馬場洞烤肉專門店 (新城市廣場三期) (已結業)

接待帶位員，服務態度差，不知所謂，唔講以為佢先係顧客「今時今日咁嘅服務態度唔夠架」呢句說話出現咗就嚟廿年，估唔到接近廿年後嘅今日，2021年，都仲要重提呢句說話攞咗飛，有無明文規定，一定要企定定喺佢間鋪嘅門口，等佢大哥嗌飛？係咪一定要個客人企定定等佢嗌飛？我用程式訂位，無企喺門口，行開咗，一見到屏幕顯示係自己張飛，就同啲職員講喇，點知嗰位大哥帶位員就大大聲講：我頭先好大聲叫咗你張飛，都無人應我，而家無位俾你架喇，門口啲人等咗成個半鐘，我俾佢哋入，唔會俾枱你架喇喂！大哥，你又知我等嘅時間無個半鐘？定係你呢位大哥覺得所有客人都要受你氣？可能 貴公司處事方針：職員至上，等位一定要企喺佢面前等，嗌你張飛時你一定要喺度唔俾位我都唔緊要，因為我唔幫襯你哋，我係無損失的我只係覺得帶位嗰位大哥真係要再培訓而已上次食已經受氣，估唔到今次再受氣以後唔會再幫襯

適逢佛誕有一天假期，相約朋友晚餐相聚 ，特別選了食韓式晚餐，沒有等了太久就已經可以入座，用餐時間90分鐘，實屬正常 ，我們 點了馬場洞 豬脊骨土豆鍋 ，餐牌推介之選$278， 韓式生牛肉$128 ，西柚梳打 $38，點餐後同朋友 談笑風生，後來發現還未有食物送上 ，看看錶已過了40分鐘，之後店員隨隨從上 豬脊骨土豆鍋 ，這款食物是要用火爐翻熱才可以吃，這樣又再等要10至15分鐘， 試問用餐時間90分鐘 ，點會夠 時間食？另我們再向店員查詢生牛肉及飲品還未到 ，經店員查單後 ，說飲品現在整緊請耐心等候， 生牛肉沒有落單現在仲要唔要 ？當時我們加返 ，開始食 豬脊骨時，同朋友已經對望了一眼，這個鍋完全沒有味道， 餐牌上標明有一隻辣椒 ，沒有咸味，亦沒有辣味，真是令我們很失望，生牛肉不是一般韓式雪梨切絲加入牛肉，而牛肉口感偏韌, 而飲品則是最後15分鐘才送上，仲要係D冰已溶晒，應該放了一段長時間才送上，點了三款食品，沒有一款是正常的， 總括 餐廳應落單 流程及出菜混亂，食物質素偏差

成日聽到朋友話馬場洞既韓牛出名今次就等我試一試佢Lunch好多人排隊,都等左15分鐘左右先有得入去一坐低，是認即刻俾咗三碟小菜你韓國小菜一定唔少得泡菜泡菜味道偏酸，唔會太辣牛肉牛骨濃湯配飯份量好多，牛骨湯好香濃，味道較清淡其實就算唔送飯都夠飽，因為湯入面仲有d麵牛肉咬落去唔柴，好香牛味。脊骨土豆🥔鍋配飯骨頭比較多，可以食既肉比較少湯入面有d紫蘇粉，食落都幾香土豆🥔好軟但真係普通，無乜記憶點😹😹😹

啲肉質都ok嘅 燒肉係可以的 不過 重點黎啦 我從來都未食過啲咁難食嘅冷麵 首先 啲麵質好奇怪 一pat咁 完全唔知自己食緊咩咩 都算 哇個麵係真係冇味架喎 好似食緊浸係凍水嘅麵嘅 加完啲醋同芥末仲衰 極望失望 最後 令我更加嬲同不解嘅係 唔知點解係咁有客埋單走人 但唔放人入去 平日收工去食 8點拎飛 個門口個店員長期唔係到 等到830pm 先話要等多半個鐘 但9點last order🤷🏻‍♀️ 完全唔知做緊啲咩 管理差 真心以後唔會再食 冇必要 囇我時間

新城市設計個app出黎比大家拎位就係為左方便大家加嘛。我用app拎左位，咁爭10張飛所以冇係門口企定定等啦。過左5分鐘都冇再睇電話就見到隨即到左我個number，然後已經跑去餐廳同職員示意，當時見到門口個顯示屏上面仲係顯示我個拎位個number嘅。點知職員同我話我張飛過左，佢已經比左我個位其他人，仲叫我慢慢等下，好多人都等左好耐。問題黎喇，咁我用個app拎位，suppose唔一定要企等係到等位，同埋到我number前5個係應該會有信息話比我知，但我冇收到！！！好，你可以話係個app嘅問題唔關你事，但都唔係咁樣同個客講野囉！聽到個職員咁講，唔食野，受氣都飽晒😡

📍馬場洞烤肉專門店 (沙田)午餐好想食燒肉，就黎左呢間食韓燒。餐廳環境幾好，地面乾淨，燒肉既時間抽風都好，唔會有油煙味。餐廳有可以續既小菜，包埋泡菜一共有三款，同埋幾款都好食既。🥩牛肉套餐（一人份）$148本身擔心一人份既肉量會唔會太少，黎到都可以，每款有三塊，而且每塊大細都幾好。油脂感十足，食落油香肉味十足。而且口感好好，唔算話入口即溶，但都相差唔遠。仲有兩塊菇，食完燒肉食，清清地都幾好。📍沙田沙田正街18號新城市廣場三期3樓A311號舖

做完身體檢查後，餓到頂唔順嘅我，就當然要去覓食啦！食咩好呢？每次經過都發現這間餐廳好多人幫襯，今次我又要試！進入餐廳，環境很乾淨，已有幾枱食燒烤，幸好沒有油煙味，抽油煙系統可能還不錯！餐廳職員很快就遞上幾碟前菜小食，最好味的還是泡菜！左看右看，食咩好🤨？香辣海鮮豆腐湯烏冬海鮮不太多，烏冬不夠QQ，不過湯的味道尚可接受。蔘雞湯太掛住韓國的人蔘雞湯，所以就點了這款。可惜......差太遠了。不單湯沒有蔘味，雞味也不太濃，非常失敗😪！

限聚令下經常叫外賣，好怕d炸雞叫到返黎就漏氣淋晒，馬場洞既招牌炸雞，黎到外皮仍然可以食到咔咔聲，肉汁飽滿嫩滑，對得起佢既價格定位，配埋蜜糖芥末醬，味道岩岩好。另外好欣賞既係超多配菜，叫過幾次，除左泡菜外，每次都有唔到既配菜，試過係西蘭花亦試過菠菜蘿蔔，每次都有驚喜。另外套餐可以跟一個韓式炒粉絲，滿滿既蔬菜絲，有青瓜蘿蔔等，炒絲以麻油調味，略油但好香，如果唔計牛肉，非常好食，但美中不足就係佢既牛肉非常乾，又“那”埋弓舊，難啃過牛肉乾，雖然調味唔差，但我同朋友每次都冇食，可以改善下就好啦。

午餐多選擇$70左右午市set有排骨湯飯，有炸雞,有拌飯，牛湯飯我揀炸雞同排骨湯飯，牛骨湯排骨湯好似樣，食到韓國骨湯味，調味粉呢，應該係山椒粉牛骨湯一般炸雞不過不失，粉多左d,厚左,

今日和太太往新城市廣場馬場洞烤肉專門店食午餐, 我們點了石鍋魷魚拌飯配百事,升級炸雞和水冷面配烤牛肉及熱茶。食午餐前職員送上前菜, 前菜有泡菜雲耳和蓮藕。泡菜辣度適中, 雲耳食落開胃和蓮藕食落爽脆。石鍋魷魚拌飯份量十足, 有魷魚, 蛋、波菜、翠玉瓜和磨菇。魷魚彈牙鮮甜, 蛋煎得香滑、波菜、翠玉瓜和磨菇食落爽口, 飯食落軟綿, 配上特製醬汁, 整個石鍋魷魚拌飯食落熱辣辣, 口感豐富滿足；炸雞共有6件, 炸得金黃香脆, 而且炸雞冇骨, 肉質鮮嫩, 食落啖啖肉, 口感惹味；水冷面配烤牛肉水冷面食落爽口開胃, 烤牛肉肉質醒胃；最後熱茶茶味香濃。餐廳座位舒適, 食物美味份量十足, 我和太太食了一頓豐富午餐。

今次推介俾大家既係無懼增磅，都一定要食既燒肉🥰，點解小編會去食依間烤肉店？ 因為小編媽媽👩🏻‍🦱當日食過午餐，大讚餐廳質素，話一定要一家四口👨‍👩‍👧‍👦一齊黎食多次晚餐，再試真D喎，小編試完之後，都真心推介俾大家呀！👍🏻🥩 馬場洞尊貴烤肉套餐 （價錢： $888）烤肉評分： 4.5/5鍋物評分： 3.8/5VIP套餐包括一碟烤肉拼盤、蔬菜籃🥬、及韓式麵條。烤肉拼盤總共有4款牛，包括韓牛西冷、韓牛後腰肉、菲力牛排、牛裡脊肉，全部都係牛🐃，岩曬食肉獸🤩，每款牛既牛味都好重，但咁多款牛入面，小編最～推介大家叫「韓牛後腰肉」，認住圖2、3，真係超～好食😋，眼看無乜雪花，但入口散發出濃烈既牛味同油香味，係成碟牛既必食推介👍🏻👍🏻👍🏻👍🏻👍🏻。餐廳比較特別既係，每張枱都有2個爐頭，可以一邊韓燒🔥，一邊食鍋物，套餐包埋既鍋物，有一盆滿滿既蔬菜籃🧺、4️⃣隻韓式餃子、及韓式麵條（應該即係烏冬）可以放進湯煮，味道中規中矩，但較失色既係烏冬比較淋身，所以放落湯煮一陣就要即刻拎起進食啦。想試唔同牛部分既朋友仔，不妨可以試下依個套餐，同埋4個人都一定夠食，因為d韓牛油分比較重，所以都好快覺得飽，下次小編再去食，

已經忘記光顧這店多少次了, 不過能令我經常光顧的, 必有其可取之處。午餐精選 $92 + 10%1) 前菜: 泡菜及馬蹄糕2) 風味牛排骨肉湯配飯3) 餐飲: 七喜仿佛每次光顧, 前菜其中一款必有泡菜, 這裡的泡菜味道自然, 不造作, 不嗆喉, 合我口味。而另一款前菜, 是次提供了馬蹄糕。馬蹄糕本身無味, 入口充滿海帶和麻油香, 質感似大菜糕但沒有爽口的感覺, 首次品嚐, 感覺特別。風味牛排骨肉湯配飯, 牛排骨份量多, 味道濃郁, 啖啖肉, 喜歡吃肉的朋友定必喜歡。湯底清甜爽口, 伴有葱和紅棗, 感覺養生。餐飲可選熱茶或汽水, 這裡的汽水以罐裝供應, 客人可帶走慢慢品嚐, 不用於享用完湯品後再灌水, 令湯品齒頰留香的感覺留長, 這亦是我欣賞的其中一個地方。

第一次來吃， 沒有吃燒肉，簡簡單單的食石鍋料理。 只是一般般，連泡菜是港式口味。吃不到那種 韓食的感覺 。也絕不是難吃，只是 覺得有些 foodcourt內的 韓式快餐也做到差不多，或更好的水準。

新城市三期呢邊裝修完之後，開咗好多間食肆，今晚就黎到呢到食韓燒。大慨夜晚7點左右，門口已經好多人等緊位，等咗半個鐘多啲終於入到。職員服務態度好好，一舉手就有人黎serve，環境都好乾淨企理。首先會有5小碟，好大碟，仲可以refill。今日就試咗個豬+牛二人set，份量都多，如果三個女仔食都應該啱啱好。豬肉出色，啲牛都唔錯。最好係佢黎到檯面，唔會見到有雪霜，係真係解好凍先拎出黎，值得一讚。

疫情關係冇得去旅行所以要捐窿捐罅搵一啲最貼近當地嘅高質嘅餐廳解一解鄉愁，呢間餐廳經過好多次，每次都見到好多人排隊所以今次行完街之後過嚟試吓🤩 等咗差唔多45分鐘之後，終於到我哋喇⋯⋯我哋叫咗個牛骨湯同埋個土豆排骨鍋，兩個鍋都好有韓國本土味，一坐底已經上前菜擺喺度雖然唔係特別好味，但係有韓國嘅feel嘅！講一講個土豆排骨，佢煮得好林同埋個湯底送飯一流，另外個牛湯就好入味食完之後暖粒粒好正！下次如果唔使排隊排咁耐都可以再encore