馬祖 (海之戀商場)

營業中

休息中

又黎左荃灣買野，順便食個下午茶先，見馬祖個藥膳湯幾吸引，就入左黎試試。餐廳晚上做火鍋放題，所以午市餐牌到三點半就截單，想食就早少少入座了。好肚餓，一坐低即刻點左藥膳古早牛肉湯飯+麻辣白菜豬肉餃。一點就上菜好明顯係煮定好嘅，但個藥膳湯仲幾熱喎，湯底濃郁香噴噴。牛腩炆得軟腍入味，帶少許脂肪位有牛油嘅甘香，好味。蘿蔔鮮甜無渣，好正。可以揀配米粉米線等，但是日想食飯，藥膳湯撈飯都唔知幾正，飯連湯一滴都無淨，完全食哂。白菜餃有五隻，都幾大隻吖。麻辣汁對胃，少少麻少少辣，餃子皮厚肉鮮，是我喜歡的類型，好食。食晒兩樣啱啱好，飽飽了去買野啦～

今個週末同天氣先生來到荃灣新商場-海之戀覓食。一踏入餐廳，果陣濃濃藥膳味即刻上腦，正！😆我地叫左兩個麵，湯底都好香好濃，入面除左雞滑，仲有足料既木耳、紅棗、杞子，醉雞湯底隻酒味更加係將湯汁昇華，卻做到不太油膩，藥饍愛好者真係要黎試下。飲品就正正常常啦，每人$60幾蚊埋到單真係好抵食。😎見咁好味即刻openrice，原來佢仲有另外兩間分店👍🏻 評價都唔錯呢👍🏻👍🏻佢宜家下午做緊set lunch，晚上轉做藥膳湯底打邊爐，有機會一定再黎試埋個邊爐😋仲有值得一讚既係因入座時有一級仔要落，每個員工都好nice，好有禮貌提醒客人小心，我都真係差點未食野就趴係到呢😂😂食飽飽出到餐廳多左好多人等位，好彩早到一步😛我食4號轉新竹米粉，天氣先生食14號～

［荃灣］馬祖台灣養生湯麵館.蟲草花藥膳農場雞新竹米粉食剩指數 0/100藥膳湯藥材味唔會難聞蟲草花紅棗桂圓既味好香雞肉件數算多食落都幾滑雞胸都唔會話好柴佢仲俾埋碗你放骨新竹米粉好吸湯浸耐都唔會腍~.藥膳蕃茄湯農場雞米線食剩指數 0/100雞肉同藥膳雞一樣係好滑湯底個蕃茄味都幾香唔會好酸加左藥膳湯又出奇地夾食落甜甜地咁配米線唔錯.藥膳上湯墨魚春卷食剩指數 5/100墨魚春卷咬落去好重墨魚味食落唔會一舊粉唔算好彈牙但都ok最驚喜係個湯底原本諗住小食啲湯係普通點知係好香濃既藥膳湯底好多紅棗桂圓果啲所以好甜差啲飲哂個湯😂.愛文芒果茉莉花茶/蜂蜜茉莉花茶食剩指數 0/100芒果味幾香味道偏甜少少蜂蜜就比較清新跟餐8$來講都算ok

呢間養生米線，已經想食好耐，但每次行過都好多人排隊。今日星期日瞓晏咗，提早食我個早午餐，未夠12點去到，大約等左10分鐘就有得食。餐牌上有唔同嘅選擇，以各式各樣養生藥膳湯底為主，感覺好健康。我揀咗「藥膳古早牛肉湯米線」🐂加$28 配咗個上湯白菜豬肉餃🥟。牛肉米線湯底呈深歇色，湯頭甘醇濃厚，牛柳肉大大件，焾滑入味，米線吸收咗湯頭嘅鮮甜，滋味讓人難忘🤤。豬肉餃🥟應該係自己包嘅，八成瘦肉兩成肥肉，健康好味😋。朋友就叫咗「蟲草花藥膳農場雞米線」🐓加$19配個上湯時蔬🥬，碗米線好大碗，一上枱，聞到濃厚的藥膳香，配料有紅棗、木耳、桂圓等等，仲有好多蟲草花，相當足料。飲啖湯先，湯底好鮮甜，應該有北芪黨參喺入面，雞肉亦好鮮味嫩滑，唔怪得知咁多人排隊啦👍。店舖好大間，但上菜好快，呢餐食得好滿足，藥膳米線加小食再加飲品，冇加一，每人平均$94.5，非常抵食🤩。食完午飯，行去激安之殿堂Shopping🛍。

今天下午去咗海之戀商場嘅台灣馬祖養生汤面吃午飯。呢間鋪主打養生，藥膳，抗疫時刻一定係選擇佢。朋友點了一个香辣養生湯墨魚春卷拼白菜豬肉餃米線配蜂蜜綠茶。喝蜂蜜綠茶我第一次喝到蜂蜜的味道，同我以前喝的蜂蜜綠茶完全不一樣，感覺新鮮。米線一上枱，好香嘅藥材味道撲鼻而來，即刻飲一啖湯，雖然是加入香辣元素，但仍然飲得出果股藥材嘅味道，可能有人覺得藥材味好難聞，但呢度絕對唔係，係藥材清香。朋友都忍唔住口飲左半碗湯。係呢個抗疫時刻飲返啖養生湯好重要。墨魚春卷同白菜餃吸收左湯汁精華，咬落去充滿藥材清香。男女老幼都啱食。而我點了藥膳古早牛肉湯手工面配愛文芒果綠茶。牛肉麵一端上来,浓浓的牛肉湯味道迎面而來。牛肉size每一舊都一樣，望住碗面，令我諗起係台灣食牛肉麵的日子，急不及待的我飲啖湯先，湯底甜而不膩，令人忍唔住就飲左一半湯，牛肉一啖咬落去，入口即溶，就算帶腱嘅牛肉都好淋，朋友望到我舊牛肉咁好食即刻夾左舊嚟食，食完都係話好腍呀！再嚟食下個手工面先，很彈，很有咬口，甜嘅牛肉配上Q彈嘅手工面，兩種口感一次滿足晒我。飲啖愛文芒果綠茶先，愛文芒果出名清甜，配上綠茶果香加上綠茶清香，好爽呀！呢兩碗面份量好足，湯又

其實一般好少去荃灣海之戀商場但係嗰日去探姑媽所以經過。首先喺荃灣西地鐵站上嚟都唔夠兩分鐘就直達這間餐廳。同姑媽好耐冇見大家都有感覺。姑媽同我比較喜歡嘅就係香辣養生白菜豬肉餃米線。我喜歡佢因為裏邊湯底有龍眼肉幾次紅棗木耳。對女仔週期性保養唔錯。加上自己比較喜歡食嘢,養生而且對身體唔錯。食完之後覺得皮膚紅蔔蔔非常紅潤。這款湯特別之處係對身體有滋補成分。尤其是而家每個女仔都想增加抵抗力。這款湯真係好啱我。😊😊

來到復活節假期的最後一天， 當然要把握機會出來散散心， 喜歡到海濱公園的我 ， 今次選擇咗荃灣海之戀， 可以欣賞日落景色和青馬大橋， 最重要係非常方便西鐵站一出就到， 睇完日落可以順便就商場係個豐富晚餐。網上好多人推介，馬祖台灣養生湯麵館， 海之戀分店提供日式火鍋放題😍😍😍， 我哋揀咗198蚊 Prime grade 肩胛肉眼放題套餐😋😋。主打任食prime grade肩胛肉眼🐮🐂+ 西班牙無激素豬肉片🐷🐖。自助區堂食任夾任取， 提供大量新鮮蔬菜🥗🍅🌽🍆🍄🥕🥒🌶🥔、 火鍋配料🍢🍥🐟、飲品 🍹🍵、 雪糕🍨🍧🍦、 醬料。餐廳提供每位一個火鍋， 乾淨衛生食得安心😉😉。我哋分別揀咗 ：藥膳田園蕃茄濃湯🍅+藥膳花雕醉雞湯🐣雖然話係藥膳湯底，但係個藥材味都唔會太濃， 淡淡地大家都接受到😊。真心覺得有啲驚喜， 中價套餐的肉類質素都唔錯， 牛肉油花算均勻， 入口鬆化滑身， 肉味唔算好濃但係都幾好食😋😋， 整體嚟講呢個價錢算係超值😚😚😚。西班牙豬肉片， 灼熟之後夠爽脆， 而且肉味都幾好。 兩款肉片都有一定嘅厚度， 灼熟咗之後都係完整一片片❤🤗🤗。 唔會好似某啲火鍋店， 切得太薄灼完之後碎曬。蔬菜配料有

尼到荃灣新商場食lunch,衣間餐廳晚市做打邊爐，午市就有藥膳湯底lunch set, 有農場雞/牛肉/花枝丸等等既餸揀，可以配麵同飯，或者新竹米粉或者台式拉麵，唔鐘意藥膳湯底既可以揀蕃茄湯底。我叫左藥膳麻油雞湯新竹米粉，份量超級多！係二人份量既米粉，岩晒大胃王！湯底麻油味重，反而藥膳味唔太出，不過好足料，好多紅棗。雞肉份量都好足，而且係雞肶位，好滑！豬先生叫左藥膳蕃茄農場雞配白飯，蕃茄味好濃，冇乜藥膳味，雞既份量亦好足最後係上湯浸時蔬，好濃紅棗味

最近難得外出晚飯，便選了這間台式一人一鍋餐廳。它提供多款湯底，我們分別選了沙茶鍋和壽喜燒湯底的$198 Prime Grade牛肩胛肉套餐。除了豬肉和牛肉外，其他丸類和蔬菜都是自助形式的。店員都會提醒食客拿食物時要帶上口罩，店內也有提供酒精搓手液及紙袋，相當衛生。沙茶湯微辣惹味，配肉類很夾。牛肉入口嫩滑，牛味香濃。另外台式小食如甜不辣、墨汁香腸和貢丸也是不錯的選擇。甜品選擇也有不少，而且是獨立包裝，乾淨衛生。

中午大約兩點的時候發現很多人在排隊，心想這麼早就打邊爐？原來午餐的時候會推出養生湯麵粉。最平$56，算是海之戀商場最平的食物之一。.入去之前職員會幫我們量體溫，座位之間會隔着一塊板，更加衛生。.8號-藥膳桃膠農場雞新竹米粉 $581號- 藥膳養生湯農場雞米線 $56藥膳湯很補很香，不會太草本的味道，又鹹鹹地又很適合做粉面湯底。不時都會食到有滋補材料，包括紅棗、枸杞、木耳等等，1號及8號之間的差別就是多了桃膠。份量十分多，就如我吃這碗米線而言，米線的份量是平時的兩到三倍，基本上兩個人吃一碗都夠。我們幾個人努力食但都剩下很多面。.雞件都是選用雞髀位啖啖肉，而且單價有雞香味，相信真的是用了農場雞。.加$6就有熱飲，愛文芒果茉莉花茶有很清香的芒果味，不錯。另外還有台式罐裝飲品。.另外也叫了一些小食，花枝丸、墨魚春卷每款有六粒，真材實料喎食到有墨魚粒。上湯浸時蔬就$19。而且是用藥膳上湯，如果不太餓叫一個小食都夠又可以飲到湯。

之前有人吃火鍋出事，人人對打邊爐怕得不要不要的。不過這家的防疫設施超嚴格！在門口除了有體溫計跟酒精消毒液，還有免費的口罩信封之外，位與位之間還有達２米高的隔板，外出拿食物要戴上口罩，而且還一人一鍋，確保把交叉感染的機會減到最低！看，隔得很好吧？美國極黑和牛肩脊肉＄３０８，以美國和牛任吃來說，一點也不貴燒汁的甜，日本酸汁的解膩，還有我最愛的指天椒跟蒜頭，實在每一款都簡單好吃。外面任拿的東西不少，以丸跟腸，雞脾跟普通中式牛肉為主，好在於他們有提供台式的米血糕跟墨汁腸，波霸貢丸等台式食物，滿特別的，外間吃不到。有跟麻辣湯超配的萵荀，超健康的羽衣甘藍，鮮味水份十足的番茄，生菜跟油麥菜也不俗，對於我這種愛健康的人來說這邊是寶庫！７３％的濃可可，感覺有點甜，不似是７３％那麼多，不過可可味也比坊間的濃，好喝！湯底也是一人一鍋，而且被安排坐斜對角～麻辣鍋即使中辣也不算很辣，可以接受當中最好吃的當然是美國極黑和牛，雖然比較薄但油花很平均，入口即溶！而牛肩胛肉眼也意外地很好吃！比前者厚一點，肉味更香濃無激素豬則是比較軟稔，不錯不錯～大家記得要平衡一下油脂，多吃一點菜啊！他們的菜絕不馬虎，是好吃的～最後吃Ｍ

今日難得同老公出街真係好想打邊爐海之戀隨手入左間台灣風味丫...太掛住喇...湯底夠濃..牛肉豬肉都好好食...疫情下佢地保找衛生程度非常好出去拎野都要帶口罩我贊成架加上一人一爐..好安全咁食...雪糕櫃仲任食M牌雪糕...每人$198抵抵抵

原來荃灣開咗個新商場，入面有donki，本身專登過嚟去八月堂買牛角包買完之後媽咪就話今晚唔煮飯咁我再同朋友睇吓食咩估唔到對面間火鍋店起嘅時候仲咁多人食價錢雖然唔算平，但係衛生又做得幾足起門口已經要揀咗邊個套餐同埋鍋底同埋要show俾佢睇係咪有帶緊手帶配料用自助形式，但店員要求取食物是要帶返口罩，起依時勢都叫做幾衛生講返個鍋底先一共有9款，我同朋友就試咗椰子雞、而我就試咗養生鍋底椰子係幾香，但係食落就會覺得開始有少少膩而我揀左養生鍋底好滋補，重要愈食愈香配料一啲都唔hea，仲有羽衣甘藍、台灣飛魚腸、芝士竹輪、八吋長蟹柳⋯依個回本正野肉類豐儉由人，因為最近糧尾，所以我哋揀咗$198套餐但我覺得牛肉已經非常之高質，完全對得住呢個價錢豬肉就比較厚身，所以我哋食完兩碟之後就冇再加了。飲品又凍同熱之分，種類亦都非常之多另外雪糕亦是回本之選，用上大品牌movenpick, Dreyers, 就算幾飽我都食咗兩杯！

自從海之戀商場開左之後，我呢個新界人就多左去荃灣行街。今日就同埋屋企人去馬祖台灣養生湯麵館打邊爐，晚市提供四款套餐，成人價錢由$178至$308不等，豐儉由人。一向都非常鍾意食一人一鍋，因為唔洗遷就其他人嘅口味，可以選擇自己鍾意嘅湯底同配料。餐廳提供九款湯底，有辣又唔辣，有常見嘅壽喜燒、蕃茄湯，亦有少見既藥膳椰子清雞湯。我同屋企人揀左Prime Grade牛肩胛肉放題套餐($198)，可以任食牛肩胛肉、西班牙豬肉片、台灣沙茶牛肉、雞腿肉同深海魚柳。藥膳椰子清雞湯呢個湯有勁濃郁嘅椰子香味，就算之後加咗湯水，都唔會淡茂茂，個湯用黎淥烏冬真係一流。雖然係藥膳湯，但係完全唔會有藥材苦味，反而幾清甜。藥膳蕃茄湯香濃嘅蕃茄湯，酸酸地幾開胃。牛肩胛肉肉味重，唔會太多脂肪，食落去既肉質比想像中優質。而雞腿肉嫩滑而且好厚肉，食落去啖啖肉。深海魚柳新鮮，肉質爽滑。以上全部都係任叫任食，而且每一碟嘅份量都唔少，我地食左豬牛各兩碟已經開始飽了。仲有唔少台式嘅食材，例如墨汁香腸、米血糕、台中福戍貢丸等等，當中仲有我最愛嘅芝士竹輪，熱辣辣既芝士加埋獅子狗真係好好味。另外仲有大量唔同品牌嘅飲品同甜品可以選擇。

馬祖嘅藥膳雞湯令人印象非常深刻，知道佢喺荃灣開分店已經好開心，更驚喜嘅係新店以火鍋做主打，相信佢香濃嘅藥膳湯底用嚟打邊爐一定冇得輸。一人一鍋嘅概念喺呢個抗疫時期大派用場，店員會先喺門口為客人探熱，要求客人消毒雙手，並提供紙袋放口罩，令人感到安心。湯底有九款選擇，我同先生揀咗藥膳養生清雞湯同藥膳蟲草花桃膠雞湯，兩者味道相近，同樣足料，湯底非常香濃。個半鐘嘅火鍋放題以肉類嘅質素區分價錢，我哋揀咗價錢中上嘅美國SRF極黑和牛肩脊肉放題，除咗可以任食和牛肩脊，仲有西班牙黑毛豬，兩者質素都唔錯。和牛肩脊油花均勻，而且切得夠薄，煮十秒左右就可以享用，入口非常鬆化。黑毛豬半肥瘦，質感爽口，一啲肥膩感都冇，絕對唔輸畀和牛肩脊。除咗和牛同黑毛豬之外，仲可以自取其他食材，餐廳要求客人拎食材嘅時候要戴上口罩，非常細心。食材選擇豐富，擺放整齊，感覺乾淨企理。除咗一啲常見嘅火鍋料之外，亦有唔少具有台灣色彩嘅食材，例如米血糕、墨汁香腸同甜不辣。米血糕口感煙韌，帶有濃濃嘅糯米香，而且細細件，食多兩件都唔怕滯。本來以為只係普通嘅獅子狗，一咬落去先知原來係芝士竹輪，非常驚喜。除咗食材選擇多之外，飲品選擇亦非常多，除咗凍