馬六

營業中

休息中

路過晚餐，叫左蝦叻沙餐，飲話梅桔仔水共78蚊。叻沙好香椰汁味又夠杰，配菜魚蛋魚片條都夠，可惜只有一隻中蝦，如果一隻大蝦或者多2隻中蝦就好啦。話梅桔仔水都ok但飲到有柚蜜。因為當時只係6點左右，上菜快服務亦好。

好鍾意我屋企附近呢一間馬六餐廳 新開張嘅裝修乾淨 好多卡位坐 menu上面嘅都好多選擇有 雞飯 喇沙等等我今日就食咗我好鍾意嘅 馬六娘惹茶燻鴨飯分量好多鴨肉好香 啖啖肉配上 埋紫菜湯真係好夾 好飽肚 鴨味香濃 鴨皮都好香 啖啖肉 配上香茅橙茶 好開胃 感覺好健康另外 巴生肉骨茶湯米粉 都係好介紹 肉骨茶湯濃 厚配上米粉 湯底有藥材味 感覺健康 骨啖啖肉 好豐富 配上馬來手工奶茶 成件事好match 呢度嘢食價錢ok 用料新鮮 大量位置 坐得好舒服嗰啲都唔迫 其實都好有水準 價錢唔貴可以同朋友再嚟

【西環•馬六】————————————————————————馬陸已經喺香港紮根左多間分店 主打東南亞新加坡料理 多種班蘭食品及飲品選擇 巴東牛肉同海南雞係我嘅最愛 餐廳燈光光猛 有獨立卡位 雅座 坐得舒服 ｜巴東牛肉+班蘭椰漿飯｜HKD 88+16分開獨立嗌嘅巴東牛肉分量會較為多啱曬我呢個愛牛之人 有陣陣椰漿同埋辣味 肉質鮮嫩 用心調製而成｜海南雞飯拼肉骨茶｜HKD 92水準可以 係傳統新加坡海南雞製法 配上獨特三色醬 加上軟綿嘅油飯同埋肉骨茶 大大舊肉骨 好味絕配｜椰子班蘭冰｜HKD 12跟餐班蘭飲品已經係我字典入邊最愛一欄 椰汁冰加上班蘭汁 入口香甜｜香茅橙茶｜HKD 6跟餐橙味突出 係清新夏日消暑飲品餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD216/2位✨✨✨✨✨✨✨✨✨✨✨✨✨#西環美食 #馬六馬六西環石塘咀皇后大道西513號尼斯花園地下B號舖

馬六$100內就有一份晚市套餐，菜式選擇很多，套餐配飲品還可以優惠價追加小食，全日免收加一，真的蠻抵食的！🔸娘惹蔥油辣菜圃醬排骨飯配菜有蛋和蔥油辣菜圃，排骨吃起來很有口感，加上惹味醬汁很下飯呢🍚 🔹馬六什錦斑蘭椰漿飯有齊巴東牛肉、斑蘭包雞、脆魚和雞蛋，非常豐富～ 綠色的斑蘭椰漿飯充滿椰香，佐以花生和脆魚乾🐟🔸小食另外加點了兩份小食，分別是蘿蔔餅和蝦多士，兩份都是香口的小食，酥脆可口✨🔹飲品點了特色的老街椰汁冰和凍椰子班蘭冰，夏日炎炎喝一口沙汁真的透心涼🥥

<馬六> 📍香港大學站娘惹大蝦喇沙掺摻 ($78) — 喇沙湯底呢個麵食嘅靈魂所在，濃郁而香氣四溢，充滿了各種香料的風味，辣味的程度岩岩好，唔會過於辛辣。湯底中的椰奶賦予了喇沙獨特的濃郁口感，與其他香料和材料相互融合，創造出令人著迷的味道。豆卜的柔軟口感和豆芽的爽脆口感為菜餚增添了層次感。魚蛋同魚片亦都係另一賣點，所有配料與湯底融合在一起，形成了一個美味而平衡的整體。美祿恐龍 (+$8) — 調味足料，面頭鋪滿朱古力波波 👧🏻 有童年嘅感覺。甜甜的 🤎 解辣一流。餐廳環境設計都好東南亞風，頂頭有吊扇，夏日炎炎好舒適。餐廳好闊落，一啲都唔逼夾，坐得好舒服。🎐

馬六 Malacca Cuisine 地址：西環石塘咀皇后大道西513號尼斯花園地下B號舖Shop B, G/F, Nice Garden, 513 Queen's Road West, Shek Tong Tsui, Western District馬六是提供正宗馬六甲風味的餐廳, 難得菜式大多定價合理, 香港有美食天堂之稱, 世界各地的菜式都可以吃到。普羅大眾成日都食到的海南雞, LAKSA, 肉骨茶, 串燒都是星馬美食 檳城蝦湯面 （大蝦，豬頸肉，櫻花蝦）$78晚飯連飲品，蝦湯好濃尬，料又夠多，麵條索曬湯超正厚切香茅豬扒, 大量香芬茅醃製, 豬扒肥美多汁, 陣LEMONGRASS香氣很宜人。跟餐+$26怡保芽菜, 因為琅減肥減小攝取CARBOHYDRATE, 而SPROUT 可以當麵架口感。少油低卡健康, 個汁是豉油香馬來手工拉茶#香港美食 #hkfood #hkfoodie #yummy #foodporn #delicious #cuisine #restaurant # #restaurant #馬六 #MalaccaCuisine

無骨海南雞飯~最愛雞肉中間層啫喱! 食落增添左雞肉嘅嫩滑口感, 雞肉完全冇雪味, 雞皮都算薄而且唔多肥膏! 點埋香甜黑醬油同薑蒜蓉一齊食更突出雞嘅鮮味😋 配上一碗香噴噴嘅雞油飯正啊😍呢度嘅海南雞飯餐可再以超抵價錢加配各款特色小食、飲品或湯品如肉骨茶或者迷你喇沙等。呢度嘅肉骨茶係馬來西亞風味, 湯頭顏色較深中藥味較濃, 排骨肉質非常嫩且juicy👍🏻芝麻炸蝦多士, 將蝦膠塗上一片薄薄嘅多士上面再落油炸到金黃酥脆, 蝦膠爽口彈牙, 多士香脆惹味! 另外加配左一份拉絲炸芝士🧀️邪惡美味! 呢到竟然有我細細個鐘意飲嘅美綠恐龍🦖夠哂邪惡我鐘意!! 想養生一點嘅都可揀暖笠笠又養顏滋補嘅紅棗桂圓茶😚

馬六 - 西環西環石塘咀皇后大道西513號尼斯花園地下B號舖這次去到西環覓食，好耐冇食喇沙和肉骨茶，老友推介馬六，果然有水準。😎肉骨茶配米粉藥膳肉骨茶，份量十足，處理得很好，豬軟骨夠林，沒有味精，配料有豆卜、腐皮、冬菇，吃到中段可加油炸鬼和調味料增加層次，米粉夠彈牙，餸肉骨茶一流。😸雞扒喇沙摻掺喇沙湯底出色，夠香夠辣不油膩，可以直接飲用，豆卜、雞蛋、豆角吸收了湯底的精華，摻掺爽口彈牙，好開胃，雞扒超大塊，浸在湯底中，效果不錯，必食！🤤豬扒清雞湯米粉湯底夠鮮甜，配料有豆卜、雞蛋、豆角，加了乾蒜和香蔥更加正。豬扒醃得夠入味，沒有用梳打粉，份量十足。😄蝦多士即叫即炸，面層放了白芝麻增加香味，炸得恰到好處，又香又脆，餡料新鮮，推薦！😍脆炸芝士原條芝士，炸油新鮮，外脆內軟，好邪惡。焗釀蟹蓋餡料新鮮，不會太鹹。馬六 環境舒適，沒有味精，喇沙和肉骨茶高汁，回頭率高。🤘🏻

我不嬲都好鍾意食星馬菜 呢一間裝修風格都非常之有馬六甲風格嘅餐廳 真係好吸引到我 因為佢裝修光猛 位置好多 又近地鐵站非常之方便 嘢食質素都好高 而且價錢真係好街坊 見到佢啲嘢食質素越嚟越好 所以我周不時都會嚟幫襯下 menu都真係有精心設計經常更換 好多新嘢可以試 今日食咗個茶燻鴨飯因為我本身係唔食雞嘅 呢一個茶燻鴨真係好好餸飯 跟飯 紫菜湯茶燻鴨 好香 茶味好出 點埋啲 醬料真係好好餸飯 本身好少食到呢個茶燻鴨 呢次真係大滿足 分量好多 跟餐有一個嘢飲揀咗凍香茅產茶 香橙同埋紅茶好夾 味道好好 好消暑另外小食點咗 芝麻蝦多士 點佢嘅特製醬真係好香 熱手工奶茶 同港式奶茶好唔同 非常之香好有馬拉風味 呢一餐咁多嘢食 都差唔多100蚊到好抵食 仲有好多位坐得好舒服 服務又好好我會keep住嚟幫襯

同事午餐想食馬來野，經過馬六唔多人就試下。馬來咖喱厚切豬扒飯$68之前食馬六一直都係食佢的海南雞飯，因為仲可以配喇沙或者肉骨茶。今日想食豬扒先試下佢的咖喱豬扒飯。有驚喜，咖哩好濃郁，宥少少似沙嗲王的白咖哩果種南洋風味。有少少椰香，唔辣好好送飯。豬扒好淋，有炸過但唔多粉漿，之前食咗好多次都未食過佢呢個豬扒飯，但食一次之後愛上。

天寒地凍都好多時都想食碗熱辣辣既野，呢間連鎖式既馬拉/部加坡菜，小編終於試左第一次。入到去，白衫男經理有禮招呼埋邊等姐姐帶我地入位，地方尚算大亦有唔少吉4人同既2人卡位， 所以唔係好明點解兩位姐姐員工安排小編同一位腹大便便友人去坐走廊兩張唔夠位要斜角擺既4人位，小編同腹便便既友人要45度角側住坐，莫講話大肚果個，靈活既小編都覺得坐靠牆果邊係要用爬既方式入去。 滿腦子問號，不過可能佢地想客人與客人間鬆啲都無出聲。 點知接著姐姐好大聲咁邀請後面入黎既一對情侶坐埋邊既卡位，小編都禮貌問姐姐可否幫忙安排埋邊卡位予腹大便便既友人，擔心此走廊位多出入易撞到孕婦。怎料呢位爆炸頭姐姐丟一句座入去咪唔撞囉！😰😰😰😰😰😰😰小編是有禮的人，雖然明顯地大把位佢絕對有很多不同且更好的按排，但無謂同啲無同理心講所謂的道理，自已稍微移動角度並著友人小心點外邊的碰撞便算了。所以永遠最影響食客既印象，除左食物能否達到standard之外，就係員工既態度。本來好想讚白衫經理一直保持有禮屬於可加分位，可惜呢個爆炸頭姐姐絕對破壞左其他有禮員工既standard而對餐廳印象變差從此不會再回頭🤢叫左熱辣辣既喇沙，想說本來也不是出

今晚天寒地凍，同家人諗住去飲碗暖笠笠嘅肉骨茶，去到就帶咗個二人餐，啲食物上得好快，但係已經凍晒，連碗肉骨茶都冇出煙。期間，有個白衫經理走埋嚟話放低錯咗個蟹肉數喺我哋枱面，其實都已經放低咗20分鐘，然後立即喺我哋面前掉咗落垃圾桶，態度好差，其實我哋都冇食過個蟹肉盒，咁樣喺我哋面前掉咗佢好似潛台詞係：「拎去倒咗佢都唔俾你食呀！」呢個處理方法真係好有問題，再者，啲海南雞肥膏多過肉，雞皮上面仲有好多雞毛，好講真，呢間嘢都唔需要再去。

馬六 (西環)西環石塘咀皇后大道西513號尼斯花園地下B舖呢間好多分店， 唔係剩係可以去到石塘嘴先可以食嫁！😆😆十分推薦🫶🏻🫶🏻👍👍1. 桔仔香矛豬頸斑蘭飯， 豬頸肉睇落好淺色，實情食起上起有辣味，非常惹味，飯口感好爽又唔會有油膩感😏🫶🏻 好想食多次！圖中仲有一條用菜包住嘅係札肉，幫整碟飯畫龍點睛🙆🏻‍♀️ 配埋大塊蝦餅，有多重口感2. 香矛豬扒喇沙， 係鋪頭招牌菜，最後連湯都飲埋🤣🤣價錢好合理，人均HKD 60-80 包飲品，可以再encore 👍🤪#新加坡菜#石塘咀美食#石塘咀#香港打卡#hkig#hkfoodie#hkfoodblogger#hkfoodblog#hkfoodstagram #hkfoodlover#hkig#hkfoodie_life_港島綫

其中一頁Manu油飯不油膩，够哂鹹香。要讚吓碟海南雞，肉質鮮嫩，雞皮又滑又薄，連皮都食埋，而且雞肉份量充足，够味又够飽，推薦給各位。深海魚外脆肉鮮美，醬汁少辣又惹味，白飯捞汁鱼都可以唔洗食。肉骨茶配海雞的油飯，感覺良好兼新鲜，排骨蚊得頗鬆化，加上豆卜連湯都飲埋。大家不妨嘗試吓！！

下午茶時段過來，套餐嘅各樣主食、小食、甜點及飲品非常抵食。海南雞喇沙喇沙非常足料惹味，海南雞肉質嫩滑，粉麵煙靭，配料好多，樣樣都可口！海南雞飯海南雞嫩滑，肉質鮮甜。薑油飯很香。桂圓紅棗茶呢個季節秋風起，最適宜飲杯熱飲，健康又暖胃。材料有菊花、玫瑰花、杞子、龍眼肉、紅棗。咖央奶綠呢個小食好好食，值得一試。用阿華田灑上麵包，再用阿華田做餡料焗嘅多士，非常甘香可口，口感唔太甜。鮮椰青椰青水非常清甜，椰青肉鮮甜。