馬哥孛羅咖啡廳

今日去馬可孛羅酒店staycation，咁上網聽聞呢間野既自助餐性價比唔錯，去住一晚唔係唔食呀，個日去到冇咩人食，大概佔左餐廳既一半左右。首先刺生一定要食三文魚同吞拿魚嫁啦，2個都好新鮮，叫左好多碟，我真係太愛刺身了，每次自助餐食生野既比例佔左一大半，平時都唔點食凍野，但自助餐真係食足一個月既份量。再講下佢既蟹先，佢有麵包蟹，原來唔係好多間酒店係有麵包蟹食嫁炸，我朋友好鍾意食，但我就覺得好一般，都係長腳蟹好食啲

首先入到嚟環境好乾淨 👍🏻👍🏻👍🏻👍🏻然後服務生帶我哋去座位嘅時候服務態度都好好 😋🥳🥰食物種類款式都非常豐富 👍🏻海鮮尚算新鮮食物質素 中上 對得住佢嘅價格 ✅如果再有優惠推出 有機會會再嚟食多次 😏😎😜🤓😏 但係想喺依度反映下唯一美中不足嘅係 啲海蝦有啲太細隻同埋對比起其他海鮮嚟講係冇咁新鮮 可能係咁啱我嗰一批比較參差 🤯🤯因為整體來講比如生濠之類都合格 🥸希望下次嚟到會識到新鮮蝦，因為本人都比較喜歡食蝦

我透過「網站」預訂【低至84折優惠】$303，馬哥孛羅香港酒店的馬哥孛羅咖啡廳 Cafe Marco，與兩位朋友享用助午餐。大堂裝潢有點兒懷舊風格，閒日用餐，客人不多，因此環境顯得寧願舒適。一般自助餐美食都齊備，我比較喜歡熱食，因此日式食品與凍海鮮也沒沾唇。首先淺嘗港式小炒，肉碎茄子、豬柳炒翠玉瓜和燒鴨都不賴，鮮魷和豉油雞就不推介了！第二輪取餐，豬脷、耳和肚冷盤都美味可口，中間是很腍滑的土耳其串燒肉，我蘸牛油果醬吃，最上方是蒸籠點心，口感味道一般。第三輪取餐，豬腳、蛋和甜醋，豬腳夠腍，蛋入味，但我發覺沒有薑，甜醋味道因此稍欠不足！第四輪取餐，限量版~雪耳燉雞湯，燉湯因為雪耳燉夠火路，湯質有綿密口感！第五輪取餐已經吃水果與甜品，多款小甜品，我都歡！很想嘗果凍，但太飽了！最後吃雪糕！餐飲~我分別嘗試芒果汁與西瓜汁，有果味，蠻好的！

上網見到cafe marco有7折，仲要有長者優惠，所以去試下，於是訂枱，但訂完枱後上網見到食評麻麻，同環境唔係咁好，諗緊會唔會中伏想轉陣，但見老人家想去，最終都係照去。當日我地去到就差唔多開始lunch buffet，仲有時間俾我影幾張靚相。Cafe Marco食物區比較細，食物唔算多，但應有既都有，刺身壽司區（確實唔算新鮮，所以無上），沙律，燒烤，海鮮，甜品等都有，但食物款式只有幾款，味道正常，唔算突別好味。個人比較喜歡佢地既中東燒雞，雞肉燒到岩岩好香嫩多汁，另外甜品區有個桶仔豆腐花，都ok，口感軟滑。環境算係整潔，地板都無痴笠笠既感覺。整體上以3百幾蚊既buffet質素，只可以話正常水平。

今天即興食buffet, 上klook看見這間，又想起爸爸以前說這間酒店自助餐性價比頗高便去試試看......是次光顧的是星期六日公眾假期提供的下午茶自助餐，正價$348一位（另加一）坐下來環顧四周裝潢，感覺是比較陳舊，燈光昏暗。再看看食物bar, 以下午茶來說可供選擇是差不多。有凍盤，壽司刺司(每樣三，四款~ 點到即止)，熱葷，炒飯，點In，粥，湯，沙律，水果，甜品(係最多款式)不過都吾算好好食，食番haagen-dazs雪糕和豆腐花比較穩陣食客坐得三分一左右說明了一切。我試過就算，next restaurant見~

一入到去餐廳已覺得伏味濃，裝修很舊，全場不滿十張枱。出到去拎食物，行咗一個圈，竟然冇嘢係想食。食物質素好唔得，食物賣相亦唔得，連食物前面既名稱牌都有啲有有啲冇，食物器皿亦十分舊。麵食更加係經典，問佢有咩麵，佢話要睇下先，然後係雪櫃搵左一陣先搵到，見到舊麵，覺得有啲不妙，所以最後都係唔食。今晚既自助餐真係令我好有陰影，食自助餐食完之後好似無食過野咁。其實成個自助餐嘅設置，根本就毫無誠意，其實何必每晚浪費食物呢？？如果一定要搵啲野讚，就係個到樓面既服務員態度良好。

星期日，通常都四圍試下唔同的中午自助餐，睇了食評，大都說這間質素差，但自己未試過，咁岩open rich 訂有7折，即管試下。環境都不是說的咁舊，食物種類不是太多款選擇，但應該有的都有，（粥（雞粥香粥）粉（湯粉）麵（龍虾意粉）飯（炒飯，咖哩飯等）魚生，海鮮（螺/長蟹腳，熟虾等），牛扒，豬扒，雞鵝樣樣齊，甜品種類都多，而且食物品道不錯及新鮮，飲品，果汁任飲。侍應態度都親切 。以這個價錢來說，已經好過好多尖沙區的酒店了。特別要推介豆腐花，滑到不得了，超級好味😋

好耐好耐之前食過Marco Polo dinner buffet, 記憶中係好味gei, 今日好有buffet mood就試下個tea buffet, 點知......10萬個後悔!!大約3點已經到左, 兜左個圈見到都算ok多野食, 個賣相好似幾好咁, 食前真係好期待!首先係冷盤, 刺身望落唔係話好新鮮, 食落就可以接受, 冇乜驚喜, 但個蕎麥麵就出晒事, 點解個麵質唔只唔係彈牙, 仲要食完會好似變左食緊薯蓉咁, 跟住就係d凍蝦, ham都還好。然後就開始試下d主食, 咖哩好食, 豬頸肉都唔錯, 粟米正常, 但個茄子好難食, 以我1個咁鍾意食茄子gei人都會嫌棄, 證明佢真係好惡劣.....個雞翼係最差!! 點解雞都可以有羶味, 我即時吐返出黎!!個粥好啖, 亦冇乜豬肉朋友攞左個要湖牛肉羹, 朋友未試過食, 可惜比左個錯gei印象佢。佢唔可以叫做羹, 只可以叫做湯, 好水, 冇芫荽味, 更加冇牛肉味, 根本就無味可言! 另外仲有個粉又係唔夠味!!最後都試下甜品, 諗住會有驚喜, 點知都係驚多喜少。除左個法式燉蛋同朱古力蛋糕好食, cheese cake叫做正常, Macaron朱古力味

今日本來好開心，同家人book咗嚟呢間酒店食自助午餐，點知真係如其他食評所講，食物質素非常差，令到家人吃得不愉快。海鮮冷盤，蝦，蜆，翡翠螺都唔新鮮⋯食完好快就要去廁所排毒😣😣，食物品種選擇不多，價錢唔算平，侍應態度差，冇人執枱，初段時間取食物的碟子也未有補充番，要行去較遠的地方取碟子裝食物，熟食檔的侍應好喜歡質問客人⋯甜品也不多，對五星級酒店服務極度失望，係我去過食自助餐最差的一間，絶對不會介紹朋友去幫襯🤒️🤒️🤒️

從來都未食過咁低水平但價錢唔平的buffet心想負評不少但又想去試這間酒店的自助餐，所以便膽粗粗去試試！ 結果和衆多負評一樣：食品欠質素、存放太耐唔熱、賣相不佳！面對一些食品連想夾起放到碟裡的衝動都沒有真係浪費金錢和時間！

今次去咗marco polo自助午餐，本身以為係出名酒店，自助餐應該唔太差。可惜。。。😢一入去已經感覺裝修好舊，燈光昏暗，地板仲黐立立。食物種類唔多，一個圈行哂。最失望係食物質素差，d肉好鞋，甜品都唔多。木糠布甸得cream,完全唔係木糠布甸🤨唯一好就係有Häagen-Dazs 雪糕。唔會再嚟😔

錯誤book咗呢間餐廳嘅自助餐，一入門口已經知錯咗，再睇埋啲環境同嘢食，就好明白點解佢咁容易就 book倒位。種類少，味道同質素差（我阿媽食倒佢一舊炸魚係臭的），價錢貴。嘢食係一眼可以睇哂，基本你行兩轉，已經係唔想再出去拎冷熱盤食， 因為冇一樣嘢食係會令你想再食。甜品種類都係好少，但質素算唔差，但都係一兩轉就已經收手。 我成日都同屋企人去食自助午餐， 都試過好多間，呢間真係暫時最差嘅一間，同埋係食唔飽同唔滿足嘅一間，根本係二百蚊都唔會想再去，更何況佢折埋再加埋長者優惠平均都要三百幾蚊一位。以呢個價錢，可以搵倒更好。再加埋佢啲裝修，非常古舊簡陋。空間感係好夠， 因為根本唔多客人， 但環境令人唔舒服，感覺一啲都唔似喺一間酒店，連基本嘅洗手間都係用商場個廁所。最好攪笑係當中有一個侍應，係連廣東華都聽唔明，淨係識聽普通話呢。今次經驗真係好差呢！

錯誤book了這間Marco Polo HK hotel的cafe buffet，一進餐廳看到舊式裝修 心感不妙。但到處看食物之後，覺得食物也算豐富，種類數量也合理，不過熱盤明顯較着重國內口味。冷盤有龍蝦、生蠔、刺身、藍青口、小龍蝦；熱盤有羊架、牛扒、還有土耳其烤肉；不過生蠔肉質極薄 味道一般，龍蝦是逐少放出來，要等侍應添加。因為不太愛熱盤，所以那些中式蒸魚等食物沒有理會。直得一讚餐廳安排，每人一件鵝肝多士，多士上面有酸甜梅子醬 令鵝肝感覺清新，沒有「太漏」的油膩感覺。因為小朋友生日，餐廳侍應主動送上一件芝士蛋糕並點上蠟燭，還為我一家拍照；侍應勤快，添水和收碟也快速，又會主動告知自助飲品位置，招呼周到。甜品種類有十多款，每件一口的size,可以試多幾件；最愛Häagen-Dazs雪糕雪條，細杯裝啱晒鍾意試味的小朋友！

之前經電話join 咗member，所以屋企人連續幾次慶祝都黎換蛋糕，基本上有7-8款選擇，食過幾次都好滿意，芝士蛋糕，拿破倫，黑森林等等，設計唔係新式花巧嘅蛋糕，係屬於傳統簡單款式，夠大體。蛋糕黎講唔會太甜，所以完全無膩感，可惜今次個鮮果忌廉蛋糕敗筆於奇異果上，我唔知係咪為咗挺身擺盤靚d，但個奇異果係生到接受唔到，爽到食緊蘋果咁，仲要酸到五官乸埋一堆...係幾影響今次食蛋糕嘅體驗。但撥開d 奇異果，蛋糕依舊係好食，唔甜，唔膩，鬆軟好食。

琴日生日🎂開開心心咁同屋企人一齊去Cafe Marco 食lunch buffet 🍽第一次同埋啲小朋友一齊嚟食👧🏻🧒🏻以lunch buffet嚟講覺得佢真係抵食👍🏻鍾意海鮮同壽司嘅朋友會可能覺得少款唔夠喉～但質素唔差，今日嘅翡翠螺、藍青口都好鮮甜❤️至於熟食方面，佢真係「環球美食」，包羅萬有！中、西、日、印 都有～其中必食嘅係「🦞龍蝦意粉」、「🌶印度咖哩」、「🐤雞肉粥」～我地大人滿意之餘，我2個小寶都讚好食💯至於我最緊張嘅甜品方面🍰，款式唔算好多但又係樣樣都叫有啲～味道方面就普普通通喇，冇乜驚喜，但又唔係唔好食～所以整體都係抵食冇伏👍🏻👍🏻