馬場洞烤肉專門店 (新城市廣場三期) (已結業)

好似有一段時間無食韓國🇰🇷烤肉，去過釜山返嚟真係無乜邊間特別有風味，沙田新城市廣場新開呢間，裝修比較高檔路線，擔心口味唔夠貼地，不過款款食材都高質好有水準，味道更估唔到咁有驚喜😳，蔬菜🥬同前菜小食仲無限添加，實在夠試意😌———————————————————————————🥢海鮮蔥煎餅💬好大份好多料好又蔥，又厚又脆又香口，勁豐富，實在相當抵食喎😋.🥢水冷麵🍜💬夠冰冷，麵質爽滑，絕對可以中和一下油膩感，酸酸甜甜幾好味😌.🥢韓牛西冷🐮💬人人都話韓牛高質，的確係無呃人，雪花❄️滿佈，肉質鮮美多汁，牛味十足，仲配埋菠蘿🍍燒，滿足到呢🤤.🥢厚切五花腩🐽💬同樣，一份有兩條粉嫩色嘅五花腩，燒出嚟嘅色澤相當吸引，極有燒肉嘅效果，夾埋生菜🥬同蒜片伴食，勁正🤤

這間餐廳位於沙田市廣場，人流好多，不過位置就喺小巷處，平日星期五晚上，用Apps攞位都等咗大半個鐘，環境都舒適，一坐低就拎上幾碟韓式前菜來，而前菜係可以再叫人無限添加的，有泡菜，有沙律菜，有青瓜。這裏主打韓式燒肉，眼見每一檯客都有order燒肉的，而燒肉亦有幾種套餐選擇，方便有選擇困難症的我們，也試了馬場洞脊骨土豆鍋，這個鍋接近$300 ，但係份量絕對夠四個人食，味道好好，而且係一路滾着的，所以絕對夠熱，這款好值得推介。其他食品例如炸雞，韓式煎蛋飯我就覺得一般了。不過這裏的員工都算唔錯，知道我們有人被個熱窩燙傷，立即取燙火膏給予我們，而且之後也有再走來慰問一下。

之前嗌過外賣，幾好食，諗住今次親身去堂食，點知伏到嘔☺️因為真係特登去食，所以去等開門，咁我地就第一個入到去，咁夠幾分鐘就嗌咗野食，嗌咗個#牛骨湯飯 ，#醬油蟹 同埋#海鮮蔥煎餅 ，等咗15分鐘，隔離左右都有齊野食我地都未有，咁我地就吹吹佢地，大約5分鐘後就黎咗個#牛骨湯飯，過咗大約5分鐘，就有人同我地講#醬油蟹 未解凍serve唔到，OK唔緊要，呢個我算，然後佢再講個海鮮煎餅都未解凍，有冇搞錯🤬個刻真係想同粗口鬧佢，不過無，喂，你唔係expect人地入黎淨係食lunch set嘛，咩都未ready就開鋪，嗌既時候又唔講，好似咩都唔知咁，係吹完仲要等你先同我講，之後佢話可以免費比我地食，lunch hour黎㗎大佬，你唔係要我再嗌再等呀嘛，我地就咁起身走咗，最pk既係佢地無再道歉，連少少歉意都無🙄🙄🙄但無可否認野食係幾好食，但係服務態度就真心差😡

我常常午餐都去，食物性價比高，但職員態度欠佳，今天帶位因外賣單不帶人入座，內裡很多位但都要客人在外等，他解釋因有很多外賣單，這個都不是問題，最大問題是態度非常差。

一星期一次的放縱日又到，今日想食韓國菜，就想起Issac Toast旁邊有一間韓式烤肉店，好像頗有名氣，於是前來試試。大概是因為星期五跟限聚令放寬吧！商場人頭湧湧，幾乎每間餐廳都出現人潮，這家也不例外，門口聚集不少食客輪候，即使前往商場途中已網上拿票，最後也等了差不多1個半小時，大約9時左右才能入座，很誇張呢！聽餐廳職員說是因為要符合社交距離政策，所以座位經整理合併後，檯的數量少了，輪候時間也自然長了，不過兩人能坐四人檯，確實更舒適。坐下後職員送上四小碟前菜，分別有泡菜、芽菜、沙律菜和朱古力薯蓉。個人對前菜一向沒很大期望，而這個陣容確是不太吸引。吃了點泡菜，泡菜微辣，味道偏鹹，麻麻；薯蓉上淋上朱古力醬，從沒想過這種配搭，但吃起來味道其實還好，因為朱古力醬令薯蓉的薯味更突出，如果單吃薯蓉，反而沒什麼味道。不久後1＋韓牛西冷、特級霜降牛肉和石鍋牛肉拌飯就陸續送上。1＋韓牛西冷肉質軟腍，但油花不多，稍欠油香，所以口感不夠滑溜；反而牛味會更令人驚喜；第一次食韓牛，對這個僅次於1＋＋級數的韓牛，自然會有期待。 無疑它是比平常的西冷更軟腍和多了一點油香，但如果就高級韓牛來說，這個1＋在肉質和牛味上

過江龍餐廳通常都好受歡迎, 呢間嚟自韓國嘅馬場洞都不出所料, 好多人lunch嚟朝聖!雖然用app預先拎位, 去到都要等20分鐘先入座, 照舊有侍應即時送上前菜.我今餐揀咗牛肉牛骨濃湯配飯, 個湯一嚟到仍然係沸騰狀態, 好想試一啖! 湯裡面仲有一束麵, 不過感覺多餘. 個湯飲落無乜牛味, 束麵亦都唔配襯湯底. 但牛肉份量都算多, 有大概10-11塊, 肉質偏瘦, 健康之選.兩位同蓆嘅朋友點咗風味牛排骨肉湯配飯, 賣相吸引, 佢哋都異口同聲話好好味, 有成七大舊排骨, 食唔哂. 其實之前都嚟呢間店食過兩次韓式牛肉嘅午餐, 覺得足料牛嫩抵食! 但今次試新嘢試咗食牛骨濃湯呢個餐, 喺過江龍店嚟講, 略為令人失望喔. 咁當然梗係食韓燒烤肉先係最遠近馳名啦

由一開始等位已經非常混亂 負責帶位叫no. 既服務員完全經驗不足 明明餐廳入面已經汁好哂枱 竟然用人手不足所以唔安排入座為理由 成件事係非常惡劣 經過今次呢個非常差既體驗唔會再食！！！

沙田新城市嘅韓國餐廳少之又少，今日午餐就嚟試吓呢一間開咗幾個月嘅韓國餐廳，平時星期六日都幾多人等位，估唔到平日兩點幾都仲要等位。午餐精選分咗三個價位我哋兩個人叫咗石鍋牛肉拌飯同埋一份炸雞一坐低就放咗幾點前菜 味道正正常常，不過不失石鍋牛肉拌飯 熱辣辣 份量又好大碟 超多飯 兩個人都食唔晒 一小碟辣醬唔夠多 我哋再問店員拎多一碟 另外叫咗一份韓式炸雞，蒜香醬油味總共有六件，雞肉好嫩滑，醬汁好多好夠味！好Juicy😛😛😋😋食食吓發現餐紙只係隔離店舖Isaac Toast嘅，所以應該係同一個集團經營😂總括一下，餐廳食物質素有保證，價錢都唔算太貴，附近冇咩韓國餐廳，所以如果想食韓國嘢都係一個好選擇😗😗

(評論食物前想先交代小故事比大家參考)重點係 無！冷！氣！莫講係入面食韓燒 食韓式滾住的湯品/辣野已經食到流晒汗 好似大排檔咁問侍應冷氣可否開大啲侍應表示商場進行優化工程冷氣系統會有啲問題 希望客人體諒但呢番說話絕對應該係客人拎籌既時候講聲講明入面冷氣有問題 等客人決定究竟仲等唔等 食唔食而唔係我排左40分鐘入去坐底先講又或者可加設風扇/座地冷風機比客人用餐炎炎夏日出面30度 呢個價位食個飯要食到成身都係汗究竟值唔值得呢?除左我地食到一頭汗聽到隔離枱既客人都討論緊冇冷氣早知唔等 早知唔入黎食等左咁耐入黎先知冇冷氣唔食又浪費左時間 適逢週末 去第二間又要排過彷如一個騙局咁------------------------------今日決定試下 等左40分鐘就有位其實餐廳門口等位已經無冷氣不過無諗過餐廳裡面都無冷氣行入去已經心知不妙 但等左咁耐唯有照食每枱都有既三碟前菜 食完可要求refill的(酸甜海帶/韓式泡菜/炸麵包粒)三款味道都不過不失 牛肉湯配飯 (HKD 82)牛肉調左味燒好先放入湯滾好濃的黑椒味 甜甜地 份量都算多海鮮辣豆腐湯烏冬 (HKD 82)有金菇 蜆 青口(2隻) 蝦

呢間之前食過次韓燒已經覺得好高質!!真係有種係韓國食緊既感覺🤤🇰🇷🥩今次試埋Lunch Set睇下係咪一樣咁掂先😆💕估唔到都幾旺場 要拎飛等位 可見應該都有返咁上下質素！🤓Lunch Set總共有11款選擇✨(石鍋拌飯、人參雞湯、海鮮湯麵等⋯)價錢$74-$148加一，有三款前菜同汽水跟配🧚🏻‍♀️韓式炸雞 (原味/6件) $74 (7.5/10)有三款口味選擇👉🏻原味/甜辣/蒜香醬油💕炸雞即叫即炸 熱辣辣🔥外皮脆卜卜 肉質鮮嫩juicy！完全唔會乾柴🤤點埋個蜂蜜芥末醬食 好正好幸福呀😍🍯下次試埋其餘兩款口味先😆烤牛肉配飯 $83 (8/10)牛肉份量超多 食極都有！而且仲好入味！鹹鹹甜甜送飯好好味 肉質亦唔會太鞋太韌😝湯汁飲落十分清甜 真係有韓式湯既感覺！仲有金菇、洋蔥、韭菜、韓式粉絲，十分豐富💕配埋熱辣辣軟熟既白飯食真係好滿足 (๑´ڡ`๑)整體質素唔錯😚❣️而且份量都幾多！絕對會encore🤩假期想食餐豐富啲既lunch可以試下呢間😆BTW如果餐飲有多啲選擇/可以加錢轉特飲就好！(我唔鍾意飲汽水🤣)

今日去食晚飯，成個食物體驗都好差。由等位開始，明明執好晒幾張枱，都唔叫你入去，製造其門如市嘅效果。入到去明明係五位，佢set 四位, 要叫5分鐘才替你擺多個位。枱面嗰醬架，揭開係空嘅，都唔緊要，但叫佢換俾你，要等10分鐘。枱面又冇豉油，因為醬油嘅質素係韓烤都好重要，但係到你啲食物嚟到先至唔知點解要比三位醬油你，再追問佢攞俾其他人，跟住就話啲碟洗唔切，比埋個壺你自己倒, 但個壺係差唔多已經用完嘅豉油，即係又係冇嘅。嗰碟Kimchee, 淡到冇朋友...當你揚手叫佢，五個侍應先後望住你，但都唔過嚟，最後要忍唔住行出去叫佢哋攞返啲嘢俾我。叫咗佢哋個VIP 套歺，因為成日要叫佢加番啲器具俾我，搞到成餐飯都唔可以享受到啲食物，等到佢拎啲嘢嚟俾我，啲肉已經凍哂。個餐有一個鍋烏冬，又係要我叫才有碗比我哋食。唔可以用服務差黎形容，係根本冇服務。其實如果人手唔夠，又何必要做咁多生意呢？仲有，佢鍋烏冬勁多味精，我食完返嚟係好口渴。最後埋單，又無端端加咗一樣你冇叫過嘅嘢落去，所以真係要小心check單。真係要寫返出嚟唔好俾佢害人。根本冇心做。成餐飯食咗$1300 ，但係零service.

食過乾式熟成好多次，今次係第一次食濕式熟成，原來咁處理D肉係勁Juicy同勁嫩滑㗎！今日先試個「2人精選牛肉套餐」$520菲力牛扒、封門柳、特級霜降牛配韓式生拌牛肉。🐂三款牛肉口感同味道都好有水準，真正腍滑多汁。最鐘意封門柳（牛隔肌）肉味較濃又有嚼勁🥰。菲力牛扒就入口軟嫩肉質好滑。特級霜降牛油花分佈均勻細密 充滿油脂甘香。啲牛肉質數好，燒好就簡簡單單點少少岩鹽已經好好味😋！肉汁豐富又唔油膩，感覺係超正囉。呢度嘅韓式前菜小食，泡菜、芽菜、沙律菜、通粉同炸麵包粒，好特別😊泡菜口感爽脆又唔會太辣， 沙律菜入面加左啲酸酸甜甜仲有少少辣既醬汁，開胃又醒胃👍。叫多個小食，見到佢勁邪惡忍唔住要試一試😍～韓式煎雞蛋卷，勁多芝士🧀入面有塊大大件嘅脆薯餅 ，仲有火腿 、蛋味濃郁嘅蛋餅，加埋蕃茄醬同芥末醬 不只👀賣相超級吸引，口感極豐富，味道真係🤤唔差架！

話說前日陪同frds去隔離既三明治店先見到呢間新開張既韓餐廳。外帶有九折，免收加一，抵過堂食好多～買返屋企食更安心。其實今日想試既係脊骨土豆湯⋯餐牌價要2xx，午市套餐只需72？？誰知賣晒⋯所以叫左烤牛肉套餐。雖然叫做烤牛肉，但其實係烤牛肉湯鍋，湯汁非常多。拎返屋企仍然非常燙。配料有洋蔥，青蔥，韭菜，胡蘿蔔，粉絲，唔知有無水梨⋯牛肉給的亦慷慨，有五、六大片，唔係碎，係卷埋一齊既大大片呀！牛肉同湯底調味非常夾，係甜鮮味調，特別有韓式湯既感覺總之好味到一向唔鍾意飲湯既我將成大碗湯全部飲晒⋯不過上菜速度又非常之慢，足足等左半個鐘先黎。同埋未提供筷子，唔太方便。下次應當落單先，四周行一行再返黎攞

🥢前菜小碟 ~ 甜泡菜🥬、蟹柳沙律🥗、辣青豆、炸麵包🍞粒🥢1+韓牛西冷🥩 ~ 放入鍋內烤，以百度高溫燒它的頂部與底部以鎖緊肉汁，最後牛肉放置一段時間，來增加肉質的嫩度。🥢人蔘鷄🐔湯 ~ 雞肉內有一整條新鮮人參，及釀了糯米、紅棗、粟子。雞湯清甜，雞肉嫩滑。🥢海鮮湯麵🥘 ~ 海鮮湯麵是大連著名風味主食，以手擀寬麵條配以大蝦🍤、花枝蛤蠣等烹製的湯而成。其特點是麵條筋道🍜，湯鮮味美，回味悠長。　🥢兒童餐👧🏻 ~ 炸薯餅、漢堡扒、炒蛋🥚、肉醬意粉🍝

新城市食店林立但人真係太多間間食店都要排呢間都係例排之一過曬午飯時間都仲有人等位新城市好少有既韓食店所以都會吸引到人去試佢個set lunch 即使周末都係個個價大大兜土豆豬骨湯都係賣74仲想點仲要包埋野飲前菜同飯比你食係抵既雖然個湯鹹左d但料超級足，湯頭味精勁所以好飲 個日仲叫左個唔係set lunch 既豬肉泡菜湯咁既我見你寫得豬肉係泡菜之前都會以為佢係豬多過泡菜因為出面多數係寫泡菜豆腐湯，中間有少少豬肉咁我又會明要expect d咩但係呢個就真係少豬肉，其實佢都用腩肉算幾好，可惜都唔係多，豆腐就真係好多粒喇個湯比起土豆個個清d,都幾多菜係入面但最奇怪係唔跟飯我食過咁多間都無唔跟飯但佢話佢地無飯跟既🤷🏻‍♀️無既！咁唯有食多d前菜啦！讚完就黎彈喇先講佢地d飯食左都有10次8次每一次都係估佢唔到既有時比凍飯你（換極都係凍既）有時比硬飯你有時比仲有d生骨既飯你次次都唔同好奇煮飯個位係咪日日唔同人？！前菜都係次次唔同次次唔同唔係講緊次次都唔同款小菜係次次都唔同碟數😆有次母親節去食得2碟今次去食就有3碟其實剛開業時都係得2碟之後就開始變奏出前菜令人每一次去都會有「驚喜」要讚下佢地個泡菜先唔會