味道好，服務好，環境好，景色好，非常之開心既用餐體驗

真係估唔到今日試到一間好特別嘅茶餐廳！ 入到間茶餐廳感覺尚算寬躺，不過呢個都唔係重點，重點嘅係，估佢唔到竟然有一個鮑汁花膠花菇飯，喺好奇心驅使底下，就勇敢地喺茶餐廳一個咁靚嘅飯 ，不過我老公叫我唔好咁大期望，點都好，咪叫嚟試下囉⋯⋯堅好味！即刻感覺啲骨膠原返晒嚟 ，好彩有叫到！另外仲叫咗個炸米網素春卷，好香口好好味仲有極度邪惡嘅鵪鶉蛋燒賣同埋薑蔥牛柏葉仲有我最喜愛嘅支裝可樂！完成今日兩個人嘅晚餐！超級滿足！

今日經過上環見到有間＂香港仔周記點心茶餐廳＂，見佢地方都光猛乾淨，就一於試下。我今日一個人的浪漫，坐喺向窗嘅位置，感覺一D都唔似茶餐廳起碼唔洗向住D唔識嘅人面對面咁食嘢，輕鬆自在！首先食咗個傳統鳯爪，味道同其他酒樓嘅有過之而無不及 更值得一提嘅係呢個＂金網＂老干媽醬嘅炒腸粉，微微辣又野味，個網仲脆卜卜，好味！出面唔多地方可以食到 其實見到隔離枱叫其他D點心都好吸引，不過今次我一個人食量有限，下次一定要同埋D朋友試多D其他嘢

身為「打工仔」嘅我今日去咗食Lunch😍，啲野食好快到仲要好好味😋😋，價錢一D都唔算貴🍽。環境都好好👏🏻👏🏻，一啲都唔逼🤗，坐得好舒服😍😍。服務態度都好好🤤，估唔到喺茶餐廳都食得咁開心！好大嘅驚喜啊！極力重點推薦大家要食呢個「金瓜咸水角」！堅係好好味😍佢嗰樣好可愛真係色香味俱全！！仲有呢個「金網老干媽醬炒蘿蔔糕」亦都係好好味🤤原來個金網係食得㗎🤣🤣仲好脆卜卜㖭！🤗

見到新開就去試新嘢。入到去差不多滿座，之前聽過佢地香港仔店d點心好出名，又聽聞d芝麻蝦多士同流心西多士，所以都想試吓，但因為得一個人又唔食得多，為有叫兩個最想試既。鵪鶉蛋燒賣 - 唔係買返黎翻熱，真係自家製，第一次食到鮮味既鵪鶉蛋燒賣而且唔駛加豉油。芝麻蝦多士 - 成個多士面都係芝麻，中間夾住好厚蝦肉，雖然好香芝麻，但又唔會蓋過蝦既鮮味，直得一試。見到餐牌有紅豆冰，而且有好多飲品都可以加紅豆，就叫咗杯鴛鴦紅豆冰，第一啖飲落覺得只有奶茶味，但慢慢會有少少咖啡香，不過失敗在冇粗飲管，唔可以紅豆同鴛鴦一齊飲。